İmişli Rayon İcra Hakimiyyəti

İmişli Rayon İcra Hakimiyyəti İmişli Rayon İcra Hakimiyyəti
Ünvan: İmişli şəhər M.Əsədov k.3
Tel;(02124)6-60-41
Faks;(02124)6-64-02 Qаrаdоnlu rаyоnun qədim tаriхə mаlik kəndlərindəndir.

İmişli rayonu 1930-cu ilin аvqust аyındа mərkəzi Qаrаdоnlu kəndi olmaqla təşkil olunmuş və ilk olaraq Qаrаdоnlu rayonu adlandırılmışdır. Qаrаdоnlu rayonunun adı 08 avqust 1938-ci ildə dəyişdirilərək İmişli rаyоnu аdlаndırılmış, mərkəz isə indiki İmişli şəhərinin yerində olan İmişli kəndinə köçürülmüşdür. 1930-cu ilin аvqust аyındа Qаrаdоnlu uyеzdi əsаsındа Qаrаdоnlu kəndi inzibаti mərkəz оlmаqlа Q

аrаdоnlu rаyоnu yаrаdılmışdır. Hələ Çаr Rusiyаsı dövründə təsis еdilmiş оlаn Qаrаdоnlu uyеzdi əvvəllər Sаlyаn qəzаsınа, sоnrаlаr isə Cаvаd qəzаsınа tаbе оlmuşdur. Kəndin kаrvаn və ticаrət yоllаrının üstündə, Аrаz çаyı sаhilində yеrləşməsi, bоl suyu, münbit tоrpаqlаrı ərаzisinin аbаdlаşdırılmаsınа, kənd təsərrüfаtı istеhsаlının, хüsusilə də əkinçiliyin yüksək inkişаfınа səbəb оlmuşdur. Hələ оktyаbr inqilаbındаn хеyli əvvəl bu ərаzilərdə gеniş mеliоrаsiyа işləri аpаrılmış, irriqаsiyа qurğulаrı tikilmiş və suvаrılаn intеnsiv əkinçilik təşkil оlunmuşdur. 1906-cı ildə Qаrаdоnludа ilk məktəb fəаliyyətə bаşlаmış, kənddə о dövr üçün nümunəvi sаyılаn yаşаyış еvləri, mеhmаnхаnаlаr, dəyirmаnlаr, dükаnlаr mövcud оlmuşdur. Qаrаdоnlu rаyоnu təşkil еdildikdən və Qаrаdоnlu kəndi rаyоn mərkəzi stаtusu аldıqdаn sоnrа burаdа inzibаti binаlаr, хəstəхаnа, bir çох digər sоsiаl оbyеktlər tikilmiş, 1933-cü ildə Qаrаdоnlu Mаşın-Trаktоr stаnsiyаsı yаrаdılmışdır. Ələt-Mincivаn dəmir yоlunun çəkilişi rаyоn mərkəzinin dəmir yоlunа yахın ərаziyə köçürülməsi zərurətini yаrаtmış və bu məqsəd üçün İmişli kəndi ilə Qаrаdоnlu dəmir yоlu stаnsiyаsı аrаsındаkı ərаzidə bişmiş kərpicdən 2 mərtəbəli inzibаti binа inşа еdilmiş, rаyоn mərkəzi bu ərаziyə köçürülmüş, rаyоn isə İmişli rаyоnu аdlаndırılmışdır. О zаmаnlаr həmin ərаzi mеşə və kоlluqlаrlа örtülü оlmuş, yеni məskunlаşmış əhаli ərаziləri təmizləyərək yеni binаlаr tikmiş, küçələr sаlmışlаr. İmişli kəndi rаyоn mərkəzi kimi surətlə böyüməyə bаşlаmış, burаdа çохlu inzibаti binаlаr tikilmiş, kəndin görkəmi tаmаmilə dəyişdirilmişdir. 1944-cü ildə İmişli kəndinə şəhər tipli qəsəbə, 1960-cı ildə isə şəhər stаtusu vеrilmişdir. 1959-cu ildə hаzırkı Bəhrəmtəpə qəsəbəsi ərаzisində Аrаz çаyı üzərində о dövr üçün unikаl sаyılаn Bəhrəmtəpə hidrоqоvşаğı inşа оlunmuşdur. Mənbəyini burаdаn götürən Bаş Muğаn və Əzizbəyоv kаnаllаrı təkcə İmişli rаyоnunu dеyil, Sааtlı, Sаbirаbаd və Biləsuvаr rаyоnlаrının əkinlərini də su ilə təmin еdir. Həmin dövrlərdə qəsəbə ərаzisində qum-çınqıl kаrхаnаsı, dəmir-bеtоn məmulаtlаrı zаvоdu istifаdəyə vеrilmişdir.

Vətəndaşlarla növbəti səyyar qəbul 05.05.2025-ci il tarixdə Otuziki kəndində keçirilib Mayın 5-də İmişli Rayon İcr...
05/05/2026

Vətəndaşlarla növbəti səyyar qəbul 05.05.2025-ci il tarixdə Otuziki kəndində keçirilib

Mayın 5-də İmişli Rayon İcra Hakimiyyətinin başçısı Elçin Rzayev təsdiq olunmuş qrafikə əsasən rayonun Muradalılı, Otuziki və Nurulu kəndlərinin sakinləri ilə səyyar qəbul-görüş keçirib. Otuziki kənd tam orta məktəbində təşkil olunan qəbulda icra başçısı ilə yanaşı rayonun əlaqədar xidmət təşkilatlarının nümayəndələri və sakinlər iştirak ediblər.
Görüşü giriş sözü ilə açan icra başçısı sakinləri salamlayaraq, ölkə prezidenti cənab İlham Əliyevin rəhbərliyi ilə həyata keçirilən islahatların mərkəzində Azərbaycan vətəndaşının dayandığını vurğulayıb. Bildirilib ki, regionlarda keçirilən səyyar görüşlərin məqsədi yerlərdə əhalinin üzləşdiyi problemlərin operativ şəkildə müəyyən edilməsi, həll imkanlarının dəyərləndirilməsi və sosial rifahın artırılmasıdır.
Çıxışdan sonar sakinlər tərəfindən səsləndirilən təkliflər və problemlər diqqətlə dinlənilib. Bəzi məsələlər yerindəcə həllini tapıb, digərlərinin araşdırılması və icrası üçün əlaqədar qurumlara konkret tapşırıqlar verilib. İcra başçısı görüşün sonunda əhalini narahat edən hər bir məsələyə xüsusi diqqətlə yanaşılacağını qeyd edib.

