Mayor Office of Addis Ababa

07/08/2026

ዛሬ በቤኒን ሪፐብሊክ የዲጂታል ትራንስፎርሜሽንና ኢኖቬሽን እና ፈጠራ ሚኒስትር ማሁና አክፕሎጋን የተመራውን የልዑክ ቡድን ተቀብለን በከተማችን እየተገበርነው ያለውን Smart City (ስሉጥ ከተማ) ግንባታ ልምድ አካፍለናል።

ቤኒን የጀመረችውን የዲጂታል ትራንስፎርሜሽን ለማሳካት በከተማችን ተግብረነው ውጤታማ እየሆነ ያለውን Smart City (ስሉጥ ከተማ) ግንባታ በተለይ በዋና ዋና ግቦች ( Smart Economy, Smart Environment, Smart Governance, Smart Living, Smart Mobility, Smart People) እና ለስኬቶቻችን መሰረት የሆኑት የተቋማት ቅንጅት፣ የህጎችና ደንቦች ትግበራ፣ የህዝብ ተሳትፎ፣ የመንግስትና የግል ዘርፍ ቅንጅታዊ ስራዎችን ለልዑክ ቡድኑ አካፍለናል።

ፈጣሪ ኢትዮጵያን እና ህዝቦቿን ይባርክ!
ከንቲባ አዳነች አቤቤ

06/08/2026

ጠቅላይ ሚኒስትር ዐቢይ አሕመድ እና ቀዳማዊት እመቤት ዝናሽ ታያቸው ከከፍተኛ የስራ ኃላፊዎች ጋር በመሆን በባሕር ዳር ከተማ ቁልፍ የልማት ቦታዎችን ተዘዋውረው ጎብኝተዋል። በጉብኝታቸውም ከተማዋ ያላትን እምቅ አቅምና ተስፋ ሰጪ የልማት እንቅስቃሴዎች በግልጽ የታየ ሲሆን፤ እነዚህ ስትራቴጂካዊ የልማት ስራዎች የነዋሪዎቿን ተጠቃሚነት የሚያረጋግጡ፣ የቱሪዝም እና የኢኮኖሚ መነቃቃትን የሚፈጥሩ እንዲሁም ከተማዋ በሀገር አቀፍ ደረጃ ያላትን የንግድና የኢንቨስትመንት ማዕከልነት ሚና ይበልጥ የሚያጠናክሩ ናቸው። በተጨማሪም በአማራ ክልል ጠቅላይ ፍርድ ቤት በቴክኖሎጂ ድጋፍ እየተካሄደ ያለውን ሪፎርምም ለማየት ችለዋል።

06/08/2026

ከትራፊክ መጨናነቅ ወደ ዘመናዊ የመጓጓዣ ስርዓት፤ አዲስ አበባ አዲስ ምዕራፍ እየከፈተች ነው!
‎
‎ትናንት የአዲስ አበባ ጠዋት በትራፊክ መጨናነቅ ውሎዋ ይጀምር ነበር።
‎
‎ምሽትም በተመሳሳይ ችግር ይጠናቀቅ ነበር። ተሽከርካሪዎች በየመንገዱ ይቆሙ ነበር። ታክሲዎች በፈለጉበት ያቆማሉ ሲያሻቸውም መንገደኛ ይጭናሉ።
‎
‎አውቶቡሶች በቂ ተርሚናል ሳይኖራቸው ተሳፋሪ ያሳፍሩ ነበር። ሕገወጥ ፓርኪንግ መንገዶችን ያጠብብ ስለነበር ዳፋው ለእግረኞች ይተርፍ ነበር።
‎
‎ዛሬ ግን ምስሉ በቀስታ እየተቀየረ ነው።
‎
‎ከተማ ማለት ሥርዓት ነው። ፍጥነት ነው። ምቾትንም ያካትታል።
‎
‎አዲስ አበባ ይህንን እውነት ወደ ተግባር እየቀየረች ነው። ዘመናዊ የትራንስፖርት ተርሚናሎች እየተስፋፋ ናቸው።
‎
‎ ባለብዙ ደረጃ የፓርኪንግ ማዕከላትም እንደዛው። የአውቶቡስና የታክሲ ማረፊያዎች በአዲስ መልክ እየተደራጁ ነው።
‎
‎የትራፊክ መጨናነቅን ለመቀነስ የሚደረገው ጥረት መንገድ ከመሥራት የማይተናነስ ተግባር ነው።
‎
‎ዛሬ በከተማዋ የሚታዩት አዳዲስ ፓርኪንጎች መኪናዎችን ከመንገድ ዳር ወደ ተዘጋጁ ማዕከላት እያስገቡ ናቸው።
‎
‎ይህም መንገዶችን የበለጠ ክፍት እያደረገ ነው። የትራፊክ መጨናነቅን እየቀነሰ ነው። የእግረኞችን ደህንነት እንዲጠበቅም ከፍተኛ ሚና እየተጫወተ ነው።
‎
‎አዲሶቹ ተርሚናሎች የመጓጓዣ ማዕከላት ብቻ አይደሉም። የንግድ ቦታዎች አሏቸው። የኤሌክትሪክ ተሽከርካሪ መሙያ ጣቢያዎች አሏቸው። ዘመናዊ የደህንነት ካሜራዎች ተገጥመውላቸዋል። ዲጂታል የክፍያ ሥርዓት ተዘርግቷል።
‎
‎
‎የተደራጀ ተርሚናል የተደራጀ ከተማን ይፈጥራል። ሥርዓት ያለው ፓርኪንግ ነፃ መንገድን ያመጣል። ነፃ መንገድ ፈጣን እንቅስቃሴን ይወልዳል።
ፈጣን እንቅስቃሴ ደግሞ የከተማን ኢኮኖሚ ያነቃቃል።

