İçərişəhər Dövlət Tarix-Memarlıq Qoruğu İdarəsi

03/09/2026

Çin Xalq Respublikasının Ali Xalq Prokurorluğunun Baş prokuroru Yinq Yonq İçərişəhəri ziyarət edib.

“İçərişəhər” Dövlət Tarix-Memarlıq Qoruğu İdarəsinin rəhbər heyətinin müşayiəti ilə keçirilən tur zamanı qonağa qədim şəhərin tarixi, zəngin memarlıq irsi və bu irsin qorunması istiqamətində görülən işlər barədə ətraflı məlumat verilib.

Xüsusi marşrut üzrə təşkil olunan gəzinti çərçivəsində Yinq Yonq İçərişəhərin əsas tarixi və memarlıq abidələri ilə yaxından tanış olub.

02/09/2026

Tarixin qəlbi Xəzərin sahilində döyünür! ✨

Şanlıurfanın zəngin mədəniyyəti, qədim ənənələri və özünəməxsus ab-havası İçərişəhərdə canlanacaq.

Sizi 5–6 sentyabr tarixlərində Qoşa Qala meydanında keçiriləcək “Şanlıurfa Mədəniyyət Günləri”nə dəvət edirik!

📅 5–6 sentyabr 2026
🕕 Saat 18:00
📍 İçərişəhər, Qoşa Qala meydanı

Tədbirin ətraflı proqramı yaxın zamanda paylaşılacaq. Yenilikləri izləməyi unutmayın!

01/09/2026

01/09/2026

Əncirin ətri, Qalanın ab-havası və festivalın rəngləri bir arada… 💚

Artıq ikinci ildir ki, Qalada keçirilən Əncir Festivalı bu il daha rəngarəng və maraqlı proqramla qonaqlarını bir araya gətirib.

Əncir nemətləri, sənətkarlıq nümunələri, ustad dərsləri, musiqi və əyləncə - festivalın hər guşəsində fərqli bir ab-hava yaşandı.

Bir ənənəyə çevrilən builki Əncir Festivalından yadda qalan rəngarəng anları sizinlə bölüşürük. ✨

01/09/2026

4 sentyabr tarixində Dünya İrsi Şəhərləri Təşkilatı (OWHC) Günü münasibətilə “Mənim İçərişəhərim: yaşayan irs, yaşayan icma” mövzusunda konfrans və panel müzakirəsi keçiriləcək.

Tədbirdə İçərişəhərin yaşayan irsinin qorunması, yerli icmanın rolu və beynəlxalq təcrübə mübadiləsi müzakirə olunacaq.

📅 4 sentyabr 2026
🕥 10:30–13:00
📍 Bakı Fotoqrafiya Evi, Böyük Qala küçəsi 42

28/08/2026

Bakının gizli ruhu oyanır… ✨
Musiqi, rəqs və işığın valehedici ahəngində Xəzri ilə Gilavarın rəqsi, qədim dastanların sehri yenidən canlanır. Divanxananın sirli divarları bu dəfə sizə tamamilə fərqli bir hekayə pıçıldayacaq. 🌬️🏰

Siz də bu fərqli təcrübəni yaşamağa hazırsınız?

📍 Şirvanşahlar Sarayı Kompleksi, Divanxana
📅 4 sentyabr
🕘 21:00
🎟️ Biletlər: İçərişəhərdəki informasiya mərkəzlərində!
📩 Suallarınız var? DM-ə yazın, ətraflı məlumat verək.

28/08/2026

Qalada sakinlərlə açıq dialoq 🤝

28 avqustda İdarə Heyətinin sədri Rüfət Mahmud Qala qoruğunda yaşayan sakinlərin müraciətlərini dinləyib.

Görüşdə onları narahat edən məsələlər müzakirə olunub, suallar cavablandırılıb, həlli vacib məsələlər üzrə aidiyyəti struktur bölmələrinə tapşırıqlar verilib.

27/08/2026

Dəyərli izləyicilər!

27, 28 və 29 avqust tarixlərində Şirvanşahlar Sarayı Kompleksi texniki işlərin aparılması ilə əlaqədar hər gün saat 18:00-dan 21:00-dək ziyarət üçün bağlı olacaq.

Ziyarətinizi planlaşdırarkən bunu nəzərə almağınızı xahiş edirik.

Anlayışınız üçün təşəkkür edirik!

26/08/2026

Ölkənin qabaqcıl inkişaf platformalarından biri olan “Yüksəliş” müsabiqəsi çərçivəsində mentorluq fəaliyyətini həyata keçirən İdarə Heyətinin sədri Rüfət Mahmud müsabiqənin növbəti qalibi Nəzakət Hüseynova ilə görüşüb. Rüfət Mahmud onu qazandığı uğur münasibətilə bir daha təbrik edib.

Görüş zamanı Nəzakət Hüseynovanın gələcək planları, peşəkar inkişaf istiqamətləri və karyera hədəfləri ətrafında fikir mübadiləsi aparılıb, Rüfət Mahmud öz idarəçilik təcrübəsindən irəli gələn tövsiyələrini bölüşüb.

26/08/2026

Bu gün Azərbaycan Respublikasının Birinci vitse-prezidenti Mehriban xanım Əliyevanın doğum günüdür.

Bu münasibətlə Mehriban xanım Əliyevanı səmimi-qəlbdən təbrik edirik, ona möhkəm cansağlığı, ölkəmizin dayanıqlı inkişafı naminə çoxşaxəli fəaliyyətində yeni-yeni uğurlar arzu edirik.