Elektron Təhlükəsizlik Xidməti - Electronic Security Service

Elektron Təhlükəsizlik Xidməti - Electronic Security Service Rəqəmsal İnkişaf və Nəqliyyat Nazirliyinin tabeliyində Milli Kibertəhlükəsizlik Agentliyi
📞1654
Xətai prospekti 16, Baku, Azerbaijan AZ1008

Gənclər cəmiyyətin inkişafında, innovasiyaların təşviqində və gələcəyin formalaşmasında mühüm rol oynayırlar. Rəqəmsal d...
12/08/2026

Gənclər cəmiyyətin inkişafında, innovasiyaların təşviqində və gələcəyin formalaşmasında mühüm rol oynayırlar. Rəqəmsal dövrdə gənclərin kibertəhlükəsizlik sahəsində bilik və bacarıqlarının artırılması, onların təhlükəsiz rəqəmsal mühitdə fəaliyyət göstərməsi xüsusi əhəmiyyət daşıyır.

Beynəlxalq Gənclər Günü münasibətilə bütün gəncləri təbrik edir, onlara uğurlar və yeni imkanlarla dolu zəngin gələcək arzulayırıq!

Azərbaycan Respublikası Prezidentinin imzaladığı yeni qanunla ölkəmizdə kibertəhlükəsizliyin müasir hüquqi və institusio...
10/08/2026

Azərbaycan Respublikası Prezidentinin imzaladığı yeni qanunla ölkəmizdə kibertəhlükəsizliyin müasir hüquqi və institusional tənzimlənməsi istiqamətində mühüm addım atılıb.
 
Qanunla kibertəhlükəsizlik sahəsində fəaliyyətin tənzimlənməsi və koordinasiyası məqsədilə bir sıra mühüm müddəalar müəyyən edilir. Belə ki:

• qanunvericiliyə “informasiya infrastrukturu”, “kibertəhlükəsizlik”, “kibergigiyena”, “proaktiv kibertəhlükəsizlik tədqiqatı”, “ictimai əhəmiyyətli funksiyaları yerinə yetirən informasiya infrastrukturu”, “rəqəmsal tədqiqat”, “CERT”, “SOC” və “Milli CERT” kimi yeni anlayışlar daxil edilir;

• ölkə üzrə kibertəhlükəsizlik fəaliyyətinin koordinasiyasının təmin edilməsi məqsədilə Milli CERT yaradılır və onun fəaliyyət mexanizmi müəyyən edilir;

• ictimai əhəmiyyətli funksiyaları yerinə yetirən informasiya infrastrukturlarının kibertəhlükəsizliyinə dair ümumi və xüsusi tələblər müəyyənləşdirilir;

• CERT və SOC-ların reyestrinin aparılması qaydaları təsbit edilir;

• kiberinsidentlərin rəqəmsal tədqiqinin hüquqi əsasları formalaşdırılır.
 
Bununla yanaşı, Azərbaycan Respublikası Prezidentinin müvafiq Fərmanı ilə Milli Kibertəhlükəsizlik Agentliyi Milli CERT olaraq müəyyən edilib. Agentlik ölkə üzrə kibertəhlükəsizlik fəaliyyətinin koordinasiyasını həyata keçirəcək.
 
Qanun və Fərmanla ətraflı tanış olmaq üçün:
https://president.az/az/articles/view/73236
https://president.az/az/articles/view/73235

MKA ilə Çinin Milli CERT-i arasında əməkdaşlığın genişləndirilməsi müzakirə olunub Rəqəmsal İnkişaf və Nəqliyyat Nazirl...
07/08/2026

MKA ilə Çinin Milli CERT-i arasında əməkdaşlığın genişləndirilməsi müzakirə olunub

Rəqəmsal İnkişaf və Nəqliyyat Nazirliyinin tabeliyində fəaliyyət göstərən Milli Kibertəhlükəsizlik Agentliyi (MKA) ilə Çinin Milli Kompüter Şəbəkəsi Fövqəladə Hallara Cavab üzrə Texniki Qrupu və Koordinasiya Mərkəzi (CNCERT/CC) arasında 7 avqust 2026-cı il tarixində onlayn görüş keçirilib.

Görüşdə kibertəhlükəsizlik sahəsində ikitərəfli əməkdaşlığın inkişaf perspektivləri və yeni əməkdaşlıq istiqamətləri ətrafında fikir mübadiləsi aparılıb.

