Bakı şəhəri Xəzər Rayon Məhkəməsi

30/07/2026

Bakı şəhəri Xəzər Rayon Məhkəməsində fəaliyyətlərini uğurla başa vuran Femida Könüllülərinə sertifikatların təqdimetmə mərasimi baş tutub.

Tədbirdə iştirak edən Bakı şəhəri Xəzər Rayon Məhkəməsinin sədri Abbas Rzayev və məhkəmənin hakimi, eyni zamanda məhkəmənin media üzrə məsul şəxsi ("spiker hakimi") Ramilə Xəzri könüllülərin fəaliyyətini yüksək qiymətləndirib və onlara gələcək işlərində uğurlar arzulayıblar.

Sonra məzun olan Femida könüllüləri sertifikatlarla təltif ediliblər.

Qeyd edək ki, onlar üç ay ərzində Bakı şəhəri Xəzər Rayon Məhkəməsində fəaliyyətdə olmuşdurlar. Onlar ilkin və yekun qiymətləndirməni uğurla keçərək, STEP I mərhələsini başa çatdırmışlar.

22/07/2026

13/07/2026

Təməli Ulu Öndər Heydər Əliyev tərəfindən qoyulmuş məhkəmə-hüquq islahatları bu gün də Azərbaycan Respublikasının Prezidenti cənab Ali Baş Komandan İlham Əliyevin rəhbərliyi ilə müasir çağırışlara uyğun inkişaf etdirilir.
Belə ki, ölkə başçısı cənab İlham Əliyevin “məhkəmə-hüquq sistemində islahatların dərinləşdirilməsi haqqında” 03 aprel 2019-cu il tarixli Fərmanının icrasının davamı olaraq Məhkəmə-Hüquq Şurasının təqdimatına əsasən “ Bir sıra birinci instansiya məhkəmələri hakimlərinin təyin edilməsi haqqında" 03 mart 2026-cı il tarixli Azərbaycan Respublikası Prezidentinin Sərəncamı ilə Salmanova Gülnaz Elçin qızı Bakı şəhəri Xəzər Rayon Məhkəməsinə hakim vəzifəsinə təyin edilmişdir. Təyin olunmuş hakimlər yeni qaydalara uyğun olaraq, sərəncamdan sonra müxtəlif məhkəmələrdə və dövlət orqanlarında praktiki təcrübə keçdikdən sonra 13 iyul 2026-cı il tarixdən fəaliyyətə başlamışdırlar.
Bununla əlaqədar olaraq Bakı şəhəri Xəzər Rayon Məhkəməsində tədbir keçirilmiş və həmin tədbirdə Bakı şəhəri Xəzər Rayon Məhkəməsinin sədri Abbas Rzayev yeni təyin olunmuş hakimi məhkəmənin kollektivinə təqdim etmişdir.
Həmçinin məhkəmənin rəhbərliyi, məhkəmənin kollektivi və öz adından yeni təyin olunmuş hakimi təbrik edərək cənab Prezidentin birbaşa rəhbərliyi ilə bütün sahələr üzrə olduğu kimi Məhkəmə-Hüquq Şurasının rəhbərliyi tərəfindən məhkəmə-hüquq sistemində də islahatların davam etdirildiyini, bu məqsədlə dövlət başçısı tərəfindən imzalanmış 03.04.2019-cu il tarixli Fərmanın tələblərinə uyğun olaraq işin müasir çağırışlara uyğun yeni mərhələdə aparıldığını qeyd etmiş və yeni təyin olunmuş hakimin gələcək fəaliyyətində ona uğurlar arzu etmişdir.
Sədr məhkəmə hakimiyyətinin nüfuzunun artırılması istiqamətində görülmüş işlərdən bəhs etmiş, yeni hakimə şərəfli hakim adını hər zaman uca tutmağı, ədalətli, vicdanlı və məsuliyyətli olmağı tövsiyə etmişdir.
Yeni təyin olunmuş hakim çıxış edərək ölkə başçısına minnətdarlığını bildirərək, ona göstərilən yüksək etimadı doğruldacağına və ədalət mühakiməsinin prinsiplərinə dönmədən əməl edəcəyinə söz vermişdir .
Sonda xatirə fotoşəkilləri çəkilmişdir.

03/07/2026

Məhkəmə-Hüquq Şurasının növbəti iclası keçirilib.

İclasda çıxış edən Məhkəmə-Hüquq Şurasının sədri İnam Kərimov məhkəmə sistemində aparılan islahatlar, ədalət mühakiməsinin müasir çağırışlara uyğun təkmilləşdirilməsi istiqamətində görülmüş işlər və qarşıda duran vəzifələr barədə məlumat verib.

