27/07/2026
Dhaabbatichi Kaayyoo dhaabbateef galmaan gahuu bu'uura labsii lakk 1142/2011 fi labsii Fooyya'e lakk.1307/2016 tiinf Aangoo fi gahee hojii armaan gadii kennmeefii jira. isaanis :-
1.Qaamoleen Raawwachiistuu Qajeelfama bulchinsaa Baasan, Murtiilee kennanii fi hojmaata isaanii tumaa Heera mootummaa akkasumas seera biroo waliin kan wal hin faallessine ta’uu isaanii qorachuu, too’achuu fi mirkaneessuu,
2. Komiiwwan miidhaa bulchinsaa waliin wal-qabatee dhiyaatan bu’uura godhachuudhaan ykn Qorannoo kaka’umsa ofiitiin ykn dhimmoota barbaachisoo ta’an irratti Qorannoo Sirnaawaa Gaggeessuu,
3. Miidhaan bulchinsaa dhaqqabuu isaa yoo mirkaneesse Yaada Furmaataa dhiyeessuu fi Raawwachiisuu
4. Komiiwwan miidhaa bulchiinsaa Dhaabbilee dhuunfaa keessatti raawwataman ilaalchisee dhiyaatu simachuu fi qorannoo gaggeessuu,
5. Haala miidhaan Bulchinsaa ittiin hir’achuu ykn Hafuu danda’an Qorachuu fi Yaada furmaataa dhiyeessuu,
6. Bulchinsa Mootummaa Fooyya’e argamsiisuudhaaf seerota turan ykn hojmaata ykn qajeelfamoonni akka fooyya’an, seerotni haaraan akka bahan ykn poolisiin akka qophaahu mootummaa Yaaddachiisuu(beeksisuu),
7. Dhimmoota bulchinsa Gaarii irratti mootummaadhaaf tajaajila gorsaa Kennuu,
8. Hawaasni waa’ee Bulchinsa Gaarii fi Dhimma Bulchinsa Haqaa hubannoo akka qabaatuuf malleen adda addaatti fayyadamuudhaan hubannoo uumuu,
9.Dhimmoota bulchinsa gaarii ilaalchisee walgahii, Konfaransii fi Siyiinpooziyeemii biyyoolessaa irratti hirmaachuu,
10. Raawwii Labsii bilisummaa Odeeffannoo 590/2000 kutaa 3ffaa ilaachisee hordoffii fi too’annaa gaggeessuu,
11. Kaayyoo Dhaabbatichaa galmaan gahuuf kan gargaaran hojiiwwaan biroo hojjechuudha.
