Sahar Talaat Mostafa - سحر طلعت مصطفى

Sahar Talaat Mostafa - سحر طلعت مصطفى النائبة\ سحر طلعت مصطفى عضو مجلس النواب

مع الاستعدادات لمعرض "مدن مصر الغارقة" في شيكاغو عام 2027، بمشاركة 275 قطعة أثرية من مدن مصر الغارقة، العالم هيكون على م...
20/08/2026

مع الاستعدادات لمعرض "مدن مصر الغارقة" في شيكاغو عام 2027، بمشاركة 275 قطعة أثرية من مدن مصر الغارقة، العالم هيكون على موعد مع حكاية مختلفة من تاريخ مصر.

المعرض هيكشف تاريخ مدن كاملة كانت نابضة بالحياة، وموانئ كانت شاهدة على حركة التجارة والتبادل الحضاري، قبل ما تختفي تحت مياه البحر المتوسط لسنوات طويلة.

القطع الأثرية المشاركة مش مجرد آثار قديمة، لكنها شواهد على حضارة كان لها حضور وتأثير كبير في حركة التجارة والتواصل بين شعوب وحضارات مختلفة.

والأهم إن معرض شيكاغو هيقدم للعالم صورة أوسع وأكثر تنوعًا عن تفرد الحضارة المصرية، ويفتح للجمهور نافذة جديدة لاكتشاف مصر بعيدًا عن الصورة التقليدية المرتبطة بالأهرامات والمعابد.

275 قطعة أثرية.. 275 حكاية من قلب مدن مصر الغارقة، بتعيد اكتشاف فصل استثنائي من تاريخ مصر وتقدمه للعالم من جديد.

قرار الرئيس بإقامة المجمع الثقافي الإسلامي الجديد في سيدي جابر إضافة مهمة جدًا لأهالي إسكندرية، خصوصًا إنه هيوفر مكان يس...
19/08/2026

قرار الرئيس بإقامة المجمع الثقافي الإسلامي الجديد في سيدي جابر إضافة مهمة جدًا لأهالي إسكندرية، خصوصًا إنه هيوفر مكان يستوعب 1800 مصلّي، وده هيساعد على استيعاب أعداد أكبر، ويوفر مكان أفضل لأهالي المنطقة.

والأهم كمان إن المشروع هيكون فيه جراج متعدد الطوابق تحت المجمع، بسعة 400 عربية، وده هيساعد بشكل كبير في تخفيف الزحمة وتكدس العربيات في شوارع المنطقة، خصوصًا مع الكثافة المرورية اللي بتشهدها سيدي جابر.

وقيمة المشروع مش بس في الخدمات الدينية والثقافية اللي هيقدمها، لكن كمان في إنه بيتعامل مع احتياج يومي حقيقي لأهالي المنطقة، وبيقدم نموذج للتطوير بيجمع بين إضافة خدمات جديدة وحل مشكلات موجودة بالفعل.

المهم إننا نكمل في الاتجاه ده، ونخلي كل مشروع جديد إضافة حقيقية للناس، ويحسن شكل المنطقة وجودة الحياة فيها.

مع انطلاق أول رحلة جوية مباشرة بين العلمين وموسكو بتاخد مدينة العلمين خطوة جديدة على خريطة الطيران وبتفتح باب مهم لأسواق...
17/08/2026

مع انطلاق أول رحلة جوية مباشرة بين العلمين وموسكو بتاخد مدينة العلمين خطوة جديدة على خريطة الطيران وبتفتح باب مهم لأسواق سياحية جديدة.

وأعتقد إن الخطوة دي هتكون مؤثرة بشكل أكبر مع استمرار تشغيل الرحلات خصوصا مع استهداف أسواق زي إيطاليا وألمانيا لأن تنويع الأسواق هو الضامن الأساسي لاستمرار نمو الحركة السياحية.

الميزة هنا كمان إننا بنتكلم عن مدينة عندها موسم سياحي أطول وده بيدي فرصة أكبر للفنادق والأنشطة السياحية إنها تشتغل لفترات أطول وفوق ده كله بيساعد على جذب استثمارات جديدة للمنطقة بشكل أكثر استدامة.

مهم إننا نكمل في نفس الاتجاه عشان نحول العلمين لمقصد سياحي متصل بالعالم طول السنة ومش مرتبط بموسم سياحي واحد بس.

