05/06/2026
🤝 Ambasadorja e Republikës së Shqipërisë në Athinë, znj. Luela Hajdaraga, mirëpriti Ambasadorin e ri të Luksemburgut në Greqi, z. Paul Schmit. 🇦🇱🇱🇺
Gjatë takimit u diskutua mbi progresin e Shqipërisë në procesin e anëtarësimit në Bashkimin Evropian, duke vlerësuar mbështetjen e vazhdueshme të Luksemburgut për perspektivën evropiane të vendit dhe politikën e zgjerimit të BE-së.
Në fokus të bisedës ishin gjithashtu mundësitë për forcimin e bashkëpunimit ekonomik në fushat e energjisë, infrastrukturës dhe financave, si dhe shkëmbimi i pikëpamjeve mbi inovacionin, transformimin digjital dhe inteligjencën artificiale si faktorë kyç për të ardhmen dhe konkurrueshmërinë e Evropës.
Ministria për Evropën dhe Punët e Jashtme - Republika e Shqipërisë