14/08/2026
🌑 XUNTOS BAIXO O CEO DA MADANELA
O pasado 12 de agosto tivemos a sorte de vivir no noso concello un acontecemento único: un eclipse total de Sol.
No Alto da Madanela, a afluencia foi impresionante. Máis de 1.500 persoas achegáronse ata alí para contemplar o eclipse en comunidade. Foron só uns segundos de escuridade total, pero a emoción de vivilo xuntos fíxoo aínda máis especial.
Queremos darlle as grazas a Eduardo Ojero, astrónomo e veciño, por guiarnos durante a observación e por estar sempre disposto a compartir os seus coñecementos con nós.
🤝 Grazas tamén polo enorme traballo do Policía Local, de Nani, Andrés, Luis, Mexuto e Manu, de Protección Civil, e de Chus, Ángel, Bernardo e Rocío, que se sumaron como voluntarios e nos botaron unha man para que todo saíse o mellor posible.
🤍 E, por suposto, grazas a todas as persoas que vos achegastes á Madanela, pola paciencia, polo respecto ás indicacións e por contribuír a que unha xornada cunha afluencia tan grande transcorrese sen ningunha incidencia.
✨ Tivemos a sorte de estar no lugar e no momento axeitados e de poder vivilo xuntos.
