Խնձորեսկ բնակավայր

26/03/2026

❗️❗️❗️

⚠️ ՈՒՇԱԴՐՈՒԹՅՈՒՆ ⚠️

🌧️ Ըստ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ի՝ հարավից ակտիվ ցիկլոնի ներթափանցմամբ պայմանավորված մարտի 27-28-ը ժամանակ առ ժամանակ շրջանների մեծ մասում սպասվում են տեղումներ, ⛰️ լեռնային գոտիներում թաց ձյան ❄️, նախալեռնային և հովտային գոտիներում անձրևի 🌧️ տեսքով, առանձին շրջաններում ուղեկցվելով 🌫️ ցածր հորիզոնական տեսանելիությամբ և 💨 քամու ուժգնացմամբ՝ 14-17 մ/վ արագությամբ:

📍 Մարտի 27-ին Սյունիքում և Վայոց ձորի առանձին հատվածներում, մարտի 27-28-ը՝ Լոռիում և Տավուշում տեղումները կլինեն ինտենսիվ։

🌊 Սպասվող տեղումներով պայմանավորված մարտի 27-28-ը հանրապետության գետերում սպասվում է ջրի ելքերի մեծացում, 🚨 Ողջի, Գորիսգետ, Մեղրիգետ, Արփա, Դեբեդ և Աղստև գետերի ավազաններում՝ զգալի։

26/03/2026

✨ՀԱՅՏԱՐԱՐՈՒԹՅՈՒՆ✨
~~~~~~~~~~~~~~~~~~~~~~~~~~~~~
Գորիսի համայնքապետարան / Goris Municipality
~~~~~~~~~~~~~~~~~~~~~~~~~~~~~
Ի ուրախություն Խնձորեսկ բնակավայրի փոքրիկների մշակույթի տանը կներկայացվի հետաքրքիր տիկնիկային ներկայացում։

🗓️ Օրը՝ Մարտի 28
🕔 Ժամը՝ 15։00
📍Վայրը՝ Խնձորեսկի մշակույթի տուն (ակումբ)

✨Միջոցառումը նախատեսված է ինչպես փոքրիկների, այնպես էլ համայնքի բոլոր բնակիչների համար։

✨ Մուտքն ազատ է։

✨Սիրով և ջերմորեն հրավիրում և սպասում ենք հենց ՔԵԶ։✨

23/03/2026

❗️Հ Ա Յ Տ Ա Ր Ա Ր ՈՒ Թ Յ ՈՒ Ն ❗️

Հարգելի՛ Խնձորեսկ բնակավայրի ֆերմերներ,

Սույն թվականի մարտի 27-ին (ուրբաթ), ժամը 10:00-ին, հրավիրում ենք Ձեզ Խնձորեսկ բնակավայրի վարչական ղեկավարի նստավայր (գյուղապետարան)՝ մասնակցելու գյուղատնտեսության ոլորտին առնչվող կարևոր հարցերի քննարկմանը։

Խնդրում ենք ներկայանալ ժամանակին։

16/03/2026

❗️❗️❗️❗️❗️❗️❗️❗️❗️❗️❗️❗️
❗️Հարգելի՛ համագյուղացիներ,
❗️Հորդորում ենք շտապ դիմել և օգտվել ընձեռված հնարավորությունից՝ ապահովելով Ձեր հողատարածքների արդյունավետ մշակումը։
❗️Բաց մի՛ թողեք այս կարևոր հնարավորությունը։

Հ Ա Յ Տ Ա Ր Ա Ր Ու Թ Յ Ու Ն

Հարգելի՛ բնակիչներ,
Տեղեկացնում ենք, որ Խնձորեսկ բնակավայրի բնակիչներին մշակման նպատակով անվճար տրամադրվում է սերմացուներ՝
🌱ոսպ,
🌱ոլոռ,
🌱լոբի։

Ցանկացողները մինչև փետրվարի 10-ը ներառյալ կարող են դիմել Խնձորեսկի գյուղապետարան։
Գորիսի համայնքապետարան / Goris Municipality

14/03/2026

📢 Խնձորեսկ բնակավայրի հարգելի’ բնակիչներ,
❗️Մարտի 15-ին
❗️Ժամը՝ 10:00 – 17:00-ը։
❗️«Հեռաբժշկություն» ծրագրի շրջանակներում «ՎԻՎԱ» բարեգործական հիմնադրամի բժիշկների խումբը կայցելի ձեզ ։

