DABS Nangarhar ننګرهار برښنا

31/08/2026

⚡️په ځیرکتیا د برېښنا کارونې سره، لګښتونه راکم کړئ او د ټولو لپاره د دوامدارې برېښنا برابرولو زمینه برابره کړئ.

30/08/2026

د بهسودو د ۱۸۶م ټرانسفرمر اضافه باري ختمه شوه.

د جلال آباد ښار د اتمې ناحيې اړوند بهسودو ګاومېش بېلې کلي د ۱۸۶م نمبر ټرانسفرمر د اضافه بارۍ ستونزه رفع شوه. د ګاومېش بېلې کلي د پخواني ۴۰۰ کيلوولټ امپير اضافه بار ټرانسفرمر ترڅنګ نوی نصب شوی ۲۰۰ کيلولت امپیر تقويتي ټرانسفرمر د ننګرهار برښنا د رئیس مولوي انورشاه، ورسره مل تخنيکي ټيم او د کلي د سپين ږيرو او مشرانو په حضور کې افتتاح او ګټې اخيستنې ته وسپارل شو. د ياد شوي کلي اوسېدونکي د ټرانسفرمر د اضافه بارۍ له امله د پرله پسې پرچاويو له ستونزې سره مخ وو.

د برښنا رئيس په خپلو خبرو کې وويل، د ولسونو د برښنا اړوند ستونزو ته رسېدنه او ولسونو ته معياري برښنا برابرول د ننګرهار برښنا لومړيتوب دی او له تېر يوه کال راهيسې د جلال آباد ښار په مختلفو برخو کې د يو شمېر ټرانسفرمرونو اضافه باري رفع شوې او د نويو ټرانسفرمرونو په نصبولو سره تقويه شوي. د برښنا رئيس د سيمې له خلکو وغوښتل چې د برښنا شبکې د تجهيزاتو ساتنه او څارنه خپل ملي مسئوليت وبولي او برښنا بلونه پر وخت تحويل کړي. د سيمې خلکو د نوي تقويتي ټرانسفرمر په نصبېدو خوښي وښوده او د ننګرهار برښنا د رهبرۍ او تخنيکي ټيمونو د مننې ترڅنګ يې هغوی ته ستاينلیکونه او پګړۍ ډالۍ کړې.

يکشنبه، د سنبلې ۸مه، ۱۴۰۳

26/08/2026

د ترکي شرکت تخنيکي هيئت له درونټې برښناکوټ څخه ليدنه وکړه.

د افغانستان برښنا شرکت د رهبرۍ په لارښوونه، د ترکي (NKY) شرکت تخنيکي هيئت له درونټې برښناکوټ څخه ليدنه وکړه. ترکي هيئت د درونټې برښناکوټ د بيارغونې په موخه د برښناکوټ د ميخانيک او برښنا تولید برخې نقشې مطالعه کړې، تجهيزات يې له نږدې وکتل او د برښناکوټ د مسئولينو له لوري ورته د برښناکوټ د مخينې، جوړښت، تجهيزاتو، د برښنا توليد د اوسني وضعيت او شته تخنيکي ستونزو په هکله تفصيلي معلومات ورکړل شول.

د ترکي شرکت تخنيکي هيئت د داخلي توليد برښنا په برخه کې درونټې برښناکوټ مهمه او تاريخي دستګاه وبلله او ژمنه یې وکړه چې د برښناکوټ د بيارغونې په موخه به د خپلو مشاهداتو او تخنيکي ارزونو راپور د برښنا شرکت له مرکزي رهبرۍ سره شريک کړي. د يادونې وړ ده چې دوه اوونۍ د روسيې د Power Machines شرکت تخنيکي هيئت هم له درونټې برښناکوټ څخه ليدنه کړې وه او د برښناکوټ د بيارغونې په هکله يې خپل راپور د برښنا شرکت له مرکزي رهبرۍ شره شريک کړی و.

چهارشنبه، د سنبلې ۴مه، ۱۴۰۵

20/08/2026

درنو جلال آباد ښاریانو!

تاسې هم خبر ياست چې د موسمي ورښتونو د کمښت له امله د درونټې برښناکوټ د بند کاسه کې اوبه کمې شوي چې له امله يې د برښناکوټ د برښنا د توليد کچه راټيټه شوې او په پايله کې يې په درونټې ۶ کيلوولټ شبکه کې نوبتي پرچاوۍ هم زياتې شوي. ننګرهار برښنا نهايي هڅه کوي چې اوسمهال په برښناکوټ کې توليد کېدونکې برښنا په مساويانه او عادلانه ډول د درونټې ۶ کيلوولټ شبکې ټولو اړوندو ساحو ته ورسوي. تر هغو چې په برښناکوټ کې د اوبو او د برښنا د توليد د کمښت ستونزه هواريږي، د اضافي پرچاويو په هکله له تاسې درنو ښاریانو د زغم هيله لرو.