لحظة استثنائية علي أرض مصر ! في أغسطس 2027، هتشهد مدينة الأقصر كسوف كلي للشمس، هتختفي فيه الشمس بالكامل خلف القمر لمدة ت...
11/08/2026

لحظة استثنائية علي أرض مصر !

في أغسطس 2027، هتشهد مدينة الأقصر كسوف كلي للشمس، هتختفي فيه الشمس بالكامل خلف القمر لمدة تصل لـ 6 دقائق، وهي مدة نادرة جداً تضع الأقصر على خريطة العالم كواحدة من أفضل نقاط مشاهدة الظاهرة الفلكية التاريخية، علشان كده سموه "كسوف القرن".

الملفت إن مدينة الأقصر بتثبت الآن للعالم إنها الوجهة الأبرز سياحيًا في هذا الوقت، من خلال الحجز شبه الكامل لغرف الفنادق، واختفاء معظم المعروض على منصات الحجز العالمية، وده انعكاس لقوة الطلب العالمي وثقة الشركات اللي حجزت غرف وفنادق بالكامل.

الحدث الاستثنائي ده بيحطنا قدام مسئولية وتحدي كبير لاستيعاب تدفقات ممكن توصل لخمس أضعاف ذروة الموسم المعتادة، وبيتطلب تنسيق بين قطاعات الطيران والفنادق وغيرها، لزيادة الطاقة الاستيعابية للمدينة.

الهدف مش بس إنجاح الفعالية، لكن استغلال الـ6 دقائق الخاصة بالكسوف لتقديم تجربة سياحية تليق بمصر، وتحويل هذا الحدث الاستثنائي إلى فرصة حقيقية لدعم النمو السياحي المستدام.

الكسوف مدته دقائق.. لكن العائد ممكن يمتد لسنوات.

النجاح المذهل لمعرض "كنوز الفراعنة" في متحف "دي يونج" بمدينة سان فرانسيسكو في الولايات المتحدة، بعد نفاد جميع التذاكر قب...
08/08/2026

النجاح المذهل لمعرض "كنوز الفراعنة" في متحف "دي يونج" بمدينة سان فرانسيسكو في الولايات المتحدة، بعد نفاد جميع التذاكر قبل افتتاحه بأسبوع كامل، يؤكد حاجة مهمة جدًا، وهي إن الحضارة المصرية لسه قادرة تبهر العالم وتخطف الأنظار.

الإقبال الكبير من الزوار بيقول إن مجرد عرض 130 قطعة أثرية كان كافيًا لجذب آلاف الزائرين، لأن كل قطعة رسالة حضارية عابرة للحدود، بتحكي جزء من تاريخ مصر العظيم، وبتقدم للعالم صورة حقيقية عن حضارتها الممتدة لآلاف السنين.

ومفيش شك إن كل نجاح من النوع ده بيأكد إن التاريخ والآثار هما من أهم مصادر القوة الناعمة لمصر، وإن بلدنا عمرها ما كانت مجرد وجهة سياحية، لكنها واحدة من أهم مراكز الحضارة الإنسانية، ومصدر إلهام للعالم كله.

بكل الفخر بهني أبطال التحدي، أبطال فريق "الحلم المصري" بعد تتويجهم ببطولة العالم لكرة القدم للدمج في الولايات المتحدة.ال...
04/08/2026

بكل الفخر بهني أبطال التحدي، أبطال فريق "الحلم المصري" بعد تتويجهم ببطولة العالم لكرة القدم للدمج في الولايات المتحدة.

الفوز ده بيأكد إن أبطالنا من ذوي القدرات الخاصة، بإصرارهم واجتهادهم قدروا يحققوا إنجاز عظيم، قدر يرفع اسم مصر في أكبر المحافل الرياضية، وقدموا نموذج مشرف وأثبتوا إن الطموح والإرادة ملوش حدود.

كل التحية للاعبين والجهاز الفني، ولكل اللي آمن بقدراتهم وساندهم في رحلة النجاح، وبإذن الله البطولة دي تكون بداية لإنجازات أكبر تفرّح المصريين، وترفع اسم مصر في كل المحافل الرياضية.

عشر سنين مرت على رحيل العالم المصري النابغة الدكتور أحمد زويل.. شخصية مصرية بامتياز.. بتمثل اسم وهوية وملامح الدولة العر...
03/08/2026

عشر سنين مرت على رحيل العالم المصري النابغة الدكتور أحمد زويل.. شخصية مصرية بامتياز.. بتمثل اسم وهوية وملامح الدولة العريقة في كل مجالات العلم منذ فجر التاريخ.