Ձեզ կընդունեն հետևյալ մասնագետները՝
✨սրտաբան, ✨էնդոկրինոլոգ, ✨նյարդաբան, ✨մանկաբույժ, ✨ուլտրաձայնային ✨հետազոտության (ՈւՁՀ) բժիշկ, ✨ակնաբույժ,
✨քիթ-կոկորդ-ականջաբան։

ԱՆՎՃԱՐ կտրամադրվեն խորհրդատվություններ, կկատարվեն անհրաժեշտ հետազոտություններ, կնշանակվի բուժում և կտրամադրվեն անհրաժեշտ դեղեր։

ՊԱՐՏԱԴԻՐ է ունենալ անձնագիր կամ ID քարտ։

Սիրով սպասում ենք ձեզ։

📢 Սյունիքի մարզի Խոզնավար, Վաղատուր և Խնձորեսկ գյուղերի և հարակից բնակավայրերի հարգելի’ բնակիչներ,

«Հեռաբժշկություն» ծրագրի շրջանակներում «ՎԻՎԱ» բարեգործական հիմնադրամի բժիշկների խումբը կայցելի ձեզ մարտի 14-ին և 15-ին։

Ձեզ կընդունեն հետևյալ մասնագետները՝
սրտաբան, էնդոկրինոլոգ, նյարդաբան, մանկաբույժ, ուլտրաձայնային հետազոտության (ՈւՁՀ) բժիշկ, ակնաբույժ, քիթ-կոկորդ-ականջաբան։

ԱՆՎՃԱՐ կտրամադրվեն խորհրդատվություններ, կկատարվեն անհրաժեշտ հետազոտություններ, կնշանակվի բուժում և կտրամադրվեն անհրաժեշտ դեղեր։

ՊԱՐՏԱԴԻՐ է ունենալ անձնագիր կամ ID քարտ։

Ընդունելության ժամանակացույց և վայրը

Մարտի 14, շաբաթ
• Խոզնավար՝ 10:00 – 13:00
• Վաղատուր՝ 14:00 – 18:00

Մարտի 15, կիրակի
• Խնձորեսկ՝ 10:00 – 17:00

Սիրով սպասում ենք ձեզ։

12/03/2026

Հարգելի՛ պարոն Առուշանյան,

Ընդունեք Խնձորեսկ բնակավայրի խորին և անկեղծ շնորհավորանքները Ձեր ծննդյան օրվա առթիվ։

Մաղթում ենք Ձեզ ամուր առողջություն, անսպառ եռանդ և իմաստուն վճռականություն՝ շարունակելու Ձեր պատասխանատու առաքելությունը ի նպաստ հայրենիքին և ժողովրդին։
Թող հույսը, հավատը և հայրենիքի հանդեպ սերը մշտապես առաջնորդեն Ձեր ճանապարհը, իսկ Ձեր յուրաքանչյուր նախաձեռնություն դառնա բարօրության, համերաշխության և առաջընթացի նոր հիմք մեր համայնքի և Հայաստանի Հանրապետության համար։

Թող Ամենակալ Աստծո օրհնությունն ու հովանին մշտապես ուղեկցեն Ձեզ՝ պարգևելով խաղաղություն, ուժ և հաջողություն Ձեր պատասխանատու առաքելության ճանապարհին։

Բարի և օրհնյալ տարեդարձ։
Գորիսի համայնքապետարան / Goris Municipality

08/03/2026

ԿԱՆԱՆՑ ՄԻՋԱԶԳԱՅԻՆ ՕՐԸ
ԽՆՁՈՐԵՍԿՈւՄ
🌸🌸🌸🌸🌸🌸🌸🌸🌸🌸🌸🌸
Խնձորեսկում հանդիսավոր ու ջերմ մթնոլորտում նշվեց կանանց միամսյակին նվիրված միջոցառում՝ գովերգելով հայ կնոջ ուժը, նրբությունն ու արժանապատվությունը։

✨Ազգային շնչով լեցուն օրը զարդարեցին
Ա. Սաթյանի անվան երաժշտական դպրոցի և «Մանասյան» պարի խմբի սաների գեղեցիկ կատարումները՝ հաղորդելով տոնին առանձնահատուկ հմայք։

🌸Այցելեցինք նաև Խնձորեսկ բնակավայրի հարգարժան տիկին՝ 99-ամյա Սիրան Ակլունցին՝ նրան փոխանցելով ջերմ շնորհավորանքներ ու խոնարհում հայ կնոջ իմաստուն ու արժանապատիվ կերպարին։ 🌷

✨Շնորհակալություն միջոցառման նախաձեռնողներին ու կազմակերպիչներին. առանձնահատուկ շնորհակալություն Jivan Gevorgyan ջա՜ն, այս օրը ազգային ոգով ու ջերմությամբ լցնելու համար։
Գորիսի համայնքապետարան / Goris Municipality

