Mahamad Tariq Al-Habashi - محمد طارق الحبشي

Mahamad Tariq Al-Habashi - محمد طارق الحبشي Contact information, map and directions, contact form, opening hours, services, ratings, photos, videos and announcements from Mahamad Tariq Al-Habashi - محمد طارق الحبشي, Law enforcement agency, بورسعيد, Port Said.

⚖️ محمد طارق الحبشي | محامي ومستشار قانوني
📌 متخصص في القضايا المدنية والجنائية والأحوال الشخصية
📌 خبرة في كتابة العقود ومراجعة الأوراق القانونية
📌 تقديم استشارات قانونية لحلول سريعة وفعّالة
🤝 هدفي حماية حقوق الموكلين وتقديم أفضل دعم قانوني

الثغره القانونية اللي بتخلي "قايمة المنقولات" حبر على ورق.. والزوج ياخد براءة! 🛑يا جماعة، في وهم كبير عند أهالي العرايس...
22/05/2026

الثغره القانونية اللي بتخلي "قايمة المنقولات" حبر على ورق.. والزوج ياخد براءة! 🛑

يا جماعة، في وهم كبير عند أهالي العرايس إن مجرد كتابة مبلغ ضخم في قايمة المنقولات بيمضي عليه العريس، يبقى حق بنتهم في أمان 100%. للأسف، في ثغرات قانونية بتضيع القايمة وتخلي الزوج ياخد براءة في المحكمة والمنقولات تضيع!

لو بتكتب قايمة لبنتك، أو لو أنت زوج وعايز تعرف موقفك، ركز في الأسرار دي:

1️⃣ ثغرة "الصورية المطلقة": لو اتكتب في القايمة أشياء مبالغ فيها جداً أو مش موجودة في الشقة أصلاً (زي كتابة 10 شاشات أو ذهب بملايين وهو مجرد كلام)، محامي الزوج بيطلب إحالة الدعوى للتحقيق وبشهادة الشهود بيثبت "صورية القايمة"، والزوج بياخد براءة!

2️⃣ الذهب جوة القايمة: كتابة الذهب بالجرامات داخل القايمة ثغرة خطيرة للزوجة. محكمة النقض استقرت في أحكام حديثة على إن الذهب لصيق بالمرأة وتتزين بيه، فلو الزوجة خرجت من البيت بذهبها، الزوج بياخد براءة من تبديد الذهب؛ لأنها هي اللي مستولية عليه مش هو.

3️⃣ عبارة "على سبيل الأمانة": لو القايمة خلت من الصيغة القانونية الواضحة لـ "عقد العارية" أو "عقد الأمانة"، القضية بتتحول من جناية/جنحة تبديد (فيها حبس) لنزاع مدني يقعد في المحاكم بالسنين بدون أي وسيلة ضغط على الزوج.

💡 نصيحتي ليكوا: القايمة مش مجرد ورقة بنرص فيها أجهزة وخلاص. لازم تتكتب بصياغة قانونية سليمة، ويفضل إرفاق فواتير الحاجات الغالية، وطبعا استشاره المحامي في المقام الأول والأخير لأنها في مصلحتك..

010 33844979

لو حد هددك بصورة أو رسالة على الواتساب.. متخافش واعمل كده فوراً! 🔻🔹️ للأسف، الابتزاز الإلكتروني والمضايقات بقوا من أكتر ...
21/05/2026

لو حد هددك بصورة أو رسالة على الواتساب.. متخافش واعمل كده فوراً! 🔻

🔹️ للأسف، الابتزاز الإلكتروني والمضايقات بقوا من أكتر المشاكل اللي بتدمر حياة ناس كتير، وبنشوف ضحايا بيخافوا يتكلموا فاكرين إن القانون مش هيجيب حقهم.

بصفتي محامي، بقولك: حقك محفوظ وبقوة القانون، ومتقفلش تليفونك ولا تعمل بلوك!

💡 الخطوات القانونية الصح اللي لازم تعملها في دقيقتين:
1️⃣ خد سكرين شوت (Screenshot): احتفظ بالرسائل أو التهديدات فوراً قبل ما الطرف التاني يمسحها (Delete for everyone).

2️⃣ متمسحش الشات: سيب المحادثة زي ما هي لأن مباحث الإنترنت بتحتاج تفحص التليفون الأصلي.

3️⃣ التحرك الرسمي: اتوجه فوراً لـ "مكتب مباحث الإنترنت" التابع لمحافظتك لتقديم بلاغ رسمي

✅ القانون بيعاقب المبتز بعقوبات رادعة بتوصل للحبس وغرامات مالية ضخمة، والتحرك السريع بيمنعه من أذيتك

⚖️ لو بتتعرض لمضايقة أو ابتزاز ومش عارف تتصرف إزاي قانوناً، ابعتلي رسالة فوراً في سرية تامة، وهقولك الإجراء القانوني اللي يحميك ويجيبلك حقك في أسرع وقت

010 33844979

🛑 عارفة إنك ممكن تطلقي وتخسري كل حقوقك بكلمة واحدة؟"👈 في قضايا الطلاق للضرر، كتير من الستات بتفتكر إن مجرد وجود خلافات ك...
24/04/2026

🛑 عارفة إنك ممكن تطلقي وتخسري كل حقوقك بكلمة واحدة؟"

👈 في قضايا الطلاق للضرر، كتير من الستات بتفتكر إن مجرد وجود خلافات كفاية. الحقيقة إن (إثبات الضرر) فن قانوني مش مجرد حكاوي.

