02/09/2026
የሃማስ የሀገር ውስጥ ደህንነት ኃላፊ በጋዛ በቁጥጥር ስር ዋለ
የእስራኤል የደህንነት ኤጀንሲ (ISA/Shin Bet) ልዩ ኃይሎች እና የእስራኤል መከላከያ ሠራዊት (IDF) በሰሜናዊ ጋዛ ባካሄዱት የተቀናጀ ዘመቻ የሃማስ የሀገር ውስጥ ደህንነት (Hamas’ Internal Security) ኃላፊን በጋዛ ከተማ ውስጥ በሚገኝ ህንፃ ውስጥ ገብተው በቁጥጥር ስር አውለውታል።
የሺን ቤት ልዩ ኃይሎች ወደ ህንፃው በመግባት ተጠርጣሪውን በቁጥጥር ስር በሚያውሉበት ወቅት፣ የእስራኤል አየር ኃይል ለስምሪቱ ስጋት የሆኑ አካባቢዎችን በአየር ጥቃት መቷል። በእስራኤል ወታደሮች ላይ የደረሰ ምንም አይነት ጉዳት የለም።
የተያዘው የሃማስ ደህንነት ኃላፊ በሰሜናዊ ጋዛ የሃማስን ቁጥጥር መልሶ ለማጠናከር እና «ቢጫ መስመር» (Yellow Line) ተብሎ በሚጠራው ዞን ባሉ የእስራኤል ወታደሮች ላይ ጥቃቶችን ለማዘጋጀት ሲሰራ የነበረ ነው።
ተጠርጣሪው ለተጨማሪ ጥልቅ ምርመራ ወደ እስራኤል ግዛት እንዲዛወር ተደርጓል።
የእስራኤል ወታደራዊ አካላት እንደገለጹት፣ ይህ ድንገተኛ ጥቃት በሰሜናዊ ጋዛ የሚገኘውን የሃማስ የደህንነት እና የእዝ መዋቅር ለማፍረስ፣ ድርጅቱ በእስራኤል ዜጎች እና ወታደሮች ላይ ለማካሄድ ያቀዳቸውን ጥቃቶች ለማስተጓጎል የተደረገ ነው ብለዋል።
Via World News