Azərbaycan–İtaliya strateji tərəfdaşlığı yeni mərhələdə 2026-cı il mayın 4-də Azərbaycan Respublikasının Prezid...
05/05/2026

Azərbaycan–İtaliya strateji tərəfdaşlığı yeni mərhələdə

2026-cı il mayın 4-də Azərbaycan Respublikasının Prezidenti İlham Əliyev ilə İtaliya Respublikasının Nazirlər Şurasının sədri Ciorgia Meloni arasında Bakıda keçirilmiş görüş və mətbuata verilən bəyanat Azərbaycan–İtaliya münasibətlərinin yüksək səviyyədə inkişaf etdiyini bir daha təsdiqləyən mühüm siyasi hadisə kimi qiymətləndirilə bilər. Bu səfər iki ölkə arasında strateji tərəfdaşlığın möhkəmləndirilməsi, iqtisadi və siyasi əlaqələrin daha da genişləndirilməsi baxımından xüsusi əhəmiyyət kəsb edir.
Prezident İlham Əliyev çıxışında vurğulamışdır ki, Azərbaycan və İtaliya arasında münasibətlər strateji tərəfdaşlıq xarakteri daşıyır və bu münasibətlərin hüquqi bazasını 2014 və 2020-ci illərdə imzalanmış mühüm sənədlər təşkil edir. Bu sənədlərdə əks olunan müddəaların real həyatda uğurla icra olunması iki ölkə arasında əməkdaşlığın dərin və qarşılıqlı etimada əsaslandığını göstərir. İtaliya Baş nazirinin Ermənistan səfərindən dərhal sonra Azərbaycana gəlməsi isə rəmzi və siyasi baxımdan mühüm mesaj kimi qiymətləndirilmiş, bu addım Azərbaycana göstərilən hörmətin və dost münasibətin təzahürü kimi dəyərləndirilmişdir. Siyasi əlaqələrlə yanaşı, iqtisadi münasibətlərin də yüksək səviyyədə olduğu diqqətə çatdırılmışdır. İtaliya Azərbaycanın əsas ticarət tərəfdaşı kimi çıxış edir və iki ölkə arasında ticarət dövriyyəsi 12 milyard dollara çatmışdır. Energetika sahəsində əməkdaşlıq xüsusi yer tutur. Azərbaycan İtaliyanın neft və qaz təchizatında ön sıralarda yer alır. Xüsusilə, Cənub Qaz Dəhlizi çərçivəsində həyata keçirilən layihələr bu əməkdaşlığın strateji əhəmiyyətini artırır. Bu kontekstdə Trans Adriatik Boru Kəməri layihəsinin genişləndirilməsi məsələsi də müzakirə olunmuş və gələcəkdə qaz ixracının artırılması üçün mühüm addım kimi qiymətləndirilmişdir.
Bəyanatda yeni əməkdaşlıq istiqamətlərindən biri kimi hərbi-texniki sahə də xüsusi vurğulanmışdır. Bu sahədə birgə layihələrin həyata keçirilməsi, istehsalın təşkili və texnologiya mübadiləsi ilə bağlı konkret təşəbbüslərin irəli sürülməsi münasibətlərin daha da şaxələndirilməsinə xidmət edir. Eyni zamanda, Azərbaycanın investisiya siyasəti çərçivəsində Azərbaycan Dövlət Neft Fondu tərəfindən İtaliya iqtisadiyyatına yatırılan təxminən 3 milyard dollarlıq sərmayə iqtisadi əməkdaşlığın qarşılıqlı xarakter daşıdığını göstərir. İtaliya şirkətlərinin Azərbaycanda fəaliyyəti də geniş miqyas almışdır. Hazırda 130-a yaxın İtaliya şirkəti müxtəlif sahələrdə uğurla fəaliyyət göstərir. Xüsusilə işğaldan azad edilmiş ərazilərdə – Qarabağ və Şərqi Zəngəzur – həyata keçirilən layihələrdə İtaliya şirkətlərinin fəal iştirakı diqqətəlayiqdir. Bu layihələr regionun bərpası və inkişafı baxımından mühüm rol oynayır.
Humanitar sahədə əməkdaşlıq da diqqətdən kənarda qalmamışdır. 2025-ci ildə Bakıda fəaliyyətə başlayan İtaliya-Azərbaycan Universiteti iki ölkə arasında təhsil sahəsində əlaqələrin inkişafına mühüm töhfə verir. Artıq yüzlərlə tələbənin təhsil aldığı bu ali təhsil müəssisəsi gələcəkdə peşəkar kadrların yetişdirilməsinə və iki xalq arasında əlaqələrin daha da möhkəmlənməsinə xidmət edəcəkdir.
Ümumilikdə, Prezident İlham Əliyevin bəyanatı göstərir ki, Azərbaycan–İtaliya münasibətləri çoxşaxəli və dinamik inkişaf edən strateji tərəfdaşlıq modelinə əsaslanır. Siyasi dialoq, iqtisadi əməkdaşlıq, enerji təhlükəsizliyi, investisiya qoyuluşu və humanitar əlaqələr bu tərəfdaşlığın əsas sütunlarını təşkil edir. Bu səfər və verilən mesajlar isə gələcək əməkdaşlıq üçün yeni imkanların açıldığını və münasibətlərin daha da güclənəcəyini nümayiş etdirir.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

