Ağdam rayonu üzrə Gənclər və İdman Sektoru

08/09/2026

🔹Təhsil müəssisələrində bədən tərbiyəsi və idman necə tənzimlənir?

Bədən tərbiyəsi və idman haqqında
AZƏRBAYCAN RESPUBLİKASININ QANUNU

➡️Maddə 17. Təhsil müəssisələrində bədən tərbiyəsi və idman

17.1. Məktəbəqədər yaşlı uşaqların, şagirdlərin və tələbələrin sağlamlığını qorumaq və möhkəmləndirmək, onlarda fiziki kamilliyə və sağlam həyat tərzinə tələbatı formalaşdırmaq təhsil müəssisələrinin əsas vəzifələrindəndir.
17.2. Təhsil müəssisələri bədən tərbiyəsi ilə məşğul olma formalarını, bədən tərbiyəsi vasitələrini, idman və hərəkət fəallığı növlərini dövlət təhsil standartları və fiziki hazırlıq normativləri əsasında yerli şəraiti və təhsil alanların maraqlarını nəzərə almaqla müəyyən edirlər.
17.3. Təhsil müəssisələrində bədən tərbiyəsi dərsləri müasir tələblərə müvafiq surətdə, təhsil alan uşaq və gənclərin maraqları, yaşı və sağlamlıq səviyyələri nəzərə alınmaqla təşkil edilməlidir.
17.4. Təhsil müəssisələrində bədən tərbiyəsi dərslərinin metodoloji və maddi-texniki bazası müntəzəm olaraq inkişaf etdirilməli, təkmilləşdirilməli və möhkəmləndirilməlidir.
17.5. Təhsil müəssisələrində bədən tərbiyəsi və təhsilin təşkili aşağıdakıları əhatə edir:
17.5.1. əsas təhsil proqramları çərçivəsində dövlət təhsil standartları ilə müəyyən edilmiş həcmdə bədən tərbiyəsi üzrə məcburi dərslərin, həmçinin əlavə təhsil proqramları çərçivəsində əlavə (fakültativ) bədən tərbiyəsi və idman məşğələlərinin keçirilməsini;
17.5.2. təhsil alanlarla kompleks bədən tərbiyəsi-sağlamlıq və idman tədbirlərinin keçirilməsi üçün müvafiq şəraitin yaradılmasını, o cümlədən idman avadanlığı və alətləri ilə təchiz edilməsini;
17.5.3. fərdi xüsusiyyətləri və sağlamlığı nəzərə alınmaqla, təhsil alan şəxslərdə bədən tərbiyəsi vərdişlərinin formalaşdırılması, onların bədən tərbiyəsi və idmanla məşğul olmağa cəlb edilməsi üçün tədbirlərin həyata keçirilməsini;
17.5.4. sağlamlığında pozuntusu olan təhsil alanların bədən tərbiyəsini;[23]
17.5.5. gündəlik rejimdə bədən tərbiyəsi-sağlamlıq tədbirlərinin həyata keçirilməsini;
17.5.6. uşaqlarla məktəbdənkənar bədən tərbiyəsi və idman işinin aparılmasını, o cümlədən uşaq və gənclərin asudə vaxtlarında və tətil zamanı fəal bədən tərbiyəsi və idman məşğələlərinə cəlb edilməsini;
17.5.7. bədən tərbiyəsinin təşkilinə tibbi nəzarətin həyata keçirilməsini;
17.5.8. valideynlərdə uşaqların sağlamlığına və bədən tərbiyəsinə məsuliyyətli münasibətin formalaşdırılmasını;
17.5.9. şagirdlərin və tələbələrin fiziki hazırlığı və fiziki inkişafının illik monitorinqinin keçirilməsini.
17.6. Məktəbəqədər yaşlı uşaqların bədən tərbiyəsi məktəbəqədər təhsil proqramına həftədə on saatdan az olmamaqla əyləncəli oyun xarakterli bədən tərbiyəsi dərslərinin salınması və aparılması ilə həyata keçirilir.
17.7. Sağlamlığında və ya fiziki inkişafında pozuntusu olan (xüsusi tibbi qruplara aid edilmiş) təhsil alan şəxslərlə ümumtəhsil, xüsusi təmayüllü, eləcə də digər təhsil müəssisələrində məsləhət görülmüş fərdi reabilitasiya proqramı çərçivəsində məcburi məşğələlər keçirilir.
17.8. Müvafiq icra hakimiyyəti orqanı bədən tərbiyəsi dərslərinin və idman məşğələlərinin yüksək səviyyədə keçirilməsini, tədris planlarına və təhsil standartlarına uyğun olaraq çağırışaqədər yaşlı gənclərin və çağırışçıların hərbi xidmətə zəruri fiziki hazırlığını təmin edir, təhsil alanların üzməyi öyrənməsi, müəyyən edilmiş idman normativlərini yerinə yetirə bilməsi üçün şərait yaradır.
17.9. Dərsdənkənar bədən tərbiyəsi və idman işlərini planlı surətdə daimi həyata keçirmək, idman növləri üzrə bölmələrin fəaliyyətini təşkil etmək, perspektivli gənc idmançıların hazırlanmasına kömək göstərmək, şagird və tələbələrin bədən tərbiyəsi tədbirlərində və idman yarışlarında fəal iştirakını təmin etmək məqsədi ilə ümumi təhsil, peşə, orta ixtisas və ali təhsil müəssisələrinin (o cümlədən özəl təhsil müəssisələrinin) strukturunda idman klubları yaradılır.
17.10. Təhsil müəssisələri şagird və tələbələrin hərbi-fiziki hazırlığını müvafiq icra hakimiyyəti orqanının müəyyən etdiyi orqan (qurum), gənclər təşkilatları, könüllü hərbi vətənpərvərlik və texniki-idman cəmiyyətləri və digər təşkilatlarla birlikdə həyata keçirirlər.[24]