❌ لو مشيتي في سكة (الخلع) عشان تنجزي، بتنازلي عن كل حقوقك المالية..

❌ولو مشيتي في سكة (الطلاق للضرر) من غير شهود أو مستندات قوية، القضية بتترفض وبتضيعي وقتك

✅ الخلاصة.. الانفصال في حد ذاته وجع كفاية، فما تخليش 'خسارة الحقوق' توجعك أكتر.

وفي الآخر، البيوت بتتبني بالمودة، ولما بتنتهي لازم تنتهي بالأصول والقانون.
قال الله تعالى: ﴿فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ﴾.

⚖ إحنا دورنا نضمن لك (الإحسان) ده وحفظ الحقوق من غير نزاعات مالهاش لزمة

📍 "رمى عليكي اليمين ومشي؟.. احذري، أنتي لسه زوجته قدام القانون!"🔹️ "سؤال بنسمعه كتير: 'يا أستاذ، هو لو رمى عليّ اليمين و...
20/04/2026

📍 "رمى عليكي اليمين ومشي؟.. احذري، أنتي لسه زوجته قدام القانون!"

🔹️ "سؤال بنسمعه كتير: 'يا أستاذ، هو لو رمى عليّ اليمين ومرُحناش للمأذون، كده خلاص أنا مُطلقة قانوناً؟'

⚖ الإجابة المختصرة: الكلمة ليها أثر شرعي، لكن القانون ليه حسابات تانية لازم تتبعيها ذي:-

1️⃣ إثبات الطلاق: الطلاق الشفهي لازم يتوثق رسمياً خلال 30 يوم من وقوعه

2️⃣ حقوق الزوجة: عدم توثيق الطلاق بيضيع على الزوجة حقوق كتير (زي النفقة، العدة، والمتعة) لأن المحكمة بتعتمد على "تاريخ التوثيق" أو "حكم إثبات الطلاق".

3️⃣ إثبات الواقعة: لو الزوج رفض يوثق، الزوجة لازم ترفع دعوى 'إثبات طلاق' وتجيب شهود أو أدلة على وقوع اليمين، وده طريق طويل ومجهد بس مش هيبقي قدمنا غيره

✅ نصيحتي ليكم..يا جماعة، 'الكلمة' أمانة.. وبلاش نستهين بالحقوق القانونية. التوثيق مش بس ورقة، ده حماية للأطفال، وحفظ للحقوق، ومنع للمشاكل اللي بتفضل سنين في المحاكم.

⚖ لو وقع طلاق شفهي، لازم فوراً يتم اتخاذ الإجراء القانوني لضمان حقوق كل الأطراف.🤝

"تحذير نهائي لأصحاب صفحات الـ Online Shopping.. الغرامة تبدأ من 10 آلاف وتصل لـ 2 مليون جنيه!" ⚠️⚖️🚩 مفتكرش إنك مجرد "أد...
19/04/2026

"تحذير نهائي لأصحاب صفحات الـ Online Shopping.. الغرامة تبدأ من 10 آلاف وتصل لـ 2 مليون جنيه!" ⚠️⚖️

🚩 مفتكرش إنك مجرد "أدمن" لصفحة على فيسبوك فأنت بعيد عن طائلة القانون..⚖

🚩 ومفتكرش إنك كمستهلك حقك ضاع لأنك اشتريت من "بيدج" مش محل رسمي..

⚖ القانون مش بيهزر في "تجارة الأونلاين":

❌ سياسة (ممنوع الاسترجاع أو الاستبدال): دي لوحدها جريمة يعاقب عليها القانون بغرامة لا تقل عن 10 آلاف جنيه.

❌ الإعلان المضلل: لو بعت منتج غير اللي في الصورة، أنت قدام عقوبة "النصب" وممكن يوصل فيها للحبس والغرامه مع بعض

❌ إخفاء السعر: كلمة "السعر انبوكس" دي مخالفة قانونية صريحة لقرار حماية المستهلك بوجوب إعلان السعر الشامل.

✅ حقك محمي بقوة القانون رقم 181 لسنة 2018. ليك حق ترجع أي منتج "ديفوه" أو مخالف للمواصفات، والشركة ملزمة تردلك فلوسك كاملة ومعاها مصاريف الشحن كمان.

🔹️ نحن لا نكتفي بالنصح، نحن نسترد الحقوق.
لو تعرضت لعملية نصب أونلاين أو شركة رفضت ترجعلك حقك، متسكتش. القوانين موجودة لكنها محتاجة اللي يعرف يستخدمها صح.

📩 ابعتلنا تفاصيل الواقعة في رسالة خاصة، وهيتم تقييم موقفك القانوني وتحديد الإجراء فوراً.