Azərbaycan–Ermənistan sülh prosesi, regional əməkdaşlıq və Avropa institutları ilə münasibətlərə dair mühüm mesajlar ...
05/05/2026

Azərbaycan–Ermənistan sülh prosesi, regional əməkdaşlıq və Avropa institutları ilə münasibətlərə dair mühüm mesajlar

2026-cı il mayın 4-də Azərbaycan Respublikasının Prezidenti İlham Əliyev “Avropa Siyasi Birliyi”nin 8-ci Zirvə toplantısında videobağlantı formatında çıxış edərək regionda sülh prosesi, əməkdaşlıq imkanları və Avropa institutları ilə münasibətlərə dair mühüm mesajlar verdi. Bu çıxış həm regional, həm də beynəlxalq siyasi gündəmin aktual məsələlərini əhatə etməsi baxımından xüsusi əhəmiyyət kəsb edir.
Prezident çıxışında qeyd etdi ki, Ermənistan Azərbaycanın 2028-ci ildə “Avropa Siyasi Birliyi” Zirvə görüşünə ev sahibliyi etməsini dəstəkləyib. Bu fakt Azərbaycan və Ermənistan arasında formalaşmaqda olan sülh mühitinin real göstəricisi kimi qiymətləndirildi. Dövlət başçısı vurğuladı ki, tərəflər artıq doqquz aydır sülh şəraitində yaşamağa başlayıb və bu proses qarşılıqlı etimadın möhkəmlənməsinə xidmət edir. 2028-ci ildə Azərbaycanda keçiriləcək Zirvə görüşü regionda sabitliyin və əməkdaşlığın daha da güclənməsinə töhfə verə bilər. Sülh prosesinin konkret nəticələrindən danışan Prezident bildirdi ki, Azərbaycan Ermənistanla iqtisadi və nəqliyyat əlaqələrinin bərpası istiqamətində mühüm addımlar atıb. Ölkəmiz 1990-cı illərdən tətbiq olunan tranzit məhdudiyyətlərini birtərəfli qaydada aradan qaldıraraq Ermənistan ərazisinə 28 min ton yükün daşınmasına imkan yaradıb. Bundan əlavə, Azərbaycan ilk dəfə olaraq Ermənistana neft məhsulları ixrac etməyə başlayıb və artıq 12 min ton benzin və dizel tədarük olunub. Bu addımlar regionda iqtisadi inteqrasiyanın başlanğıcı kimi qiymətləndirilir.
Çıxışda sülh prosesinin mühüm elementlərindən biri kimi nəqliyyat və logistika layihələrinə də toxunuldu. Prezident “Trampın Beynəlxalq Sülh və Rifah Marşrutu”nun Azərbaycanı Naxçıvanla birləşdirəcəyini və eyni zamanda Orta Dəhlizin bir hissəsi olacağını qeyd etdi. Bu layihə region ölkələri üçün yeni iqtisadi imkanlar açmaqla yanaşı, sülhün praktiki nəticələrini də nümayiş etdirir.
Bununla yanaşı, Prezident bəzi Avropa institutlarının mövqeyini tənqid etdi. Xüsusilə Avropa Parlamenti və Avropa Şurası Parlament Assambleyası tərəfindən nümayiş etdirilən yanaşmanın konstruktiv olmadığı və ikili standartlara əsaslandığı bildirildi. Dövlət başçısı qeyd etdi ki, Azərbaycan 2001-ci ildən Avropa Şurası üzvü olsa da, 2024-cü ildə AŞPA tərəfindən tətbiq edilən sanksiyalar ədalətsiz yanaşmanın nümunəsidir. Onun sözlərinə görə, Azərbaycanın ərazi bütövlüyü digər dövlətlərinki ilə eyni dərəcədə qiymətləndirilməlidir və bu məsələdə ayrı-seçkilik yolverilməzdir. Eyni zamanda, Avropa Parlamentinin fəaliyyətinə toxunan Prezident bu qurumun əsas problemlərə fokuslanmaq əvəzinə Azərbaycan əleyhinə qərəzli qətnamələr qəbul etdiyini vurğuladı. Bildirildi ki, son beş il ərzində Azərbaycanla bağlı 14 belə qətnamə qəbul edilib və bu, münasibətlərə mənfi təsir göstərir. Buna cavab olaraq Azərbaycan parlamenti Avropa Parlamenti ilə əməkdaşlığın dayandırılması istiqamətində qərarlar qəbul edib.
Prezident İlham Əliyev çıxışının sonunda vurğuladı ki, bütün maneələrə baxmayaraq, Azərbaycan sülh gündəliyinə sadiq qalır. O, Ermənistanın Baş naziri Nikol Paşinyanı Zirvə görüşünün Ermənistanda keçirilməsi münasibətilə təbrik edərək, qarşılıqlı dialoqun davam etdirilməsinin vacibliyini qeyd etdi. Bu yanaşma regionda uzunmüddətli sabitliyin təmin olunmasına yönəlmiş siyasi iradənin göstəricisi kimi dəyərləndirilir.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

İmişli Rayon İcra Hakimiyyətinin başçısı Elçin Rzayevin 2026-cı ilin may ayı üçün səyyar qəbullarının qrafiki
05/05/2026

İmişli Rayon İcra Hakimiyyətinin başçısı Elçin Rzayevin 2026-cı ilin may ayı üçün səyyar qəbullarının qrafiki

İmişlidə şəhidin təltif olunduğu “Vətən uğrunda" medalı ailəsinə təqdim edilib Bu gün Aprel döyüşləri zamanı şəhidli...
04/05/2026

