አዲስ ጋራ/Addis Gara

04/08/2026

02/08/2026

31/07/2026

የየካ ክፍለ ከተማ ደንብ ማስከበር ጽ/ቤት በወረዳ 03 የአቅመ ደካማ ቤት እድሳት በይፋ አስጀመረ

አዲስ አበባ | ሐምሌ 23/2018 ዓ.ም

የየካ ክፍለ ከተማ አስተዳደር ደንብ ማስከበር ጽሕፈት ቤት ከተሰጠው የከተማዋን ህግና ስርዓት የማስከበር ዋና ተግባር ጎን ለጎን፣ ህዝባዊና ማህበራዊ ኃላፊነቱን የመወጣት በጎ ባህሉን በማጠናከር በየካ ክፍለ ከተማ ወረዳ 03 የሚገኙ አቅመ ደካማ ዜጎችን መኖሪያ ቤት የማደስ ሰፊ መርሃ ግብር በይፋ አስጀምሯል።

በዛሬው ዕለት ሐምሌ 23 ቀን 2018 ዓ.ም በተካሄደው በዚህ ደማቅ የማስጀመሪያ መርሃ ግብር ላይ የአዲስ አበባ ከተማ አስተዳደር ደንብ ማስከበር ባለስልጣን ቢሮ ምክትል ኃላፊ አቶ ንጋቱ ዳኛቸው፣ የየካ ክፍለ ከተማ አስተዳደር የደንብ ማስከበር ጽ/ቤት ኃላፊ አቶ ደሳለኝ ካሴ፣ የየካ ክፍለ ከተማ ወረዳ 03 አስተዳደር ዋና ስራ አስፈፃሚ አቶ እሱባለው መንደዶን ጨምሮ የክፍለ ከተማውና የወረዳው ጥሪ የተደረገላቸው ከፍተኛ አመራሮች፣ የጽሕፈት ቤቱ ሰራተኞችና የአካባቢው ነዋሪዎች በተገኙበት በደመቀ ሁኔታ ተካሂዷል።

መርሃ ግብሩን አስመልከተው ንግግር ያደረጉት የየካ ክፍለ ከተማ ደንብ ማስከበር ጽ/ቤት ኃላፊ አቶ ደሳለኝ ካሴ፣ ይህ የወገን ደራሽነትና የበጎ አድራጎት ስራ በስኬት እንዲጀመርና ግቡን እንዲመታ ቁሳቁሳዊ፣ የገንዘብና የሞራል አስተዋፅኦ ላደረጉ አካላት በሙሉ የላቀ ምስጋናቸውን አቅርበዋል።

ኃላፊው አክለውም፦ «ጽሕፈት ቤታችን የከተማዋን ደንብና ስርዓት በማስከበር ረገድ የሚያከናውነው ዕለታዊ ስራ እንደተጠበቀ ሆኖ፣ በችግር ውስጥ የሚገኙ አቅመ ደካማ ወገኖቻችንን መደገፍና የተሻለ የመኖሪያ አካባቢ መፍጠር የሁላችንም ሰብአዊና ማህበራዊ ኃላፊነት ነው። ይህ የቤት እድሳት መርሃ ግብርም የዚሁ ቃል ኪዳናችን ማረጋገጫ ነው፤ በቀጣይም ተመሳሳይ ማህበራዊ ድጋፎችን አጠናክረን እንቀጥላለን» ሲሉ ገልጸዋል።

በመድረኩ የተገኙት የክፍለ ከተማውና የወረዳው አመራሮች በበኩላቸው፣ የደንብ ማስከበር ጽሕፈት ቤት ያሳየውን ህዝባዊ ወገንተኝነትና በጎ አነሳሽነት አደንቀው፤ የእድሳት ስራው በተቀመጠለት የጊዜ ሰሌዳና ጥራት ተጠናቆ ለተጠቃሚዎች እንዲረከብ አስፈላጊው ክትትልና ድጋፍ እንደሚደረግ አረጋግጠዋል።

ይህ የመኖሪያ ቤት እድሳት መርሃ ግብር በተለይም ክረምቱን ምክንያት በማድረግ ዝናብና ቅዝቃዜ የሚፈታተናቸውን ወገኖች ችግር በመቅረፍ ረገድ ትልቅ እፎይታን እንደሚፈጥር የተገለፀ ሲሆን፣ እድሳቱ አጠቃላይ ስራው ተጠናቆ አቅመ ደካሞቹ ወገኖች ምቹና አስተማማኝ መጠለያ እስኪያገኙ ድረስ ተጠናክሮ የሚቀጥል ይሆናል።

📲 ማስታወሻ፦ ለማንኛውም የደንብ መተላለፍ ጥቆማ ለመስጠት በነፃ የስልክ መስመር 9995 ይደውሉ። ስለ መልካም ትብብርዎ እናመሰግናለን!