Müzakirələrin əsas mövzularından biri potensial və aktual kibertəhdidlər barədə operativ məlumat mübadiləsinin təşkili, eləcə də tərəflər arasında effektiv kommunikasiya mexanizminin formalaşdırılması olub. Bu çərçivədə kibertəhlükəsizlik insidentlərinə çevik reaksiya verilməsi, qarşılıqlı məlumatlandırmanın gücləndirilməsi və mümkün təhdidlərin qarşısının alınması istiqamətində əməkdaşlıq imkanları nəzərdən keçirilib.

Görüşdə kibertəhdidlərin qlobal xarakter daşıdığı vurğulanaraq, onlarla effektiv mübarizədə beynəlxalq əməkdaşlığın mühüm əhəmiyyət kəsb etdiyi bildirilib. Tərəflər bu sahədə qarşılıqlı əlaqələrin davamlı inkişaf etdirilməsinin vacibliyini qeyd edərək, əməkdaşlığın daha da genişləndirilməsində maraqlı olduqlarını ifadə ediblər.

İnzibati Xətalar Məcəlləsində, “İnformasiya, informasiyalaşdırma və informasiyanın mühafizəsi haqqında” və “Uşaqların zə...
06/08/2026

İnzibati Xətalar Məcəlləsində, “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanunlarda dəyişiklik edilməsi barədə qanun uşaqların sosial şəbəkə platformalarında təhlükəsizliyinin daha effektiv təmin edilməsinə, onların rəqəmsal mühitdə formalaşan mənfi təsirlərdən qorunmasına yönəlib.

Qanun layihəsi “Uşaqların rəqəmsal mühitdə zərərli məzmun və təsirlərdən qorunması ilə bağlı tədbirlər haqqında” Azərbaycan Respublikası Prezidentinin Sərəncamının icrasını təmin etmək məqsədilə hazırlanıb.

Ətraflı: https://www.cert.az/news/2026/mka-usaqlar-qanun

Milli Kibertəhlükəsizlik Agentliyinin əməkdaşı Ailə, Qadın və Uşaq Problemləri üzrə Dövlət Komitəsinin təşkilatçılığı il...
04/08/2026

Milli Kibertəhlükəsizlik Agentliyinin əməkdaşı Ailə, Qadın və Uşaq Problemləri üzrə Dövlət Komitəsinin təşkilatçılığı ilə həyata keçirilən “Mənim hüquqlarım” təşviqat avtobusu layihəsində iştirak edib.
 
Layihə çərçivəsində iyul ayı ərzində Biləsuvar, Oğuz və Şamaxı rayonlarının kəndlərində məktəblilər üçün “İnternet təhlükəsizliyi” mövzusunda maarifləndirici görüşlər keçirilib. Tədbirlər zamanı 386 şagirdə rəqəmsal mühitdə təhlükəsiz davranış qaydaları, fərdi məlumatların qorunması, kibertəhdidlərdən müdafiə üsulları, kibergigiyena vərdişlərinin formalaşdırılması, eləcə də onlayn mühitdə mövcud risklər və onlardan qorunma yolları barədə məlumat verilib.
 
Qeyd edək ki, təşəbbüsün əsas məqsədi uşaqların hüquqları ilə bağlı məlumatlılığının artırılması, onların təhlükəsiz inkişafına dəstək göstərilməsi, həmçinin rəqəmsal mühitdə məsuliyyətli və təhlükəsiz davranış vərdişlərinin formalaşdırılması olub.

     

Ana dilimiz milli kimliyimizin, mədəniyyətimizin və mənəvi dəyərlərimizin əsas dayağıdır. Rəqəmsal dövrdə də Azərbaycan ...
01/08/2026

Ana dilimiz milli kimliyimizin, mədəniyyətimizin və mənəvi dəyərlərimizin əsas dayağıdır. Rəqəmsal dövrdə də Azərbaycan dilinin düzgün istifadəsi və milli əlifbamızın qorunması hər birimizin ortaq məsuliyyətidir.
 

30 iyul 2026-cı il tarixində “İnformasiya, informasiyalaşdırma və informasiyanın mühafizəsi haqqında” Azərbaycan Respubl...
31/07/2026

30 iyul 2026-cı il tarixində “İnformasiya, informasiyalaşdırma və informasiyanın mühafizəsi haqqında” Azərbaycan Respublikası Qanununa dəyişiklik edilməsi barədə Qanun qüvvəyə minmişdir.

Dəyişikliklərə əsasən, yayılması qanunla qadağan edilən informasiyanın internet informasiya ehtiyatlarında yerləşdirilməsinin qarşısının alınması məqsədilə səlahiyyətli orqanın qərarı əsasında həmin informasiyanın yerləşdirildiyi internet informasiya ehtiyatlarına müraciət müvəqqəti məhdudlaşdırıla bilər.