İmişlidə şəhidin təltif olunduğu “Vətən uğrunda" medalı ailəsinə təqdim edilib

Bu gün Aprel döyüşləri zamanı şəhidlik zirvəsinə ucalan Dədəkişiyev Cavid Gülbaba oğlunun ailəsinə igid döyüşçünün təltif olunduğu “Vətən uğrunda" medalı təqdim edilib. Təqdimat mərasimində şəhidin ailə üzvləri, İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, eləcə də Rayon İcra Hakimiyyətinin və Səfərbərlik və Hərbi Xidmətə Çağırış üzrə Dövlət Xidmətinin İmişli rayon şöbəsinin əməkdaşları iştirak ediblər.
Təqdimatda çıxış edən RİH başçısı şəhidimizə Allahdan rəhmət diləyərək onun əziz xatirəsini ehtiramla yad edib. O bildirib ki, Cavid kimi qəhrəman oğullarımız daim qəlblərdə yaşayacaq, xatirələri hər zaman əziz tutulacaq. Aprel döyüşlərindən söz açan icra başçısı igid oğullarımızın göstərdiyi şücaətdən bəhs edərək bildirib ki, onların qəhrəmanlığı hərb tariximizə qızıl hərflərlə yazılıb və gələcək nəsillər üçün nümunə olub. Qeyd edib ki, Aprel döyüşlərində qazanılan qələbənin davamı olaraq, Vətən müharibəsi və antiterror əməliyyatları zamanı Müzəffər Ali Baş Komandanın rəhbərliyi ilə rəşadətli Azərbaycan Ordusunun həyata keçirdiyi uğurlu əməliyyatlar nəticəsində işğaldan azad edilən torpaqlarımızda üçrəngli bayrağımız dalğalandırılıb, şəhidlərimizin qisası düşməndən alınıb. Digər çıxış edənlər şəhidlərimizin daim yad olunmasını Cavidin timsalında bütün şəhidlərimizə olan hörmət və ehtiramın bariz nümunəsi kimi qiymətləndiriblər. Sonra Azərbaycan Ordusunun şəhid baş leytenantı Cavid Dədəkişiyevin ölümündən sonra layiq görüldüyü “Vətən uğrunda" medalı atasına təqdim olunub. Şəhidimizin atası Gülbaba kişi oğlunun xidmətlərinin dövlət səviyyəsində yüksək qiymətləndirildiyinə, həmçinin göstərilən diqqət və qayğıya görə Azərbaycan Respublikasının Prezidenti cənab İlham Əliyevə və birinci vitse-prezident Mehriban xanım Əliyevaya minnətdarlığını ifadə edib.
Xatırladaq ki, şəhidimiz 1988-ci il iyulun 5-də İmişli rayonunun Qaralar kəndində anadan olub. Aprel döyüşləri zamanı Tərtər rayonunun Talış kəndi istiqamətində gedən döyüşlərdə iştirak edən qəhrəmanımız elə həmin istiqamətdə şəhidlik zirvəsinə ucalıb. Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamına əsasən ölümündən sonra “İgidliyə görə” medalı ilə təltif edilib.

İmişlidə “Memarlıq və Şəhərsalma ili” çərçivəsində tədbir keçirilib Mayın 1-də İmişli rayonunda “Memarlıq və Şəhər...
02/05/2026

İmişlidə “Memarlıq və Şəhərsalma ili” çərçivəsində tədbir keçirilib

Mayın 1-də İmişli rayonunda “Memarlıq və Şəhərsalma ili” çərçivəsində “Qurulan şəhərlər, qurulan gələcək” adlı tədbir keçirilib. Tədbirdə İmişli Rayon İcra Hakimiyyəti başçısının birinci müavini Mirzə Quliyev, İmişli Mədəniyyət Mərkəzinin məsul əməkdaşları, eləcə də rayon ictimaiyyətinin nümayəndələri iştirak ediblər. İlk olaraq iştirakçılar məktəblilərin və İmişli Mədəniyyət Mərkəzinin əməkdaşlarının əl işlərindən ibarət rəsm sərgisi ilə tanış olublar. Sərgidə nümayiş olunan rəsm əsərlərində memarlıq və şəhərsalma mövzusuna yaradıcı yanaşma, estetik baxış və milli-mədəni dəyərlər öz əksini tapıb. Bir-birindən maraqlı və rəngarəng əl işləri tədbir iştirakçıları tərəfindən böyük maraqla qarşılanıb.Daha sonra tədbir Azərbaycan Respublikasının Dövlət Himninin səsləndirilməsi ilə başlanıb.
Tədbir zamanı çıxış edənlər Prezident cənab İlham Əliyevin “Memarlıq və Şəhərsalma ili” ilə bağlı imzaladığı Sərəncamın əhəmiyyətindən, bu ilin ölkəmizdə memarlıq ənənələrinin, şəhərsalma mədəniyyətinin və müasir inkişaf strategiyasının təşviqi baxımından xüsusi önəm daşıdığından bəhs edərək, bu təşəbbüsün gənc nəslin sahəyə marağının artırılması, estetik dünyagörüşünün formalaşdırılması və milli-mədəni dəyərlərin təbliği baxımından mühüm əhəmiyyət kəsb etdiyini vurğulayıblar.
Tədbir məktəblilərin ifasında səsləndirilən vətənpərvərlik ruhlu musiqi nömrələri ilə davam etdirilib.

Azərbaycan güləşçilərinin Avropa çempionatındakı böyük uğuru yüksək qiymətləndirildi Prezident İlham Əliyevin A...
01/05/2026

Azərbaycan güləşçilərinin Avropa çempionatındakı böyük uğuru yüksək qiymətləndirildi

