Aysaita Primary Hospital

09/08/2026

09/08/2026

የአይሳይታ ፕራይመሪ ሆስፒታል የ2018 በጀት ዓመት የሥራ አፈጻጸም ግምገማ እና የ2019 ዓ.ም ዕቅድ የትውውቅ መድረክ በዛሬው ዕለት ተካሂዳል።

በስብሰባው ላይ የሆስፒታሉ የማኔጅመንት አባላት፣ የጤና ባለሙያዎች እና የድጋፍ ሰጪ ክፍል ሰራተኞች በተገኙበት ያለፈው ዓመት የሥራ አፈጻጸማችን በስፋት የተገመገመ ሲሆን፤ በ2019 ዓ.ም የሆስፒታሉ ዕቅድ ላይም ጥልቅ ውይይት በማድረግ የቀጣይ አቅጣጫዎችን ማስቀመጥ ተችሏል።

በመድረኩ መክፈቻ ላይ ንግግር ያደረጉት የሆስፒታሉ ሥራ አስኪያጅ አቶ አሎ መሀመድ ሀንፈሬ ተቋሙ በበጀት ዓመቱ የአገልግሎት አሰጣጡን ከጊዜ ወደ ጊዜ ለማሻሻል ለሚያደርገው ጥረት መሰል መድረኮች ወሳኝ ሚና እንደሚኖራቸው አውስተዋል። በተጨማሪም ሆስፒታሉ በአሁኑ ወቅት ለበርካታ የህብረተሰብ ክፍሎች የህክምና አገልግሎት ተደራሽ እያደረገ መሆኑን ያነሱት ሥራ አስኪያጁ የተገልጋዩን እርካታ ይበልጥ ለማሳደግ የተጀመሩ ለውጦች እና የሪፎርም ተግባራት ተጠናክረው እንደሚቀጥሉ፣ እንዲሁም ለሚያጋጥሙ ተግዳሮቶች አፋጣኝ መፍትሄ በማበጀት የሆስፒታሉን አገልግሎት አሰጣጥ ለማዘመን ከትናንት ይልቅ ዛሬ በትኩረት ሊሰራ ይገባል ሲሉ አሳስበዋል።

በዛሬው ዕለት በተደረገው በዚሁ መድረክ ላይ የተለያዩ ዲፓርትመንቶች የ12 ወራት የዕቅድ አፈጻጸም ሪፖርታቸውን ያቀረቡና ሰፊ ውይይት የተደረገበት ሲሆን በበጀት ዓመቱ የላቀ የስራ አፈጻጸም ላሳዩ ሰራተኞቻችን እና የስራ ክፍሎች (ዲፓርትመንቶች) የሚገባቸውን እውቅና እና ሽልማት ተበርክቶላቸዋል። ​ለተሸላሚዎቻችን በሙሉ እንኳን ደስ አላችሁ ለማለት እንወዳለን!

ለጤናችን በጋራ እንሰራለን።
Aysaita primary Hospital

10/03/2026

አስደሳች ዜና ለአይሳኢታ እና አከባቢዋ ነዋሪዎች በሙሉ!!!
የዱብቲ አጠቃላይ ሆስፒታል "Cure Blindness Project" ከተሰኘ ግብረ-ሰናይ ድርጅት ጋር በመተባበር ከተለያዩ አካባቢዎች ለሚመጡ ወገኖች ነፃ የአይን ሞራ ግርዶሽ ቀዶ ህክምና አገልግሎት ከመጭው መጋቢት 21 እስከ 25 ባሉ ተከታታይ ቀናት ለመስጠት በዝግጅት ላይ ይገኛሉ።

ስለሆነም የዓይን ሞራ ግርዶሽ ችግር ላለባቸው ታካሚዎች ከመጋቢት 1/07/18 ጀምሮ በአይሳኢታ ፕራይመሪ ሆስፒታል የቅድመ ልዬታ እና የምርመራ ሥራ እየተሠራ ስለሆነ ወደ ሆስፒታሉ በመምጣት የአገልግሎቱ ተጠቃሚ እንዲትሆኑ ጥሪ እናስተላልፋለን።

