28/07/2026
🩷خلوا بالكم من أولادكم🩷 شارك البوست نتيجة الثانويه العامه
بعبع الثانوية العام 🧐👇
كل عام نسمع عن إنتحارات لطلاب الثانوية العام، والله لنسئل علي أولادنا لماذا لم نوفر لهم الحب والجو المناسب من الامان والطمئنينة، اعتقدنا ان التحفيز بالخوف هي العصا السحري التي تحرك الطالب ،ذاكر عشان مترسبش(التخويف من الرسوب).
لو منجحتش هكسر دماغك(خوف).
ذاكري شايفي بنتي عمتك(مقارنة).
❌خدعة كليات القمة انها هي المستقبل وهي مرحلتك الاخيرة للنجاح وان النجاح في الحياة مبني علي الدخول لهذه الكليات ،ولو نظرنا لجميع رجال الاعمال هتجد انهم لم يلحقوا كليات القمة، لو نظرنا لاصحاب المستشفيات هنجدهم ليسوا أطباء ورغم من ذلك يعمل تحت منهم الاطباء 99.9في مية ، لو نظرنا لاصحاب الشركات والعقارات هنجدهم ليسوا مهندسين، لو نظرنا لاصحاب المزارع هنجدهم معظمهم غير مهندسين ،لو نظرنا ........
هذه الخدعة جعلت الاهل يمارسوا جميع الضغوط النفسية واستخدام اسلحة دمار شامل من تخويف ومقارنة ولوم ونقد ، يصبح الطالب في طاحونة من الجلد الذاتي والتفكير والضغط النفسي وخاصة الشخصية الحساسة، فيلوم نفسه علي عدم حل اسئلة امتحان كلها او خوفه من نتيجة الامتحانات ، خوفا من الاب والام ، فالطالب يكون قدام خيار اسهل وهو الهروب من العقاب وعدم قبول والديه ليه الا بالنجاح (حب مشروط ذاكر عشان احبك ، لو مذاكرتش هكسر دماغك )
فبيستخدم الهروب من عالم الاسرة خوفا منهم فبيستخدم الحل الاسهل ليه هو الانتحار .
❌خدعة الكمالية والمثالية، وده دايما بيستخدمها الشخصية المتسلطه من الآباء يطلب من ابنه انه هيمشي علي المسطرة وانه كل شئ بحساب وانه لازم يكون احسن واحد في الدنيا، احسن واحد يحل في الامتحان ، احسن واحد بيربط رباط الجزمة ، احسن واحد خطه حلو، احسن واحد بيجيب مجموع في المواد، الطالب بيكون تحت ضغط انه لازم يكون الطالب المثالي ، وفي حالة الفشل او عدم الاجابة الصحيحة او في حالة انتظار النتيجة يشعر بالاحباط والملل وانه طالب سئ غير محبوب من والديه لانه موضوع تحت ضغط لازم يكون افضل واحد ، يؤدي ذلك الي وصول به الي الاكتئاب، وتغير في مزاجه ، وافكار وسواسية تؤدي به الي جلد الذات وقتل الثقة في النفس، فيفكر الي طريقه للهروب فيستخدم الانتحار.
❌متحملش ابنك ظروفك وان قدراته ضعيفه ولازم يكون الافضل عشان يراضيك فيدخل في تأنيب انه لم يستطيع يحقق لك احلامك
✅الافضل نستخدم لغة الامان التام نحن السند لاولادنا انا فخور بيك لانك سعيت وتعبت مش مهم المجموع الاهم تعبك وسعيك ، وانا بحبك في كل الحالات.
✅زرع لغة التشجيع والثناء علي سعيه وهو بيذاكر وليس لغة التخويف والمقارنة.
✅رفع ثقة الطالب بالموهبة وتوجيه الي استخدام الرياضة بتزيل التراكمات والصدمات النفسية.
✅نسمع لاولادنا لان مرحلة المراهقة مع الثانوية تمثل ضغط نفسي للطالب فمحتاج حد يسمعله ويحس به محتاج حد يطبطب عليه ويحضنه .
✅وتقوله طالما هناك ربنا وطالما فيه اله للكون اعرف انت دايما في فرص وفتوحات ، مش الثانوية نهاية المطاف.
✅الحب غير المشروط انا بحبك حتي لو جبت مجموع اي كلام .
✅الاعلام والسوشيال ميديا تخف شوية ونبطل نكبر عفريت الثانويه العامة وان الامتحانات صعبة والكلام ده, لان العقل بشري بيصدق ذلك ويشتغل عليه فبيقفل الطالب عن المذاكرة ويوهمه ان كده كده الامتحان صعب وذي ما قال سيدنا علي كل متوقع ات ،بلاش ننفخ فيها ، عشان هترقع في وش أولادنا.
💓🌹في النهاية حبوا اولادكم سمعهوهم احلي كلام طبطبوا عليهم ،اسمعهم ،احضنوهم الحضن بيشيل بلاوي وعقد نفسية مجرد لما يحس ان حد قريب منه.
.
