Shadia Zaree - شاديه زارع

Shadia Zaree - شاديه زارع 🔸️اخصائى نفسى
🔸️مدربة برامج تنمية مهارات الاطفال
🔸️إرشاد اسرى
🔸️تأهيل نفسي
🔸️التحفيز وتطوير الذات

📌 لكنك لا ترى ما أرى. 👍
07/09/2026

📌 لكنك لا ترى ما أرى. 👍

06/09/2026

📌 تعرفوا انه اللى بيغدر بالناس بيتغدر بيه ومن أقرب الناس له .. الغدر مش ذكاء وفهلوة .. الغدر شر .. والشر نهايته تعيش جحيم فى دار الدنيا وتعيش جحيم فى دار الاخرة.

📌 أما بقى الناس اللى وثقت وأكرمت وأحسنت النية ف مكانتهم عند ربنا مختلفة وحقهم محفوظ وهيتجاب فى الدنيا وفى الاخرة وده لانه "الله عادل" ❤️

📌 إذن اللى بيغدر ده إستفاد ايه لما خلى حقده وحسده وغله هو اللى حركه ناحية الشر ؟؟؟؟

📌ربنا بيرفع الستر بعد فرص كتير والظالم بيسقط ب ظلمه .. وبيقع فى ورطة كبيرة امام الله عز وجل.

📌 أى شخص اتعرض ل غدر قول ورايا: 💌
" اللهم إنى أفوض إليك من غدر بى وخان ثقتى .. اللهم خذ لى حقى بالحق ورد لى اعتبارى بما يليق بعدلك واجعل عاقبة كل إنسان من جنس ما قدم دون أن تملأ قلبى قسوة .. اللهم ابعد عنى من لا يصون الود ولا يحفظ العشرة ولا يؤتمن على قلبى و ارزقنى ب صحبة أهل الكرم والخير .. اللهم إنى سلمت لك الأمر كله .. فدبر لى فإننى لا أحسن التدبير وأنصفنى واجعل ما حدث باب لخير أكبر.❤️❤️❤️🥰🥰🥰🌺🌺🌺🍀🍀🍀

01/09/2026

📌 الخبيث إذا عَجزَ عن النيل مِنك بالبُهتان عَمَدَ إلى تَضخيم صغائر زَلّاتك.
_منقول

28/08/2026

📌دايما بيتقال لكل فعل .. رد فعل 👍
يعنى مثلا الشخص المتلاعب بيدرسك كويس وعايز ياخد منك رد فعل يستفاد من وراه.😈
يعنى يستفزك (فعل) —> ف انت تغلط (رد فعل)☠️
طيب ماذا لو:
كان فعل (الشخص المتلاعب) هو أصلا رد فعل ؟ 🤡

هقولكم ازاى: 😁
الشخص المفترض انه يكون ضحية .. أدرك نية الغدر فى بداية اللعبة .. ف أدار المشهد ليظهر الحقيقة ب اختبار الفرص .. ف حطهم جوة مشهد فيها فرصة الغدر او الامانة .. و دفع المتلاعب ل رد فعل يكشف مشاعره السلبية أمام الجمهور .. وهنا نقدر نقول كش ملك وأسقطت خطة المتلاعب. 😎✌️
📌انت مش مضطر تلعب لعبة مؤذية لو طبيعة شخصيتك تفضل السلام وتقدس الفضيلة .. بس انت تقدر تحمى نفسك ب انك تتأمل المشكلة بهدوء .. وتسيب المتلاعب يرفع الستر عن نفسه ب نفسه .. واللى هيساعدك أكتر انه الشر بيغلق عين البصيرة وبيحول الشرير لشخص غبى يختبئ خلف ستاره شفافه .. معتقد انه محدش شايفه 😁 .. واللى بينقذك منه صدق نيتك وقوة البصيرة اللى بتخليك تشوف التفاصيل وتفهمها .. وفى النهاية الخير هو اللى لازم ينتصر. 🥰✌️🏆

📌 صباح الرزق واليسر والبركة ❤️🌺🍀
26/08/2026

📌 صباح الرزق واليسر والبركة ❤️🌺🍀

📌 الطبيعى لأى انسان إنه يعبر عن إحتياجاته النفسية فى علاقاته الاجتماعية عشان يقدر ينجح فى إستقرار وإستمرار العلاقات دى ....
18/08/2026

