05/09/2026
‼️البلد اللي عندها أكتر من 24 مليون نخلة، وإنتاجها السنوي من التمور بيوصل لحوالي 2 مليون طن يعني تقريبًا 21% من إنتاج التمور في العالم.
‼️ومش بس كده ده مصر بتصدر كميات ضخمة من التمور، وصادرات التمور ومصنعاتها وصلت لحوالي 112 ألف طن.
‼️طيب يا جماعة أنا عايز أفهم حاجة هو البلح المصري بيحصله إيه وهو في الطريق من النخلة للسوق؟!
‼️يهي تلاقي البلح طالع من الأرض المصريةواتزرع في أرض مصرية واتقطف من نخلة مصرية والتاجر شاري الكيلو من سوق الجملة ب10 جنيه ويبعهولك بـ80و90جنيه ويقولك دة بلح مستورد يا باشا.
‼️وأنا هنا عندى سؤال مهم ورسالة لحكومتنا الموقرة ووزير التموين؟؟
📝هل إحنا عندنا أزمة بلح ولا أزمة تسعير ولا جشع تجار ولا إيه بالظبط؟!
💯اللي انا اعرفة ان مصر الأولى عالميًا في إنتاج التمور
‼️بس واضح إن البلح واخد المركز الأول عالميًا في استفزاز المصريين ومش البلح بس دة تقريبا كل حاجة بيحتاجها المواطن المطحون والله الواحد هيتجنن لما مصر تبقى الأولى في إنتاج التمور في العالم وسعر البلح بالأرقام دى‼️
