333 nömrəli Tam Orta Ümumtəhsil Məktəbi

19/07/2026

Məktəbimizin yüksək nəticə göstərən şagirdlərini ürəkdən təbrik edirik!

Əldə etdiyiniz uğurlar uzunmüddətli zəhmətinizin, məqsədyönlülüyünüzün və əzmkarlığınızın ən gözəl bəhrəsidir. Bu sevincdə əməyi olan müəllimlərimizə və hər zaman övladlarının yanında olan valideynlərimizə də təşəkkür edirik.

Sizə gələcək təhsil həyatınızda daha böyük uğurlar, yeni nailiyyətlər və parlaq gələcək arzulayırıq. İnanırıq ki, bundan sonra da bilik və bacarıqlarınızla məktəbimizi və ölkəmizi layiqincə təmsil edəcəksiniz.

🌹 Uğurlarınız davamlı, yolunuz daim açıq olsun!

07/07/2026

333 nömrəli tam orta məktəbin rəhbərliyi və kollektivi adından sertifikasiya imtahanında yüksək bal toplayaraq böyük uğura imza atan bütün müəllimlərimizi ürəkdən təbrik edirik! Sizin bu yüksək nəticəniz məktəbimizin adını ucaltdı və hər birimizi sonsuz qürurlandırdı. Çəkdiyiniz zəhmət, göstərdiyiniz peşəkarlıq və fədakarlıq Azərbaycan təhsilinə və şagirdlərimizə olan sevginizin ən gözəl sübutudur.Sizə pedaqoji fəaliyyətinizdə yeni-yeni zirvələr,tükənməz enerji və daimi uğurlar arzulayırıq! 🎓📚

06/07/2026

Təbrik edirik! 🌹

Məktəbimizin müəllimləri müəllimlərin sertifikatlaşdırılması prosesini uğurla başa vuraraq attestasiyadan keçmişlər.

Sertifikasiyadan uğurla keçən müəllimlərimiz:

🔹 Muradova Gülnar Adil
🔹 Əsədova Fəridə Allahverdi
🔹 Əsədova Günel Mikayıl
🔹 Ağalarova Gülşən Arif
🔹 Soltanova Aysu Qənbər
🔹 Tahirov Munis Malik
🔹 Məcidli Xəyalə Müşfiq
🔹 Emçiyeva Nurlana Əkbər

Hörmətli müəllimlərimizi bu uğurlu nəticə münasibətilə ürəkdən təbrik edir, onlara möhkəm cansağlığı, tükənməz enerji, yeni nailiyyətlər və pedaqoji fəaliyyətlərində davamlı uğurlar arzulayırıq. Əminik ki, bilik və təcrübənizlə bundan sonra da şagirdlərimizin uğurlarına dəyərli töhfələr verəcəksiniz.

Qürur duyuruq, təbrik edirik! 👏🌹

06/07/2026

333 nömrəli tam orta məktəbin müəllimi Nurlana Emçiyeva rəqəmsal bacarıqlar sahəsində beynəlxalq səviyyədə tanınan ICDL Profile Certificate sertifikatını uğurla əldə etmişdir.

Məktəbimizin müəllimini bu əlamətdar nailiyyət münasibətilə səmimi qəlbdən təbrik edir, gələcək fəaliyyətində yeni uğurlar və nailiyyətlər arzulayırıq! 👏

06/07/2026

♟️ Təbrik edirik!

333 nömrəli məktəbin şagirdi Məmmədova Mehin Xırdalan şəhərində keçirilən IV dərəcəli şahmat yarışı üzrə I yerə layiq görülmüşdür.

Şagirdimizi bu uğuru münasibətilə ürəkdən təbrik edir, ona gələcək yarışlarda da yeni nailiyyətlər arzulayırıq!

01/07/2026

333 nömrəli məktəbdə 2025–2026-cı tədris ilinin sonuncu pedaqoji şura iclası keçirilib. İclasda tədris ilinin yekunları, görülən işlər, əldə olunan nailiyyətlər və qarşıda duran məsələlər müzakirə olunub.

Pedaqoji şura iclasında məktəbin tədris və tərbiyə sahəsində fəaliyyəti dəyərləndirilib, müəllimlərin il ərzində göstərdiyi əzm və fədakarlıq xüsusi vurğulanıb.

İclas zamanı məktəbin müəllimi Hüseynova İlhamənin müəllimlərin qarşılıqlı yerdəyişməsi yolu ilə fəaliyyətini başqa məktəbdə davam etdirəcəyi də qeyd olunub. Məktəb kollektivi tərəfindən İlhamə müəllimə göstərdiyi xidmətlərə, peşəkarlığına və kollektivdəki fəaliyyətinə görə təşəkkür edilib, yeni iş yerində uğurlar arzulanıb.

