सिदली गुदि बर' थुनलाइ आफाद

08/07/2026

दुलाराय बर' फरायसा आफादनि "बड'फा गोजोरथियारि सोलायनाय मावथांखि" बादियै सिदली-चिरां दख'रा एबसुनि बानजायनायाव गरुभाषा दालाय एबसुनि सिङाव थानाय स्यामथाइबारि गेजेर फरायसालिआव फरायसालि साखोन सिखोन खालामनाय हाबाफारि लानाय जायो। बे हाबाफारियाव हांख्राइनाय बादियै सिदली गुदि बर' थुनलाइ आफादनिफ्राय आफादगिरि प्रदिप नार्जारी, लोगो नेहाथारि अबाराम बरगयारीआ बाहागो लानो हायो आरो सिरां जिल्ला एबसुनिफ्राय लोगो आफादगिरि रैरुब बसुमतारी बिथाङा बाहागो लानानै बिबुंथिनि गेजेरजों जागायनानै होयो। हाबाफारियाव जिल्ला एबसुनिफ्राय बाहागो लानो हायो नेहाथारि दैथुन कुंगुर बसुमतारी, थुनलाइ नेहाथारि असला औवारी, गेलेमु नेहाथारि समर नार्जारी, अल आसाम ट्राइबेल संघनि बोसोनगिरि जगेन नार्जारी, सिरां जिल्ला बर' थुनलाइ आफादनि गाहाइ नेहाथारि सायखं बसुमतारी, सिरां जिल्ला बाथौ गौथुमनि आफादगिरि स्यामाचरन औवारी, सिरां जिल्ला बर' समाजनि आफादगिरि बिफिन कुमार औवारी, सिरां जिल्ला बर' रेबग्रा गौथुमनि सोद्रोमा अजित कुमार औवारी, गरुभाषा गुदि बर' थुनलाइ आफादनि आफादगिरि बाबुराम बसुमतारी आरो गोबां सानसुमैफोर गामिनि गावबुरा क्लाबनि बिबानगिरिफोर आरो दख’रा आरो दालाय एबसुनि मावथिफोर बाहागो लानाय जायो।

30/06/2026

अक्ट'- 30-06-2026
सिरां कासिकत्रा।

सिरां जिल्लानि सिङाव थानाय नलबारि जौगा गुदि फरायसालिनि गाहाय फोरोंगिरि मानगोनां मुश्री सुकुरसिं ब्रह्मआ सरकारिनि खान्थि बायदियै आजिरा मोननाय जायो।
दिनै 30-06-2026 इं अक्ट'आव नलबारि जौगा गुदि फरायसालि सामलाय आफादनि बानजायनायाव दिनै मानगोनां मुश्री सुकुरसिं ब्रह्मखौ गेदेतथार हाबाफारिनि गेजेरजों बिदाय होनाय जायो । बे हाबाफारिआव हांख्राइजानाय बादियै सिदलि गुदि बर' थुनलाइ आफादनिफ्राय आफादगिरि प्रदिप नार्जारि, गाहाय नेहाथारि अनसुला कुंगुर बसुमतारी, लोगो नेहाथारि अबाराम बरगयारी आरो सिदलि-सिरां दख'रा दुलाराय बर' फरायसा आफादनिफ्राय आफादगिरि दानसोरां बसुमतारी, रांगिरि नेरसोन बसुमतारी बिथांमोनहा आलासिसि महरै बाहागो लानाय जायो।
आजिरा मोननाय सुबुंनि सम्फद दानानै होग्रा मानगोनां मुश्री सुकुरसिं ब्रह्म बिथांनिसिम गोग्गो देहाजों गोलाव जिउ लानानै समाजनि आरो हारिनि हाबा मावलांनो हाथों बेखौ आफादनि जानानै इसोरनि खाथियाव आर'ज गाबनाय जायो।

बेजों लोगोसे गोदानै गाहाय फोरोंगिरिनि बिबान आजावनाय मानगोनां लोमसाव दैमारि बिथांखौ आफादनिफ्राय गांसे आर'नायजों बरायनाय जायो।

05/06/2026

Chirang Kasikotra,

5 जुन "मुलुगनां आबहावा सान" फालिनाय।
सिदली गुदि बर' थुनलाइ आफाद आरो सिदली-चिरां दख'रा ABSU जथायै दाद्रिबिल गामिनि गुदि फरायसालियाव मुलुगनां आबहावा सानखौ लोब्बा लानानै बिफां फुलि गायनाय हाबाफारि लानाय जायो। बिनि उनाव फरायसालिनि सोमोन्दै सावराय मेलबो लानाय जायो।
बे हाबाफारियाव बाहागो लानाय जायो सिरां जिल्ला एबसुनिफ्राय गाहाइ नेहाथारि ड० रेडियान नार्जारी, लोगो आफादगिरि रैरुब बसुमतारी, थुनलाइ नेहाथारि असला औवारी आरो सिरां जिल्ला बर' थुनलाइ आफादनिफ्राय आफादगिरि प्रसान्त इस्वारी, बोसोनगिरि नरेन्द्र नार्जारी, लोगो आफादगिरि राजा देबजित बसुमतारी आरो गुबुन गुबुन बिबानगिरिफोर लोगोसे गुदि बर' थुनलाइ आफाद दख'रा आरो दालाय आफाद ABSU नि मावथि बिथांमोन।

