Amhara National Regional State Head of Government Office

Amhara National Regional State Head of Government Office Amhara National Regional State president office is one of the Amhara region Governmental office that is established for public service delivery.
(3)

Operating as usual

ህግዳ : 22/12/2012 ዓ.ም በቡሬ ከተማ "በፊቬላ ኢንዱስትሪያል ኃላፊነቱ የተወሰነ የግል ማህበር" የተገነባው የተቀናጀ ግዙፍ የዘይትና ተጓዳኝ ምርቶች ማቀነባበሪያ ኢንዱስትሪ የሙከራ ም...
29/08/2020

ህግዳ : 22/12/2012 ዓ.ም በቡሬ ከተማ "በፊቬላ ኢንዱስትሪያል ኃላፊነቱ የተወሰነ የግል ማህበር" የተገነባው የተቀናጀ ግዙፍ የዘይትና ተጓዳኝ ምርቶች ማቀነባበሪያ ኢንዱስትሪ የሙከራ ምርት ሊጀምር መሆኑ ተገለጠ ።

በታዋቂው ባለኃብት አቶ በላይነህ ክንዴና ሸሪኮቻቸው የተገነባው ይህ የቅባት እህሎች ማቀነባበሪያና የዘይት ፋብሪካ በመጭው ጥቅምት ወር አጋማሽ ላይ የሙከራ ምርት ይጀምራል ተብሎ ይጠበቃል ።

በዐማራ ክልል ርዕሰ መስተዳድር አቶ ተመስገን ጥሩነህና የክልሉ ምክር ቤት ዋና አፈ -ጉባኤ ክብርት ወይዘሮ ወርቅሰሙ ማሞ እንዲሁም ሌሎች የፌድራል መንግስት የተወጣጡ እንግዶች ፋብሪካውን ጎብኝተዋል ።

ባለኃብቱና ሌሎች ባለሙያዎች ባደረጉት ገለጣ ፋብሪካው ዓለም አቀፍ ደረጃቸውን የጠበቁ ዘመናዊ መሳሪያዎችን በመጠቀም ከአኩሪ አተርና ሰሊጥ ጥራት ያለው ተፈጥሯዊ ዘይት በማምረት ከአገር አልፎ ለዓለም ገበያም ለማቅረብ የሚያስችለውን የአውሮፖና ጃፖን የምርት ጥራት የምስክር ወረቀት ጠይቋል ።

አንደ ገለጣው በፋብሪካው በቀን ከሚያመርተው ከ1 ነጥብ 4 ሚሊዮን ሊትር ዘይት በተጨማሪ ከተረፈ ምርቱ ሳሙና፣ የእንስሳት መኖ ፣የመሬት ማዳበሪያና የመሳሰሉ ተጓዳኝ ምርቶችን ለማምረት የሚያስችሉ አምስት ፋብሪካዎችን ያካተተ ነው ።

የተጠቀሰው የዘይት ምርት መጠን ኢትዮጵያ የምግብ ዘይት ፋጆታዋን 95 በመቶ ለማሟላት በዓመት የምታወጣውን ከ400 ሚሊዬን ዶላር በላይ ወጭ የመሸፈን አቅም እንደሚኖረውም ተጠቁሟል ።

ፋብሪካው የቅባት እህሎችን በማምረት እና በማሠራጨት ሂደት የሚሳተፉ ከ3 ሚሊየን የሚበልጡ አነስተኛ የመሬት ይዞታ ያላቸው አርሶአደሮች ለአግሮ አንደስትሪ ግብዓት የሚሆኑ ሰብሎችን በኩታ ገጠም እንዲያመርቱ ያበረታታልም ተብሏል ።

ማህበሩም በሰብል ልማቱ ዘርፍ በቀጥታ መግባቱንና
ከፋብሪካዎች በሚገኘው ተረፈ ምርት በዶሮ እርባታ፣ በወተት እና የወተት ተዋጽዖ ምርቶች፣ ከብት በማደለብ ስራ የሚሰማሩ 500 ወጣቶችን ጨምሮ ከ2 ሺህ ለሚበልጡ ዜጎች ቋሚ የስራ ዕድል እንደሚፈጠርላቸው ታውቋል ።

