Azərbaycan Demokratiya və Rifah (ADR) Partiyası Gənclər qolu nəzdində Gənclər klubu
03 aprel 2022-ci ildə partiyanın Gənclər Qolu tərəfindən təsis edilmişdir. GK-nun məqsədi
Gənclər klubunun əsas məqsədi gənclərin (həm də bitərəf gənclərin) maarifləndirilməsi, onlarda xalqımızın ideoloji, siyasi, tarixi, sosial, mədəni, ədəbi və s. sahələri ilə bağlı müəyyən dünyagörüşün forma
laşdırılması, gənclərin fəal şəkildə ictimai, siyasi fəaliyyətə cəlb edilməsi, gənclərə öz fikirlərinin və mövqelərinin sərbəst şəkildə ifadə etmə bacarıqlarının aşılanması, özgüvənc hissinin artırılması, vətəndaş hüquq və azadlıqlarının təlim edilməsi,
gənclərin xarici dil, kompüter bilgilərinin artırılmasında və sosial problemlərinin həlli ilə bağlı ilkin hüquqi yardmların göstərilməsi və məsləhətlərin verilməsidir. Məqsədə çatma üsulları
Tədbirlər
Gənclərin iştirakı ilə məqsədlərimizə daxil olan mövzular üzrə əyani və on line formatda seminarlar, təlimlər, müzakirələr, debatlar, müsabiqələrin təşkil edilməsi ilə həyata keçirilir. Mövzuların çatdırılması
Mövzular üzrə məruzələr və müzakirələr ölkədə tanınmış ictimai-siyasi xadimlərin, diplomatların, alimlərin və digər tanınmış ziyalıların iştirakı ilə təşkil edilir.