08/09/2026

🔹Bədən tərbiyəsi və idmanla məşğul olan uşaq və gənclərə həkim nəzarəti necə olmalıdır?

Bədən tərbiyəsi və idman haqqında
AZƏRBAYCAN RESPUBLİKASININ QANUNU

➡️ Maddə 27. Bədən tərbiyəsi və idmanla məşğul olan uşaq və gənclərə həkim nəzarəti

27.1. Bədən tərbiyəsi dərslərinə, habelə idman məşğələlərinə və yarışlarına dövlət və bələdiyyə tibb müəssisələrində tibbi müayinədən keçən uşaqlar və gənclər buraxılırlar.
27.2. Tibbi-bədən tərbiyəsi dispanserləri, poliklinikaların yetkinlik yaşına çatmayanlar üçün nəzərdə tutulan kabinetləri, sahə həkimləri bədən tərbiyəsi və idman üzrə məşqçilər və təlimatçılarla birgə idmanla məşğul olan uşaq və gənclərin qeydiyyatını aparır, onların sağlamlıqlarının, fiziki inkişafının vəziyyətinə və səviyyəsinə həkim nəzarətini həyata keçirirlər.
27.3. Tibb müəssisələri tərəfindən verilən rəsmi tibbi icazə sənədləri olmadan bədən tərbiyəsi və idmanla məşğul olmağa cəlb edilmiş və idman yarışlarına buraxılmış uşaq və gənclərin sağlamlıqlarına vurulmuş zərərə görə müvafiq təhsil məktəbdənkənar təhsil müəssisələrinin və bədən tərbiyəsi-idman təşkilatlarının rəhbərləri məsuliyyət daşıyırlar.

08/09/2026

🔹İdman yarışlarında rəsmi tibbi icazə sənədləri(sağlamlıq haqqında arayış, sifariş vərəqəsi) olmadan iştirak etmə hansı məsuliyyətə səbəb olur?

