QAİ-nin Naxçıvan MR üzrə Nümayəndəliyi

29/06/2026

Qərbi Azərbaycan irsini qorumaqla yaşadırıq.

Dəqiq, dolğun, aktual xəbərlərin ünvanı...Kanala abunə olun: ht...

25/06/2026

23/06/2026

"Bu gün burada, sadəcə, tədbir iştirakçıları kimi deyil, tarixi yaddaşımızı yaşadan, milli kimliyimizi qoruyan və gələcək nəsillərə ötürən böyük bir ideyanın daşıyıcıları kimi toplaşmışıq. Təqdim olunacaq məruzələr, elmi tədqiqatlar, mədəni proqramlar və yaradıcı layihələr ümumi məqsədimizə – tarixi yaddaşın qorunmasına və gələcək nəsillərin maarifləndirilməsinə xidmət edəcəkdir".

"Şərq qapısı" xəbər verir ki, bu barədə Ordubadda keçirilən “Qərbi Azərbaycana qayıdış” III konqres-festivalında çıxışı zamanı Naxçıvan Dövlət Universitetinin rektoru Elbrus İsayev deyib.

Rektor qeyd edib ki, Azərbaycan xalqının müasir tarixində yeni mərhələ yaradan Vətən müharibəsində əldə etdiyimiz şanlı zəfər milli özünüdərkimizin, tarixi ədalətə inamımızın və dövlətçilik iradəmizin təntənəsi oldu. Bu zəfər yalnız işğal altında olmuş torpaqlarımızın azad edilməsini təmin etmədi, eyni zamanda xalqımızın tarixi yaddaşında yaşayan bir çox məsələlərin daha geniş müstəvidə müzakirəsinə və həllinə yeni imkanlar yaratdı.
Məhz zəfərdən sonra "Qərbi Azərbaycana qayıdış" ideyası Azərbaycan cəmiyyətinin əsas milli ideyalarından birinə çevrildi. Çünki xalqımız yaxşı bilir ki, Qərbi Azərbaycan yalnız coğrafi məkan deyil, minilliklər boyunca formalaşmış tariximizin, mədəniyyətimizin və mənəvi köklərimizin ayrılmaz hissəsidir.

Ətraflı serqqapisi.az saytında...

23/06/2026

"Qərbi Azərbaycan mövzusu Azərbaycan xalqının tarixi yaddaşı, milli kimliyi və mənəvi irsi ilə ayrılmaz şəkildə bağlıdır. Bu məsələyə dövlət səviyyəsində daim böyük diqqət göstərən Ümummilli Liderimiz Qərbi Azərbaycandan deportasiya olunmuş soydaşlarımızın taleyini hər zaman diqqətdə saxlamış, onların hüquqlarının müdafiəsini mühüm vəzifələrdən biri kimi müəyyən etmişdir. Ulu Öndər qeyd edirdi ki, Azərbaycan xalqına qarşı müxtəlif dövrlərdə həyata keçirilən deportasiya və etnik təmizləmə siyasətinin öyrənilməsi, bu həqiqətlərin beynəlxalq ictimaiyyətə çatdırılması dövlətimizin və cəmiyyətimizin qarşısında duran mühüm vəzifələrdəndir. Məhz müəyyən edilmiş bu siyasi xətt nəticəsində xalqımızın tarixi yaddaşının qorunması və həqiqətlərin sistemli şəkildə araşdırılması istiqamətində mühüm addımlar atılıb".

"Şərq qapısı" xəbər verir ki, bu sözləri Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov "Qərbi Azərbaycana qayıdış" III konqres-festivalında çıxışı zamanı deyib.

Səlahiyyətli nümayəndə qeyd edib ki, Müzəffər Ali Baş Komandanımızın müdrik siyasəti və rəhbərliyi, Azərbaycan xalqının birliyi və qəhrəman oğullarımızın şücaəti ilə Azərbaycan Respublikasının ərazi bütövlüyünün bərpa edilməsi, torpaqlarımızın işğaldan azad olunması və ölkəmizin tam suverenliyinin təmin edilməsi xalqımızın tarixində yeni bir mərhələ açmışdır. Bu şanlı qələbələr Azərbaycan dövlətinin gücünü xalqımızın iradəsini və milli birliyini bütün dünyaya nümayiş etdirmişdir. Məhz yeni reallıqlar şəraitində Azərbaycan Respublikasının Prezidenti, Müzəffər Ali Baş Komandan İlham Əliyev Qərbi Azərbaycan məsələsini milli gündəliyin mühüm istiqamətlərindən biri kimi müəyyən etmişdir.

"Bugünkü konqres-festival da məhz bu məqsədlə təqdim ediləcək elmi araşdırmalar, keçiriləcək müzakirələr, nümayiş olunacaq mədəniyyət və folklor nümunələri ilə Qərbi Azərbaycanın zəngin irsinin yaşadılmasına və təbliğinə mühüm töhfə verəcəkdir", – deyə Ceyhun Cəlilov əlavə edib.