25/05/2026
𝐔𝐛𝐮𝐫𝐮𝐧𝐝𝐢 𝐛𝐮𝐫𝐚𝐛𝐚𝐧𝐝𝐚𝐧𝐲𝐚 𝐠𝐮𝐬𝐡𝐨𝐫𝐚 𝐮𝐛𝐮𝐭𝐚𝐫𝐞
𝐾𝑢𝑟’𝑢𝑦𝑢 𝑤𝑎𝑔𝑎𝑡𝑎𝑛𝑑𝑎𝑡𝑢 𝑖𝑔𝑒𝑛𝑒𝑘𝑒𝑟𝑒𝑧𝑜 𝑟𝑦𝑎 23 𝑅𝑢𝑠𝑎𝑚𝑎 2026 𝑈𝑏𝑢𝑟𝑢𝑛𝑑𝑖 𝑏𝑤𝑎𝑟𝑎𝑠ℎ𝑜𝑦𝑒 𝑎𝑚𝑎𝑡𝑜𝑛𝑖 1500 𝑦’𝑢𝑏𝑢𝑡𝑎𝑟𝑒. 𝐼𝑐𝑜 𝑔𝑖𝑘𝑜𝑟𝑤𝑎 𝑐𝑎𝑏𝑒𝑟𝑒𝑦𝑒 𝑖 𝑁𝑑𝑜𝑟𝑎 𝑚𝑢𝑟𝑖 𝑘𝑜𝑚𝑖𝑛𝑒 𝐵𝑢𝑘𝑖𝑛𝑎𝑛𝑦𝑎𝑛𝑎 𝑐𝑎𝑟𝑖 𝑘𝑖𝑟𝑜𝑛𝑔𝑜𝑤𝑒 𝑛’𝑈𝑚𝑢𝑠ℎ𝑖𝑘𝑖𝑟𝑎𝑛𝑔𝑎𝑛𝑗𝑖 𝑚𝑢 𝑣𝑦𝑜 𝑎𝑗𝑒𝑗𝑤𝑒 ℎ𝑎𝑟𝑖𝑚𝑤𝑜 𝑢𝑏𝑢𝑡𝑎𝑟𝑒 𝐷𝑟. 𝐻𝑎𝑠𝑠𝑎𝑛 𝐾𝐼𝐵𝐸𝑌𝐴
Mu kiganiro Umushikiranganji yahaye abamenyesha makuru yavuze ko ubwo butare bwashowe bwaribugizwe n’ubutare bwa Lithium hamwe na Titane bukaba bwacukuwe mu karere ka Kibaya n’ishirahamwe rya Reta SONALEK ririkumxe n’urundi rwaruka bukaba bwegeranijwe mu kiringo c’ukwezi kumwe. Ayo matoni yose akaba yapakiwe mu ma kamyo 60 .
Imbere yuko arungika ayo ma kamyo, umusikiranganji Hassan Kibeya yariyishikiye no mu kibanza bimbamwo ubwo butare harimwo ubutare bwa titane, koltan na lithium, ati ubwobwose n’ubuje kuramura igihugu c’uburundi n’abarundi.
𝐆𝐮𝐬𝐡𝐨𝐫𝐚 𝐮𝐛𝐮𝐭𝐚𝐫𝐞 𝐛𝐮𝐡𝐢𝐧𝐠𝐮𝐰𝐞 𝐛𝐢𝐫𝐚𝐤𝐞𝐧𝐞𝐰𝐞 𝐜𝐚𝐧𝐞
Umushikiranganji imbere yaho yariyeretse abamenyeshamakuru amamashine n’ibindi bikoresho ishirahamwe SONALEK ryaguze bizofasha guhingura ubwo butare. Ati rero uno musi naho dushora ubutare budahinguye, ntibizoguma gurtyo kuko uburyo buvamwo ni bwo buca bufasha kugura ivyo bikoresho vyo kubuhingura. Ivyo rero bizoba ari intambwe igihugu giteye kuko ubutare buhinguye bugira agaciro kanini kuruta ubutare budahinguye.
Ngo bazotangura guhingura ubutare bwa Titane ariko ngo bategekanya no kuzohingura ubutare bwa coltan, wolframite na kasiterite. Muri iyo ntumbero hari umugambi wogushiraho laboratware izofasha kumenya ibiri mu butare buba bwa cukuwe. Nk’akarorero ngo iyo uhinguye ubutare bwa koltan haravamwo Nobium na Tantale, laboratware ica ikwereka urugero rwa tantale na nobium. Ivyo vyocabifasha kumenya ubutare bushotse mu mahanga ubwaribwo. Intumbero y’igihugu ngo nuko baguma bagura ibikoresho kuburyo nko mu myaka ibiri atabutare budahinguwe bwosubira gushorwa ku masoko.
𝐔𝐛𝐮𝐭𝐚𝐫𝐞 𝐧𝐢 𝐮𝐦𝐮𝐫𝐢𝐦𝐚 𝐰𝐞𝐳𝐞
Aho rero ngo Ubushikiranganji bukora bwisunga urukurikirane bw’ibikorwa Nyenicubahiro Umukuru w’Igihugu yabushinze kandi uko kugwiza umwimbu w’ubutare igihugu kironka yamahera mvamakungu y’agaciro bikazoca bifasha igihugu gutera imbere.
Ku kibazo c’igituma igihe cokubushora bikorwa kumugaragaro umushikiranganji Hassan Kibeya amenyesha ko ari kubera ko abarundi bose, abenegihugu bamenya itunga ryabo ; Ati ubutare n’umurima weze igihugu gifise, iyo rero twimbuye tukaja gushora umurundi wese afise uburenganzira bwokubimenya ; kumenya ko ejo canke hirya y’ejo ubwo butare buzogirira akamaro abarundi,mukwubaka amabarabara, amashuri, kugura igitoro, n'ibindi. Ngo n’uburyo bwo kwerekana ko abarundi bari kukivi, gushora ubutare bizotuma haba impinduka mu gihugu
Ubwo butare ahanini ngo bushorwa mu gihugu c’Ubushinwa arikongohari n’ibindi bihugu vyipfuza kugura uwo mwimbu w’ubutare bwo mu Burundi nka Leta zunze ubumwe za Amerika, Ubuhindi, ibihugu vy’i Buraya.
