Gaith

Gaith Contact information, map and directions, contact form, opening hours, services, ratings, photos, videos and announcements from Gaith, Public Service, Alexandria.
(21)

انا كوتش منى : لايف كوتش ومدرب معتمد من جامعة عين شمس وممارسة برمجة لغوية وعصبية وعلاقات .
معالج شعوري بتقنيات PEAT
التحرر من الصدمات
فك التعلق - معالجة الفوبيا
التعافي من جروح الطفوله

مهمتي اساعدك على الوصول إلى أفضل نسخة منك 🤍

04/06/2026

وقال ﷺ:

“ما كان الرفق في شيء إلا زانه، وما نُزع من شيء إلا شانه.”
(رواه مسلم

لما تيجي تعد نعم ربنا عليك ... ما تنساش تعد الصدمات.أيوه... الصدمات.عارف ليه؟لأن في صدمات وجعتك لحظة، لكنها أنقذتك عمر ك...
04/06/2026

لما تيجي تعد نعم ربنا عليك ... ما تنساش تعد الصدمات.
أيوه... الصدمات.
عارف ليه؟
لأن في صدمات وجعتك لحظة، لكنها أنقذتك عمر كامل.
في ناس لما خرجوا من حياتك زعلت عليهم... وبعد فترة اكتشفت إن خروجهم كان رحمة، وإن وجودهم كان بيستنزفك أكتر ما بيساندك.
وفي مواقف كسرت الصورة اللي كنت راسمها للناس... لكنها رجعتك للحقيقة.
والحقيقة مهما كانت مؤلمة، أرحم بكتير من وهم جميل عايشين جواه.
الصدمة مش دايما عقاب ... أوقات كتير بتكون كشف.
كشف لشخص، أو موقف، أو علاقة، أو حتى لجزء جوانا محتاج يصحى.
واللي أذاك أو خذلك... ممكن تكون شايفه سبب وجعك.
لكن من زاوية تانية :-
هو كان السبب إنك تفوق.
إنك تشوف اللي كنت رافض تشوفه.
وإنك تفك ارتباطك بحاجة كانت معطلاك عن نفسك وعن حياتك.

ك & #مُعالج_شعوري بشوف إن أكبر ألم مش الصدمة نفسها...
أكبر ألم إننا نعرف الحقيقة ونفضل نهرب منها.
نبرر، ونلتمس الأعذار، ونمسك في صورة انتهت، لمجرد إننا خايفين نواجه الواقع.
لكن الشفاء بيبدأ لما تبص للحقيقة زي ما هي من غير تجميل ومن غير دور ضحية.
مش كل حاجة راحت منك كانت خسارة.
ومش كل باب اتقفل كان عقاب.
أحيانا ربنا بيكشفلك الحقيقة لأنه بيحميك... وبيخرجك من مكان ما عادش مناسب ليك.
فالصدمة مش جاية تكسرك... جاية تفوقك.
جاية تعيد تشكيلك بصورة أقوى وأنضج وأوعى.

يمكن أكتر حاجة وجعتك... هي نفسها الحاجة اللي حررتك. 🤍

(استعينوا على قضاء حوائجكم بالكتمان، فإن كل ذي نعمة محسود).
04/06/2026

(استعينوا على قضاء حوائجكم بالكتمان، فإن كل ذي نعمة محسود).

04/06/2026

#التعافي مش إنك تبطلي تحبيه
التعافي الحقيقي إنك تبطلي تعتمدي عليه عشان تحسي بقيمتك.
ناس كتير فاكرة إن الشفاء معناه إنك تنسي، أو إن المشاعر تختفي فجأة.
لكن الحقيقة إنك ممكن تفضلي بتحبيه، وتفتكريه، وتشتاقي لبعض اللحظات...
وفي نفس الوقت تكوني في طريق التعافي فعلا.
لأن المشكلة عمرها ما كانت في الحب نفسه ...
المشكلة كانت لما بقى حبك ليه مرتبط بحبك لنفسك.
❌لما رده كان بيحدد مزاجك.
❌واهتمامه كان بيحدد قيمتك.
❌وبعده كان بيخليكي تشكي في نفسك.
هنا الحب بيتحول من مشاعر طبيعية... لاحتياج عاطفي بيستنزفك.
#التعافي بيبدأ
✔️ لما ترجعي لنفسك.
✔️لما تعرفي إن قيمتك مش محتاجة إثبات من حد.
✔️وإن الأمان مش لازم ييجي من شخص واحد.
✔️وإن استحقاقك للحب مش بيتحدد بوجود حد أو غيابه.

