Misioni i Republikës së Shqipërisë pranë OKB në Gjenevë

16/09/2026

KDNJ 63: 🇺🇳🇦🇱Gjatë Dialogut Ndërveprues mbi raportin e Sekretarit të Përgjithshëm për rrugët konkrete të mobilizimit të financimit të mjaftueshëm për klimën 🇦🇱:
- vuri në dukje se financimi klimatik është thelbësor jo vetëm për përballimin e ndryshimeve klimatike, por edhe për realizimin e të drejtave të njeriut dhe zhvillimit të qëndrueshëm;
- nënvizoi rëndësinë e financimit të aksesueshëm, transparent dhe të bazuar në të drejtat e njeriut;
- riafirmoi angazhimin e saj për një tranzicion të gjelbër dhe të drejtë, përmes zhvillimit të energjisë së rinovueshme, forcimit të qëndrueshmërisë ndaj rreziqeve klimatike dhe zbatimit të angazhimeve kombëtare për klimën.

15/09/2026

12/09/2026

KDNJ 63: 🇺🇳🇦🇱Gjatë dialogut ndërveprues me Ekspertin e pavarur për gëzimin e të gjitha të drejtave të njeriut nga personat e moshuar 🇦🇱:
- falenderoi ekspertin e pavarur për raportin dhe përshëndeti analizën e tij lidhur me ushtrimin e të drejtave të njeriut nga personat e moshuar;
- theksoi se çrregullimet njohëse nuk cenojnë as personalitetin, as aftësinë për të vepruar, as të drejtën për të ushtruar plotësisht të drejtat e njeriut, por ndryshojnë mënyrat e ushtrimit të tyre dhe për pasojë forcojnë detyrimet pozitive të shteteve;
- rikonfirmoi angazhimin për zhvillimin e kujdesit në komunitet, luftën kundër stigmatizimit, si dhe pjesëmarrjen efektive të personave të moshuar dhe organizatave të tyre përfaqësuese në hartimin e politikave që i prekin drejtpërdrejtë;
- riafirmoi se mbrojtja e këtyre të drejtave nuk vë në provë kufijtë e të drejtave të njeriut por respektimin e integritetit të tyre.

12/09/2026

Fluturime direkte mes Luksemburgut dhe Tiranës, Ministri Hoxha: Një tjetër kompani ajrore evropiane vjen në Shqipëri.

Ministri për Evropën dhe Punët e Jashtme Ferit Hoxha njoftoi në rrjetin social X, vendosjen e fluturimeve direkte midis Luksemburgut dhe Tiranës përmes kompanisë Luxair.

Ministri e konsideroi një lajm të shkëlqyer ardhjen e një tjetër kompanie ajrore evropiane në Shqipëri.

"Duke filluar nga 29 marsi 2027, kjo linjë e re që do të funksionojë gjatë gjithë vitit do të kryejë fluturime dy herë në javë, të hënave dhe të premteve, duke krijuar lidhjen e parë të rregullt ajrore direkte midis Luksemburgut dhe Shqipërisë", shkruan Ministri Hoxha.

Sipas tij, një lidhje e re dhe e mirëpritur mes dy vendeve tona do t'i afrojë edhe më shumë njerëzit, bizneset dhe komunitetet tona.

Më herët, në 21 Prill të këtij viti, Ministri Hoxha pati zhvilluar një vizitë në selinë e Luxair ku në një takim me CEO-n e kompanisë, Gilles Feith, u diskutua pikërisht mundësia e lidhjes Luksemburg - Tiranë përmes fluturimeve direkte.

09/09/2026

Shërbimin konsullor e vlerësojnë më mirë qytetarët që e marrin atë.

Ministri për Evropën dhe Punët e Jashtme, Ferit Hoxha, njoftoi sot vendosjen e një kodi QR në çdo pikë shërbimi konsullor: në Ministri, në përfaqësitë diplomatike dhe në konsullatat tona.

Pas marrjes së shërbimit, qytetarët mund të skanojnë kodin, të vlerësojnë përvojën e tyre dhe të ndajnë vërejtjet apo sugjerimet përmes një formulari të shkurtër online.

Na tregoni çfarë funksionon, çfarë jo dhe si mund t’i përmirësojmë më tej shërbimet konsullore.

09/09/2026