درنښت.

20/08/2026

د افغانستان برښنا شرکت د رهبرۍ په ځانګړې لارښوونه، د ننګرهار برښنا او نورستان برښنا ګډ تخنيکي ټيمونه د نورستان په مرکز پارون ښار کې د تېرې مياشتې د ويجاړوونکو سېلابونو له امله د له منځه تللې برښنا شبکې د اساسي بيارغونې په هڅو بوخت دي. د دې تخنيکي هڅو په لړ کې د لسګونه ۲۰ کيلوولټ پايو د بېرته نصبولو او په پايو کې د ABC کيبلونو د غځولو چارې عملاً روانې دي.

17/08/2026

13/08/2026

د جلال آباد د اوومې ناحيې اړوند ساحو او د افغان مېنې فيډر اړوند پېرودونکو د پاملرنې وړ!

درنو پېرودونکو!
لکه څرنګه چې خبر ياست، ننګرهار برښنا د شبکې د اساسي اصلاح د چارو په لړ کې د اوومې ناحيې اړوند افغان مېنې، سرخرود دوسرکې او شاوخوا ساحو کې د برښنا شبکې د اصلاح له پاره د نويو پايو د نصب او لين غځونې چارې ترسره کوي چې له امله يې د ورځې له خوا په دغو ساحو کې برښنا قطع وي. په دغو ساحو کې د روان کار د جريان له امله د ورځنۍ پلاني پرچاوۍ د جبران په موخه هڅه کوو د شپې له لوري د افغان مېنې فيډر اړوند ساحو برښنا تر سهاره قطع نه شي. زموږ هڅه دا ده چې د شبکې د اصلاح روانې چارې ژر تر ژره بشپړې او د پورته يادو شويو ساحو برښنا بېرته عادي حالت ته راوګرځي. ستاسې له زغم نړۍ مننه کوو.
درنښت.

12/08/2026

د روسي شرکت تخنيکي هيئت له درونټې برښناکوټ څخه ليدنه وکړه.

د افغانستان برښنا شرکت د رهبرۍ په لارښوونه، د روسيې د پاور مشينز Power Machines شرکت تخنيکي هيئت او ورسره مل د افغانستان برښنا شرکت مرکزي هيئت له درونټې برښناکوټ څخه ليدنه وکړه. مشترک هيئت د درونټې برښناکوټ د بيارغونې په موخه د برښناکوټ د ميخانيک او برښنا تولید برخې نقشې مطالعه کړې، تجهيزات يې له نږدې وکتل او د برښناکوټ د مسئولينو له لوري ورته د برښناکوټ د مخينې، جوړښت، تجهيزاتو، د برښنا توليد د اوسني وضعيت او شته تخنيکي ستونزو په هکله تفصيلي معلومات ورکړل شول.

د پاور مشينز روسي شرکت تخنيکي هيئت د داخلي توليد برښنا په برخه کې درونټې برښناکوټ مهمه او تاريخي دستګاه وبلله او ژمنه یې وکړه چې د برښناکوټ د بيارغونې په موخه به د خپلو مشاهداتو او تخنيکي ارزونو راپور د برښنا شرکت له مرکزي رهبرۍ سره شريک کړي. د يادونې وړ ده چې د پاور مشينز روسي شرکت تخنيکي هيئت په پام کې لري په افغانستان کې د داخلي توليد برښنا له ټولو دستګاوو ليدنه وکړي او د بيارغونې او د برښنا تولید ظرفيت لوړونې په موخه يې د خپلو تخنيکي ارزونو مفصل راپور د برښنا شرکت له رهبرۍ سره شريک کړي.

چهارشنبه، د اسد ۲۱مه، ۱۴۰۵

08/08/2026

د ننګرهار برښنا د بلنګ او عوايدو راټولولو مديريتونو له لوري د روان ۱۴۰۵ کال د دويمې دورې (جوزا او سرطان مياشتې) د برښنا د لګښت بلونه چاپ شوي، د جلال آباد ښار په ډېرو ساحو کې پېرودونکو ته رسېدلي او د پاتې ساحو بلونه به هم په لنډو ورځو کې د پېرودونکو تر کورونو، دفترونو او دوکانونو ورسيږي.

دا چې د برښنا بلونو عوايد د ملي عوايدو يوه مهمه برخه ده، ننګرهار برښنا بيا ځلي له خپلو ټولو درنو پېرودونکو هيله لري چې خپل بلونه پر وخت تحويل کړي او د ملي عوايدو په لوړولو کې ونډه واخلي.

شنبه، د اسد ۱۷مه، ۱۴۰۵