أكبر علامة على التعافي... إنك تبطلي تسألي:
"إزاي أخليه يتمسك بيا؟"
وتبدأي تسألي: "هل أنا متمسكة بنفسي كفاية؟"
ولو حاسة إنك عالقة بين #التعلق و #الخوف من الفقد ، فده بالضبط النوع من الرحلات العلاجية اللي بنشتغل عليها في الجلسات الفردية خطوة بخطوة ، لحد ما ترجعي علاقتك بنفسك أقوى وأهدى من أي علاقة تانية.
✨ #جلسات #كوتشينج للسيدات فقط

اللي عايز بجد... بيسعى.من أكتر الحاجات اللي بتستنزف أي ست إنها تفضل تسأل نفسها: "هو مهتم ولا لأ؟" "هو متردد؟" "أصله مشغو...
03/06/2026

اللي عايز بجد... بيسعى.
من أكتر الحاجات اللي بتستنزف أي ست إنها تفضل تسأل نفسها: "هو مهتم ولا لأ؟" "هو متردد؟" "أصله مشغول؟"
"يمكن مستني مني خطوة؟"
لكن الحقيقة البسيطة إن الإنسان لما يكون عايز حاجة بجد... بيتحرك ناحيتها.
مش لازم يكون مثالي، ومش لازم يعرف يعمل كل حاجة صح...
بس هيبقى واضح في سعيه، واضح في نواياه، وواضح في وجوده.
كمعالج شعوري بشوف إن كتير من الوجع بيبدأ لما نحاول نقنع نفسنا بحاجة غير اللي شايفينه بعنينا.
نبرر الغياب
ونفسر الفتور
ونخلق أعذار لشخص مش بيبذل الحد الأدنى من المجهود.

والسؤال المهم هنا: ليه محتاجة تثبتي قيمتك لشخص مش شايفها من الأساس؟
قيمتك مش محتاجة إثبات.
وقيمتك مش مرتبطة بحد اختارك أو ما اختاركيش.
قيمتك موجودة لأنك إنسانة تستحق التقدير والاحترام والاهتمام الحقيقي.
ولو حاسة إنك في علاقة أو معرفة مش واضحة، جربي الخطوات دي:
✅ اسألي نفسك: أفعاله متوافقة مع كلامه ولا لأ؟
✅ ركزي على المجهود الحقيقي مش الوعود والكلام الحلو.
✅ بطلي مطاردة أو محاولة إقناع حد بقيمتك.
✅ حطي حدود واضحة لأي علاقة بتستنزف كرامتك أو سلامك النفسي.
✅ اختاري نفسك كل مرة تلاقي فيها إنك بتتنازلي عن احترامك لنفسك عشان تحافظي على حد.
افتكري دايما... اللي عايزك هيقرب.
اللي مقدرك هيبان.
واللي شايف قيمتك مش هيخليك طول الوقت محتارة في مكانتك عنده.
الاهتمام الحقيقي مش محتاج تفسير... والشخص الجاد مش محتاج مطاردة. ❤️. coach Mona Ashour

#العلاقات #كوتشينج

✨إحنا بنحب الشخص فعلا ولا بنحب الصورة اللي رسمناها عنه؟!من أكتر الحاجات اللي بتوجع في العلاقات إننا ساعات ما بنتعلقش بال...
02/06/2026

✨إحنا بنحب الشخص فعلا ولا بنحب الصورة اللي رسمناها عنه؟!

من أكتر الحاجات اللي بتوجع في العلاقات إننا ساعات ما بنتعلقش بالشخص نفسه... بنتعلق بالفكرة اللي كوناها عنه.
نشوف منه موقف حلو
كلمة طيبة
أو اهتمام في وقت احتجناه... فنبدأ نكمل باقي الصورة من عندنا. نضيف صفات لسه ما شفناهاش، ونبني توقعات ما اتقالتش، ونصدق إحساسنا أكتر من الواقع.
ومع الوقت نحب النسخة اللي في خيالنا، ونستثمر فيها مشاعرنا وأحلامنا.
لحد ما ييجي موقف يكشف الحقيقة...
فنقول: "إيه اللي غيره؟!" بينما الحقيقة أحيانا إنه ما اتغيرش أصلا ... إحنا بس بقينا شايفينه من غير فلتر الاحتياج والتمني.

