27/07/2026
Ayyamti farmo!
Ni missoynah miraaciinu kee adoytit ummattah Ayfaafay, yabbixsime xalootul tasmitem faxximta.
2018 miizaaniyyat sanatih abbinoosih kusaq kee sanat 2019 ekraaroh walaalih gudgud tatreh yan Ayyaamat waysuk 13 ilaa 15/2018 I.L.L fan sitta katayta ayroorah gexsitak suge. A gudgudul Abnissô xalootitte fidinuk kusaqsimteh,
Taamâ Saami ginaanamaay, manô galah Nukuusi kee qadaagâ sabhalal kee uguugus Caddol tekkeh tan taamoomil fidin walalitte Tekkeh , fooca fanah kaadu ummattâ manfaqat Edde diggoowam xiqah yan afkanitte daffeyteh,
2018 miizaaniyyat sanat ityoppiya ximokraasiiy, qadaalat kee curriyat leh tan dooro edde gexisse sanatak sugte. Ni missoyna ta aydaadi gexsit miraacisse missoyna kinnuk diifu leh tan mayso orbisseeh, doorah yan ayyuntih gatuk kaadu ityoppiya ciggiila 5 sanootah Miraacissaamih Saami geyte.
2019 Sanat kaadu nee doorteh tan ummatta Nel tabisse aydaadi mas'uuliayatak nassa sâ qem edde qembisnaah, ummatta baxaabaxsale Waktittel ugusak temeete meqe xiinisso kee gersi esseroorah raddi gacisnuh baguuk edde taamitnaah, tonnaah ni parti qembisseh tan Inisheetivitteh xalot yayseh yan innal edde daabisnaah, baaxô xayloh xoqoysimiyya edde diggosnu wayna Sanata. Too xalot geytimuh Kaadu miraaciinu kee adoytiitik fayyaleh tan margaqaay, ummattak ambadle gabat agle Faxximtaamih Sabbatah kulli dagar isinni doori Digram faxximta
Sanat 2018 I.L.L. Taamâ Saamih giniyyaay, Qadaagâ Sabhal kee manô galah nukuusil Abbinowte taamoomi ni partih afkan missat Yan afkan kinnim qaduuk tuybullee. Kulli Rakaakayittel ginnimte taamâ Saamitteey, Murtissô xayyoosih ossotinaay, qadaagâ Sabhalal kee ayyuntak manô caalatitte Yaysiiseenimil tunkuttube xalootitte ni missoynak ayyunti manfaqat fanteenah le Siyaasah xalootitte.
Takkay immay, geytimte xalootitte ni gexsok Elllacabô wadba hinnay, fooca fanah bahnu wayna tayse Xalootitteh ugtuma. Ni baaxoh dudda kee ni ayyuntih fayxî luk qeedaalisna Waqdi uxi kinni mango taamoomiy abnam Faxximta tan. Tohih sabbatah kulli caddol yan miraaciini ummattâ calway, taakumeh tan ajenxa abak fayyale xalootû fan tabnam Faxximta.
Taamâ Saamih giniyya kee manô galah nukuusi Dubuk inki luddal aw kaadu inki maktabal caban taamoomi hinna. a taama xalot bahtu xiqtam Ilaa awdoodî rakisso Fanah missoynak kulli xisneenah caddooy, inkih yan doolat makaatibih caddo kee tonnaah ayyunta inkih OGoysimteh Elle taamittah tan waqdi kinni!
Fooca fanah kulli dariifah dudditteetat elle faxximta innal xoqoysimak ummattâ gabat agle Kee ikoytiinu maqarroysak taamissooy, mabla kee mascabâ gexe kalitte afdaguk leedâ gexso Fayyale Caddo maadisnam faxximta!
Baxsa luk ni partih miraaciinu kee adoytit ummattah ayfaafay tabbixsime xalootittel Diggossam faxximta. Ni ummatta kaadu Daddos taamoomil qembisseh tan ambadle Gabat agle kee ikoytiinu maqarroysak ni baaxo Qembisseh tan leedâ gexso sissikaanel arac Xagtuh isinni doori digirtam faxximta.
Sanat 2019 daffeyte ekraaroh madmoomi Arac Xagtuh inkittiinooy, ogoysomiyyaay, tonnaah esserimiyya kee xalot rakiiboh le taamissô Siiratitte katayak taamitnam faxximta. Ni Ummattah qaago tabbixsime xalootitte fan Ni baaxoh dudditte kaadu duddale leeda fanah Korisnuh inkih garuqle taama kee macalitte Nek qambalsimta..
Leedâ missoyna
Waysu 20/2018 I.L.L.