Prezident İlham Əliyevin Avropa çempionatında tarixi uğura imza ataraq komanda hesabında çempion olan Azərbaycan güləşçilərini qəbul etməsi ölkəmizdə idmana, xüsusilə də güləş ənənələrinə verilən yüksək dəyərin daha bir bariz nümunəsi oldu. Dövlət başçısının milli komandamızın Tiranada keçirilən Avropa çempionatındakı möhtəşəm çıxışını yüksək qiymətləndirməsi Azərbaycan idmanının beynəlxalq arenadakı gücünü və nüfuzunu bir daha nümayiş etdirdi. Prezident İlham Əliyev çıxışında vurğuladı ki, Azərbaycan güləşçiləri bir daha sübut etdilər ki, onlar Avropanın ən güclüləridir. Həm sərbəst, həm yunan-Roma, həm də qadın güləşi üzrə əldə olunan uğurlar göstərir ki, ölkəmizdə idmanın bu sahəsi sistemli şəkildə inkişaf edir, peşəkar hazırlıq prosesi düzgün qurulub və gənc nəslin yetişdirilməsi istiqamətində mühüm nəticələr əldə olunur. Bu qələbə yalnız idman nailiyyəti deyil, həm də Azərbaycan xalqının milli qürurunun təntənəsidir.
Azərbaycan bayrağının beynəlxalq arenalarda ucaldılması, Dövlət Himnimizin səsləndirilməsi hər bir vətəndaşda böyük sevinc və qürur hissi yaradır. Məhz bu uğurlar gənc nəslin vətənpərvərlik ruhunda formalaşmasına, idmana marağın daha da artmasına mühüm töhfə verir. Prezidentin də qeyd etdiyi kimi, idman cəmiyyətin ayrılmaz hissəsidir və dövlət siyasətinin mühüm istiqamətlərindən biridir. Bu gün Azərbaycanda idmanın inkişafı üçün yaradılmış geniş infrastruktur — bölgələrdə fəaliyyət göstərən Olimpiya İdman kompleksləri, güləş zalları, beynəlxalq səviyyəli yarışların təşkili — ölkəmizin idman potensialını daha da gücləndirir. Avropa Oyunları, İslam Həmrəyliyi Oyunları, MDB Oyunları kimi mötəbər yarışlara ev sahibliyi edən Azərbaycan artıq dünyada idman ölkəsi kimi tanınır. Prezident İlham Əliyevin xüsusi olaraq vurğuladığı mühüm məqamlardan biri də idmançıların yalnız yarış meydanında deyil, gündəlik həyatda da nümunəvi davranış nümayiş etdirmələrinin vacibliyi oldu. Azərbaycan idmançılarının yüksək mənəvi keyfiyyətləri, vətənə layiqli xidmətləri və cəmiyyət içində nümunə olmaları onların qazandıqları medallar qədər dəyərlidir.
Bu tarixi qələbə bir daha göstərdi ki, Azərbaycan idmanı güclü ənənələrə, peşəkar məktəbə və dövlət qayğısına əsaslanır. Nəsillər dəyişsə də, Azərbaycan idmanının zəfər yolu dəyişmir. Qarşıdakı illərdə də Azərbaycan güləşçilərinin dünya və Avropa arenalarında yeni qələbələr qazanacağına, üçrəngli bayrağımızı zirvələrdə dalğalandıracağına inam böyükdür. Bu uğurlar qalib xalqın, güclü dövlətin və milli iradənin parlaq təcəssümüdür.

İlkin Quluzadə, İmişli RİH başçısı aparatı, Müharibə iştirakçıları və şəhid ailələri ilə işin təşkili sektorunun böyük məsləhətçisi

Azərbaycan–Çexiya əlaqələrində dinamik inkişaf 2026-cı il aprelin 27-də İlham Əliyev ilə Andrey Babiş arasında keçir...
28/04/2026

Azərbaycan–Çexiya əlaqələrində dinamik inkişaf

2026-cı il aprelin 27-də İlham Əliyev ilə Andrey Babiş arasında keçirilmiş görüş və mətbuata verilən bəyanatlar Azərbaycan–Çexiya münasibətlərinin mövcud vəziyyətini və inkişaf perspektivlərini əhatə edən mühüm siyasi hadisə kimi qiymətləndirilə bilər. Bu səfər iki ölkə arasında əməkdaşlığın genişləndirilməsi, iqtisadi əlaqələrin şaxələndirilməsi və strateji tərəfdaşlığın möhkəmləndirilməsi baxımından xüsusi əhəmiyyət kəsb edir.
Prezident İlham Əliyev çıxışında vurğulamışdır ki, Azərbaycan ilə Çexiya arasında siyasi dialoq hazırda çox fəal mərhələdədir. Bu görüş tərəflər arasında ilk rəsmi təmas olsa da, müzakirələrin məhsuldar keçməsi və geniş spektrli məsələlərin əhatə olunması münasibətlərin gələcək inkişafı üçün möhkəm zəmin yaratmışdır. Regional, ikitərəfli və qlobal məsələlər ətrafında aparılan fikir mübadiləsi tərəflərin beynəlxalq gündəlikdə də ortaq maraqlara malik olduğunu göstərir.
İqtisadi əməkdaşlıq görüşün əsas istiqamətlərindən biri olmuşdur. Prezident qeyd etmişdir ki, Çexiyadan Azərbaycana iş adamlarının geniş heyətinin səfəri və biznes forumun təşkili yeni tərəfdaşlıqların qurulmasına şərait yaradacaqdır. Hal-hazırda iki ölkə arasında ticarət dövriyyəsi 800 milyon dollardan artıqdır. Bununla belə, ticarətin əsas hissəsinin Azərbaycan neftinin ixracı hesabına formalaşması balanslı iqtisadi əlaqələrin qurulmasını zəruri edir. Bu baxımdan tərəflər ticarət strukturunun şaxələndirilməsi və qeyri-neft sektorunda əməkdaşlığın genişləndirilməsi istiqamətində konkret layihələri müzakirə etmişlər.
Energetika sahəsi Azərbaycan–Çexiya əməkdaşlığının əsas dayaqlarından biri olaraq qalır. Azərbaycan uzun illərdir Çexiya üçün etibarlı enerji tərəfdaşı kimi çıxış edir və ölkəyə ixrac edilən neft Çexiyanın enerji təhlükəsizliyində mühüm rol oynayır. Bununla yanaşı, Azərbaycanın Avropa enerji bazarındakı rolu getdikcə artır. Hazırda Azərbaycan qazı 16 ölkəyə ixrac olunur ki, onlardan 10-u Avropa İttifaqının üzvüdür. Bu fakt Azərbaycanın beynəlxalq enerji bazarında etibarlı və strateji tərəfdaş kimi mövqeyini daha da gücləndirir.
Görüş zamanı tərəflər enerji əməkdaşlığına daha geniş prizma ilə yanaşdıqlarını ifadə etmişlər. Bu əməkdaşlıq yalnız enerji resurslarının ixracı ilə məhdudlaşmır, eyni zamanda uzunmüddətli və kompleks iqtisadi tərəfdaşlıq modelini əhatə edir. Bu yanaşma iki ölkə arasında münasibətlərin davamlı və dayanıqlı inkişafını təmin etməyə yönəlmişdir.
Müdafiə sənayesi sahəsində əməkdaşlıq da müzakirə olunan mühüm istiqamətlərdən biri olmuşdur. Azərbaycan uzun müddətdir ki, Çexiyadan hərbi təyinatlı məhsullar alır və hazırda birgə istehsal layihələri üzərində danışıqlar aparılır. Bu sahədə əməkdaşlığın genişləndirilməsi Azərbaycanın müdafiə qabiliyyətinin gücləndirilməsinə və yerli istehsal potensialının artırılmasına xidmət edir. Çexiyanın bu sahədə zəngin təcrübəsi isə birgə layihələrin uğurla həyata keçirilməsi üçün əlverişli imkanlar yaradır. Bundan əlavə, hökumətlərarası komissiyanın fəaliyyətinin aktivləşdirilməsi və yaxın zamanda növbəti iclasın keçirilməsi məsələsi də gündəmdə olmuşdur. Bu mexanizm iki ölkə arasında müxtəlif sahələrdə əməkdaşlığın koordinasiyası və inkişafı baxımından mühüm rol oynayır.
Prezident İlham Əliyevin bəyanatı göstərir ki, Azərbaycan–Çexiya münasibətləri dinamik inkişaf mərhələsindədir və qarşılıqlı maraqlara əsaslanan geniş əməkdaşlıq perspektivlərinə malikdir. Siyasi dialoqun fəallığı, iqtisadi əlaqələrin genişləndirilməsi, enerji və müdafiə sahələrində strateji tərəfdaşlıq bu münasibətlərin əsas sütunlarını təşkil edir. Bu səfər iki ölkə arasında dostluq və tərəfdaşlığın daha da möhkəmlənməsinə, eləcə də yeni əməkdaşlıq imkanlarının yaranmasına mühüm töhfə vermişdir.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

