Strateji Obyektlərin Mühafizəsi Dövlət Agentliyi

03/09/2026

Strateji Obyektlərin Mühafizəsi Dövlət Agentliyinin hərbi qulluqçuları “Yaxın qoruma” kursunda iştirak edib

Azərbaycan Respublikasının Strateji Obyektlərin Mühafizəsi Dövlət Agentliyinin hərbi qulluqçuları Dövlət Mühafizə Xidmətinin Xüsusi təlim mərkəzində mühüm şəxslərin mühafizəsi üzrə “Yaxın qoruma” kursunda iştirak ediblər.

Kurs müddətində şəxsi heyətin xüsusi atəş, xüsusi taktiki, xüsusi fiziki hazırlıq və psixoloji dayanıqlıq, müxtəlif vəziyyətlərdə silahdan sürətli və dəqiq istifadə, dəyişkən mühitdə vəziyyəti qiymətləndirmə, çevik qərarvermə və komanda şəklində qarşılıqlı fəaliyyət, ani yaranan təhlükələrə operativ reaksiya verilməsi və qorunan şəxsin təhlükəsizliyinin təmin edilməsi üzrə praktiki vərdişləri artırılmışdır.

Kursun sonunda çalışmaların icrasını uğurla başa vuran əməkdaşlara sertifikatlar təqdim olunub.

01/09/2026

Strateji Obyektlərin Mühafizəsi Dövlət Agentliyində xidməti müşavirə keçirilib

Azərbaycan Respublikasının Strateji Obyektlərin Mühafizəsi Dövlət Agentliyində idarəçilik bacarıqlarının inkişaf etdirilməsi, xidmətin təşkili və hərbi intizamın möhkəmləndirilməsi mövzularına həsr olunmuş müşavirə keçirilib.

Regional idarə rəislərinin iştirak etdiyi müşavirədə regional idarələrdə ümumi vəziyyət təhlil edilərək idarəetmə fəaliyyətində vahid yanaşmanın formalaşdırılması, hərbi qulluqçuların peşəkarlıq səviyyəsinin yüksəldilməsi, eyni zamanda şəxsi heyətin sosial vəziyyətinin diqqətdə saxlanılması, intizam pozuntularının baş verməməsində rəis və komandir heyətinin rolu kimi məsələlər müzakirə olunub.

Dünyada gedən hərbi-siyasi proseslər və təhlükəsizlik mühitində baş verən dəyişikliklər nəzərə alınaraq xidməti fəaliyyətin müasir tələblərə uyğun təkmilləşdirilməsi, şəxsi heyətin qarşıya çıxa biləcək müxtəlif xarakterli təhdidlərə hazırlıq səviyyəsinin artırılması və çevik fəaliyyət imkanlarının genişləndirilməsi istiqamətində qarşıda duran vəzifələr müəyyənləşdirilib.

01/09/2026

21/08/2026

Strateji Obyektlərin Mühafizəsi Dövlət Agentliyində regional idarələrin bölük komandirləri, xidmət, döyüş və fiziki hazırlıq üzrə baş zabitlərinin iştirakı ilə təlim-toplanışı keçirilib

21/08/2026

Strateji Obyektlərin Mühafizəsi Dövlət Agentliyində regional idarələrin bölük komandirləri, xidmət, döyüş və fiziki hazırlıq üzrə baş zabitlərinin iştirakı ilə təlim-toplanışı keçirilib

2026-cı ilin 13-14 avqust tarixlərində Azərbaycan Respublikasının Strateji Obyektlərin Mühafizəsi Dövlət Agentliyində regional idarələrin bölük komandirlərinin, xidmət, döyüş və fiziki hazırlıq üzrə baş zabitlərin iştirakı ilə təlim-toplanışı keçirilib.

Təlim-toplanışında Daxili Xidmət və İntizam nizamnamələrindən irəli gələn vəzifələrin icrası, xidmətə nəzarətin keyfiyyətinin artırılması və komandir heyətinin metodiki hazırlığının daha da yüksəldilməsi, xidməti fəaliyyətin təşkilində qanunvericiliyin tələblərinin dəqiq və düzgün yerinə yetirilməsi, xidməti sənədlərlə işin təşkili, fiziki və döyüş hazırlığı dərslərinin və təlimlərin keçirilməsi qaydaları, qoşun xidmətinin, ümumilikdə hərbi qulluqçular tərəfindən xidmətin aparılması mövzuları ətrafında fikir mübadiləsi həyata keçirilmiş və zəruri tapşırıqlar verilmişdir.

19/08/2026

Strateji Obyektlərin Mühafizəsi Dövlət Agentliyinin Siyəzən regional idarəsində komanda-qərargah təlimi keçirilib

Strateji Obyektlərin Mühafizəsi Dövlət Agentliyinin Siyəzən regional idarəsində Bakı-Novorossiysk şimal ixrac neft boru kəmərinin müəyyən edilmiş hissəsində “İxrac neft və qaz boru kəmərində baş vermiş fövqəladə halların və şərti qəzanın nəticələrinin aradan qaldırılması” mövzusunda aidiyyəti qurumlarla birgə komanda-qərargah təlimi keçirilib.
Strateji Obyektlərin Mühafizəsi Dövlət Agentliyinin fövqəladə hallar zamanı qarşılıqlı fəaliyyət planına əsasən, aidiyyəti qurumların da cəlb edildiyi təlimin keçirilməsində əsas məqsəd Bakı-Novorossiysk ixrac neft boru kəmərində və onun infrastruktur obyektlərində baş verə biləcək fövqəladə halların qarşısının alınması, xəbərdar edilməsi və nəticələrinin aradan qaldırılması olub.

17/08/2026

05/08/2026