28/03/2017
“ Ziyalı olmaq şux geyinmək, yaxud dəbli papaqla gəzmək deyil. Aydınlar xalqın beynidir. Xalq bizi təhsil aldıqdan sonra yüksək maaşlı işə girib axşamlar restoranlarda oturmaq, guya “mütaliə salonlarında” oturub kart, domino oynamaq üçün yetişdirmədi. Bu həyatı yaşayanlar ziyalı yox, ziyalı qırıntılarıdır. Sizin ziyalı olaraq vəzifəniz xalqın zəkasını, vicdanını, iradə və enerjisini oyatmaq və hərəkətə gətirməkdir. Xalqın düşünmə qabiliyyətini canlandirmaq, fəhlələri, kəndliləri və cəmiyyətin aşağı təbəqələrini daha yaxşı bir həyat qurmaq üçün yönləndirmək və maarifləndirmək - sizin vəzifəniz budur.
Xalqa necə işləməli olduğundan danışın. Kasıb olsada sağlam həyatı necə formalaşdıracağını, özünün və övladlarının sağlamlığını necə təmin edəcəyini izah edin. İnsanlar arasında xoşbəxt ailə həyatı qurmaq, ər və arvadın bir-birinə qarşı davranış qaydaları, uşaqların necə yetişdirilməli olduğuna dair maarifləndirmə işləri aparın.
Xalqı nizam-intizama və dəqiqliyə öyrəşdirin. Vicdan və məsuliyyət hissini inkişaf etdirin, nizamlı həyatın qiymətini bilməyi, öz xalqının olduğu kimi, digər xalqların hüquqlarına hörmət etməli olduğunu təlqin edin.
Bu mənada xalqa yaxşı nümunə olun, münasibətiniz, sözünüz və işinizlə xalqın müəllimi olduğunuzu göstərin.
Suomimizin böyük bir ailə olduğunu, fin xalqının kasıb odunçusu, fəhləsi, dul camaşırcı qadınları – bütün fərdləriylə sizin kiçik bacı-qardaşlarınız olduğunu unutmayın.
Sizin vəzifəniz onları yetişdirmək, çağdaş və inkişaf etmiş xalqlar arasında yer almalarını təmin etməkdir.
Xalqınız cəhaləti, kobudluğu, əyyaş və axlaqsız həyat tərzi, xəstəlikləri və kasıblığı sizin utancınızdır, bunların günahkarı sizsiniz.”
- “Bəyaz Zanbaqlar Ölkəsində” kitabından (Səh. 30)
