Akademia e Sigurisë

26/08/2026

25/08/2026

Njoftim!

për aplikantët në programin “Bachelor” viti akademik 2026-2027 në Akademinë e Sigurisë

Ju kujtojmë se në bazë të urdhrit të përbashkët të Qendrës së Shërbimeve Arsimore
dhe Qendrës Ndërinstitucionale të Rrjetit Akademik Shqiptar, nr. 108 datë 15.06.2026
“Për miratimin e kalendarit për procedurat e aplikimit dhe regjistrimit në institucionet e arsimit të lartë për vitin akademik 2026-2027, në datat 26-27 gusht 2026 bëhen regjistrimet e aplikantëve për studentët në programin “Bachelor” pranë Akademisë së Sigurisë sipas listës përfundimtare të poshtë renditur. Aplikantët të cilët nuk regjistrohen brenda 48 orëve në datat 26-27.08.2026, humbasin të drejtën e regjistrimit dhe lista vijon me aplikantin e radhës në rend zbritës.

Për kryerjen e regjistrimit aplikantët të kenë me vete dokumentacionet e mëposhtme:
1- Certifikatë të gjendjes gjyqësore;
2- Vërtetim në gjykatë që nuk është në gjykim për vepër penale;
3- Vërtetim nga prokuroria që nuk është në gjykim për vepër penale;
4- Vërtetim nga Struktura e Posaçme Kundër Korrupsionit dhe Krimit të Organizuar;
5- Vërtetim që është regjistruar për marrjen e dëshmisë së aftësisë së drejtimit
të automjetit të tipit “B”.
Suksese!

Njoftime Të dashur Maturantë,Ju falënderojmë për interesin e madhë që ju keni treguar dhe besimin nëpërmjet aplikimit tuaj, për tu bërë pjesë e struktuave ligjzbatuese, duke studjuar në Akademinë e Sigurisë.Bashkëngjitur do të gjeni listat e plota paraprake të renditjes së kandid...

22/08/2026

Të dashur Maturantë,
Ju falënderojmë për interesin e madh që ju keni treguar dhe besimin nëpërmjet aplikimit tuaj, për tu bërë pjesë e struktuave ligjzbatuese, duke studjuar në Akademinë e Sigurisë.

Bashkëngjitur do të gjeni listat e plota paraprake të renditjes së kandidatëve për ndjekjen e studimeve në programin “Bachelor” në Akademinë e Sigurisë.

Në listat e publikuara si më poshtë, kandidatët e renditur deri te vija e kuqe konsiderohen fitues të fazës së parë të Raundit të Parë, sipas kuotave të përcaktuara . Ankimimet Tuaja mund të paraqiten më datë 24-25 gusht 2026, pranë Komisionit të Shqyrtimit të Ankesave ne adresen e email-it [email protected] ose fizikisht në sekretarinë e Drejtorise së Burimeve Njerëzore, në Drejtorinë Pergjithshme të Policisë Shtetit.

Regjistrimi i kandidatëve fitues të fazës së parë të Raundit të Parë do të fillojë më datë 26 gusht 2026 dhe do të kryhet pranë sekretarive mësimore të Akademisë së Sigurisë.

Stafi akademik ju uron suksese!

Linku i listes se aplikanteve fitues.

Njoftime Hapen aplikimet për konkurrim për pranimin në funksionet e rolit zbatues “Patrullë e Përgjithshme” në Policinë e ShtetitMe qëllim rifreskimin e strukturave në bazë dhe plotësimin e nevojave të përvitshme për punonjës të rinj, Policia e Shtetit hap aplikimet për “Patru...

16/08/2026

Hapen aplikimet për konkurrim për pranimin në funksionet e rolit zbatues “Patrullë e Përgjithshme” në Policinë e Shtetit

Me qëllim rifreskimin e strukturave në bazë dhe plotësimin e nevojave të përvitshme për punonjës të rinj, Policia e Shtetit hap aplikimet për “Patrullë të Përgjithshme”.

Procesi i përzgjedhjes do të zhvillohet mbi bazën e meritës, shanseve të barabarta, mosdiskriminimit, paanshmërisë dhe transparencës, duke garantuar një proces konkurrimi të drejtë për të gjithë aplikantët.

Me urdhër të Drejtorit të Përgjithshëm të Policisë së Shtetit janë miratuar 300 kuota të lira.

Aplikimet janë të hapura nga data 17.08.2026 deri më 18.09.2026.

Të drejtën për të aplikuar e kanë të gjithë shtetasit që kanë përfunduar arsimin e mesëm dhe plotësojnë kriteret e përcaktuara për pranimin në Policinë e Shtetit.

📍 Ku aplikohet?
Aplikimi kryhet pranë drejtorisë vendore të Policisë, ku aplikanti ka vendbanimin e përhershëm.

📄 Informacioni i detajuar mbi kriteret e aplikimit, dokumentacionin e nevojshëm, kërkesat e çdo faze, si dhe formularët përkatës që duhet të plotësohen, gjendet në këtë link: https://asp.gov.al/hapen-aplikimet-per-pranim-ne-policine-e-shtetit-per-300-funksione-per-patrulle-e-pergjithshme/

Ftojmë të rinjtë dhe të rejat të aplikojnë dhe të bëhen pjesë e Policisë së Shtetit, për të ndërtuar të ardhmen e tyre në shërbim të qytetarëve dhe vendit.