İclasda Məhkəmə-Hüquq Şurasının Aparatı və işçi qrupları tərəfindən məhkəmə fəaliyyətinə dair hazırlanmış layihələr ətrafında müzakirələr aparılıb, “Azərbaycan Respublikası məhkəmələrinin ədalət mühakiməsinin həyata keçirilməsi fəaliyyəti nəticəsində yaranan sənədlərin saxlanma müddətləri göstərilməklə sahə Siyahısı və onun tətbiq olunmasına dair Təlimat” və dövrün tələblərinə uyğun olaraq yenidən işlənilmiş “Hakimlərin Etik Davranış Kodeksi” layihələri təsdiq olunub.

Sonra Cinayət mühakiməsi icraatı üzrə ədalət mühakiməsinin səmərəliyinin təhlilinə dair İşçi qrupunun təqdimatı dinlənilib.

Eyni zamanda intizam icraatı üzrə işlərə baxılaraq müvafiq qərarlar qəbul edilib.

01/07/2026

Azərbaycan Hakimlər İttifaqının üzvlərindən bir qrupu Xankəndi və Şuşa şəhərlərinə səfər ediblər.

Azərbaycan Hakimlər İttifaqının təşkilatçılığı ilə Ali Məhkəmə, apellyasiya məhkəmələri, birinci instansiya məhkəmələrinin hakimləri və Məhkəmə-Hüquq Şurası aparatı işçilərindən bir qrupu 2026-cı ilin 26-27 iyun tarixlərində işğaldan azad edilmiş Xankəndi və Şuşa şəhərində olublar.

Səfər zamanı Şuşa şəhərində “Cıdır düzü”, “Vaqif məqbərəsi”, “Bülbülün ev muzeyi”, “Şuşa qalası, Xankəndi şəhərində “Xankəndi məhkəmə kompleksi”, “Zəfər parkı” ziyarət edilib, ermənilər tərəfindən dağıdılan tarixi mədəniyyət abidələri, inzibati və yaşayış binalarına baxış keçirilib.

Qeyd olunub ki, Şuşa şəhəri 2020-ci ildə Azərbaycan Ordusunun əks hücumu nəticəsində, Xankəndi şəhəri isə 19 sentyabr 2023-cü il tarixli lokal xarakterli antiterror əməliyyatları nəticəsində azad olunmaqla ölkəmizin ərazi suverenliyi tam bərpa olunub.

Asudə vaxtlarını səmərəli istifadə etmək üçün Şuşa, Xankəndi və Bərdə şəhərlərində mədəni və əyləncəli tədbirlər keçirilib.

25/06/2026

Bakı şəhəri Xəzər Rayon Məhkəməsinin sədri Abbas Rzayev Polis Akademiyasında mühazirə deyib.

Polis Akademiyasında kursantların peşə hazırlığının daha da təkmilləşdirilməsi istiqamətində həyata keçirilən tədbirlər çərçivəsində məhkəmə hakimlərinin iştirakı ilə mühazirələr mütəmadi olaraq təşkil edilir. Bu dərslər kursantların həm nəzəri biliklərinin dərinləşdirilməsinə, həm də praktiki təcrübə ilə zənginləşdirilməsinə şərait yaradır.

22 iyun 2026-cı il tarixdə təşkil olunan interaktiv dərsdə qonaq qismində Bakı şəhəri Xəzər Rayon Məhkəməsinin sədri Abbas Rzayev, “Ədalət mühakiməsi əleyhinə olan cinayətlər” mövzusunda mühazirə ilə çıxış edib.

Dərs zamanı nəzəri biliklərlə yanaşı, peşə fəaliyyətində qarşılaşılan praktiki hallardan nümunələr təqdim edilib, mövzu ətrafında geniş izahatlar verilib.

İnteraktiv müzakirələr şəraitində keçirilən mühazirəl zamanı kursantları maraqlandıran suallar cavablandırılıb, onların peşəkar dünyagörüşünün və praktiki bacarıqlarının inkişafına xidmət edən mühüm məsələlər diqqətə çatdırılıb.

25/06/2026

Xəzər rayonunda 23 iyun - Dövlət qulluqçularının peşə bayramı qeyd olunub.

https://xazar-ih.gov.az/az/news/xezer-rayonunda-23-iyun-dovlet-qulluqcularinin-peshe-bayrami-qeyd-olunub.html