📖 AZƏRBAYCAN RESPUBLİKASININ İNZİBATİ XƏTALAR MƏCƏLLƏSİ

➡️ Maddə 223. Rəsmi tibbi icazə sənədləri olmadan bədən tərbiyəsi və idmanla məşğul olmağa cəlb etmə və idman yarışlarına buraxma

Məktəbdənkənar təhsil müəssisələri və bədən tərbiyəsi-idman təşkilatları tərəfindən uşaq və gənclərin qanunvericiliyə uyğun olaraq verilmiş rəsmi tibbi icazə sənədləri olmadan bədən tərbiyəsi və idmanla məşğul olmağa cəlb edilməsinə və ya idman yarışlarına buraxılmasına görə vəzifəli şəxslər yüz manatdan iki yüz manatadək məbləğdə cərimə edilir.

05/09/2026

🔹Bədən tərbiyəsi və idman terminləri fərqli anlayışlar olsa da, idman bədən tərbiyəsinin tərkib hissəsidir.

Bədən tərbiyəsi və idman haqqında

AZƏRBAYCAN RESPUBLİKASININ QANUNUNA əsasən:

➡️Bədən tərbiyəsi – cəmiyyətin ümumi mədəniyyətinin ayrılmaz hissəsi olmaqla, fiziki hərəkətlər vasitəsilə insanın sağlam həyat tərzinin formalaşdırılmasına, fiziki və əqli inkişafına yönəldilmiş norma, bilik və dəyərlər məcmusunu özündə əks etdirən sosial fəaliyyət sahəsi

➡️İdman – müxtəlif fiziki hərəkətlər kompleksi vasitəsilə mütəmadi olaraq şəxsin fiziki hazırlığının təkmilləşdirilməsinə, bütün səviyyəli yarışlarda iştiraka və yüksək nəticələr göstərilməsinə yönəldilmiş bədən tərbiyəsinin tərkib hissəsi

05/09/2026

🔹İdman klubları nədir, fəaliyyəti necə tənzimlənir və kimlər idman klubları yarada bilər?

Bədən tərbiyəsi və idman haqqında
AZƏRBAYCAN RESPUBLİKASININ QANUNU

➡️Maddə 12. İdman klubları

12.1. İdman klubu təlim-məşq, yarış, bədən tərbiyəsi-sağlamlıq fəaliyyətini həyata keçirən təşkilatdır.
12.2. Təşkilati-hüquqi formasından asılı olmayaraq idman klubları qanunvericilikdə müəyyən edilmiş qaydada yaradılır və nizamnamələrinə (əsasnamələrinə) uyğun fəaliyyət göstərirlər. Hüquqi şəxs statusu olmayan idman klubu haqqında nümunəvi əsasnamə müvafiq icra hakimiyyəti orqanı tərəfindən təsdiq olunur.
12.3. İdman klubları hüquqi və fiziki şəxslər tərəfindən yaradıla bilərlər.
12.4. İdman klubları fəaliyyət istiqamətlərinə görə ayrı-ayrı idman növləri ilə məşğul olan kompleks idman klublarına, həvəskar, peşəkar və digər istiqamətli idman klublarına bölünürlər.
12.5. İdman klubları istehsalat, təhsil və tibb müəssisələri, həmkarlar ittifaqları, bələdiyyələr, eləcə də digər qurumlarla əlaqələr yarada bilərlər.
12.6. İdman klubları ilk növbədə uşaq-gənclər idmanı sahəsində təlim-məşq prosesinin və idman yarışlarının təşkili üçün imkanlar yaradır, klubların üzvləri arasında vətəndaşlıq və mənəvi-əxlaqi keyfiyyətlərin formalaşdırılması üzrə məqsədyönlü iş aparır, fəaliyyətlərini bədən tərbiyəsi və idman sahəsində dövlətin siyasətinə uyğun qururlar.
12.7. Dövlət orqanları və bələdiyyələr idman klublarının yaradılmasına, fəaliyyətlərinin təşkilinə və iş şəraitinin yaxşılaşdırılmasına aşağıdakıların həyata keçirilməsi yolu ilə kömək göstərirlər:
12.7.1. idman qurğularının və digər idman obyektlərinin tikintisi, bərpası, təmir edilməsi;
12.7.2. dövlət və bələdiyyə mülkiyyətində olan binaların, qurğuların əvəzsiz istifadəyə və ya güzəştli şərtlərlə uzunmüddətli icarəyə verilməsi;
12.7.3. idman ləvazimatı və avadanlığı ilə təmin edilməsi;
12.7.4. qanunvericilikdə müəyyən olunmuş qaydada digər dəstəklərin göstərilməsi.
12.8. İdman klublarının səlahiyyətlərinə aşağıdakılar aiddir:
12.8.1. ölkədə tanınmış müxtəlif idman növləri üzrə idman məktəblərinin, idman bölmələrinin, həvəskar və peşəkar komandalarının yaradılması;
12.8.2. Vahid idman təsnifatının tələblərinə əsasən müəyyən edilmiş qaydada öz səlahiyyətləri çərçivəsində idman dərəcələrinin verilməsi;
12.8.3. əhaliyə bədən tərbiyəsi-sağlamlıq və idman xidmətlərinin göstərilməsi;
12.8.4. müəyyən edilmiş qaydada idmançıların bir idman təşkilatından digərinə keçməsində iştirak edilməsi;
12.8.5. klubun nizamnaməsinə (əsasnaməsinə) və qanunvericiliyə əsasən digər fəaliyyətin həyata keçirilməsi.
12.9. İdman klublarının fəaliyyəti qanunvericiliklə qadağan olunmayan mənbələr hesabına maliyyələşdirilir.