እንግዶቹ በፌቭላ ኢንደስትሪ ዓውደ - ግቢ የመታሰቢያ ችግኝ በመትከል የአረንጓዴ አሻራቸውን አሰቀምጠዋል ።

በቡሬ የተቀናጀ አግሮ ኢንዱስትሪ ፓርክ የተገነባ ሌላ ፍብሪካም በዕለቱ የተጎበኘ ሲሆን በዚሁ ፖርክ የተገነባ ፍሌላ የዘይት ፍብሪካ በቅርቡ የሙከራ ምርት መጀመሩ መገለጡ ይታወሳል ።

ባህርዳር ከተማ የተገነቡ የፀሐይ ቀለምና የኮከብ እምነ - በረድ ፋብሪካዎችንም ጎብኝተዋል ።

ህግዳ : በዐማራ ክልል የኮሮና ቫይረስን የመከላከል አዲስ አስገዳጅ የንቅናቄ ዘመቻ ዛሬ ተጀመረ ።"ማስክ - ዐማራ" ህዝብን የማዳን ዘመቻ! በሚል መርህ ከዛሬ ነሃሴ 22 - 30 ቀን 2012...
28/08/2020

ህግዳ : በዐማራ ክልል የኮሮና ቫይረስን የመከላከል አዲስ አስገዳጅ የንቅናቄ ዘመቻ ዛሬ ተጀመረ ።

"ማስክ - ዐማራ" ህዝብን የማዳን ዘመቻ! በሚል መርህ ከዛሬ ነሃሴ 22 - 30 ቀን 2012 ዓ.ም ድረስ የሚካሄደው ይህ ልዩ ማሰክ መልበስ አስገዳጅ የሆነበትን ዘመቻ የክልሉ ከፍተኛ አመራሮች አስጀምረውታል ።

ዘመቻው ሁሉንም ም የህብረተሰብ ክፍል የሚመለከት በመሆኑ ማስክ በመጠቀም የኮሮና ቫይረስን የመከላከል ግዴታዎን መወጣት የሁሉም ዜጎች ግዴታ መሆኑ ተገልጧል ።

ከቢሮዎች እስከ ወረዳ ኃላፊዎችና ሁሉም ሰራተኞች ማስክ ሳይለብሱ ወደ ቢሮ መግባት ክልክል ሲሆን የፀጥታ አስከባሪዎች በሁሉም የህብረተሰብ ክፍሎች ላይ ብርቱ ክትትል በማድረግ አስተማሪነት ያለው እርምጃ በመውሰድ ኃላፊነታቸውን እንዲወጡ ማሳሰቢያ ተሰጥቷል ።

ሁሉም የህብረተሰብ ክፍል ማስክ ሳያጠልቅ እንዳይንቀሳቅስ እና ከህክምና ባለሙያዎች የሚተላለፉ የጥንቃቄ መልዕክቶችን በመተግበር የኮሮና ወረርሽኝን በጋራ ለመከላከሉ ስራ ተገቢ ትኩረት መስጠት እንደሚገባ ተጠቁሟል ።

ፎቶ :- ከአማራ መገናኛ ብዙኃን

ህግዳ : 21/12/2012 ዓ.ም በዐማራ ክልል የአርሶ አደር መንደርን በጥምር የተቀናጀ ግብርና ልማት ለማሻሻል የተጀመረው ፕሮጀክት አበረታች ውጤት እያመጣ መሆኑን አቶ ተመስገን ጥሩነህ ገለ...
28/08/2020

ህግዳ : 21/12/2012 ዓ.ም በዐማራ ክልል የአርሶ አደር መንደርን በጥምር የተቀናጀ ግብርና ልማት ለማሻሻል የተጀመረው ፕሮጀክት አበረታች ውጤት እያመጣ መሆኑን አቶ ተመስገን ጥሩነህ ገለጡ ።