وكمان لما نتوجع من حد، ممكن نقع في الفخ العكسي.
نشوفه وحش بالكامل، ونلغي كل حاجة حلوة كانت فيه.
وكأن العقل بيحب الأحكام السريعة : ـ
يا أبيض يا أسود... يا ملاك يا شيطان.
لكن الحقيقة النفسية بتقول إن البشر مش كده.
كل واحد فينا فيه جوانب جميلة وجوانب محتاجة شغل.
فيه لحظات قوة ولحظات ضعف.
وفيه أوقات بيكون فيها واعي وأوقات بيغلبه خوفه أو جرحه.

الحقيقي إنك تشوف الإنسان كما هو... مش كما تتمنى أن يكون.
تحبه بوعي، مش بوهم.
وتقيمه من أفعاله ومواقفه، مش من السيناريوهات اللي عقلك كتبها عنه.
لأن العلاقات الصحية ما بتقومش على الخيال... بتقوم على رؤية واضحة، وقبول واعي، وحدود صحية.

ودلوقتي اسأل نفسك:
أنا متعلق بالشخص فعلا؟
ولا متعلق بالصورة اللي رسمتها عنه جوه دماغي؟
Coach Mona Ashour
#العلاقات #كوتشينج

"الروح تآلف من يطمنها" ❤️الست مش محتاجة حد كامل قد ما محتاجة حد تحس معاه بالأمان.الأمان مش كلمة حلوة تتقال ولا وعود تتكت...
02/06/2026

"الروح تآلف من يطمنها" ❤️
الست مش محتاجة حد كامل قد ما محتاجة حد تحس معاه بالأمان.
الأمان مش كلمة حلوة تتقال ولا وعود تتكتب... الأمان إحساس.
⭐ إنها تعرف إنها مش مضطرة تفضل قوية طول الوقت.
⭐ إنها تتكلم من غير خوف من الحكم عليها.
⭐ تغلط من غير ما يتحول الغلط لسلاح ضدها.
⭐ وتحس إن قلبها في مكان آمن، مش في ساحة اختبار كل يوم.
زي الصورة كده...
ساعات الأمان بيبقى في حضن، في سند،
في وجود هادي بيقول: "أنا هنا".
ولما الست تلاقي الأمان الحقيقي بتطلع أجمل نسخة منها.
❤️بتحب أكتر،
❤️ بتدي أكتر،
❤️وبتزهر من غير ما تحس إنها بتحارب عشان تثبت قيمتها.
افتكروا دايما... الاحتياج الأكبر عند أي روح مش الحب وبس...
ولكن إنها تلاقي حد يطمنها وهي نفسها تكون على طبيعتها.

الروح تآلف من يطمنها... والقلب يسكن حيث يشعر بالأمان. 🤍
Coach Mona Ashour

#العلاقات #الاحتواء #الثقة #كوتشينج

ساعات الحياة بتحسسك إنك لوحدك، وإنك محتاجة حاجة مش لاقياها.يمكن تكوني محتاجة حنية، أو كلمة طيبة، أو شغف يشعل قلبك من جدي...
30/05/2026

ساعات الحياة بتحسسك إنك لوحدك، وإنك محتاجة حاجة مش لاقياها.
يمكن تكوني محتاجة حنية، أو كلمة طيبة، أو شغف يشعل قلبك من جديد… ومفيش حاجة غلط في كده.
المهم تعرفي حاجة : أنتيط كفاية زي ما انتي 💕
حتى لو حاسة إن الدنيا ضاغطة، حتى لو حاسة إنك محتاجة حب واهتمام ده مش ضعف،
دي بس علامة إنك إنسانة بتحس ومهتمة.
خدي نفس عميق، وافتكري إن في ناس حوالينا بيحبونا حتى لو مش دايما واضح
وفي ناس بتقدرنا أكتر مما نتخيل 🌷✨
اعملي حاجة صغيرة لنفسك النهارده…
✨ ابتسمي لنفسك
✨اتكلمي بكلمة حلوة
✨ اعملي أي حاجة تدي قلبك طاقة حلوة 💫
كل لحظة طيبة لنفسك بتفرق… وكل شعور حلو جواكي بيكبر ويخليكي أقوى 💖
افتكري:
إنتي مش لوحدك أبدا ، وفي ناس كتير حاسة زيك… ومفيش حاجة اسمها إنك مش كفاية.
إنتي كفاية… وقادرة تكبري وتحصلي على كل الحنية والحب والشغف اللي قلبك محتاجه 🤍✨"

Address

Alexandria

Website

Alerts

Be the first to know and let us send you an email when Gaith posts news and promotions. Your email address will not be used for any other purpose, and you can unsubscribe at any time.

Shortcuts

Share

Category