Eyni zamanda, Azərbaycan Respublikası Prezidentinin 30 iyul 2026-cı il tarixli Fərmanı ilə yayılması qadağan edilən informasiyanın süni intellekt texnologiyaları və digər texniki vasitələrdən istifadə edilməklə avtomatik aşkarlanması və internet informasiya ehtiyatlarında yerləşdirilməsinin qarşısının alınması istiqamətində hüquqi əsas yaradılmışdır.

Ətraflı məlumat üçün:

https://president.az/az/articles/view/73150
https://president.az/az/articles/view/73151

Milli Kibertəhlükəsizlik Agentliyi və Latviya Dövlət Məlumat Müfəttişliyi arasında Anlaşma Memorandumu imzalanıb  Rəqəms...
30/07/2026

Milli Kibertəhlükəsizlik Agentliyi və Latviya Dövlət Məlumat Müfəttişliyi arasında Anlaşma Memorandumu imzalanıb 
 
Rəqəmsal İnkişaf və Nəqliyyat Nazirliyinin tabeliyində fəaliyyət göstərən Milli Kibertəhlükəsizlik Agentliyi ilə Latviya Respublikasının Dövlət Məlumat Müfəttişliyi arasında fərdi məlumatların mühafizəsi sahəsində əməkdaşlığa dair Anlaşma Memorandumu imzalanıb. 

Memorandumun əsas məqsədi tərəflər arasında əməkdaşlığın gücləndirilməsi, birgə layihə və proqramların həyata keçirilməsi, bilik və təcrübə mübadiləsinin təşviqi, həmçinin fərdi məlumatların işlənilməsi zamanı insan hüquqlarının qorunmasına töhfə verməkdir. 

Sənəd tərəflər arasında qabaqcıl təcrübələrin paylaşılması, institusional potensialın gücləndirilməsi və beynəlxalq əməkdaşlığın genişləndirilməsi istiqamətində səylərin daha da möhkəmləndirilməsinə xidmət edəcək. Eyni zamanda memorandum regionda fərdi məlumatların mühafizəsi sahəsində effektiv və dayanıqlı əməkdaşlıq mexanizmlərinin formalaşdırılmasına töhfə verəcək. 

30 İyul – Ümumdünya İnsan Alverinə qarşı Mübarizə Günü insan alveri cinayətinin qarşısının alınması və bu təhlükəyə qarş...
30/07/2026

30 İyul – Ümumdünya İnsan Alverinə qarşı Mübarizə Günü insan alveri cinayətinin qarşısının alınması və bu təhlükəyə qarşı ictimai məlumatlılığın artırılması məqsədi daşıyır.
 
Rəqəmsal texnologiyaların sürətli inkişafı ilə insan alverçiləri sosial şəbəkələr, saxta iş elanları, mesajlaşma platformaları və digər onlayn vasitələrdən istifadə edərək insanları aldatmağa çalışırlar.
 
Özünüzü və yaxınlarınızı qorumaq üçün:
🔹 Şübhəli iş və təhsil təkliflərinə qarşı diqqətli olun;
🔹 Fərdi və maliyyə məlumatlarınızı tanımadığınız şəxslərlə paylaşmayın;
🔹 İşə qəbul edən şirkət və vasitəçilərin etibarlılığını öncədən yoxlayın;
🔹 Təhlükəli hallarla qarşılaşdıqda aidiyyəti dövlət qurumlarına məlumat verin.
 

Azərbaycan milli mətbuatı yarandığı gündən etibarən cəmiyyətin maariflənməsində, ictimai fikrin formalaşmasında, dövlətç...
22/07/2026

Azərbaycan milli mətbuatı yarandığı gündən etibarən cəmiyyətin maariflənməsində, ictimai fikrin formalaşmasında, dövlətçilik ənənələrinin və milli-mənəvi dəyərlərin təbliğində mühüm rol oynayıb.

Müasir informasiya mühitində peşəkar jurnalistika, etibarlı xəbər mənbələri və məsuliyyətli media ictimaiyyətin düzgün məlumatlandırılması, dezinformasiyaya qarşı mübarizə və kibertəhlükəsizliyin gücləndirilməsi baxımından böyük əhəmiyyət daşıyır.

Milli Mətbuat Günü münasibətilə bütün media nümayəndələrini təbrik edir, onlara peşəkar fəaliyyətlərində uğurlar arzulayırıq!

Address

Xətai Prospekti 16, Azerbaijan
Baku
AZ1008

Website

Alerts

Be the first to know and let us send you an email when Elektron Təhlükəsizlik Xidməti - Electronic Security Service posts news and promotions. Your email address will not be used for any other purpose, and you can unsubscribe at any time.

Shortcuts

Share

Category