የክልሉ ርዕሰ መስተዳድር የተከበሩት አቶ ተመስገን ጥሩነህ ይህን የገለጡት ከክልልሉ ምክር ቤት ዋና አፈ-ጉባኤ ክብርት ወርቅሰሙ ማሞ ጋር በመሆን በደቡብ ጎንደር ዞን ደራ ወረዳ "ወንጨጥ" ቀበሌ የኮሪያ ዓለም አቀፍ ትብብር ኤጀንሲ በተሰኘው ድርጅት ድጋፍ በጥምርና የተቀናጀ ግብርና ልማት የአርሶ አደርሩን የኑሮ ዘይቤ "በመንደር ደረጃ " ለመለወጥ የተጀመረውን ፕሮጀክት ዛሬ ማምሻውን በጎበኙበት ወቅት ነው ።

በቀበሌው 105 አባ ወራና እማ ወራ አርሶአደሮች ከሁለት ዓመት ወዲህ በፕሮጀክቱ በመደገፍ ከ136 ካሬ ሜትር አነስተኛ ማሳ ላይ በቤተ - ሐመልማል ወይም የፕላስቲክ ሼራ በመገምባት ክረምት ከበጋ ቲማቲም በማምረት ከራሳቸው ፍጆታ አልፎ በሶሰት ወር ውስጥ ከ30 ሺህ ብር በላይ ገቢ ለማግኘት መቻላቸውን ተጠቃሚዎቹ ለጎብኝዎቹ ገልጠዋል ።

የፕሮጀክቱ ድጋፍ ከቲማቲም ምርት ባሻገር የጫት የእርሻ ማሳቸውን ገበያ ተኮር በሆኑት ማንጎ፣አቡካሀዶና በመሳሰሉ ቋሚ የአትክልትና ፍራፍሬ ሰብሎች ለመተካት እንዳስቻላቸው ተጠቃሚዎቹ ተናግረዋል ።

134 የተሻሻሉ የከብት ፣ በግ እና የዶሮ ዝረያዎችን እንዲሁም 7ሺህ 600 የፍራፍሬ ችግኞችን በማቅረብ ፕሮጀክቱ የደገፋቸው በመሆኑ የባዮጋዝ ቴክኒዮሎጂ ተጠቃሚ መሆንምእንደቻሉ አርሶ አደሮቹ ገልጠዋል ።

የፕሮጀክቱ አስተባባሪ አቶ መልኬ ታደሰ እንደገለጡት "በመንደር ደረጃ" በአንድ ቀበሌ የተጀመረው በአሳታፊና በጥምር የግብርና ልማት ተግባቦት የአርሶአደሩን ኑሮ የመለወጡ ጅማሮ ውጤታማነት ከተጠበቀው በላይ ሆኗል ።
ስለሆነም በደራ ወረዳ ወደ ሰባት ቀበሌዎች እና በምስራቅ ጎጃም ዞንም ልምዱ በመስፋፋት ላይ መሆኑን አቶ መልኬ አስታውቀዋል ።

ፕሮጀክቱ አሳታፊ በመሆኑ 415 ሴቶች ከገቢያቸው 237 ሺህ 887 ብር ቆጥበው 225 ሺህ ብሩን ደግሞ ለብድር አገልግሎት በማዋል ተምሳሌታዊ ውጤት ተገኝቷል ሲሉ የደራ ወረዳ ዋና አስተዳዳሪ አቶ ጀማል ዑመር ገልጠዋል ።

አምስት አርሶአደሮች ከ116 ሺህ ብር በላይ ወጭ በማድረግም የቢሮ ፣ የመሰብሰቢያ አዳራሽ እና የጋራ ምርት መሸጫ ሱቅ መገምባታቸውንም አስተዳዳሪው በማሳያነት ጠቅሰዋል ።

የጫት ማሳ መቀየርን ጨምሮ የተገኘው የተቀናጀ ውጤት አበረታች እና የአመጋገብ ልምድንም በማሻሻል ምርታማ በሆኑ አካባቢዎች የሚያጋጥመውን የመቀንጨር በሽታንም ያስቀራል ያሉት አቶ ተመስገን ጥሩነህ ተግባሩን ለማስፍት በትኩረት እንደሚሰራ አስታውቀዋል።

