Bərgüşad kənd 2saylı tam orta məktəb

14/06/2026

🔔 “Son Zəng” tədbiri keçirilib

Məktəbimizdə XI sinif məzunlarına həsr olunmuş “Son Zəng” tədbiri təntənəli şəkildə keçirilib.

Tədbir Azərbaycan Respublikasının Dövlət Himninin səsləndirilməsi ilə başlanıb. Daha sonra xalqımızın Ümummilli Lideri Heydər Əliyev və Vətənimizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə məktəb rəhbərliyi, müəllimlər, valideynlər, qonaqlar iştirak ediblər. Çıxışlar zamanı rəhbərlik və müəllimlər məzunları təbrik edərək onlara Vətənə layiqli, savadlı və vətənpərvər gənclər olmaları arzusunu bildiriblər. Onların səmimi və duyğulu çıxışları tədbir iştirakçıları tərəfindən böyük hörmət və rəğbətlə qarşılanıb.

Şagirdlərin təqdim etdikləri maraqlı musiqi nömrələri, rəqslər və bədii kompozisiyalar tədbirə xüsusi rəng qatıb. Məzunların məktəb illərini əks etdirən çıxışları, müəllimlərə və valideynlərə ünvanladıqları təşəkkür sözləri hər kəsdə xoş təəssürat yaradıb.
Tədbir çərçivəsində təhsil sahəsində əldə etdikləri uğurlara görə şagirdlərə "Təşəkkürnamə" təqdim edilib.

Tədbirin ən yaddaqalan anı isə məktəb həyatının rəmzi olan Son Zəngin səsləndirilməsi olub. Son zəngin sədaları altında məzunlar məktəb illəri ilə vidalaşaraq həyatlarının yeni və məsuliyyətli mərhələsinə qədəm qoyublar.

Məzunlarımızı ürəkdən təbrik edir, onlara gələcək həyatlarında, ali təhsil və peşə fəaliyyətlərində uğurlar arzulayırıq!

13/06/2026

Mərkəzi Aran Regional Təhsil İdarəsinin müəyyənləşdirdiyi fənn aylıqları çərçivəsində Təsviri incəsənət müəllimi Firəngiz Əliyeva nümunəvi dərslər təşkil etmişdir. Şagirdlər rəssamların həyat və yaradıcılığı haqqında məlumatlandırılıblar.

12/06/2026

Mərkəzi Aran Regional Təhsil İdarəsinin müəyyənləşdirdiyi fənn aylıqları çərçivəsində texnologiya müəllimi Ramin Mürsəliyev nümunəvi dərslər təşkil etmişdir. Şagirdlər tərəfindən hazırlanmış əl işləri nümayiş etdirilmişdir.

04/06/2026

03/06/2026

1 İyun – Uşaqların Beynəlxalq Müdafiəsi Günü münasibətilə bütün uşaqları ürəkdən təbrik edirik🌸Qoy hər bir uşağın həyatı sevinc,xoşbəxtlik,sağlamlıq və uğurlarla dolu olsun.Uşaqların gülüşü daim üzlərindən əskik olmasın,arzuları gerçəkləşsin və gələcəkləri parlaq olsun.Bayramınız mübarək❤️🎈🎉

01/06/2026

Məktəbimizin 4cü sinif şagirdi Müslümov Ramal Beynəlxalq Riyaziyyat olimpiyadasında qızıl medal qazanıb. Şagirdimizi təbrik edirik və uğurlar arzu edirik!

26/05/2026

Həyat bilgisi-təbiət aylığı çərçivəsində məktəbin müəllimləri tərəfindən dərslər təşkil edilmişdir.

25/05/2026

25 may 2026-cı il tarixində məktəbimizin qabaqcıl Azərbaycan dili və ədəbiyyat müəllimlərindən olan Aydın Seyidov tərəfindən 8-ci sinifdə "Qurban Səidin gizli qalmış ömrü " mövzusu üzrə ustad dərsi təşkil olunmuşdur.

Dərsdə məktəb rəhbərliyi, komissiya üzvləri, digər məktəblərdən Azərbaycan dili və ədəbiyyat müəllimləri iştirak ediblər.

“Ustad dərs” — təcrübəli və peşəkar bir şəxsin öz bilik və bacarıqlarını başqalarına öyrətdiyi xüsusi təlim və ya məşğələdir. Bu dərslərdə iştirakçılar həm nəzəri məlumat alır, həm də praktik nümunələrlə öyrənirlər.

Ustad dərslərinin əsas məqsədi:
yeni bilik və bacarıqlar öyrətmək;
təcrübə paylaşmaq;
yaradıcı və peşəkar inkişafı dəstəkləməkdir.