Arada Woreda five communication office

08/09/2026

08/09/2026

በአራዳ ክፍለ ከተማ ወረዳ 5 አስተዳደር ጷጉሜ 3 «የፅናት ቀንን»አስመልክቶ የስነ ፅሁፍ ምሽት ተካሄደ
አራዳ ክፍለ ከተማ ወረዳ 5 ኮሙኒኬሽን
ጰጉሜ 3/2018
በአራዳ ክፍለ ከተማ ወረዳ 5 አስተዳደር ጷጉሜ 3 «የፅናት ቀንን»አስመልክቶ ከተለያዩ የአመራር እርከኖች የተወጣጡ አካላት በተገኙበት አነቃቂ የሥነ-ጽሑፍ ምሽት ተካሄደ።
​በምሽቱ መርሃ ግብር ላይ የአራዳ ክፍለ ከተማ ዋና አፈ ጉባኤ አቶ ደሳለኝ አገኘዉ፣ እንዲሁም ከክፍለ ከተማ እስከ ወረዳ አስተዳደር አመራሮች ነዋሪዎች እና ጥሪ የተደረገላቸው እንግዶች ተገኝተዋል።በመድረኩ የአራዳ ክፍለ ከተማ ዋና አፈ ጉባኤየሆኑት አቶ ደሳለኝ አገኘዉ ባስተላለፉት መልእክት፤ ፅናት ለማንኛውም ሀገራዊና ማህበራዊ ስኬት፣ ለልማት እንዲሁም ለህዝቦች አንድነት መሠረት መሆኑን ገልጸዋል። አክለዉ የአራዳ ክፍለ ከተማ ወረዳ 5 ዋና ስራ አስፈፃሚ የሆኑት አቶ መንገሻ ሲሳይ እንደገለፁት መሰል የሥነ-ጽሑፍና የባህል መድረኮች በህብረተሰቡ ዘንድ የመደጋገፍ፣ የፅናት እና ወንድማማችነትን ባህል ለማሳደግ ያላቸው ሚና ከፍተኛ መሆኑን ጠቁመዋል።
​በዝግጅቱ ላይ የጷጉሜ 3 «የፅናት ቀን» ትርጉምና ሀገራዊ ፋይዳን የሚያጎሉ፣ የህዝብን የፅናት ጉዞ የሚያስሱ ግጥሞች፣ አጫጭር ወጎችና ልዩ ልዩ የሥነ-ጽሑፍ ሥራዎች ለታዳሚው የቀረቡ ሲሆን፤ ምሽቱም በታላቅ ድምቀት ተጠናቋል።

20/08/2026

"ሰላም የወል ሀብታችን፣ የዕድገታችን መሰረት በመሆኑ ጥበቃውም የሁላችንም የጋራ ኃላፊነት ነው!" - አቶ ወንድሙ ኡመር

​አራዳ ነሐሴ 14/2018 ዓ.ም

የአራዳ ክፍለ ከተማ አስተዳደር ሰላምና ፀጥታ ጽሕፈት ቤት ባለፉት 10 ቀናት ያሰለጠናቸውን 869 የማካካሻ ኮርስ እጩ ምልምል የሰላም ሰራዊት አባላትን በዛሬው ዕለት አስመረቀ።

የአራዳ ክፍለ ከተማ አስተዳደር ዋና ሥራ አስፈጻሚ አቶ ወንድሙ ኡመር ሰላም የዕድገትና የልማት መሰረት መሆኑን ገልጸው የሰላም ሰራዊቱ ህዝብን ከአደጋ የሚጠብቅና ከመደበኛ የፀጥታ አካላት ጋር የሚቀናጅ የህዝብ አለኝታ መሆኑን አብራርተዋል።

የአዲስ አበባ ከተማ አስተዳደር ሰላምና ፀጥታ ቢሮ ም/ኃላፊ አቶ ፍስሐ ጥበቡ ተመራቂዎች ከሀሰተኛ ወሬዎችና ውዥምብር ነፃ በመሆን በአካባቢ ጥበቃ ላይ በንቃት እንዲሳተፉ አሳስበዋል።

የሰላምና ፀጥታ ጽሕፈት ቤት ኃላፊ አቶ ድሪባ ዶጃ በበኩላቸው ክፍለ ከተማዋ ሰላሟ ተረጋግጦ እንድትቀጥል የሰራዊቱ አስተዋጽኦ ከፍተኛ መሆኑን ገልጸዋል።

ተመራቂዎች የ10 ቀን ወታደራዊና የንድፈ-ሀሳብ ስልጠና ወስደው ቃለ-መሀላ የፈጸሙ ሲሆን የመታወቂያ ካርድና የላቀ አስተዋጽኦ ላበረከቱ አካላት የእውቅና ሰርተፊኬት ተበርክቷል።