333 nömrəli məktəb kollektivi olaraq müəllimimizə gələcək fəaliyyətində uğurlar, yeni nailiyyətlər arzulayırıq. 🌸

24/06/2026

333 nömrəli məktəbdə müəllim Günay Ağayevanın təşəbbüsü və təşkilatçılığı ilə şagirdlərin rəsm sərgisi keçirildi. Sənətin rəngli dünyasını əks etdirən bu tədbirdə 9C sinif şagirdi Məcidsoy Gülnal və Talıblı Vüsalın fırçasından çıxan əsərlər nümayiş olundu və böyük maraqla qarşılandı.

Sərgi məktəb mühitini bir sənət qalereyasına çevirərək rənglərin və duyğuların harmoniyası ilə iştirakçılara unudulmaz anlar yaşatdı. Tədbirə çoxsaylı qonaqlar qatıldı.

Qonaqlar arasında Beynəlxalq Qalereyanın direktoru Elnurə İsgəndərova, Azərbaycan Rəssamlıq Akademiyasının rəhbəri Zinaida Mirzəzadə və AEİZM Brendinin rəhbəri Aygün Kamilqızı da yer aldı. Onlar şagirdlərin yaradıcılığını yüksək qiymətləndirərək onları sertifikatlarla təltif etdilər.

23/06/2026

333 nömrəli məktəbdə fəallıq və uğurlar qiymətləndirildi 🌟

Məktəbin rəhbərliyi tərəfindən müəllim Şükürova Zülfüyyə məktəbin ictimai işlərində il ərzində göstərdiyi fəallıq, təşəbbüskarlıq və nümunəvi fəaliyyətinə görə təltifnamə ilə təltif olunmuşdur.

Eyni zamanda, Şükürova Zülfiyyə sinfində təhsil alan şagirdlərin il ərzində göstərdikləri fəallıq və nailiyyətləri qiymətləndirərək,onlara sertifikatlar təqdim etmişdir.

Bu cür təşviqedici addımlar şagirdlərin motivasiyasının artırılmasına və məktəb həyatında daha fəal iştirak etmələrinə böyük töhfə verir.

Uğurlarınız daim bol olsun! 🌸

21/06/2026

🌟 Şagirdlərimizin uğurlu iştirakı 🌟

333 nömrəli tam orta məktəbin şagirdləri müəllim Günay Ağayevanın rəhbərliyi ilə Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunda 22–26 may 2026-cı il tarixlərində keçirilən “Azərbaycan–Özbəkistan–Türkmənistan” panelində iştirak ediblər.

Tədbirdə fəal iştiraklarına görə məktəbin şagirdləri sertifikatla təltif olunublar.

Sertifikatları Nizami Gəncəvi adına Ədəbiyyat İnstitutunun aparıcı elmi işçisi, Məhtimqulu Fəraqi adına Türkmən ədəbiyyatı şöbəsinin rəhbəri İsmixan Osmanlı və institutun elmi işçisi Töhfə Talibova təqdim ediblər.

Şagirdlərimizi təbrik edir, onlara yeni elmi nailiyyətlər və uğurlar arzulayırıq! 📚✨

19/06/2026

Yeni təmayül tədris modelinə qeydiyyat başlayıb

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən tam orta ümumtəhsil müəssisələrində X-XI siniflər üçün nəzərdə tutulan yeni təmayül tədris modelinə şagird və müəllimlərin qeydiyyatı başlayıb.

Modelin əsas məqsədi şagirdlərin əlavə hazırlıq kurslarına ehtiyac duymadan məktəbdə təşkil olunan gücləndirilmiş tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir.

Qeydiyyat prosesində BŞTİ-nin tabeliyində fəaliyyət göstərən tam orta ümumtəhsil müəssisələrinin X və XI sinif şagirdləri iştirak edə bilərlər.

Tədris prosesinin keyfiyyətinin yüksəldilməsi məqsədilə qabaqcıl pedaqoji təcrübəyə malik müəllimlər də yeni təmayül tədris modelinə cəlb olunacaqlar. Seçim zamanı peşəkarlıq, pedaqoji fəaliyyət göstəriciləri və tədrisin keyfiyyətinə təsir edən digər meyarlar nəzərə alınacaq.

Yeni təmayül tədris modelində iştirak etmək istəyən şagird və müəllimlər elektron sistem vasitəsilə müraciət edə bilərlər.

Şagirdlər üçün qeydiyyat:
https://docs.google.com/forms/d/e/1FAIpQLSfH-gbLr4r0Hf5p2IRbbbZqURFZUcSA6A72Gz1qytwUT9_xcQ/viewform?usp=publish-editor

Müəllimlər üçün qeydiyyat:
https://docs.google.com/forms/d/e/1FAIpQLScbzg-UGJSydggPrLl4Eo1shd-FeVCrkLVrWaY9zA8ZIGuiFw/viewform?usp=header

Hörmətli müəllimlər! Bakı Şəhəri üzrə Təhsil İdarəsi (BŞTİ) tabeliyində fəaliyyət göstərən tam orta ümumtəhsil müəssisələrinin X və XI siniflərində tədris prosesinin keyfiyyətinin yüksəldilməsi və qabaqcıl pedaqoji təcrübəyə malik kadrların seçilməsi məq...