04/09/2026
Mbi 35 mijë persona vlerësohet se përdorin drogë në Kosovë, prej tyre rreth 10 mijë llogariten si përdorues problematikë ose të varur.
Mjekja Aurora Dollenberg tregoi për Radio Dukagjinin, shkaqet që mund të çojnë në mbidozë dhe rrezikun që paraqet kombinimi i barnave.
“Tanimë kanë mbërritur edhe në zonat rurale të Kosovës drogat nga më të ndryshme eksperimentale, që edhe ne ndonjëherë si mjekë nuk i njohim, sepse janë droga sintetike që janë përzierje të formave të morfinës, kokainës, amfetaminave të ndryshme. Është një përzierje e formave nga më vartës-bërëse të drogave, të cilat bëjnë që shumë të rinj që eksperimentojnë me drogat të marrin një apo dy kokrra dhe nuk e dijnë që duke dyfishuar këtë dozë shumë shpejt kalon në overdozë, dhe pa dashur mund të vdesin nga këto medikamente.”, deklaroi ajo.
Ma*****na vazhdon të jetë droga më e përdorur, por shqetësim po paraqet rritja e përdorimit të kokainës, veçanërisht tek të rinjtë nën 25 vjeç.