08/03/2026

🌸 Սիրելի՛ կանայք, մայրեր և քույրեր 🌸

Շնորհավորում ենք Ձեզ կանանց միջազգային օրվա կապակցությամբ։
🌸Մարտի 8-ը միայն գարնանային տոն չէ․ այն խոնարհում է կնոջ վեհության առաջ։
🌸Կինը կյանքի շարունակությունն է, օջախի լույսը, տոկունության ու իմաստության մարմնացումը։ Նրա ձեռքերում է սերունդների դաստիարակությունը, նրա սրտում՝ հայրենիքի հանդեպ անսահման նվիրվածությունը։
🌸Առանձնահատուկ խոնարհումով ուզում ենք ընդգծել հերոսածին մայրերին և սահմանին ապրող կնոջ կերպարը։ Նրանք հայրենիքի ամուր թիկունքն են, հավատքի պահապանը և հողի հետ արմատավորված ուժը, վեհ՝ համբերությամբ, ուժեղ՝ հավատքով և անսասան՝ հայրենասիրությամբ։
🌸Թող ձեր ուժը երբեք չթուլանա, ձեր հավատը երբեք չմարի, և ձեր լույսը մշտապես լուսավորի մեր համայնքն ու մեր հայրենիքը։
Գորիսի համայնքապետարան / Goris Municipality

03/03/2026

🌸 Հ Ա Յ Տ Ա Ր Ա Ր Ու Թ Յ Ու Ն🌸
-----------------------------------

Սիրելի՛ Խնձորեսկցիներ
Սիրով հրավիրում ենք ձեզ մարտի 8-ին, ժամը 13։00-ին, Խնձորեսկի մշակույթի տուն, որտեղ տեղի կունենա անակնկալներով և ջերմությամբ լի տոնական միջոցառում։
✨Ձեր ներկայությունը կլինի տոնի ամենաարժեքավոր պարգևը։
✨Սիրով սպասում ենք հենց ՔԵԶ։
Գորիսի համայնքապետարան / Goris Municipality

26/02/2026

❗️❗️Ի Ր Ա Զ Ե Կ Ու Մ❗️❗️
-----------------------------
Հարգելի՛ բնակիչներ,

❗️Հայտնում ենք Ձեզ, որ 2026 թվականի հունվարի 20-ից ուժի մեջ է մտել մինչև 2021 թվականը կառուցված ինքնակամ շինությունների հաշվառման գործընթացը, որը գործում է մինչև 2026թվականի դեկտեմբերի 31-ը։

✅Այս նախաձեռնության նպատակն է քաղաքացիներին տալու ևս մեկ հնարավորություն՝ մինչև 2021 թվականը կառուցված ինքնակամ կառույցների, այդ թվում՝ կիսակառույց հատվածների վերաբերյալ անհրաժեշտ հաշվառումն իրականացնելու և հետագայում դրանք օրինականացնելու ուղղությամբ միջոցներ ձեռնարկելու համար։

📩Հարցերի դեպքում կարող եք դիմել Գորիսի համայնքապետարան / Goris Municipality -ի աշխատակազմի քաղաքաշինության և կոմունալ տնտեսության բաժնին:

13/02/2026

🤍Լույսի և օրհնության օր Խնձորեսկում🤍
~~~~~~~~~~~~~~~~~~~~~~~~~~~~~~~~~~
Խնձորեսկ բնակավայրում հանդիսավոր ու խորհրդավոր մթնոլորտում նշվեց Տյառնընդառաջի սրբազան տոնը՝ լույսի, հավատքի և ընտանեկան ջերմության խորհրդանիշը։ Տոնական արարողությանը ներկա էին գյուղի նորապսակ զույգերը, որոնք, պահպանելով դարավոր ավանդույթը, մասնակցեցին խարույկի շուրջ կատարվող արարողությանը՝ ընդունելով օրհնություն և բարեմաղթանքներ համատեղ կյանքի խաղաղ ու լուսավոր ընթացքի համար։
Միջոցառումը հագեցած էր ազգային ոգով. «Մանասյան» պարի խմբի սաների հայեցի կատարումները և Ա. Սաթյանի անվան երաժշտական դպրոցի սաների նրբաճաշակ երաժշտական ելույթները տոնին հաղորդեցին առանձնահատուկ հանդիսավորություն՝ արժևորելով մեր մշակութային ժառանգությունն ու համայնքային համերաշխությունը։
Գորիսի համայնքապետարան / Goris Municipality