Policia e Shtetit nuk është thjesht një profesion, është një mundësi për të shërbyer, për të mbrojtur dhe për të bërë një ndryshim.

Bëhu pjesë!

Suksese!

16/08/2026

Njoftim në vëmëndje të aplikantëve!

Nga data 14.08.2026 deri në datën 19.08.2026, në zbatim të grafikut të testimeve, në Akademinë e Sigurisë po zhvillohet faza përfundimtare e testimeve ajo e “Kontrollit Mjekësor” e cila zhvillohet me Aplikantët për studime në ciklin e parë “Bachelor” programi "Siguria dhe Hetimi".
Për paraqitjen në këtë fazë aplikantët do të njoftohen nëpërmjet numrave të deklaruar të kontaktit, telefonit, për paraqitjen në ambjentet mjeksore pranë Akademisë së Sigurisë. Nese numri i telefonit i lënë nga aplikanti për komunikim do të jetë i padisponueshem dhe në pamundësi tjetër komunikimi me ta, aplikanti do të humbasë mundesinë për të marrë pjesë në këtë proces përfundimtar, i cili përfundon në datën 19.08.2026.

Ju lutem korrektesën Tuja për këtë proçes.
Suksese.

12/08/2026

NJOFTIM
Në zbatim të plan-kalendarit të testimeve, sot, më datë 12 gusht 2026, në Akademinë e Sigurisë, përfundoi procesi i testimit fizik të aplikantëve të regjistruar.

Aplikantët të cilët kanë pretendime lidhur me rezultatin e arritur në këtë fazë të testimit, kanë të drejtën e ankimit deri më datë 14 gusht 2026, ora 16:00pm, pranë Komisionit të Apelimit, në Drejtorinë e Përgjithshme të Policisë së Shtetit, në adresën elektronike:

[email protected]

Ju lutemi, tregohuni të vëmendshëm në respektimin e afatit të përcaktuar për paraqitjen e ankimit.

09/08/2026

NJOFTIM

Për kandidatët për studentë në programin e studimit “Bachelor” në Akademinë e Sigurisë.

Në kuadër të procesit të konkurrimit për pranimet në programin e studimit “Bachelor” në Akademinë e Sigurisë, njoftohen të gjithë kandidatët të cilët janë kualifikuar pas përfundimit të testimit të ushtrimeve të përgatitjes fizike, se do të vijojnë me fazën e radhës të procesit të konkurrimit, testimin psikologjik dhe intervistën. Në këtë kuadër:
1. Kandidatët të cilët kanë përfunduar testimin e ushtrimeve të përgatitjes fizike më datë 08.08.2026 dhe janë kualifikuar, duhet të paraqiten në ambientet e Akademisë së Sigurisë, më datë 10.08.2026, në orën 07:30, për t’ju nënshtruar testimit psikologjik dhe intervistës.
2. Kandidatët të cilët kanë përfunduar testimin e ushtrimeve të përgatitjes fizike më datë 09.08.2026 dhe janë kualifikuar, duhet të paraqiten në ambientet e Akademisë së Sigurisë, më datë 10.08.2026, në orën 11:30, për t’iu nënshtruar testimit psikologjik dhe intervistës.


Kandidatët duhet të kenë me vete:

- Dokumentin e identifikimit (kartën e identitetit);

- Dokumentacionin e nevojshëm për vijimin e procesit të konkurrimit.

Gjithashtu, kandidatët duhet të respektojnë kodin e veshjes, i cili për këtë fazë të procesit duhet të jetë i rregullt, serioz dhe i përshtatshëm për një proces përzgjedhjeje.


Kandidatët këshillohen të paraqiten në kohën e përcaktuar, duke respektuar orarin dhe udhëzimet e dhëna nga strukturat përgjegjëse të Akademisë së Sigurisë. Për më shumë informacion referojuni:
https://akademiaesigurise.asp.gov.al/njoftime/

Suksese !

08/08/2026

Në ambjentet sportive të Akademisë së Sigurisë, filloi faza e parë e testimit fizik. Aplikantët ju nënshtruan elementëve të shpejtësisë dhe reziztencës.
Çdo aplikant në përfundim të garës, njihet me rezultatin e arritur për çdo element të zhvilluar. Kjo fazë testuese do të vazhdojë për aplikantët e regjistruar dhe në ditët në vijim.
Për më shumë informacion referojuni :

https://akademiaesigurise.asp.gov.al/njoftime/

Suksese !

05/08/2026

Filluan Regjistrimet për nivelin “Bachelor” “Siguri dhe Hetim” në Akademinë e Sigurisë.

Në ambjentet e Akademisë së Sigurisë në zbatim të plan kalendarit filluan regjistrimet e aplikantëve për të vijuar më pas me testimet për vlerësim të aftësive fizike. Për të mos vonuar procesin e regjistrimit aplikantët të rishikojnë dhe njëherë në adresën elektronike të Akademisë së Sigurisë paketën e dokumentacioneve që duhet të dorëzojnë pranë komisjonit të regjistrimit.

Ju kujtojmë se gjatë zhvillimit të ushtrimeve për testin fizik, aplikantët të jenë me uniformë sportive.

Suksese në vijueshmërinë e fazave testuese.

04/08/2026

Rektori i Akademië së Sigurisë Profesor.Ilirjan Mandro falenderon 2166 aplikantët që kanë shprehur dëshirën për të qenë pjesë e auditoreve të akademisë.
Suksese në fazat e tjera konkurruese.