Mehriban Vəliyeva

18/06/2026

Mən bu gün təhsil və iqtisadi inkişaf istiqamətində bir neçə məsələyə toxunmaq istəyirəm. Azərbaycanda iqtisadi inkişafın əsas dayaqlarından biri kiçik və orta sahibkarlığın inkişafıdır. Xüsusilə qadın sahibkarlığının inkişafı və bu sahədə peşə hazırlığının artırılması ilə bağlı bəzi fikirlərimi bölüşmək istərdim.

Ətraflı:⬇️

https://qht.az/details/az/50731

18/06/2026

16/06/2026

15/06/2026

Məzmunda Azərbaycan dili, nitq mədəniyyəti, davranış mədəniyyəti, oxu mədəniyyəti, rəqəmsal mədəniyyət, mədəni irsin qorunması və yaradıcılıq bacarıqları kimi istiqamətlər də öz əksini tapmalıdır.
Dərsliklər və təhsil proqramları hazırlanarkən son illərdə dövlət qurumları tərəfindən həyata keçirilən mədəni layihələrin, Heydər Əliyev Fondunun milli-mədəni irsin qorunması sahəsində gördüyü işlərin və Azərbaycanın beynəlxalq mədəni əməkdaşlıq təcrübəsinin də öyrənilməsi faydalı olardı. Bu nümunələr gənclərdə milli irsə sahiblik hissini daha da gücləndirə bilər.

Deputatlar Mehriban Vəliyeva və Elnarə Akimova məktəblərdə mədəniyyət fənninin tədrisi, milli kimlik və gənclərin dünyagörüşünə təsiri barədə danışıb.

15/06/2026

Hörmətli 44 saylı Sumqayıt üçüncü seçki dairəsinin sakinləri, bu ay üçün ikinci vətəndaş qəbulumuz 18 iyun saat 12:00-da baş tutacaq. Qəbul Yeni Azərbaycan Partiyasının Sumqayıt şəhər təşkilatının qərargahında (6-cı mikrorayon) keçiriləcək.
Qəbula yazılmaq üçün aşağıdakı əlaqə vasitələrindən istifadə etməyiniz xahiş olunur:

Əlaqə
Telefon: +994 99 129 28 07
Elekron poçt: [email protected]

15/06/2026

15 İyun Azərbaycan xalqının taleyində mühüm dönüş nöqtəsi, dövlətçiliyimizin xilası və möhkəmlənməsinin təməlini qoyan əlamətdar tarixi gündür. 1993-cü il iyunun 15-də Ümummilli Lider Heydər Əliyevin xalqın təkidli tələbi ilə siyasi hakimiyyətə qayıdışı ölkəmizi dərin siyasi böhrandan, vətəndaş qarşıdurması və parçalanma təhlükəsindən xilas etdi.
Milli Qurtuluş Günü Azərbaycanın müstəqilliyinin qorunması, sabitliyin bərpası və davamlı inkişaf yolunun başlanğıcı kimi tariximizə həkk olunmuşdur. Məhz bu qurtuluş yolu ölkəmizin güclü dövlətə çevrilməsinə, milli birliyin möhkəmlənməsinə və gələcək uğurların əsasının qoyulmasına şərait yaratdı.
Bu əlamətdar gün münasibətilə xalqımızı təbrik edir, ölkəmizə davamlı inkişaf, rifah və əmin-amanlıq arzulayıram.
Milli Qurtuluş Günümüz mübarək!

11/06/2026

2021-ci il iyunun 15-də Azərbaycanın mədəniyyət paytaxtı Şuşa şəhərində imzalanan “Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi” iki qardaş ölkə arasında münasibətlərin tarixində yeni və keyfiyyətcə daha yüksək mərhələnin əsasını qoydu. Tarixi Qələbədən sonra azad edilmiş Şuşada imzalanan bu sənəd yalnız Azərbaycan-Türkiyə əlaqələrinin inkişafını deyil, həm də regionun gələcək geosiyasi və geoiqtisadi mənzərəsini müəyyən edən mühüm strateji sənəd kimi qiymətləndirilir.

“Bir millət, iki dövlət” fəlsəfəsinin müasir dövrdə ən ali siyasi ifadəsi məhz Şuşa Bəyannaməsində öz əksini tapmışdır.

11/06/2026

Deputat seçildiyim 44 saylı Sumqayıt üçüncü seçki dairəsində vətəndaşlarla növbəti görüşümüz baş tutdu. İyun ayı çərçivəsində keçirilən növbəti vətəndaş qəbulu Sumqayıt şəhərinin 18-ci mikrorayon ərazisində təşkil olundu. Görüş zamanı sakinlərin müraciət və təklifləri dinlənildi, onları narahat edən məsələlər ətraflı müzakirə edildi. Qaldırılan bütün məsələlər qeydə alınaraq aidiyyəti dövlət qurumlarına yönləndirilməsi və icrasının nəzarətdə saxlanılması məqsədilə müvafiq tədbirlər görüldü. Vətəndaşların rifahının yüksəldilməsi, sosial təminatının gücləndirilməsi, eləcə də onların haqlı müraciətlərinin operativ və effektiv şəkildə həlli fəaliyyətimizin əsas prioritet istiqamətlərindəndir. Bu məqsədlə sakinlərlə müntəzəm görüşlərin keçirilməsi və onların problemlərinin həlli istiqamətində ardıcıl işlərin görülməsi davam etdirilir.