Afar Regional Health Bureau

24/08/2026

Rakaakayak Qaafiyat Biirok Maaqiddi Siiratih Koobahissoh Xayrekter Aysaqiita Kee Sifra Daqaarih Caddol Ayyunta Rakiibo Abta Maaqiddi Bicsih Aydakaakan Yaceen.

Aysaqiiti Kee Sifra Daqaarak Tewqe Qaafiyat Mihratleelay, Buqre Aba Kee Ayyunti Exxaaxih Affara Ayro Sugu Waa Maaqidd Bicsih Aydakaakan Acayuk Geytiman.

Ta Aydakaakan Ta Dariifal Geytimta Buqrek Geytimta Caxaaxowak Samudi Le Maaqidday Amaana Akak Daccarsimte Alaaqah Elle Bicisen Gurra Wagsiisa Yaceen Aydakaakan Kinnim Tamixxige.

Ta Aydakaakanak Lafale Hadaf Dariifal Tan Buqrek Geytima Maaqiddak Alaaqah Samudi Le Maaqidda Bicisak Alaaqa Qaku Akah Aalle Waytannah Abaanam Kinnim Tamixxige.

Tama Aracal Geytimak Yab Abteh Sugtem Qaafiyat Biirol C/Saqalah Yan Gifta Witikka Noore Kinnuuk Iyyeemih Alaaqa Samudi Le Maaqidda Akah Giyan Innah Samudi Le Maaqiddi Bicsah Aydakaakanay Siinih Yaceeni Meqennal Kattatak Akkak Geyten Ixxiga Abina Fan Korisaanam Faxximta Axcuk Kassiise.

24/08/2026

Rakaakayak Qaafiyat Biirok Miraaciinî Makaado Baxaabaxsale Ximmoomal Walalak Maacisse.

Rakaakayak Qaafiyat Biirok Miraaciinî Makaado Gabbî Rasul Weeqi Qawwalayla Edde Toofe Dariifah Qokol Abaanam Kee Woo Dariifâ Fan Butta Ruubanamay, Management Adoytit Inkih Tan Qaafiyat Ayfaf Yaysiiseenimih Caddol 6 Rasul Abaanah Yanin Kattat Kusaqaasaanam Wagittaamal Baar Le Walal Gexsitak Maacise.

Tonnah Kaadu Qaafiyat Biirok Management Adoytit Kulli Rasi Gubat Geytimta Qaafiyat Kutbeh Buxaaxi Kee Qaafiyat Fanteenaanih Caddol Akkuk Geytimta Taamoomi Kee Gexe Kalitte Wagittaamal Gabbaaqu Xayyoosak Baar Le Walal Elle Gexsitak Maacise.

Qaafiyat Biirok Saqalah Yan Massakaxxale Yaasin Cabiib Lica Rasul Madabah Yan Management Adoytit Kattat Kee Lowsis Taamoomi Diggoysak Gexaanam Faxximtam Kee Sarrah Takkem Faxximta Taamoomi Wagsiisak Baar Le Afkan Yacee.

22/08/2026

Sifrak Naharsi Caddoh Hospital Sanat 2018 Abnisso Kee Sanat 2019 Ikraaro Wagittaamal Taama Abeeniti Luk Walal Gexsen.

Ta Gudgudul Sifra Daqaarak Naharsi Saqal Kee Sifrak Naharsi Caddoh Hospitalak Board Yan Gifta Qali Qarbay, Sifra Daqaarak Qaafiyat Kutbeh Buxah Saqalah Yan Gifta Cuseen Macammaday, Sifrak Naharsi Caddoh Hospitalak Saqalah Yan Gifta Macammad Noora Kee Hospital Taama Abeenit Elle Geytimteh Sugtem Tamixxige.

Ta Hospitalih Caddol Sanat 2018 Ummattah Acayuk Yemeeten Ayfaay, Suge Kulsa Kee Qaku Baar Luk Xayyoosak Baar Le Walal Elle Gexsitem Tamixxige.

Tonnah Kaadu Sanat 2019 Yayse Xaloot Yamaatuh Takkem Faxximta Taamay Ikraariseeni Xayyoosak Baar Le Walal Elle Yekke.