01/09/2026

01/09/2026

❗️Gənclər və idman naziri Farid Gayibovun növbəti qeydlərini nəzərinizə çatdırırıq.
Nazirin Nöqteyi-Nəzəri N°60
Rəqabət və təcrübə
📝Ətraflı: https://www.mys.gov.az/az/nazir-qeydleri/reqabet-ve-tecrube

25/08/2026

📚 Tərtərdə “Kitab karvanı” layihəsi keçiriləcək.

📖 27 avqust 2026-cı il tarixində Tərtər rayonunda mütaliə mədəniyyətinin təbliği və gənclərin kitaba marağının artırılması məqsədilə “Kitab karvanı” layihəsi keçiriləcək.

📍 Tədbir saat 10:00–14:00 aralığında Tərtər rayon "Mərkəzi meydanı"nda, Tərtər Rayon İcra Hakimiyyətinin qarşısında təşkil olunacaq.

📚 Tədbirdə müxtəlif mövzularda kitablar nümayiş etdiriləcək, iştirakçılar Azərbaycan klassikləri, uşaq ədəbiyyatı, tarix, detektiv və müasir ədəbiyyat nümunələri ilə tanış olacaqlar.
📍 Tədbirdə həmçinin sərgi-yarmarka təşkil olunacaq.

Tədbirin əsas məqsədi gənclər və yeniyetmələr arasında mütaliə vərdişlərinin inkişafına və kitaba marağın artırılmasına töhfə verməkdir.

🤝 Tədbirin təşkilati dəstəyi Tərtər Rayon İcra Hakimiyyəti, Qarabağ Regional Gənclər və İdman İdarəsi tərəfindən həyata keçirilir.

👥 Tədbirə kitabsevərlər, gənclər, yeniyetmələr və rayon sakinləri dəvət olunur.

25/08/2026

Əziz tələbə adını qazanmış gənclər!

Sizi, Qarabağ Regional Gənclər və İdman İdarəsi olaraq ölkəmizin ali məktəblərinə qəbul olunmağınız münasibətilə təbrik edirik.
Hesab edirik ki, bu uğur sizin zəhmətinizin və əzmkarlığınızın nəticəsidir.
Artıq bu gündən həyatınızda tamamilə yeni və yaddaqalacaq bir dövr başlayır. İnanırıq ki, qazandığınız bu adla gələcəkdə vətənimizə və cəmiyyətimizə layiqli və savadlı kadr olaraq yetişəcəksiniz.
Hər birinizə təhsil həyatınızda tükənməz enerji və yeni-yeni zirvələr fəth etməyinizi arzulayırıq.
Uğurlar!