21/12/2025
વાંક હંમેશા પુરુષનો જ હોય છે, સ્ત્રી તો સાવ નિર્દોષ કહેવાય...
બે દિવસ પહેલા અમદાવાદની ઘટના અત્યારે સતત ચર્ચામાં છે, સોશિયલ મીડિયામાં ઘણા વીડિયો વાયરલ પણ થઈ રહ્યા છે, જેમાં એક પોલીસકર્મી એક મહિલા પર હાથ ઉઠાવી રહ્યા છે.
પહેલો વીડિયો સામે આવ્યો ત્યારે આખા ગુજરાતે પોલીસકર્મીને દોષી માની લીધો, ના બોલવાના શબ્દો પણ બોલ્યા, વીડિયો ખૂબ જ વાયરલ પણ થયો અને માત્ર એ પોલીસકર્મી જ નહીં, સમગ્ર ગુજરાત પોલીસની કામગીરી પર આંગળીઓ ઉઠવા લાગી.
પણ હજુ આનું બીજું પાસું તો બાકી હતું, લોકોએ ફક્ત એક જ પાસુ જોઈને પોલીસકર્મીને દોષી માની લીધો હતો, પરંતુ પછી બીજો વીડિયો સામે આવ્યો અને જે હકીકત સામે આવી તે જોઈને લોકોના મોઢા બંધ થઈ ગયા અને આ વિશે બહુ ઓછા લોકો બોલ્યા.
પોલીસકર્મીનો વાંક તો હતો જ, સ્ત્રી પર હાથ ઉઠાવવો, કારણ કે આ કામ પુરુષોને ના શોભે, પરંતુ આમ કરવા પાછળનું કારણ તો તમે બધાએ જોઈ જ લીધું છે.
નવા વીડિયોમાં સ્પષ્ટ દેખાય છે કે ભૂલ મહિલાની હતી, સિગ્નલ તોડ્યું અને ઉપરથી દાદાગીરી. વળી મહિલા તો એડવોકેટ હતા, કાયદાના જાણકાર છતાં ટ્રાફિકના નિયમનો ભંગ કર્યો અને પોલીસકર્મીએ ઊભા રાખ્યા તો તું, તડાક થી વાત કરવા લાગ્યા, પોલીસકર્મીની ઉંમર વીડિયોમાં સ્પષ્ટ દેખાય છે, એ મહિલા કરતા પણ મોટી ઉંમરના છે, છતાં માન આપવાના બદલે જેમ ફાવે એમ બોલવું.
ચાલો ત્યાં સુધી તો પોલીસકર્મીએ પોતાના ગુસ્સા પર કાબુ રાખ્યો હતો, પરંતુ પછી યુનિફોર્મમાં રહેલા પોલીસકર્મીનું આઇકાર્ડ માંગ્યું, એ પણ પોલીસકર્મીએ બતાવ્યું અને પાછું હાથમાં આપવાના બદલે ફેંકી દીધું ? આ તો સાવ ઇજ્જત પર આવી જાય અને આ વાતથી મને જ નહીં, દરેક વ્યક્તિને ગુસ્સો આવવાનો જ છે, બસ આ ગુસ્સામાં પોલીસકર્મી ઉત્તેજિત થયા અને હાથ ઉઠાવ્યો, એડવોકેટ બેન પોતાની ભૂલ પણ માનવા તૈયાર નથી થતા અને એવી અભદ્ર ગાળો બોલવા લાગ્યા જે કદાચ સાંભળી પણ ના શકાય.
એટલું જ નહીં, એડવોકેટ બહેન તો પોલીસકર્મીના પરિવાર સુધી પણ પહોંચી ગયા કે તારા ઘરમાં બધાને બંગડીઓ પહેરાવ. યાર આ કઈ માનસિકતા ? શું બેન કોર્ટમાં પણ આ રીતે જ વર્તન કરતા હશે ? આવા લોકોમાં કયો પાવર હશે ? કઈ સત્તાના જોર પર આટલું ઉછાળા મારતા હશે ?
પોલીસ પણ એમનું કામ કરી રહી છે, એમને પણ ઈજ્જતની જરૂર હોય, એમને તમારી પાસે ખોટી રીતે પૈસાની માંગણી તો કરી નથી ? ફક્ત તમને કાયદાનું ભાન કરાવ્યું છે અને તો પણ તમે એમની સાથે આવું વર્તન કરો તો કોઈ સહન કરે ખરું ?
એ પોલીસકર્મીની જગ્યાએ પોતાની જાતને મૂકીને જોજો, કે તમે આ જગ્યાએ હોતા તો શું કરતા ?
આ ઘટનાને લઈને મારે એજ કહેવું છે કે, આવી કોઈપણ બાબત આવે ત્યારે કોઈપણ એક પક્ષનું ના જોશો, બીજા પક્ષ તરફની પણ હકીકત સામે આવશે, બસ રાહ જુઓ, સોશિયલ મીડિયામાં પહેલા પોસ્ટ કરવાની લાહ્યમાં તમે કોઈ નિર્દોષને પણ ગુનેગાર બનાવી દો છો, બે દિવસથી ઘટના ચાલી રહી છે, પરંતુ મેં એટલા માટે કઈ પોસ્ટ નહોતું કર્યું કે મને ખબર હતી હજુ બીજા પક્ષની હકીકત સામે આવશે, અને આવી પણ ગઈ.
ઘણીવાર પુરુષ પર લાગેલા ખોટા આરોપો સહન નથી પણ કરી શકતા અને આપઘાત જેવા પગલા પણ ભરે છે, કારણ કે સાચી હકીકત સામે આવે એ પહેલાં દુનિયા એને દોષી માની લેતી હોય છે અને આવા આરોપો કોઈ સહન પણ નથી કરી શકતું.
આ મામલે તમે શું કહેવા માંગો છો ? ચાલો ચર્ચા કરીએ...
- ભારત અપરાધ અને માનવ અધિકાર ફરિયાદ નિવારણ સંઘ
- રાષ્ટ્રીય પ્રમુખ.
- શ્રી કૃણાલ સોની. (માનવ વિકાસ સેવા સંઘ- પ્રમુખ )
India Crime & Human Rights Grievance Redressal Association India Crime Human Rights Grievance Redressal Association Jamnagar India Crime & Human Rights Bhavnagar India Crime Human Rights Grievance Redressal Association Indiacrime Humanrights India Crime Mirror News India Crime News India Crime Mirror