📌 الطبيعى لأى انسان إنه يعبر عن إحتياجاته النفسية فى علاقاته الاجتماعية عشان يقدر ينجح فى إستقرار وإستمرار العلاقات دى .. لكن للأسف .. أحيانا بتقع تحت إيد شخص متلاعب ويستخدم إحتياجك النفسى كوسيلة ضغط عليك ويبدأ فى تنفيذ خطته ب تكنيك النبذ .. والنبذ هنا مش مجرد إبتعاد .. ده عقاب بالحرمان من الإنتماء والدعم بهدف إجبارك على العودة للطاعة.
والرسالة الخفية اللى بيوصلها ليك هى:
إستقلالك له ثمن.
لو حطيت حدود هتتحرم من المساعدة.
لو رفضت سلطتى هخليك لوحدك.
وده ممكن يكون مدمر جدا ل الشخص الأكثر هشاشة أو أكثر إحتياجا للدعم .. لأنه بيحول إحتياجه ل نقطة ضعف بيستخدمها ضده .. ولازم نكون متفقين إنه مساعدة الإنسان عموما مش معناها إمتلاكه .. المهم لما بحثت عن ديناميكيات السيطرة اللى بيستخدمها المتلاعب لقيت ٣ مفاهيم وهما كالاتى:

مفهوم الإكراه النفسى:
Psychological coercion
يعنى بيستخدم الضغط والتهديد والحرمان والتحكم فى الدعم اللى بيتقدم لك من اللى حواليك عشان يجبرك تتصرف زى ما هو عايز.

مفهوم السيطرة القسرية:
Coercive control
يعنى إخضاع الشخص والتحكم في قراراته وإستقلاله بشكل متكرر.

مفهوم الإقصاء / النبذ الإجتماعى كعقاب
Social exclusion as punishment

هنا بيتم سحب العلاقات أو الدعم الإجتماعى وسحب الإهتمام عمدا بهدف إجبار الشخص على الإمتثال.

📌 الخلاصة هنا .. هو مش بيعاقبك عشان انت غلطان .. هو بيعاقبك عشان متكنش مستقل .. عشان يقدر يستخدمك ويستغلك لمصلحته.

📌 طيب والحل ؟؟؟؟
هنعمل له مفاجئة 😎✌️
عشان نكسر الديناميكية النفسية دى ف ردك هيكون سحب الأداة اللى بيستخدمها للسيطرة الا وهى:
❌ ️إحتياجك للدعم والقبول. ❌️
📌 و الإستقلال الحقيقى مش إستعراض عدم الإحتياج .. لكن هو إثبات عمليا إن إحتياجك للاخر ميبقاش مدخل ل إمتلاكك.
وبكدة هتبقى أشطر واعى على كوكب الارض. 😎✌️

🌺🍀💗
💗🍀🌺

📌 " باب الإستغلال إتقفل."في ناس بتفتكر إن إخفاء الحقيقة بيخليها تقدر تتحكم في الصورة اللى قدام الناس .. بس الحقيقة إن مش...
08/08/2026

