06/10/2023
شہر کو سر سبز و شاداب بنانا اور سیوریج مسائل کا اولین ترجیحات میں شامل ہے۔درختوں کی شجرکاری وقت کی اہم ضرورت ہے جس سے انکار ممکن نہیں جنوبی پنجاب میں سیوریج نظام کی بہتری کے لیئے ہنگامی اقدامات کیئے جائیں گے۔
ان خیا لات کا اظہار سیکرٹری ہاؤسنگ طارق محمود بخاری نے زکریا پارک میں درخت لگانے کے موقع پر کیا۔اس موقع پر ڈی جی پی ایچ اے ملتان آصف رؤف خان،ڈائریکٹر ایڈمن محمد اختر منڈھیرا پی ایچ اے کے ڈائریکٹرز موجود تھے۔سیکرٹری ہاؤسنگ نے مزید کہا کہ شہر کے پارکوں اور گرین بیلٹس پر شجر کاری نا گزیر ہے۔آلودگی کے خاتمے کے لیئے درختوں کی اہمیت سے انکار ممکن نہیں۔شہر کو سر سبز و شاداب بنانا اور سیوریج کے نظام کو بہتر کرنا ترجیحات میں شامل ہے۔جنوبی پنجاب کے دور افتتادہ علاقوں میں صاف پانی کی فراہمی بھی یقینی بنائیں گے۔ڈی جی پی ایچ اے ملتان آصف رؤف خان نے کہا ہے کہ شہر کی گرین بیلٹس اور پارکوں پر شجرکاری جاری ہے۔پودوں کو پانی کی مناسب فراہمی کا عمل بھی جاری ہے پانی کی فراہمی کے لیئے مانیٹرنگ کی جا رہی ہے غفلت برداشت نہیں کی جائے گی۔گل داؤدی کی نمائش کی تیاریاں زور و شور سے جاری ہیں۔اس موقع پر سیکرٹری ہاؤسنگ نے پودہ لگایا اور ملکی سلامتی کے لیئے دعا کی۔