ይህ የህክምና ዘመቻ ለአምስት ተከታታይ ቀናት የሚቆይ በመሆኑ ታካሚዎች የቀዶ ህክምና ከመደረጉ በፊት ሌሎች ተያያዥ ችግሮች ካሉ ቀደም ብሎ በመምጣት ምርመራ ማድረግ ይጠበቅባቿል። ስለዚህም የልዬታ ሥራው በሆስፒታላችን ከዛሬ ጀምሮ የተጀመረ መሆኑን እየገለፅን በሆስፒታላችን በመገኘት የቅድመ ምርመራ እንዲያደርጉ ወይም ወዳጅ ዘመድዎን እንዲያስመረምሩ ጥሪችንን እናቀርባለን።

በአይን ሞራ ግርዶሽ አማካኝነት የአይን ብርሀናቸውን ያጡ ወገኖቻችን በመረጃ እጥረት ምክንያት እቤታቸው እንዳይቀሩ መረጃውን በማዳረስ የበኩሎን ይወጡ።

Aysaita Primary Hospital!!!

06/03/2026

የአይሳይታ ፕራይመሪ ሆስፒታል ለተገልጋዩ ማህበረሰብ የሚሰጠውን አገልግሎቶችን ለማሻሻል እና ለማዘመን የተለያዩ ጥረቶችን እያደረገ ይገኛል። እንዲሁም በሆስፒታላችን በቴክኖሎጂ የታገዙ አገልግሎቶችን በማስፋት የተግልጋዩን እንግልት ለማቃለል በማሰብ በቅርቡ የተጀመረው የአጭር የነፃ የስልክ ጥሪ የጤና መረጃ አገልግሎት ማዕከል (Call center) ተጠቃሽ ነው ።
በእናቶች እና ጨቅላ ህፃናት ማዕከል ውስጥ የሚገኘው የአጭር የነፃ የስልክ መረጃ ማዕከላችን ቁጥር 6634 ሲሆን በነፃ የስልክ መስመሩ በመደውል የሚያገኙት አገሎቶችም የሚከተሉት ናቸው።
=> ሆስፒታላችን ስለሚሰጣቸው አገልግሎቶች ለማወቅ
=> ቀጠሮን በተመለከተ
=> የጤና ትምህርት እና የማማከር አገልግሎትን በተመለከት

በሆስፒታላችን የተጀመረው አጭር የስልክ የጤና መረጃ ማዕከሉ ተገልጋዮች ያለ ውጣ-ውረድ የሚስተናገዱበት ብቻ ሳይሆን የሆስፒታሉ አገልግሎት ይበልጥ ወደ ህዝቡ የቀረበ እንዲሆን የሚያስችል በመሆኑ ማህበረሰባችን ዘወትር በስራ ሰአት ከጥዋቱ 2:00 እስከ ማታ 12:00 ሰአት ድረስ በነፃ የስልክ መስመሩ በመደወል በአፋርኛ እና በአማርኛ ቋንቋ አስፈላጊውን የጤና መረጃ ማግኘት እንደሚችሉ እየገለፅን ፣ በተጨማሪም ውድ ተገልጋዮቻችን በነፃ የስልክ መስመሩ በአግባቡ እና በትህትና እንዲጠቀሙ ስንል ከወዲሁ ጥሪያችንን እናስተላልፋለን።

ይህ አገልግሎት በሆስፒታላችን እንዲጀመር ከፍተኛ እገዛ ያደረጉልንን የክልላችን ጤና ቢሮ እና ACSIS የተሰኘ አገር በቀል ግብረሰናይ ድርጅትን በሆስፒታላችን ስም ላቅ ያለ ምስጋና እናቀርባለን።
Aysaita Primary Hospital.