Tama Aracal Geytimak Yab Abteh Sugtem Sifrâ Daqaarak Naharsi Saqal Kee Sifrak Naharsi Caddoh Hospitalak Boardih Yan Gifta Qali Qarba Kinnuuk Iyyeemih Sanat 2018 Ni Ummatta Yayse Qaafiyat Ayfaf Geytuh Abak Temeeten Taamoomi Kulsalem Kee Tonnah Kaadu Sanat 2019 Yayse Xaloot Yamaatuh Diggowwa Inteenih Taamittaanam Amaana Siinik Axce Axcuk Farmo Tatruse.

Hospitaalitte Miraacissa Board Saqolti Tannah Hospitaalitte Abta Taamoomi Kattaatanam Kee Kusaaqisanam Hospitalwa Maqar Baahak Gexxuh Kaxxa Doori Le.

21/08/2026

Asaaki Macsenta Qaafiyat Biirok Sayyó Forum Anxaxin Raatih Taddiira Gexsiisak Maacisen.

Qaafiyat Biirok Sayyó Forum Samarak Qaafiyat Missô Kolleji Kee Samarak Qaafiyat Fanteenal Coox Daabisak Maacisen.

Ta Tadiirat Qaafiyat Biirok C/Saqláh Tan Gifti Abbahina Macammadqakley, Qaafiyat Biirok Sayyó Forumih Adoytiitiy, Samarak Qaafiyat Missô Kolleji Kee Samarak Qaafiyat Fanteenah Mihratleela Gaba Edde Assagalluk Coox Daabissso Taddiira Qax Meqe Gurral Gexsitak Maacisse.

20/08/2026

.

19/08/2026

Rakaakayak Qaafiyat Biirok Miraaciini Makaado HIV Dalkay, Hepatitis B Kee TB Dalka Wagittaamal Akkuk Suge Kusaaqal Walalak Maacisen.

Rakaakay Caddol Ta Dalkooki Edde Tan Caddo Yabloonuh Akkuk Suge Kusaq Management Makaadoh Xayyoowak Baar Le Walal Elle Akkuk Maacise.

Ta Dalkooki Rakaakay Caddol Magid Yakke Baxac Abak Geytimtam Wagsiisak Ta Ixxol Yubleenih Yaniinim Management Makaadoh Xayyoosak Baar Le Walal Elle Akkuk Ta Dalka Elle Yaynuskuseenim Duudan Gurral Walalak Afkan Daffeysaanam Tekke.

Qaafiyat Biirok Saqalah Yan Massakaxxale Yaasin Cabiib Ta Dalka Ummattah Addal Fixixe Waytu Kee Gufteh Tan Caddol Tet Soolisoonuh Ummattak Mabla Milaaganam Kee Ummatta Ta Dalkah Tû Kaloot Yakkeh Gid Aaxaguk Isi Akah Dacrissannah Takkem Faxximta Taamoomi Daffeysak Baar Le Afkan Yacee.

17/08/2026

17/08/2026

Rakaakayak Qaafiyat Biiro Kee Abqaalâ Hospital Sittâ Luk Cattiimak Magaalê Daqaaral Dalkah Asta Elle Tumbulle Dariifal Butta Culusen.

Rakaakayal Qaafiyat Biiro Abqaala Hospitalâ Luk Walalak Abqaalâ Hospitalih Saqal Gifta Ebraahim Saqid Isih Miraacisa Erga Magaalê Daqaarak Gimiridah Awday Dalkah Asta Elle Tumbulle Culak Tama Dariifal Asta Akak Tumbulle Dalka Kusaaqisak Geytiman.

Tonnah Kaadu Ta Erga Dayla Kee Daylaaba Gabat Culusak Dalkah Astooti Elle Tumbulle Marah Sissik Daylih Ayfaf Acayuk Ta Dalka Baare Waytu Kee Ta Dalkak Kinnaane Asmatuk Sarriimaane Le Calli Yacayoonuh Baar Le Taama Akkuk Geytimta.

16/08/2026

Yallô Daqaaral Ummatta Qaafiyat Caabih Ayfaf Wagsiisak Hangisso Ayxabaxuk Geytiman.

Yallô Daqaarak Xibbinah Awdal Qaafiyat Caabih Ayfaafay, Qaafiyat Caabih Asqassaabe Kee Qusba Marih Maysarraqa Wagsiisak Ummatta Luk Walal Gexsiisen.