የሀላባ ዞን የአደጋ ስጋት ሥራ አመራር ጽ/ቤት-Halaba Zone Disaster Risk Management Office

11/08/2026

እ.ኤ.አ ከኦገስት 11 እስከ 20/2026 (ነሐሴ 5 እስከ ነሐሴ 14/2018 ዓ.ም) የሚኖረው የአየር ሁኔታ በውሃ ዘርፍ ላይ ሊያሳድር የሚችለው ተፅዕኖ
/////////
በሚቀጥሉት አስር ቀናት የክረምት ዝናብ ተጠቃሚ በሆኑት የሃገራችን ተፋሰሶች ላይ ከመካከለኛ እስከ እጅግ በጣም ከፍተኛ መጠን የሚደረስ የገፀ ምድር የውሃ ፍሰት ይኖራቸዋል። በመሆኑም የሚመለከታቸው የዘርፉ አካላት የሚኖሩ መልካም ዕድሎች በአግባቡ ለመጠቀምና አሉታዊ ተፅዕኖዎችን ማለትም የጎርፍ መጥለቅለቅ፣ የመሬት መንሸራተት እንዲሁም የደራሽ ወንዝ ሙላትና ሌሎች ተያያዥ የተፈጥሮ አደጋዎች ለመቀነስ የሚከተሉትን ተፋሰስ ተኮር የውሃ ሚቲዎሮሎጂ ምክረ ሀሳቦች ተግባራዊ ማድረግ ያስፈልጋል

11/08/2026

31/07/2026

📢 የቅድመ ጥንቃቄ መልዕክት ከሀላባ ዞን አደጋ ስጋት ስራ አመራር ጽሕፈት ቤት
ለሀላባ ዞን ነዋሪዎች እና ለሚመለከታቸዉ አካላት!
በፓሲፊክ ውቅያኖስ አማካይ የውሃ ሙቀት መጨመር ምክንያት በዓለም አቀፍ ደረጃ የሚከሰተው የአየር ንብረት መዛባት በዞናችን የክረምት ወራት ዝናብ ላይ ያልተጠበቀ ለውጥ እያስከተለ ይገኛል።
በአንድ በኩል የዝናብ መጠኑ ከመደበኛ በታች የመሆን እድል እያሳየ ሲሆን በሌላ በኩል ደግሞ በድንገት የሚጥል ከፍተኛ ንፋስና በረዶ የቀላቀለ ብርቱ ዝናብ ፈጣን እና ድንገተኛ ጎርፍ (Flash Flood) በማስከተል በሰው፣ በንብረት፣ በእንስሳት እና በሰብል ላይ ጉዳት የማድረስ ከፍተኛ ስጋት ደቅኗል።
ስለሆነም ሊደርስ የሚችለውን አደጋ አስቀድመን ለመከላከል እና ጉዳቱን ለመቀነስ እያንዳንዱ ማህበረሰብ የሚከተሉትን የቅድመ ጥንቃቄ እርምጃዎች እንድትወስዱ በአክብሮት እናስሰብባችኋለን፦
⚠️ መወሰድ ያለባቸው ዋና ዋና የቅድመ ጥንቃቄ እርምጃዎች
