08/11/2025
Deklaratë zyrtare
Partia Demokratike Dega Mat
Të nderuar qytetarë të Matit,
Nesër zhvillohen zgjedhjet e parakohshme vendore në Bashkinë e Matit.
Partia Demokratike ju bën thirrje të gjithë qytetarëve matjanë të ushtroni të drejtën tuaj të votës me qetësi, pa frikë dhe pa u ndikuar nga asnjë presion.
Rregullat janë të qarta dhe të detyrueshme për të gjithë:
1.Asnjë person nuk lejohet të qëndrojë pranë qendrës së votimit më afër se 150 metra.
2.Nuk lejohet mbajtja e shënimeve pranë apo brenda qendrës së votimit nga vëzhgues, komisionerë apo persona të tjerë.
3.Nuk lejohet fotografimi i të dhënave të pajisjes së identifikimit elektronik (PEI).
4.Telefoni celular nuk lejohet gjatë procesit të votimit dhe është rreptësisht e ndaluar fotografimi i fletës së votimit.
5.Votimi familjar është i paligjshëm dhe përbën shkelje të rëndë të procesit zgjedhor.
Në rast se konstatoni pranë qendrave të votimit persona që mbajnë lista apo tentojnë të ndikojnë votuesit të ashtuquajtur patronazhistë ju bëjmë thirrje të njoftoni menjëherë Policinë e Shtetit për ndërhyrje.
Vota është e shenjtë.
Respektojeni, ruajeni dhe përdoreni me dinjitet.
Partia Demokratike Dega Mat