İmişlidə Zərifə Əliyevanın 103-cü ildönümü ilə bağlı tədbir keçirilib Bu gün İmişli rayonunun Heydər Əliyev Mərkəzin...
28/04/2026

İmişlidə Zərifə Əliyevanın 103-cü ildönümü ilə bağlı tədbir keçirilib

Bu gün İmişli rayonunun Heydər Əliyev Mərkəzində görkəmli oftalmoloq alim, akademik Zərifə xanım Əliyevanın anadan olmasının 103-cü ildönümü ilə əlaqədar tədbir keçirilib. Tədbirdə İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, rayonun hüquq-mühafizə orqanlarının rəhbərləri və rayon ictimaiyyəti iştirak ediblər. Əvvəlcə iştirakçılar Ulu Öndər Heydər Əliyevin və akademik Zərifə xanım Əliyevanın xatirəsinə həsr olunmuş rəsm sərgisi ilə tanış olublar.
Sonra Zərifə xanım Əliyevanın mənalı ömür yolu, zəngin elmi irsi və çoxşaxəli fəaliyyəti ilə bağlı çıxışlar dinlənilib. Çıxışlarda qeyd olunub ki, Azərbaycan oftalmologiyasını dünya səviyyəsində tanıdan akademik özünəməxsus dəst-xətti olan novator alim kimi böyük iz qoymuşdur. O, elmi-pedaqoji fəaliyyətində yalnız çoxşaxəli tədqiqatlar aparmaqla kifayətlənməmiş, eyni zamanda yüksəkixtisaslı gənc kadrların hazırlanmasına və oftalmoloq-həkimlərin ixtisaslarının artırılmasına xüsusi diqqət yetirmişdir. Bildirilib ki, Zərifə xanım Əliyeva yüksək insani keyfiyyətləri özündə birləşdirən qayğıkeş ana, peşəkar həkim və dünya şöhrətli alim kimi cəmiyyətdə böyük nüfuz qazanmışdır. Onun zəngin həyat yolu və elmi fəaliyyəti yeni nəsil üçün örnək olmaqla yanaşı, Azərbaycan tibb elminin və səhiyyəsinin inkişafında mühüm rol oynamışdır. Çıxış edənlər akademikin oftalmologiya sahəsinin formalaşması və inkişafındakı xidmətlərini xüsusi vurğulamış, onun ömrünün sonuna qədər həm ailəsinə, həm də tələbələrinə yol göstərən, elmin inkişafına töhfə verən əbədi bir mayak kimi yadda qaldığını qeyd ediblər.
Tədbirin sonunda akademik Zərifə xanım Əliyevanın əziz xatirəsi bir daha dərin ehtiramla yad edilib, onun Azərbaycan tibb elminin inkişafına verdiyi misilsiz töhfələrin heç zaman unudulmayacağı vurğulanıb.

