Deportes Concello do Grove

02/10/2022

📸 Aquí tedes as fotos da entrega de premios do II Torneo de Pádel Concello do Grove que se celebrou esta fin de semana 👇🏻

28/09/2021

🏋️‍♀️🤸‍♂️ APERTURA DE INSCRICIÓNS PARA AS CLASES DE TONIFICACIÓN.

🏋️‍♀️🤸‍♂️ APERTURA DE INSCRICIÓNS PARA AS CLASES DE TONIFICACIÓN

A Concellería de Deportes do Concello do Grove oferta como novidade clases de tonificación, onde se traballará, mediante circuítos de adestramento funcional, a mellora da condición física global e das capacidades funcional e coordinativa.

Impartirase os luns e os mércores de 10.45 a 11.45 h no pavillón Monte da Vila e o prezo é de 17 €/mes.

Quen queira inscribirse nesta actividade pode facelo no Rexistro do Concello, situado no edificio administrativo municipal, en horario de 9.00 a 14.00 h, a partir do mércores 29 de setembro. As clases iniciaranse en outubro e seguen todos os protocolos para previr a Covid-19.

As persoas inscritas nas demais actividades deportivas serán avisadas telefonicamente para iniciar as clases en outubro. Piscina e ximnasia para maiores teñen as prazas cubertas, as persoas que se inscriban pasarán á lista de espera.

Ficga de inscrición 👉 https://bit.ly/2XPLWAO

16/09/2021

👉 MAÑÁ ÁBRESE O PRAZO DE INSCRICIÓN PARA AS CLASES DE PÁDEL MUNICIPAIS 2021-2022.

🥎🎾 MAÑÁ ÁBRESE O PRAZO DE INSCRICIÓN PARA AS CLASES DE PÁDEL MUNICIPAIS 2021-2022

Un curso máis o Concello do Grove abre o prazo para inscribirse nas clases de pádel municipais. Impartiranse en función do nivel do alumnado, de luns a venres en horario de mañá e tarde.

👉 Quen queira inscribirse neste servizo municipal pode facelo no Rexistro do Concello, situado no edificio administrativo municipal, en horario ⏰ de 9.00 a 14.00 h, a partir de mañá venres 17 de setembro.

As clases iniciaranse en outubro e seguen todos os protocolos para previr a Covid-19.

Folla de inscrición 👇👇👇
https://bit.ly/3ltCevZ

14/09/2021

I TORNEO DE PÁDEL CONCELLO DO GROVE

🥎🎾 I TORNEO DE PÁDEL CONCELLO DO GROVE

O Concello do Grove organiza o I Torneo de Pádel Concello do Grove. Disputarase nas pistas de pádel municipais do 8 ao 12 de outubro en formato dobre KO.

👉 As inscricións realízanse do 13 ao 24 de setembro nas pistas de pádel, hai un máximo de 32 parellas por categoría. A inscrición ten un custo de 20 € e inclúe unha camiseta.

14/09/2021

O próximo sábado 18 de setembro na praia de Con Negro celébrase o IV Campionato de Pesca Submarina Concello do Grove. Está organizado polo Club Pérez Sub e conta coa colaboración do Concello. É o campionato que máis participantes inscribe de toda Galicia. Todas as capturas serán doadas a diferentes entidades benéficas.

09/07/2021

A Selección Española de balonmán fíxonos entrega dunha camiseta como agradecemento por utilizar as instalacións deportivas do municipio. O Concello do Grove deséxalle moita sorte nos Xogos Olímpicos que comezan o 23 de xullo en Tokio.

25/06/2021

A selección española masculina de balonmán adestra a porta pechada no Pavillón Monte da Vila Novo do Grove do 23 ao 28 de xuño e do 4 ao 6 de xullo. Ten a súa base en Sanxenxo e disputará diferentes partidos en Galicia; o primeiro o próximo 27 de xuño nun choque correspondente á xornada 3 da EHF Eurocup 2022. O martes 29 xogará un amigable en Ourense ante Exipto e o 10 de xullo en Vigo contra Portugal. Das concentracións na provincia sairá a lista definitiva de Jordi Ribeira para a cita olímpica, á que partirán só un par de días despois. Desexámoslle moita sorte nos Xogos Olímpicos!

08/06/2021

VOLVE O CAMPAMENTO DEPORTIVO DE VERÁN ❗⚽🏉🥅🏹🚣🏃‍♀️🏃

❗ CAMPAMENTO DEPORTIVO DE VERÁN 2021 🤸‍♂️🏀⚽️👧🧒

👉 O campamento deportivo de verán vai dirixido a nenas e nenos empadroados no Grove e nados entre 2009 e 2015. Desenvolverase nas diferentes instalacións deportivas e espazos ao aire libre do municipio. Nel practicaranse diferentes modalidades deportivas (baloncesto, balonmán, surf, pádel, rutas de sendeirismo, piragüismo, remo etc.), como viña sendo habitual nas anteriores edicións.

⏰ En canto ao horario, haberá dúas opcións: normal (de 10.15 a 13.30 horas) e ampliado (de 9.00 a 13.30 horas).

Debido á situación actual de crise sanitaria e para poder adaptarnos ao protocolo da Xunta para evitar a expansión da Covid, distribuirase a rapazada en grupos reducidos. O máximo número de participantes é de 120. Co fin de poder cumprir o antedito protocolo, foi necesario aumentar o número de monitores e de grupos, polo que o prezo desta edición tivo que incrementarse con respecto a outros anos (140 €/mes).

🖊 📅 O período de inscrición é do 10 ao 17 de xuño, de 9.00 a 14.00 h, no segundo andar da Casa do Concello. Teñen preferencia aquelas rapazas ou rapaces inscritos cuxos país, nais ou titores estean traballando os dous e asistan os dous meses a esta actividade.

O campamento deportivo organízao a Asociación do Deporte Meco coa colaboración da Concellería de Deportes do Concello do Grove.

Máis información 👇
https://cutt.ly/wnTHqWW

Ficha de inscrición 👇
https://cutt.ly/InTHiKT

21/01/2021

Parabéns á familia gañadora e agradecemos ás demais familias a súa participación!! 👩‍👧‍👧📷🏃

15/12/2020

Animamos á veciñanza a participar nesta actividade en familia.

19/11/2020

PRAZO ENTREGA SOLICITUDES ATA O 30 DE NOVEMBRO❗️

❗️ O CONCELLO DO GROVE CONVOCA AS SUBVENCIÓNS A CLUBS E EVENTOS DEPORTIVOS DO ANO 2020 ⚽️🏀🎾🚴

O BOP publica as condicións e prazos destas axudas.

O Boletín Oficial da Provincia de Pontevedra publicou antonte luns as bases das habituais axudas para clubs e eventos deportivos do Concello do Grove. Trátase das subvencións para que os clubs locais manteñan a súa actividade e se garanta a canteira deportiva do Grove, ademais das específicas para a organización de eventos deportivos. En concreto, cóntase cun orzamento de 75.000 euros para os clubs e 5.000 para eventos. As solicitudes deben axustarse ás bases, que se poden consultar no referido BOP ou na páxina web do Concello (https://bit.ly/38WyU7V), e o prazo para a súa presentación remata o 30 de novembro.