Ruslan Abishov

03/05/2026

Qədim şəhərimiz Gəncə çox gözəldir.

28/04/2026

28 Aprel – Ümumdünya Əməyin Mühafizəsi Günü.

İş yerində təhlükəsizlik seçim deyil, öhdəlikdir. Hər bir qəza — vaxtında görülməyən tədbirin nəticəsidir.

Unutmayaq:
🔸 Riskləri əvvəlcədən qiymətləndirmək həyat xilas edir.
🔸 Təlimatlara əməl etmək hər kəsin borcudur.
🔸 Təhlükəsizlik mədəniyyəti güclü olan müəssisə daha uğurludur.

Bizim məqsədimiz sadədir:
👉 Qəzaları sıfıra endirmək.
👉 İşçilərin sağlamlığını qorumaq.
👉 Təhlükəsiz iş mühiti yaratmaq.

Təhlükəsizlik bu gün deyil, hər gün prioritet olmalıdır.

09/04/2026

Sağlamlıq, əməyin təhlükəsizliyi və ətraf mühitin mühafizəsi üzrə lazımi məlumatlar:

"Near miss" nədir və araşdırılması niyə vacibdir?

"Near miss" - xəsarət və ya xəstəliklə nəticələnməyən, lakin fərqli şəraitdə nəticələnə biləcək bir hadisədir.
Bu cür hadisələr bizə təhlükələri vaxtında müəyyənləşdirmək və gələcəkdə baş verə biləcək qəzaların qarşısını almaq imkanı verir.

✅ Hadisə baş vermədi? Şanslıyıq!

Amma səbəbini analiz etməsək, növbəti dəfə bu şansımız olmayacaq.
Təhlükəsizlik mədəniyyəti "Near miss" hadisələrinin açıq şəkildə bildirilməsi və dəyərləndirilməsi ilə inkişaf edir.

Gördünüzmü? Bildirin.

Əgər çalışdığınız müəssisədə hansı risklərin olduğunu bilmirsinizsə, bu sizin üçün ən böyük riskdir.

31/12/2025

Əziz dostlarım!
31 Dekabr – Dünya Azərbaycanlılarının Həmrəyliyi Günü və qarşıdan gələn Yeni İl münasibətilə hər kəsi səmimi-qəlbdən təbrik edirəm.

Sağlamlıq, əməyin təhlükəsizliyi və ətraf mühitin mühafizəsi üzrə mütəxəssis kimi arzum budur ki, yeni ildə hər bir evdə sağlamlıq, hər bir iş yerində təhlükəsizlik, ətrafımızda isə daha təmiz və qorunan mühit olsun. Təhlükəsiz əmək şəraiti, sağlam həyat tərzi və ekoloji məsuliyyət güclü cəmiyyətin əsas sütunlarıdır.

Qoy həmrəyliyimiz bizi daha təhlükəsiz, daha sağlam və daha yaşıl gələcəyə aparsın. Yeni il hər birinizə uğur, rifah və təhlükəsiz günlər gətirsin.

Yeni iliniz mübarək! 🇦🇿

21/12/2025

Bakıda yerləşən 112 nömrəli tam orta məktəbdə boğazında çörək qalan şagirdi xilas edilib.

Təcili tibbi yardım gələnə qədər məktəbin "Daxili keyfiyyət təminatı və özünüqiymətləndirmə" komissiyasının üzvü olan Gülnarə Həsənəliyeva çeviklik göstərərək şagirdin həyatını xilas edib.

Bakıda 112 tam orta məktəbdə baş vermiş hadisə göstərir ki, təhsil müəssisələrində təcili tibbi vəziyyətlərə hazırlıq həyati əhəmiyyət daşıyır. Şagirdin boğulma riski bir neçə dəqiqə ərzində ölümcül nəticə verə biləcək haldır və bu hadisədə vaxtında, düzgün müdaxilə faciənin qarşısını alıb.

Müsbət məqamlar:
• Hadisə zamanı panika yaranmadan operativ qərar verilib.
• Gülnarə Həsənəliyevanın göstərdiyi çeviklik faktiki olaraq ilk tibbi yardımın düzgün tətbiqinə nümunədir.
• Təcili tibbi yardım gələnədək kritik vaxt düzgün idarə olunub.

Risk və boşluqlar:
• Bu cür hallarda müdaxilə təsadüfi şəxsin bacarığından asılı qalmamalıdır.
• Məktəblərdə bütün pedaqoji və texniki heyət boğulma, huşsuzluq, ürək dayanması kimi hallara hazır olmalıdır.
• Yemək vaxtı nəzarət mexanizmləri yetərli səviyyədə deyil.

Tövsiyələr:
1. Məktəblərdə ilk tibbi yardım üzrə məcburi və dövri təlimlər keçirilməlidir (xüsusən Heimlich manevri).
2. Nahar fasilələrində məsul növbətçi sistemi gücləndirilməlidir.
3. Təhsil müəssisələrində təcili tibbi müdaxilə protokolu yazılı şəkildə olmalı və hamıya məlum olmalıdır.
4. Bu cür nümunəvi davranışlar rəsmi şəkildə qiymətləndirilməli və təşviq edilməlidir.

