حزب التحرير يو سياسي حزب دى، چې مبداء «ايډيولوژي» يې اسلام او موخه يې د اسلامي دولت په جوړولو سره د اسلامي ژوند له سره رامنځ ته کول دي، چې د انساني ژوند په بېلابېلو برخو کې اسلامي نظامونه پلي او اسلامي دعوت نړۍ ته ورسوي. دغه حزب ځانګړى حزبي ثقافت تيار کړى، چې د ژوند د چارو په هکله د اسلامي احکامو متضمن دى او حزب اسلام ته د فکري قيادت په توګه دعوت کوي، چې له هغه څخه نظامونه «حل لارې» سرچينه اخلي او
د انساني ژوند ټولې ستونزې حل کوي. هغه د سياسي، اقتصادي، فرهنګي، ټولنيزو او دې ته ورته نورو ټولو ستونزو حل کوونکى دى. هغه يو داسې سياسي حزب دى، چې ښځې هم د نارينه وو په څېر له ځان سره ملې كوي او ټول خلک د اسلام او د هغه د مفاهيمو او نظامونو د تبني كولو لور ته را بولي او هغوى ته د اسلامي عقيدې له ليدلوري ګوري، آن که څه هم د هغوى رنګونه، قومونه او مذهبونه سره توپير ولري او حزب خپلې موخې ته د رسېدو لپاره له امت سره په تفاعل «فکري عمل او سياسي مبارزه» باندې باور لري او د استعمار له ټولو شکلونو او نومونو سره مقابله او مبارزه کوي، ترڅو امت د استعمار له فکري قيادت څخه آزاد او د استعمار فرهنګي، سياسي، اقتصادي او داسې نورې جرړې له اسلامي ملکونو څخه وباسي او د هغو غلطو او ناسمو مفاهيمو کوم، چې استعمار يې رواجوي، چې اسلام يوازې په اخلاقو او عباداتو پورې اړه لري، د هغو د بدلون په لاره کې مبارزه او فعاليت کوي.