ومع إعلان نتيجة الثانوية العامة من أيام.. يمكن تكون دي أفضل مناسبة نفتكر فيها إن النجاح الحقيقي عمره ما كان رقم في شهادة أو مجموع. الدكتور أحمد زويل حصل في الثانوية العامة على 80%، ورغم إن مجموعه ما كانش من أعلى المجاميع، لكنه دخل كلية العلوم، واجتهد، وتفوق، وبقى واحدًا من أهم العلماء في العالم، وتُوِّج رحلته العلمية بحصوله على جائزة نوبل.

قصة الدكتور أحمد زويل رسالة لكل طالب ولكل أسرة.. إن البداية مهمة، لكن اللي بيصنع الفارق فعلًا هو الاجتهاد، والشغف، والإصرار، والاستمرار في التعلم.

إحياء اسم وذكرى علماء مصر الراحلين مش بس وقفة وفاء وتكريم لسيرة عظماء قدموا للبشرية خدمات جليلة.. ولكنه كمان تذكير لأنفسنا ولأولادنا وبناتنا إن مصر كانت وما زالت قادرة على صناعة العقول التي تضيء العالم، وإن المستقبل لا يُقاس بمجموع فقط، وإنما بما يحققه الإنسان من علم وإنجاز وأثر.

تتويج منتخب مصر للناشئات ببطولة العالم للإسكواش إنجاز جديد يثبت إن مصر لسة الرقم الصعب في الرياضة دي، بعد أداء مشرف وروح...
02/08/2026

تتويج منتخب مصر للناشئات ببطولة العالم للإسكواش إنجاز جديد يثبت إن مصر لسة الرقم الصعب في الرياضة دي، بعد أداء مشرف وروح قتالية تستحق كل التقدير، وفخر لكل مصري بالمواهب اللي بترفع اسم بلدنا في أكبر المحافل الدولية.

ألف مبروك للبطلات، وللجهاز الفني، ولكل من أسهم في صناعة هذا الإنجاز.. وعقبال المزيد من البطولات والنجاحات.

من 1926 وقت تأسيس الإذاعة المصرية لغاية 2026 مرت 100 سنة بالتمام والكمال.. وبين التاريخين دول حملت الإذاعة المصرية، وشاش...
29/07/2026

من 1926 وقت تأسيس الإذاعة المصرية لغاية 2026 مرت 100 سنة بالتمام والكمال.. وبين التاريخين دول حملت الإذاعة المصرية، وشاشات ماسبيرو، صورة واضحة للهوية المصرية في مختلف المجالات، سواء على مستوى تاريخ الدولة والمجتمع المصري في المراحل التاريخية المتعاقبة، أو حتى تطور الفن والدراما اللي ساهمت في تشكيل وعينا أجيال ورا أجيال.

صورة حقيقة ومقربة للأمة وللهوية وللوطن.. صورة مكنش ينفع نسيبها بدون توثيق يحفظ هذا التراث المصري الأصيل.

رقمنة تراث ماسبيرو مشروع طموح، وخطوة مهمة ندعمها ونشد على أيادي القائمين عليها، من أجل حماية وعي الأجيال الجديدة من أي دعاية سوداء تصنع قطيعة مع تاريخنا العريق وتراثنا اللي مفيش زيه في أي مكان تاني في العالم.

في العيد القومي لمحافظة الإسكندرية، أتقدم بخالص التهنئة إلى أبناء عروس البحر المتوسط، المدينة التي كانت وما زالت رمز للح...
26/07/2026

في العيد القومي لمحافظة الإسكندرية، أتقدم بخالص التهنئة إلى أبناء عروس البحر المتوسط، المدينة التي كانت وما زالت رمز للحضارة والتاريخ والثقافة، وشاهدة على صفحات مشرقة من تاريخ الوطن.

كل عام والإسكندرية فى أمن واستقرار ، وكل التقدير لأهلها اللي حافظوا على مكانتها وتاريخها، علشان تفضل دايما منارة للعلم والإبداع، وواجهة حضارية تليق بمصر.

كل عام والإسكندرية وأهلها بكل خير.

Address

Cairo

Website

Alerts

Be the first to know and let us send you an email when Sahar Talaat Mostafa - سحر طلعت مصطفى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category