📌 " باب الإستغلال إتقفل."
في ناس بتفتكر إن إخفاء الحقيقة بيخليها تقدر تتحكم في الصورة اللى قدام الناس .. بس الحقيقة إن مش كل اللى بنعرفه بنقوله ومش كل اللي بنسكت عنه بيكون معناه إننا مش عارفين. 😊
أنا شخصيا بقيت أريح دماغى جدا من العلاقات اللى محتاجة منى أراجع كل كلمة وأحاول أفهم إيه الحقيقى وإيه اللي بيتقال لمجرد تحقيق غرض معين وهو الإستغلال والطمع.
الوضوح عندى مش رفاهية .. ده شرط أساسى لأى علاقة هتستمر .. واللى إختار يخبى أو يلف ويدور أنا ببساطة بختار أبعد .. وبفهم إن الموضوع مش مجرد خصوصية .. الموضوع إن فيه حاجة هو مش عايزك تعرفها .. و أكتر حاجة بتخلينى أبعد عن شخص مش الكذبة نفسها .. قد ما هو إحساسى إنه فاكر إنى مش عارفة ومغفلة 🙄
لأن في فرق كبير بين إنك تختار ما تحكيش تفاصيل حياتك وده حقك طبعا .. وبين إنك تألف رواية مختلفة علشان تستخدمها في تحقيق غرض معين زى انك تستغل شخص وتطمع فى كرمه .. أنا مش بحب أحرج اى شخص ومش من طبعى أقول أنا عارفة .. بس بسمع له وبشوف الشخص ده هيكمل لحد فين في الرواية اللى إختار يحكيها .. ولما بتأكد إن الكلام اللى بيتقال لى مش هو الحقيقة باخد المعلومة بهدوء جدا وبعيد ترتيب المسافة بينى وبين الشخص ده .. ما أنا مش هبنى علاقتى بيه على النسخة اللى إختار يحكيهالى 😁 .. وفى الآخر المسافة أهدى بكتير من المواجهة .. خصوصا لما تكون عارف أكتر مما الشخص متخيل 😄 .. وبعد كم التمثيل والفرهدة دى 🥴 .. برضه مش هتاخد حاجة 😎 .. وهتبقى انت اللى عبيط ومغفل. 🤝

بعد ما يعرفوا انك عرفت 😁👇:

05/08/2026

📌 مافيش باطل بيكسب .. الباطل دايما خسران. 👍

05/08/2026

📌 لما الستر بيتشال والحقيقة بتبان .. بتبدأ ميكانيزمات الدفاع تشتغل .. مش كل الناس بتعتذر أو تراجع نفسها .. فيه ناس بتبدأ تدافع عن صورتها بأى طريقة عشان تعرف تكمل تلاعب .. ف بيلجأوا ل ميكانزمات الدفاع النفسى زى:
الإنكار: أنا معملتش حاجة أصلا .. ويحاول يبان انه ضحية.
الإسقاط: يتهمك انه انت اللى سيئ النيه ومتلاعب.
التبرير: بيختلق أسباب مش منطقية عشان يبرر سلوكه .. وبيحاول يوهمك انك مكبر الموضوع.
التكوين العكسى: بيظهر عكس مشاعره ويبالغ فى إظهاره زى إدعاء الفضيلة والتدين او الإدعاء ب الاكتئاب اللى هو سيبنى بقى فى اللى انا فيه. 😁
📌 غالبا الاشخاص دول مش بيتغيروا .. شعورهم ب الإنتقام لأجل إساءات الطفولة أقوى من شعورهم ب الإحتياج للسلام النفسى مع أنفسهم ومع الاخرين .. لذلك وجودهم بيهدر صحتنا النفسية وتسطيح العلاقات معاهم ضرورة.

#الوعى #العلاقات

📌 أحيانا التفاصيل الصغيرة بتكشف لنا ما كان مخفيا .. المواقف التي تبان تافهة هى بمثابة اختبار ل الحقيقة .. مش عشان الموقف...
04/08/2026

📌 أحيانا التفاصيل الصغيرة بتكشف لنا ما كان مخفيا .. المواقف التي تبان تافهة هى بمثابة اختبار ل الحقيقة ..
مش عشان الموقف نفسه .. لا .. رد الفعل التلقائى اللى بتشوفه من الاخرين بدون اى فلتر .. اللى فى القلب بيطلع علطول .. وهنا بقى بتشوف مكانتك وقيمتك عند الاخر ..
وبتحدد شكل العلاقة وهدفها ايه ؟ .. هل هى صداقة قوية ولا علاقة عابرة ولا علاقة مصالح .. ومش مطلوب منك انك تكون فى حالة غضب أو صدمة .. المطلوب منك تشوف الحاجة زى ما هى ومش زى ما بتتمنى.

Address

Cairo
Cairo

Opening Hours

Monday 8am - 2am
Tuesday 8am - 2am
Wednesday 8am - 2am
Thursday 8am - 2am
Saturday 8am - 2am
Sunday 8am - 2am

Website

Alerts

Be the first to know and let us send you an email when Shadia Zaree - شاديه زارع posts news and promotions. Your email address will not be used for any other purpose, and you can unsubscribe at any time.

Shortcuts

Share