🌐 የጽሕፈት ቤቱ ይፋዊ የመረጃ ገፅ፦
https://linktr.ee/yekasubcitycodeenforcementoffi
📌 መረጃው፦ በየካ ክፍለ ከተማ አስተዳደር የደንብ ማስከበር ጽሕፈት ቤት የተዘጋጀ ነው።

#የየካክፍለከተማ #ደንብማስከበርጽቤት #ወረዳ03 #የቤትእድሳት #የበጎአድራጎትስራ #ህዝባዊወገንተኝነት #አዲስአበባ

31/07/2026

«ወርቃማ ሰኞ»፦ የየካ ክፍለ ከተማ ደንብ ማስከበር ጽ/ቤት የሰራተኞቹን አቅም ለማጎልበት የሚያደርገውን የልምድ ልውውጥ አጠናክሮ ቀጥሏል፤

አዲስ አበባ | ሐምሌ 20/2018 ዓ.ም
የየካ ክፍለ ከተማ አስተዳደር ደንብ ማስከበር ጽሕፈት ቤት የውስጥ አሰራሩን ለማዘመንና ህዝባዊ አገልግሎቱን በተሳለጠ መልኩ ለማቅረብ ያለመውን የ«ወርቃማ ሰኞ» የእውቀት ሽግግርና የልምድ ልውውጥ መርሃ ግብር ዘወትር ሰኞ ማለዳ ከስራ ሰዓት በፊት ማካሄዱን አጠናክሮ ቀጥሏል።

በዕለቱ የደመቀውን መርሃ ግብር በመክፈቻ ንግግር ያስጀመሩት የጽሕፈት ቤቱ የደንብ መተላለፍ ቅድመ መከላከልና ስልጠና ስራዎች አስተባባሪ አቶ ከፈለኝ በልሁ፣ መድረኩ ሙሉ ሳምንቱን በላቀ የስራ መንፈስና በውጤታማነት ለመምራት የሚያስችል አቅም የሚገነባበት መሆኑን ገልጸዋል። አቶ ከፈለኝ አክለውም፦ «ይህ መድረክ ሰራተኞቻችን እርስ በእርስ የሚማማሩበት፣ መልካም ተሞክሮዎችን የሚያካፍሉበት እና ህዝባዊ አገልግሎት አሰጣጣችንን ደረጃ በደረጃ ለማሻሻል የምንመካከርበት ወሳኝ መድረካችን ነው» ብለዋል።

በዕለቱ መርሃ ግብር ላይ በጽሕፈት ቤቱ የሰው ሀብት አስተዳደር ባለሙያ ወ/ሮ ትምህርት ዜና «የደንበኛ አያያዝ» በሚል ርዕስ ያዘጋጁትን ሰነድ ያቀረቡ ሲሆን፤ ተገልጋይ ህብረተሰብን በቅንነት፣ በሙያዊ ስነ-ምግባርና በአክብሮት ማስተናገድ በሚቻልበት ሁኔታ ላይ አስተማሪ ሀሳቦችን አቅርበዋል።

በተጨማሪም አቶ ከፈለኝ በልሁ ባደረጉት ተጨማሪ ገለፃ፣ በተቋሙ ውስጥ ልምድ ማጋራትና በቡድን መንፈስ መስራት ተቋማዊ ውጤታማነትን እንደሚያረጋግጥ ጠቁመው፤ በተለይም በከተማችን የሚገነቡ ህንፃዎችና የሚሰጡ አገልግሎቶች ለአካል ጉዳተኞች ምቹና ተደራሽ መሆን እንዳለባቸው አፅንኦት ሰጥተው ተናግረዋል።

በመጨረሻም በተነሱት ነጥቦች ላይ ከአስተባባሪዎች፣ ከቡድን መሪዎችና ከባለሙያዎች ሰፊ አስተያየትና ተሞክሮዎች የቀረቡ ሲሆን፤ በአቶ ከፈለኝ በልሁ የቀጣይ አቅጣጫዎችና ማጠቃለያ ተሰጥቶበት ስብሰባው በስኬት ተጠናቋል።

📲 ማስታወሻ፦ ለማንኛውም የደንብ መተላለፍ ጥቆማ ለመስጠት በነፃ የስልክ መስመር 9995 ይደውሉ። ስለ መልካም ትብብርዎ እናመሰግናለን!

🌐 የጽሕፈት ቤቱ ይፋዊ የመረጃ ገፅ፦
https://linktr.ee/yekasubcitycodeenforcementoffi
📌 መረጃው፦ በየካ ክፍለ ከተማ አስተዳደር የደንብ ማስከበር ጽሕፈት ቤት የተዘጋጀ ነው።

#የየካክፍለከተማ #ደንብማስከበር #ወርቃማሰኞ #የእውቀትሽግግር #የደንበኛአያያዝ #አዲስአበባ