የጎርፍ መውረጃዎችን ማጽዳት፦ በየአካባቢያችሁ ፤ በእርሻ ማሳዎች እና በመኖሪያ ቤት ዙሪያ ያሉ የጎርፍ መውረጃ ማሸጋገርያዎችን (ዲች) እና ቦዮችን ከደለል ፣ ከቆሻሻ እና ከእንጨቶች ነፃ በማድረግና በማስፋ የውሃ መፍሰሻ መንገድ መክፈት ።
· ከጎርፍ ተላላፊ መስመሮች መራቅ፡ በቅጽበታዊ ጎርፍ ሊጠቁ የሚችሉ ዝቅተኛ ስፍራዎች ፣ የጅረትና የወንዝ ዳርቻዎች የሚገኙ ወገኖች በተለይም ህጻናትና አረጋውያን ጥንቃቄ እንዲያደርጉና አስፈላጊ ከሆነም ወደ ተሻለ ደህንነቱ የተጠበቀ ቦታ እንዲንቀሳቀሱ ማድረግ ።
ከሸለቆዎች እና ወንዝ ዳርቻዎች መራቅ፦ ከፍተኛ ንፋስ እና በረዶ የቀላቀለ ዝናብ በሚጥልበት ወቅት በፍጥነት የመሙላት ባህሪ ያላቸውን ወንዞች፣ ሸለቆዎችን እና የጎርፍ መስመሮችን ከማቋረጥ መቆጠብ ፤ ህፃናትና እንስሳትም ወደ እነዚህ ቦታዎች እንዳይጠጉ ማድረግ ።
የመኖሪያ ቤቶችን ማጠናከር፦ ከፍተኛ ንፋስ የሚያስከትለውን ጉዳት ለመቀነስ የቤቶቻችሁን ቆርቆሮ እና ጣሪያዎች በደንብ ማጠናከር።
ከዛፎች እና ከኤሌክትሪክ ፖሎች መራቅ፦ በከባድ ንፋስ እና በረዶ ወቅት ዛፎች የመቁረጥ ወይም የኤሌክትሪክ መስመሮች የመበጠስ እድላቸው ከፍተኛ በመሆኑ ከእነሱ ስር ከመጠለል መቆጠብ ።
የመረጃ ልውውጥ፡- ከአካባቢዎ የልማት ቡድኖች፣ ከቀበሌ የአደጋ ስጋት ስራ አመራ ኮሚቴ፤ ከኢትዮጲያ ሜቲዎሮሎጂ ኢንስቲትዩት እና ከአደጋ ስጋት ስራ አመራር መዋቅሮች የሚተላለፉ አየር ንብረት ነክ መረጃዎችን ትኩረት ሰጥተው ይከታተሉ።
በአደጋ ጊዜ፡- በአከባቢያቹ ማንኛውም ድንገተኛ አደጋ ሲከሰት በአካባቢያችሁ ለሚገኙ የሰላምና ጸጥታ አካላት፣ የግብርና ጽ/ቤት ወይም ለአደጋ ስጋት ስራ አመራር አስተባባሪዎች በፍጥነት ጥቆማ እንድትሰጡ እንጠይቃለን።
💡 ያስታውሱ፡- ቅድመ ጥንቃቄ ህይወትንና ንብረትን ከአደጋ ይታደጋል! አደጋ ከመከሰቱ በፊት መዘጋጀት የሁላችንም ኃላፊነት ነው።
የሀላባ ዞን አደጋ ስጋት ስራ አመራር ጽሕፈት ቤት