Nəticə olaraq, bu hadisə bir daha sübut edir ki, təhlükəsizlik təkcə qayda deyil, bacarıq və hazırlıqdır. Vaxtında edilən düzgün hərəkət bir uşağın həyatını xilas etdi.

12/12/2025

11.12.2025-ci il tarixdə Hamlet İsaxanlının kitablarının təqdimatına həsr olunmuş imza günü keçirildi.

12/12/2025

Əziz dostlarım bu gün sizə Qida təhlükəsizliyi barədə qısa məlumat vermək istəyirəm.
Qida təhlükəsizliyi insanların təhlükəsiz, sağlam və zərərsiz qida məhsullarına çıxışını təmin edən tədbirlər və qaydalar sistemidir. Məqsəd qida vasitəsilə yayılan xəstəliklərin qarşısını almaq, məhsulların keyfiyyətini qorumaq və istehlakçını risklərdən müdafiə etməkdir. Qısa və aydın şəkildə əsas məqamlar belədir:

1. Qida təhlükələri
Qida təhlükəsizliyinə təsir edən üç əsas təhlükə tipi var:
- Mikrobioloji: bakteriyalar, viruslar, göbələklər.
- Kimyəvi: pestisid qalıqları, ağır metallar, toksinlər, qatqı maddələrinin həddindən çox olması.
- Fiziki: şüşə, metal, daş, plastik parçaları kimi yad cisimlər.

2. Təhlükəsiz qida üçün əsas prinsiplər:
- Təmizlik: əlləri, alətləri və səthləri mütəmadi yumaq.
- Çiy və bişmiş qidanı ayırmaq: xaç-infeksiyanın qarşısını almaq.
- Yaxşı bişirmək: təhlükəli mikroorqanizmləri məhv etmək üçün kifayət qədər temperatur.
- Təhlükəsiz saxlamaq: soyuducuda +4 °C-dən aşağı, dondurucuda –18 °C-də saxlamaq.
- Təmiz və təhlükəsiz su istifadə etmək.

3. Qida etiketləri və saxlanma
- “Son istifadə tarixi” ciddi şəkildə nəzərə alınmalıdır.
- “Minimum saxlanma müddəti” keçsə belə məhsul hələ də təhlükəsiz ola bilər, amma keyfiyyəti zəifləyə bilər.
- Açılmış məhsulların saxlanma qaydaları fərqli olur - etiketdə göstərilənləri oxumaq vacibdir.

4. Risk qrupları
- Aşağıdakılar qida zəhərlənməsinə daha həssasdır:
- Uşaqlar
- Yaşlılar
- Hamilə qadınlar
- İmmun sistemi zəif olanlar

5. Qida təhlükəsizliyi niyə vacibdir?
- Qida zəhərlənmələrinin qarşısını alır.
- Sağlamlığı qoruyur.
- Ticarətdə etibar və iqtisadi təhlükəsizliyi artırır.
- Qlobal qida itkisinin azalmasına kömək edir.

12/12/2025

10/12/2025

Yağışlı havalar bir çox sahədə müxtəlif fəsadlar yarada bilər.
Aşağıda ən çox rast gəlinən təsirləri sizin üçün qeyd edirəm.

1. Nəqliyyatda rastlaşacağımız fəsadlar
- Yolların sürüşkən olması, qəza riskinin artması
- Görmə məsafəsinin azalması
- Su yığıntıları səbəbindən tıxaclar
- Avtomobillərdə su üzərində sürüşmə riski
2. İnfrastruktur problemləri
- Drenaj sistemlərinin yüklənməsi və daşması
- Kanalizasiya xətlərinin tıxanması
- Evlərin zirzəmilərinin su ilə dolması
- Köhnə binalarda sızma və rütubət
3. Təbii fəsadlar
- Sel və daşqın təhlükəsi
- Torpaq sürüşməsi (xüsusilə yamaclarda)
- Ağacların kökündən çıxması və aşması
4. Enerji təminatında problemlər
- Elektrik xətlərinin zədələnməsi
- Transformatorlarda qısaqapanma
- Elektrik kəsintiləri

Hörmətlə,
Əməyin münafizəsi və təhlükəsizlik texnikası üzrə mütəxəssis
Ruslan Abışov

09/12/2025

Bu gün Sabunçu rayonunun Bakıxanov qəsəbəsində yerləşən villada (fərdi yaşayış evində) partlayış baş verib. 
İlkin məlumata görə, partlayış hovuzun altından keçən qaz xəttində sızma nəticəsində baş verdiyi ehtimal edilir. 
- Hadisə zamanı evdə işləyən ustalardan ikisinin xəsarət alması bildirilir.
- Hadisənin əsas səbəbi hovuzun altından keçən təbii qaz xəttində baş vermiş sızma və toplanan qaz-hava qarışığının alışması ola bilər.

Bu hadisəyə aşağıdakı faktorlar təsir edə bilər.
- Qaz xəttinin konstruktiv olaraq təhlükəli zonadan (hovuz altı) keçməsi;
- Texniki nəzarət və təhlükəsizlik tədbirlərinin kifayət qədər təmin edilməməsi;
- Təmir işləri zamanı qığılcım yaradan alətlərin istifadəsi.