010 33844979

⚖ الشبكة من حق مين بعد الفسخ؟ (بعيداً عن العواطف.. ده كلام القانون)"🚩 "كتير بيسأل: 'يا متر أنا فسخت الخطوبة والشبكة لسه ...
17/04/2026

⚖ الشبكة من حق مين بعد الفسخ؟ (بعيداً عن العواطف.. ده كلام القانون)"

🚩 "كتير بيسأل: 'يا متر أنا فسخت الخطوبة والشبكة لسه معاها، أعمل إيه؟'

✅ ببساطة، القانون المصري والشرع قالوا إن الشبكة 'هبة' مرتبطة بالزواج، وطالما مفيش زواج يبقى من حق الخاطب يسترد شبكته، سواء هو اللي فسخ أو هي.. الذهب ذهبك! ⚖️

طيب لو قالت ضاع أو باعته؟!!👀 💍

✅ متقلقش، بنطالب بـ 'رد القيمة' وبناخد حكم بمبلغ الذهب بسعر النهاردة، وبننفذ بالحجز على المنقولات أو حتى بالحبس لو ثبت التبديد.

لو عندك مشكلة مشابهة أو استفسار عن إجراءات 'دعوى استرداد الشبكة'، سيبه في كومنت وهرد عليك بالتفاصيل. 👇"

010 33844979

🛑 "البيوت بتتخرب بسبب (إمضاء) في لحظة استعجال!" ✍️⛓️⚖ في كل قضية شائكة بتجيلي، بلاقي البداية واحدة:- 🔹️ شخص محترم قرر ي...
16/04/2026

🛑 "البيوت بتتخرب بسبب (إمضاء) في لحظة استعجال!" ✍️⛓️

⚖ في كل قضية شائكة بتجيلي، بلاقي البداية واحدة:-

🔹️ شخص محترم قرر يمضي على "ورقة" وهو مش فاهم أبعادها القانونية، أو وثق في طرف ملوش أمان.

👈 افتكر دايماً الخصم مش هينبهك للثغرة اللي هيدمرك بيها، ولا القانون هيرجعلك حقك لو أنت اللي فرطت فيه بإهمالك. الورقة اللي بتمضيها النهاردة هي "مستقبلك" بكرة.. يا إما تأمنك، يا إما تضيعك.

💡 القانون سلاح.. فاحرص أن يكون في صفك، لا ضدك.

"متحطش تحويشة عمرك في شقة.. وفي الآخر تطلع بتشتري (وهم)!" 🛑👈أصعب مكالمة ممكن تجيلي كمحامي هي من شخص بيقولي: "يا متر، أنا...
16/04/2026

"متحطش تحويشة عمرك في شقة.. وفي الآخر تطلع بتشتري (وهم)!" 🛑

👈أصعب مكالمة ممكن تجيلي كمحامي هي من شخص بيقولي: "يا متر، أنا اشتريت شقة ودفع تمنها، وفوجئت إن عليها نزاع أو البائع مش هو المالك الحقيقي!".

🔹️للأسف، الفرحة بالشقة الجديدة ممكن تنسيك أهم الخطوات القانونية الي تحميك. قبل ما تدفع جنيه واحد، لازم تتأكد من 3 حاجات:
1️⃣ تسلسل الملكية
مش كفاية إن البائع معاه عقد، لازم تشوف العقود اللي قبله لحد ما توصل لأصل الملكية (الأرض أو الرخصة).

2️⃣ الاستعلام في الحي/الكهرباء
اتأكد إن مفيش مخالفات بناء أو قرار إزالة على العقار، وإن العدادات باسم المالك فعلاً.

3️⃣ صحة التوقيع مش كفاية
كتير فاكرين إن دعوى "صحة التوقيع" بتضمن الملكية، الحقيقة إنها بتثبت توقيع البائع بس، مش بتنقل ملكية العقار رسمياً.

4️⃣ التأكد من إعلام الوراثه في حاله(وفاه المالك الأصلي)
وده في حاله لو إذا كان البائع هو أحد الورثه يجب أن تطلع علي اعلام الوراثه للتأكد من نصيبه الشرعي ويجب أن يوقع جميع الورث علي عقد البيع لكي يضمن لك صحته وعدم التعرض لك مستقبلا

5️⃣ الاستعلام في "الشهر العقاري" و"السجل العيني"
توجه لمأمورية الشهر العقاري التابع لها العقار، واستخرج "شهادة تصرفات عقارية هذه الشهادة توضح لك تاريخ العقار لآخر 10 أو 15 سنة، وهل عليه رهن، حجز، أو نزاع قضائي مسجل أم لا.

💡 نصيحة من القلب: قبل ما تمضي عقد بملايين، استشير محامي بملاليم. المحامي مش بس بيكتب عقد، ده بيعمل "فحص شامل" يخليك تنام وأنت مطمن إن حقك في أمان. ⚖️


010 33844979

Address

بورسعيد
Port Said
02

Website

Alerts

Be the first to know and let us send you an email when Mahamad Tariq Al-Habashi - محمد طارق الحبشي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category