27/07/2026

የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር)ባለፉት ሁለት ዓመታት ከተረጂነት ወደ ምርታማነት ለመሸጋገር የተከናወኑ ተግባራትን አፈጻጸም በጽ/ቤታቸው በገመገሙበት መድረክ ያነሷቸው አብይ ነጥቦች ‼

👉 ከተረጂነት ወደ ምርታማነት ብሎም ረጂነት ለመሸጋገር ባለፉት ሁለት ዓመታት በሰባት መዋቅሮች በ35 ወረዳዎች ልዩ ልዩ ስራዎች ተግባራዊ ሲደረግ ቆይቷል።

👉 በሁለት ዓመታት ጊዜ ውስጥ የተገኘውን ሀብት መነሻ በማድረግ በወረዳዎች እቅድ ተዘጋጅቶ ስራው ሲመራ ቆይቷል።

👉 ከተረጂነት ወደ ምርታማነት ለመሸጋገር በተከናወኑ ተግባራት ክልሉ ሰብአዊ ድጋፍ በራስ አቅም መሸፈን የሚያስችለውን ስርዓት መዘርጋት ችሏል።

👉 ከጥቅምት 30/2019 ጀምሮ በሀገር አቀፍ ደረጃ ከተረጂነት ለመውጣት ዝግጅት እየተደረገ ነው።

👉 በክልሉ የሰብአዊ ድጋፍ ሉአላዊነት ለማስጠበቅ የተሟላ ዝግጅት በማድረግ የጋራ ተግባቦት መፍጠር ተችሏል።

👉 በህብረተሰቡ ዘንድ የቆየ የመረዳዳት እና የመደጋገፍ እሴቶችን ማጠናከር ተገቢ ነው።

👉 ከተረጂነት ወደ ምርታማነት ለመሸጋገር በራስ አቅም መሸፈን የሚያስችል ስርዓት መፍጠር ይገባል።

👉 የመጠባበቂያ ፈንድ ሀብት ማሰባሰብ ላይ በትኩረት መስራት ተገቢ ነው።

👉 ስትራቴጂክ የመጠባበቂያ የእለት ድጋፍ ክምችት እና የመሬት ዝግጅት ማድረግ በዘርፉ የተቀመጠውን ግብ ለማሳካት ያግዛል።

👉 የቤተሰብ ኃላፊነት የማህበረሰብ አጋርነት ማጠናከር በዘርፉ እየተካሔደ ላለው ስራ ወሳኝ ነው።

👉 ለቅጽበታዊ አደጋዎች ምላሽ መስጠት የሚያስችል ስርዓት መፍጠር ይገባል ።

👉 በክረምት ወራት መደበኛ እና የኢኒሼቲቭ ስራዎች ተጠናክረው መቀጠል አለባቸው።

27/07/2026

በህብረተሰቡ ዘንድ የቆየ የመረዳዳት እና የመደጋገፍ እሴቶችን ማጠናከር ተገቢ ነው:-ርዕሰ መስተዳድር እንዳሻው ጣሰው (ዶ/ር)

27/07/2026

በሰብአዊ ድጋፍ ሉአላዊነት የምግብ ዋስትናን ማረጋገጥ የሁሉንም አካላት የላቀ ቁርጠኝነት ይጠይቃል !!

ዲላሞ ኦቶሬ (ዶ/ር)
የማዕከላዊ ኢትዮጵያ ክልል ዋና የመንግስት ተጠሪ

27/07/2026

በሰብአዊ ድጋፍ ሉአላዊነት የምግብ ዋስትናን ማረጋገጥ የሁሉንም አካላት የላቀ ቁርጠኝነት የሚጠይቅ በመሆኑ ለተግባራዊነቱ በአጽንኦት ልሠራ ይገባል!!

ዲላሞ ኦቶሬ (ዶ/ር) የማዕከላዊ ኢትዮጵያ ክልል ዋና የመንግስት ተጠሪ!!
የሀላባ ዞን ብልፅግና ፓርቲ ቅ/ጽህፈት ቤት ሚዲያና ኮሙኒኬሽን ዘርፍ
ሐምሌ 18/2018 ዓ.ም፣(ብልጽግና ኮሙኒኬሽን
‎ወቅታዊ፣ትክክለኛና አዳዲስ መረጃዎችን ለመግኘት የሀላባ ዞን ብልጽግና ፓ/ቅ/ጽ/ቤት የማህበራዊ ሚዲያ ገፆች ሊንክ ይጫኑና ይውደዱ!፣ይከታተላሉን!!.

1.✍ Website=https://www.halaba.gov.et/ halaba_zone_prosperity_party
2.✍ page: https://www.facebook.com/profile.php?id=100086848601712
3.✍ https://www.tiktok.com/?_t=8Y68uIjujdF&_r=1
4.✍ Twitter Account, https://mobile.twitter.com/HalabaPP(),
5.✍ Telegram Channel: https://t.me/halabazoneprosperityparty,
6.✍ YouTube Channel: https://youtube.com/channel/UCNo-vCe1fj6b6z2rLitKAUA,
7.✍ LinkedIn: www.linkedin.com/in/halaba-zone-1a1235241
8.✍ Instagram: http://www.Instagram.com/tv/ CWMLYs2lwop/?utm-medium,
9.✍https://whatsapp.com/channel/0029VavGrJv4dTnS81aPuy3O
10✍https://s.channelcom.tech/vBD1Od?from=copy_link
11✍https://www.threads.com/

10/07/2026

10/07/2026

እ.ኤ.አ ከጁላይ 11 እስከ 20/2026 (ሐምሌ 4 እስከ ሐምሌ 13/2018 ዓ.ም) የሚኖረው የአየር ሁኔታ በውሃ ዘርፍ ላይ ሊያሳድር የሚችለው ተፅዕኖ
/////////
በሚቀጥሉት በጁላይ የሁለተኛ አስር ቀናት የክረምት ዝናብ ተጠቃሚ በሆኑ የሀገሪቱ ተፋሰሶች ላይ ከመካከለኛ እስከ ከባድ መጠን ያለው የገጸምድር የውሃ ፍሰት እንደሚኖራቸው ይጠበቃል። በመሆኑም የሚኖሩ መልካም አጋጣሚዎችን ለመጠቀምና አሉታዊ ተጽዕኖዎችን ለመቀነስ ከታች የቀረቡትን ቦታ ተኮር የውሃ ሚቲዎሮሎጂ ምክረ ሃሳብ ከወዲሁ ማከናወን ያስፈልጋል፡፡