06/08/2026

Turtii Muummichi Ministeeraa Dr.Abiyyi Ahimad Oromiyaa Biroodkaastingi Neetwoork (OBN) waliin taasisan! Kutaa 1ffaa Jimaata Galgala sa'aatii 2:30tti nu eegaa.

ጠቅላይ ሚኒስትር ዐቢይ አሕመድ ከኦሮሚያ ብሮድካስቲንግ ኔትዎርክ (OBN) ጋር ያደረጉት ቆይታ ክፍል 1 አርብ ምሽት 2:30 ይጠብቁ።

05/08/2026

05/08/2026

05/08/2026

‎"ጨለማን ያሸነፈችው የብርሃን መዲና"
‎
‎ከተማ በቀን ብቻ አትታይም። እውነተኛ ውበቷ የሚገለጠው ፀሐይ ስትጠልቅ ነው። አዲስ አበባ ዛሬ ይህንን አፏን ሞልታ እየመሰከረች ትገኛለች።
‎
‎ትላንት በምሽት ጎዳናዎቿ ጸጥ ፥ ረጭ ይሉ ነበር። ጨለማ ያጠላባቸው መንገዶች፣ ፍርሃት የሚነግስበት ምሽት የሰርክ ተግባሩ ነበር። ፀሐይ ስትጠልቅ፣ ከተማዋም አብራ ትተኛ ነበር።
‎
‎ዛሬ ግን ያቺ አዲስ አበባ የለችም።
‎
‎የኮሪደር ልማቱ፣ ከመንገድ ስፋት ባሻገር ብርሃንን ይዞ መጣ። ዘመናዊ የመንገድ መብራቶች፣ አደባባዮችን የሚያደምቁ የብርሃን ዝርጋታዎች፣ ወንዞችን ተከትለው የተዘረጉ የምሽት መብራቶች ከተማዋን ከጨለማ ወደ ብርሃን ቀይረዋታል።
‎
‎ነዋሪዎችም ሆኑ እንግዶች፣ ዛሬ በምሽትም እንደ ቀን በነጻነት ይንቀሳቀሳሉ። ቤተሰቦች እራት ከበሉ በኋላ ወጥተው ይዝናናሉ። ወጣቶች በአደባባዮች ይሰበሰባሉ። የምሽት ንግድም አብቦ፣ ከተማዋን ወደ ህያው ኢኮኖሚ እየቀየራት ነው።እርጅናዋንም ዳግም ገፎ ሳቋን የመለሰ ሆኗል።
‎
‎አዲስ አበባ አሁን የማታንቀላፋ ከተማ ሆናለች። ብርሃኗ ደህንነትን ይዞ መጣ፤ ደህንነትዋም ነጻነትን ወለደ። ይህ ለውጥ በአጋጣሚ የመጣ አይደለም በእቅድ፣ በላብ፣ በቁርጠኝነት የተገነባ ነው።
‎
‎"እንደ ስሟ እናድርግ" የሚለው እሳቤ መልክም ነው!
‎
‎ጨለማ ፍርሃትን ይወልዳል። ብርሃን ግን ተስፋን ያበቅላል። አዲስ አበባ ዛሬ ይህን ተስፋ በየመንገዷ እየተከለች ትገኛለች።
ብርሃኗ የከተማዋ ልብስ ብቻ አይደለም ፥ ደህንነቷንም ጭምር ነው ።

‎
‎
‎

04/08/2026

ኮፕ32 ጉባኤ ኢትዮጵያን ከብዙ ንግግር በላይ ገልጠን ለማሳየት ትልቅ መድረክ ነው-ጠቅላይ ሚኒስትር ዐቢይ አሕመድ (ዶ/ር)

#አረንጓዴዐሻራ

03/08/2026

አዲስ አበባ በአንድ ጀምበር 1.5 ሚሊየን ችግኞችን ተክላለች