26/06/2020
Harancho xawishsha!!
Sidaamu Dagoomu qoqqowi Mootimma,Mootimmate Xaadooshshi
Biiro.
Sidaamu daga mittimmatenni sharrante umise umose gashshate kaayyo kaayyaattaame ikkase maamoote dihambanni dhaggeeti.
Ikkollana mitte daga daga ikkase buunxannihu Afoose kaajjishshe
horonsirenniinna lossatenniiti.
Sidaamu dagano umise budinna balchoomi hattono coommadu afii noose dagaati. konnira sau dirrara Sidaamu Afii
bowirannokki gede alba sa'u mootimma kaddeenna Afiinkeno kadame keeshshino.
hatti hattee ikkitanna Sidaamu qoqqowi giddo loosu afiini Sidaamu afoo calla ikkasi wo'ma Sidaamu daga sumuu yite saino hajjaati.
ikkollana konne woroonni leellanno sumuda ninke fajjo nookkiha ikkona
yine Sidaamu Afii borro jirte agadhinnokki
garinni loonse tuqu xaadira tareessinanni hee'noonnita xawinsanni,borrono sumuduno mootimma affinnokkiha ikkasi duu'ne xawinseemmo.
Sidaamu mootimma Afuu aana hariimmo egentinnokkita xawinsanni, harunsine Afoonke rosunniinna loosu widoonni kaajje rosamannonna horonsiramanno gede jawaante loonseemmoha ikkanno.
Sidaamu afoo borreessa,coyiranna nabbawa dandiitinannikki qansooti
xaanni haffine Sidaamu Afoo rosiisidhinanni gede qaagiissineemmo.
goofimarchono dagate mereero ikkaakkire kapho fincitinnanni beebba
daafurtinanniri galfattinanni gede qaagiissinanni gibbine daga
cancinsheemmolla yitinanni ikkiro seerunni xa'mineemmoha ikkanno.