​በአዲስ አበባ ከተማ ባለፉት 5 ዓመታት ከ200,000 በላይ የሰላም ሰራዊት አባላት የከተማዋን ሰላም በማስጠበቅ ላይ የሚገኙ ሲሆን በአራዳ ክፍለ ከተማም ከ9,000 በላይ ነባር የሰላም ሰራዊት የሚገኙ ሲሆን በዛሬው ዕለት የተመረቁት 869 አባላት ነባሩን ሰራዊት የሚቀላቀሉ ይሆናል

23/02/2026

በአዲስ አበበ ከተማ አስተዳዳር መሬት ልማትና አስተዳዳር ቢሮ ሰራተኞች ነን ፤አመራሮችን እናውቃለን የይዞታ ማረጋገጫ ካርታ እናሰራላችዋለን በማለት 6360259.09 (ስድስት ሚሊየን ሶስት መቶ ስልሳ ሺ ሁለት መቶ ሃምሳ ዘጠኝ ) ብር አታለው የተቀበሉ ግለሰቦች ተያዙ።

1. ቶማስ ማናዬ ተበጀ
2. ሳሙኤል ኪዳኔ ሃይሌ
3. ፅዮን አበራ ጣፋ
4. ዳዊት መንግሰቱ
5. ሚኪያስ አውላቸው
የተባሉት ግለሰቦች በ2017 ዓ.ም በየካ ክ/ከተማ ወረዳ 12 አስተዳዳር ክልል ውስጥ የግል ተበዳይ አቶ መሬት ስፋ 3825 ካ.ሜ ላይ የከብት ማደለቢያ አገልግሎት ለማዋል የይዞታ ማረጋገጫ ካርታ በመሰራት በሂደት ላይ ያለ መሆኑን በማወቅ እኛ የመሬት ልማትና አስተዳዳር ቢሮ አመራር ሹፌር እና ፀሃፊ ነን ፤ አብረናቸዉ ነው የምንሰራዉ ካርታ በአስቸኳይ እናስጨርስልካለን በማለት ከላይ የተገለፀውን የገንዘብ መጠን ከተቀበሉ በኋላ ከአከባቢው በመሰወራቸው በቀረበ ጥቆማ መሰረት በፖሊስ ክትትል ተይዘው በ12/06/2018 ዓ.ም ፍርድ ቤት ቀርበዋል።

19/02/2026

‎በገጠር ኮሪደር መርሃግብር የአርሶ እና አርብቶ አደሮችን ሕይወት የመቀየር ሥራ በመላው ሀገራችን በመስፋፋት ላይ ይገኛል። በምስራቅ ወለጋ ዞን ላይ እየተሠራ ያለው የመደ ጃለላ ቀበሌ የገጠር ኮሪደር ልማት ሥራ፤ ዘመናዊ የፀሐይ ኃይል መጠቀሚያ፣ የባዮጋዝ ሥርዓት፣ የእንስሳት በረቶች፣ መጸዳጃ ክፍሎች እና የምድረ ግቢ አረንጓዴ ስፍራዎች ሥራን ያካተተ፤ ለማኅበረሰቡ ዘላቂ እና የከበረ አኗኗርን የፈጠረ ሥራ ነው።

ጠቅላይ ሚኒስትር ዐቢይ አሕመድ (ዶ/ር)

19/02/2026

18/02/2026

"ቀልጣፋ አገልግሎት ለተከበረው ነዋሪችን!"

የካቲት 11/2018 ዓ.ም
​አራዳ ወረዳ 5 ኮሙኒኬሽን

​
ዛሬ በወረዳ 05 አስተዳደር "የአገልግሎት ቀን" አስመልክቶ የአመራርና የሰራተኛው ዋነኛ ትኩረት የነዋሪዎችን ጥያቄዎች በአንድ ማዕከል መመለስ ላይ ሆኖ ውሏል።
​
የተለያዩ የማህበረሰብ ክፍሎች ያላቸዉን ጥያቄዎች በማቅረብ በአጭር ደቂቃዎች ውስጥ መስተናገድ ችለዋል ። የወረዳው አመራሮችና ሠራተኞች በየጽ/ቤቱ በመገኘት፣ አገልግሎት እየሰጡ መሆኑን የአራዳ ክፍለ ከተማ ወረዳ 5 የፐብሊክ ሰርቪስ እና የኮሙኒኬሽን ጽ/ቤት በቦታዉ በመገኘት አረጋግጠዋል። ነዋሪዎችም ስለ አገልግሎት አሰጣጡ ያላቸውን ማንኛዉም ቅሬታና አስተያየት የሚያቀርቡበት ሁኔታም ተፈጥሯል።