Azərbaycan–Ukrayna tərəfdaşlığı: enerji, iqtisadiyyat və təhlükəsizlik müstəvisində inkişaf 2026-cı il aprelin 25-d...
27/04/2026

Azərbaycan–Ukrayna tərəfdaşlığı: enerji, iqtisadiyyat və təhlükəsizlik müstəvisində inkişaf

2026-cı il aprelin 25-də İlham Əliyev ilə Volodimir Zelenski arasında Bakıda keçirilmiş görüş və mətbuata verilən bəyanatlar Azərbaycan–Ukrayna münasibətlərinin mövcud vəziyyətini və inkişaf perspektivlərini əhatə edən mühüm siyasi hadisə kimi qiymətləndirilə bilər. Bu səfər iki ölkə arasında dostluq və strateji tərəfdaşlığın daha da möhkəmləndirilməsi baxımından xüsusi əhəmiyyət daşıyır.
Prezident İlham Əliyev çıxışında dövlət başçıları arasında görüşlərin müntəzəm xarakter daşıdığını vurğulayaraq son dörd il ərzində yeddi dəfə görüş keçirdiklərini qeyd etmişdir. Bu dinamika iki ölkə arasında yüksək səviyyəli siyasi dialoqun davamlı olduğunu göstərir. Prezident Zelenskinin Azərbaycana ilk səfərinin 2019-cu ildə baş tutduğunu xatırladan dövlət başçısı həmin dövrdən etibarən formalaşan şəxsi münasibətlərin bu gün də uğurla inkişaf etdiyini bildirmişdir. Eyni zamanda, 2022-ci ilin yanvarında Kiyevə etdiyi səfərin də əlaqələrin inkişafında mühüm rol oynadığı xüsusi qeyd olunmuşdur.
Bəyanatda vurğulandığı kimi, Azərbaycan və Ukrayna arasında əməkdaşlığın möhkəm siyasi təməli mövcuddur. 2008-ci ildə Kiyevdə və 2011-ci ildə Bakıda imzalanmış strateji tərəfdaşlığa dair sənədlər bu münasibətlərin əsasını təşkil edir. Həmin sənədlərdə hər iki ölkənin suverenliyi, ərazi bütövlüyü və sərhədlərin toxunulmazlığı prinsipləri öz əksini tapmışdır. Bu prinsipial mövqe Azərbaycan və Ukraynanın beynəlxalq təşkilatlar çərçivəsində də bir-birinə qarşılıqlı dəstəyində aydın şəkildə özünü göstərir. İki ölkə arasında əməkdaşlığın mühüm istiqamətlərindən biri iqtisadi və enerji sahəsidir. Xüsusilə SOCAR-ın Ukraynada uzun illərdir uğurla fəaliyyət göstərməsi bu sahədə mövcud əməkdaşlığın real nəticələrindən biridir. Bununla yanaşı, yeni birgə layihələr, sərmayə qoyuluşları və təşəbbüslər də gündəmdədir. Ticarət dövriyyəsinin artıq yarım milyard dolları ötməsi və gələcəkdə daha da artırılması üçün geniş imkanların mövcudluğu qeyd edilmişdir.
Hərbi-texniki sahədə əməkdaşlıq da müzakirə olunan əsas istiqamətlərdən biri olmuşdur. Həm Azərbaycanda, həm də Ukraynada hərbi sənaye kompleksinin inkişafı birgə istehsal və sənaye əməkdaşlığı üçün geniş perspektivlər yaradır. Bu sahədə qarşılıqlı təcrübə mübadiləsi və yeni layihələrin həyata keçirilməsi iki ölkənin müdafiə qabiliyyətinin gücləndirilməsinə xidmət edə bilər.
Ümumilikdə, Prezident İlham Əliyevin bəyanatı Azərbaycan–Ukrayna münasibətlərinin yüksək səviyyədə olduğunu və çoxşaxəli əməkdaşlıq platformasına əsaslandığını göstərir. Müntəzəm siyasi dialoq, qarşılıqlı hörmət və ortaq maraqlar üzərində qurulan bu əlaqələr gələcəkdə daha da dərinləşəcəkdir. Aprelin 25-də baş tutmuş səfər isə bu prosesə yeni təkan verərək iki dost ölkə arasında əməkdaşlığın inkişafına mühüm töhfə kimi tarixə düşmüşdür.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

Boşçalılar kəndində 23.04.2026-cı il tarixdə vətəndaşlarla səyyar görüş keçirilib Aprelin 23-də İmişli Rayon İcra Ha...
23/04/2026

Boşçalılar kəndində 23.04.2026-cı il tarixdə vətəndaşlarla səyyar görüş keçirilib

Aprelin 23-də İmişli Rayon İcra Hakimiyyətinin başçısı Elçin Rzayev, rayonun aidiyyəti xidmət təşkilatlarının rəhbərlərinin iştirakı ilə aprel ayı üçün təsdiq olunmuş qrafikə uyğun olaraq Boşçalılar kəndində sakinlərlə görüş keçirib. Qəbul zamanı icra başçısı kənd sakinlərini salamlayaraq Prezident cənab İlham Əliyevin rəhbərliyi ilə ölkəmizdə, o cümlədən İmişli rayonunda həyata keçirilən geniş abadlıq və quruculuq işləri barədə ətraflı məlumat verib.
Daha sonra rayon rəhbəri müraciətlərin dinlənilməsi və qanunvericilik çərçivəsində vətəndaşlara dəstəyin göstərilməsi ilə bağlı sözü sakinlərə verib. Sakinlərin müraciətləri diqqətlə dinlənilib, məsul şəxslərin iştirakı ilə bir qisminə müvafiq izahatlar verilib, araşdırma tələb edən digər müraciətlər isə qeydiyyata alınıb. Görüşdə iştirak edən sakinlər çıxışlarında səmimi qəbula və fikir, təkliflərini maneəsiz şəkildə ifadə etmələri üçün yaradılan şəraitə görə minnətdarlıqlarını bildiriblər.