01/06/2026

01-06-2026 सिरां,
सिदलि गुदि बर' थुनलाइ आफादनि सिङाव थानाय दादुरिबिल गामियाव दिनै चिदली चिरां दख'रा एबसुनि आफादगिरि दानसोरां बसुमतारी, @सिदली गुदि बर'थुनलाइ आफादनि आफादगिरि प्रदिप नार्जारि आरो काशिकत्रा दालाइ दुलाराय बर' फरायसा आफादनि गाहाइ नेहाथारि हादरमा बसुमतारी आरो दादुरिबिल गुदि फरायसालिनिनो सामलाय आफादनि आफादगिरि जथायैनो दादुरिबिल गुदि फरायसालिआव फिन फरायसाफोरखौ बांहोनो, लाबोफिननो गामिनिनो गुबुन फरायसालिआव फरायहैनाय फरायसाफोरनि नख'राव थांनानै दिथागिरि बिथांमोनजों सावरायहैनाय जायो।

31/05/2026

31 मे 2026 सिरां,
दिनै 31 मे 2026 इं अक्ट' बेलासि 02:30 रिंगायाव सिदलि गुदि बर' थुनलाइ आफादनि सिङाव थानाय दादुरिबिल गामिनि गुदि फरायसालिनि फरायसा गैयै एबा खम जालांनाय जेंनाखौ लानानै सावरायनाय हाबाफारि लानाय जायो। बे हाबाफारिखौ सिदली-गुदि बर' थुनलाइ आफाद आरो सिदलि-सिरां दख'रा एबसु जथायै लानाय जादों। बे हाबाफारिखौ सिदलि-सिरां दख'रा एबसुनि आफादगिरि दानसोरां बसुमतारी बिथाङा सामलायनाय जायो। हाबाफारिआव सिरां जिल्ला बर' थुनलाइ आफादनि बारग' आफादगिरि बोसोनगिरि मानगोनां प्रानेसर बसुमतारि, सिरां जिल्ला दुलाराय बर' फरायसा आफादनि गाहाय नेहाथारि ड. रेदियान नार्जारि, लोगो आफादगिरि रैरुब बसुमतारी बिथांमोनहा आलासिसि महरै नुजाफैयो ।

18/05/2026

18 मे, 2026
18 मे बर' बिजों सानजों लोब्बा लानानै सिदली गुदि बर' थुनलाइ आफादनि सिङाव थानाय कायलाबारि गुदि फरायसालि आरो दादुरिबिल गुदि फरायसालिनि दिथागिरिफोरखौ लानानै सावरायनाय जायो। बे मेलखौ सिदलि गुदि बर' थुनलाइ आफाद आरो सिदलि-सिरां दख’रा एबसुजों जथायै लानाय जायो। बे मेलखौ सिदलि सिरां दख’रा एबसुनि आफादगिरि दानसोरां बसुमतारी बिथाङा सामलायो। हाबाफारियाव बुंथिगिरि आलासि महरै बाहागो लाफैनाय जायो सिरां जिल्ला एबसुनि आफादगिरि दिलिप कुमार बसुमतारी आरो सिरां जिल्ला बर' थुनलाइ आफादनि आफादगिरि प्रसान्त इस्वारी बिथांमोन।
सिरां जिल्ला बर' थुनलाइ आफादनिफ्राय गाहाइ नेहाथारि सायखं बसुमतारी, बारग' आफादगिरि नगेन नार्जारि,रांगिरि सन्थस बसुमतार, राजा देब'जिथ बसुमतारी आरो बिथांनि मावथि लोगोसे सिरां जिल्ला एबसुनिफ्राय लोगो सोलोंथाइ नेहाथारि कामेस्वर बसुमतारी, सुबुं फोनांजाब नेहाथारि बिलाश ब्रह्म आरो बिथांनि मावथिफोर बाहागो लानाय जायो।

04/03/2026

28/02/2026

दिनै इं 28/02/2026 अक्ट'खालि चिरां जिल्ला बर' थुनलाइ आफादा फागुन दानखौ लानानै गाव सोरजिनाय खन्थाइ आवरायनाय हाबाफारि खौ चिरां जिल्लानि सिङाव थानाय सामथाइबारि हालामनि सालबारि बिफां बागान सिङाव लायो। बे हाबाफारियाव जोंनि सिदलि गुदि बर' थुनलाइ आफादनिफ्रायबो गोबां ख्नथाइगिरि बिथांमोनहा मैखोमै बाहागो लायो।

09/02/2026

Our Best Wishes to all those who are appearing HSLC &HSSLC Examination:2026.