07/09/2026
«عربيتك بالملايين اتعجنت.. وحياتك كانت في خطر.. وهتتنازل عن المحضر؟!»
ده كان ممكن يكون رد أي حد مكان بهاء سلطان بعد حادث طريق وادي النطرون، لكن بهاء كان له رد تاني تمامًا.
بعد الحادث، وبعد ما ربنا نجّاه هو وسواقه، اتضح إن صاحب ونش هو اللي اصطدم به.
وبحسب ما كشف الكاتب الصحفي خالد شاهين، الصديق المقرب من بهاء سلطان، فبعد ما اطمأن على نفسه، طلب بهاء التنازل عن المحضر اللي اتعمل.
ولما البعض اعترض وقال له إن حياته كانت معرضة للخطر وإن عربيته المرسيدس اللي بالملايين اتعجنت، رد بهدوء:
«قدر الله وما شاء فعل.. طالما الراجل بخير وصحته تمام، يبقى مفيش داعي الموضوع يتحول لقضية».
لكن الجملة اللي لفتت انتباه الكل كانت:
«الراجل يبات في بيته ووسط عياله، وأنا مش همشي غير لما أطمن إنه خرج بالسلامة وروح».
موقف يمكن يختلف معاه البعض، لكن صعب تنكر إن فيه إنسانية وجدعنة في إنك تفكر في بيت وعيال شخص تاني، حتى وإنت نفسك كنت صاحب الضرر.
ربنا يديم على بهاء سلطان الصحة والسلامة، ويجعلنا دايمًا قادرين نعفو لما نقدر. 🤍
#الجدعنة #الإنسانية
