1 saylı Regional Meşə Təsərrüfatı Mərkəzi

17/08/2026

🔆 Təbiətlə qurduğumuz hər bağ, gələcək nəsillərə verdiyimiz ən dəyərli töhfədir.

Əllərimizi yalnız bir-birimizə deyil, planetimizə doğru da uzadaq.

Əkdiyimiz hər ağac, qənaət etdiyimiz hər damla su, düzgün çeşidlədiyimiz hər tullantı — daha təmiz, daha yaşıl və daha sağlam gələcəyə atılan bir addımdır.

Bəs təbiətlə necə razılıq içində yaşaya bilərik?

🌳 Daha çox ağac əkərək
♻️ Tullantıları çeşidləyərək və təkrar emala yönləndirərək
💧 Su və enerjidən səmərəli istifadə edərək
🦋 Biomüxtəlifliyi qoruyaraq
🌍 Təbiətdən aldığımızı ona geri qaytararaq

Təbiət bizdən çox şey istəmir. Sadəcə onu tanımağımızı və qorumağımızı istəyir.

17/08/2026

🌍 Peşəniz və bacarıqlarınızla iqlim naminə nə edə bilərsiniz?

İqlim fəaliyyətinə töhfə vermək üçün mütləq ekoloq və ya ekofəal olmaq lazım deyil. Bəzən ən güclü təsir vasitəniz elə gündəlik işiniz, peşəniz və sahib olduğunuz bacarıqlardır.

👩‍🏫 Müəllimsiniz?
İqlim və ətraf mühit mövzularını dərslərinizə daxil edərək şagirdlərdə təbiətə məsuliyyətli münasibət formalaşdıra bilərsiniz.

💻 Proqramçısınız?
Enerji səmərəliliyi, iqlim texnologiyaları və ekoloji monitorinq üçün rəqəmsal həllər yarada bilərsiniz.

🎨 Dizaynersiniz?
Ekoloji problemləri görünən edən, insanları düşünməyə və hərəkətə keçməyə təşviq edən yaradıcı işlər hazırlaya bilərsiniz.

🏗️ Memar və ya mühəndissiniz?
Enerjiyə və resurslara qənaət edən, təbiətə dost layihələr yarada bilərsiniz.

📱 Media və kommunikasiya sahəsində çalışırsınız?
İqlim və təbiət haqqında düzgün, sadə və təsirli məlumatların daha geniş auditoriyaya çatmasına kömək edə bilərsiniz.

👩‍🌾 Fermer və ya aqronomsunuz?
Torpağın qorunmasına, suya qənaətə və dayanıqlı kənd təsərrüfatına yönəlmiş üsulları tətbiq edə bilərsiniz.

⚖️ Hüquqşünassınız?
Ətraf mühitin qorunmasına xidmət edən qanunvericilik və hüquqi təşəbbüslərin inkişafına dəstək verə bilərsiniz.

🧑‍💼 Menecersiniz?
İş yerinizdə enerji və resurs istehlakını azaltmağa, tullantıları minimuma endirməyə və yaşıl yanaşmaları təşviq etməyə başlaya bilərsiniz.

📸 Fotoqraf və ya kontent yaradıcısısınız?
Təbiətin gözəlliyini, onun qarşılaşdığı təhlükələri və qorunmasının vacibliyini işlərinizlə insanlara göstərə bilərsiniz.

Çünki iqlim fəaliyyəti ayrıca bir peşə deyil.

O, artıq gördüyünüz işə, sahib olduğunuz bacarıqlara və hər gün etdiyiniz seçimlərə əlavə edə biləcəyiniz bir məsuliyyətdir.

24/07/2026

🔥Yanğınlar biomüxtəlifliyə və ekosistemlərə ciddi təsir göstərir

Milli Hidrometeorologiya Xidmətinin məlumatına əsasən, yaxın günlərdə ölkə ərazisində isti, quraq və küləkli hava şəraitinin davam edəcəyi proqnozlaşdırılır. Bu şərait meşələrdə və digər təbiət ərazilərində yanğın riskini artırır.

Meşə yanğınları ağac və bitki örtüyünün məhv olmasına, vəhşi heyvanların yaşayış mühitinin zədələnməsinə, torpağın münbit qatının sıradan çıxmasına və ekoloji tarazlığın pozulmasına səbəb olur. Yanğından zərər çəkmiş ekosistemlərin bərpası uzun illər tələb edə bilər.

🔴 Yanğınların qarşısının alınması məqsədilə vətəndaşlardan meşələrdə və meşəətrafı ərazilərdə ocaq qalamamaq, söndürülməmiş siqaret kötüklərini təbiətə atmamaq, quru ot, kol-kos və məişət tullantılarını yandırmamaq, yanğına səbəb ola biləcək şüşə və digər tullantıları ərazidə saxlamamaq, tüstü və ya yanğın əlaməti müşahidə etdikdə isə dərhal aidiyyəti qurumlara məlumat vermək xahiş olunur.

Unutmayaq ki, kiçik bir ehtiyatsızlıq geniş ərazilərin yanmasına, flora və faunanın məhvinə və təbiətə uzunmüddətli zərər vurulmasına səbəb ola bilər.

Ekologiya və Təbii Sərvətlər Nazirliyi vətəndaşları təbiət ərazilərində diqqətli olmağa və yanğın təhlükəsizliyi qaydalarına ciddi əməl etməyə çağırır.

22/07/2026

22/07/2026

13/07/2026

07/07/2026

1 saylı Regional Meşə Təsərrüfatı Mərkəzinin xidməti ərazisində baş verəbiləçək yanğın hadisəsin vaxtında operativ södürülməsindən ötrü Fövqəlada Hallar Nazirliyinin reginal bölməsinin əməkdaşları ilə birgə yanğın söndürmə avadanlıqlarından istifadə qaydaları mövzusunda maarifləndirmə təlim keçirilmişdir.