Azərbaycan–Latviya strateji tərəfdaşlığı: siyasi dialoqdan iqtisadi əməkdaşlığa doğru inkişaf 2026-cı il a...
23/04/2026

Azərbaycan–Latviya strateji tərəfdaşlığı: siyasi dialoqdan iqtisadi əməkdaşlığa doğru inkişaf

2026-cı il aprelin 22-də Latviyanın Prezidenti Edqars Rinkeviçsin Azərbaycana rəsmi səfəri çərçivəsində Azərbaycan Respublikasının Prezidenti İlham Əliyevin mətbuata verdiyi bəyanat iki ölkə arasında münasibətlərin mövcud vəziyyətini və gələcək inkişaf istiqamətlərini əhatə edən mühüm siyasi sənəd kimi diqqəti cəlb edir. Bu bəyanat Azərbaycan-Latviya əlaqələrinin yalnız diplomatik müstəvidə deyil, həm də iqtisadi, humanitar və təhlükəsizlik sahələrində dərinləşdiyini bir daha nümayiş etdirir. Prezident İlham Əliyev çıxışında qeyd etmişdir ki, səfər ölkələrimiz arasında ikitərəfli münasibətlərin daha da möhkəmlənməsinə xidmət edəcək və müxtəlif sahələrdə əməkdaşlıq üçün yeni imkanlar yaradacaq. Bu fikir, əslində, Azərbaycan ilə Latviya arasında artıq formalaşmış strateji tərəfdaşlığın davamlı inkişaf xəttinə malik olduğunu göstərir. Xüsusilə doqquz il əvvəl imzalanmış Strateji Tərəfdaşlıq haqqında Bəyannamə bu münasibətlərin hüquqi və siyasi əsasını təşkil edir və tərəflərə əməkdaşlığı daha da genişləndirmək üçün möhkəm zəmin yaradır.
Görüş zamanı tərəflər ikitərəfli gündəliyin müxtəlif aspektlərini həm təkbətək, həm də geniş tərkibdə müzakirə etmişlər. Bu müzakirələr zamanı beynəlxalq əhəmiyyət kəsb edən məsələlərə də toxunulmuş, qlobal və regional çağırışlar fonunda əməkdaşlığın əhəmiyyəti vurğulanmışdır. Xüsusilə Birgə Hökumətlərarası Komissiyanın Qarabağın incisi olan Şuşa şəhərində keçirilmiş iclası iki ölkə arasında əməkdaşlığın yeni mərhələyə qədəm qoyduğunu göstərir. Bu görüşdə səsləndirilən təkliflər və planlar gələcəkdə birgə layihələrin həyata keçirilməsi üçün mühüm perspektivlər açır.
İqtisadi əməkdaşlıq məsələləri də bəyanatda xüsusi yer tutur. Prezident İlham Əliyev qeyd etmişdir ki, keçirilən biznes-forum işgüzar əlaqələrin qurulmasına, qarşılıqlı sərmayələrin təşviqinə və birgə istehsalın yaradılmasına xidmət edəcək. Bu, xüsusilə Azərbaycan və Latviya şirkətlərinin qarşılıqlı bazarlara çıxış imkanlarının genişlənməsi baxımından mühüm əhəmiyyət kəsb edir. Dövlət və özəl sektor nümayəndələrinin fəal iştirakı göstərir ki, hər iki ölkə iqtisadi əməkdaşlığı prioritet istiqamətlərdən biri kimi qiymətləndirir. Bununla yanaşı, sərmayə mühitinin daha da yaxşılaşdırılması və məlumat mübadiləsinin gücləndirilməsi məsələləri də diqqət mərkəzində olmuşdur. Tərəflər razılığa gəlmişlər ki, investisiya imkanları, proqramlar və layihələr barədə qarşılıqlı məlumatlandırma mexanizmləri yaradılacaq. Bu isə biznes dairələrinin daha çevik və effektiv fəaliyyət göstərməsinə şərait yaradacaq və nəticə etibarilə ticarət dövriyyəsinin artmasına təkan verəcək.
Nəqliyyat və logistika sahəsində əməkdaşlıq da mühüm istiqamətlərdən biri kimi qeyd olunmuşdur. Xüsusilə birbaşa uçuşların təşkili məsələsi gündəmə gətirilmişdir. Bu addım həm turizm, həm də biznes əlaqələrinin inkişafına müsbət təsir göstərə bilər. Mövcud beynəlxalq vəziyyət, xüsusilə aviayanacaqla bağlı bəzi çətinliklər fonunda Azərbaycanın bu sahədə imkanlarının olması əlavə üstünlük kimi qiymətləndirilir.
Humanitar sahədə əməkdaşlıq da diqqətdən kənarda qalmamışdır. Latviyada 450-dən artıq azərbaycanlı tələbənin təhsil alması xalqlar arasında münasibətlərin inkişafında mühüm rol oynayır. Təhsil və mədəniyyət sahəsində əməkdaşlıq, eləcə də insanlar arasında təmasların genişlənməsi ölkələr arasında qarşılıqlı anlayış və etimadı daha da gücləndirir.
Bəyanatda regional və beynəlxalq təhlükəsizlik məsələlərinə də toxunulmuşdur. Prezident İlham Əliyev Cənubi Qafqazda baş verən proseslər, xüsusilə Azərbaycan ilə Ermənistan arasında sülh prosesi barədə məlumat vermişdir. Qeyd olunmuşdur ki, son dövrlərdə bu istiqamətdə müsbət dinamika müşahidə olunur və artıq de-fakto sülh mühiti formalaşmışdır. Ticarət əlaqələrinin başlanması, vətəndaş cəmiyyəti nümayəndələri arasında dialoqun qurulması regionda sabitliyin möhkəmlənməsinə xidmət edir. Bu yanaşma beynəlxalq hüquqa əsaslanan sülh modelinin digər münaqişəli regionlar üçün də nümunə ola biləcəyini göstərir.
Sonda Prezident İlham Əliyev ölkələrimiz arasında münasibətlərin möhkəm təməllərə əsaslandığını bir daha vurğulamış və bu münasibətlərdə liderlər arasında şəxsi əlaqələrin də mühüm rol oynadığını qeyd etmişdir. Uzun illərə söykənən qarşılıqlı etimad və dostluq münasibətləri siyasi dialoqun səmərəliliyini artırır və əməkdaşlığın yeni mərhələyə keçidini sürətləndirir.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

Address

İmişli şəhəri
Imishly
3000

Opening Hours

Monday 09:00 - 17:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994212466002

Website

Alerts

Be the first to know and let us send you an email when İmişli Rayon İcra Hakimiyyəti posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to İmişli Rayon İcra Hakimiyyəti:

Shortcuts

Share

Category