ህግዳ : 19/12/212 ዓ.ም የዐማራ ክልል ርዕሰ መስተዳድር አቶ ተመስገን ጥሩነህን ጨምሮ የክልሉ ከፍተኛ አመራሮች የጣና በለስ ስኳር ፕሮጀክትን መጎብኘታቸው ተገለጠ ። የጣና በለስ ስኳር...
25/08/2020

ህግዳ : 19/12/212 ዓ.ም የዐማራ ክልል ርዕሰ መስተዳድር አቶ ተመስገን ጥሩነህን ጨምሮ የክልሉ ከፍተኛ አመራሮች የጣና በለስ ስኳር ፕሮጀክትን መጎብኘታቸው ተገለጠ ።

የጣና በለስ ስኳር ፕሮጀክት ስራ አስኪያጅ አቶ አንተነህ አሰጌ እንዳሉት በፕሮጀክቱ 203 ቻይናዊያንና 306 የአገር ውስጥ ባለሙያዎች እየሰሩ ነው።

በብረታ ብረታና ኢንጅነሪንግ ኮርፖሬሽን የግንባታ አፈጻጸም ችግር ምክንያት ተጓቶ የነበረውን ይህን ፕሮጀክት ለማስተካከልና የግንባታ ሂደቱን ለማፋጠን በትኩረት እየተሰራ መሆኑን አስታውቀዋል።

የፕሮጀክቱ ወቅታዊ አፈጻጸምን በተመለከተ በተካሄደው ገለጣ ከለውጡ በፊት 65 በመቶ ላይ የነበረውን የአሰራር ችግሮችን በማስተካከል አሁን ላይ 82 በመቶ ለማድረስ መቻሉን ስራ አስኪያጁ ገልጠዋል ።

ሆኖም የገንዘብ እጥረት እንዳለና ለቻይናውያን ተቋራጮች በወቅቱ ክፍያ እንዲፈጸምላቸው የጠየቁት ስራ አስኪያጁ
ፕሮጀክቱ በመጭው ታህሳስ ወር አጋማሽ የሙከራ ምርት እንዲጀምር ይህ ችግር እንዲፈታ አሳስበዋል።

አቶ ተመስገን ጥሩነህ የፕሮጀክቱ ወቅታዊ አፈጻጸም የተሻለ መሆኑን መመልከታቸውንና ከክፋያ ጋር ያለው ችግር እንዲፈታ ከፌድራል መንግስት ጋር በመሆን ጥረት እንደሚካሄድ ጠቁመዋል ።

ፎቶ ከዐማራ ብዙኀን መገናኛ ድርጅት፡፡

ህግዳ : 18/12/2012 ዓ. ም በውጭ የሚኖሩ ኢትዮጵያውያን በአገራቸው ልማት በሚያደርጉት ተሳትፎ ሊከተሏቸው የሚገቡ ጉዳዮችን አሰመልክቶ የዐብክመ ያወጣቸው ድንጋጌዎችን (Directives...
24/08/2020

ህግዳ : 18/12/2012 ዓ. ም በውጭ የሚኖሩ ኢትዮጵያውያን በአገራቸው ልማት በሚያደርጉት ተሳትፎ ሊከተሏቸው የሚገቡ ጉዳዮችን አሰመልክቶ የዐብክመ ያወጣቸው ድንጋጌዎችን (Directives ) ይመልከቱ!!

ህግዳ፡17/12/2012 ዓ.ም ዓለማቀፉ "ጣናን መልሶ ማቋቋም ማህበር የለገሰው" አንድ  ዘመናዊ የእንቦጭ ማጨጃ ማሽን ባህርዳር ከተማ ገባ ።ተቀማጭነቱ በአሜሪካን አገር የሆነው ይህ ማህበር ...
24/08/2020

ህግዳ፡17/12/2012 ዓ.ም ዓለማቀፉ "ጣናን መልሶ ማቋቋም ማህበር የለገሰው" አንድ ዘመናዊ የእንቦጭ ማጨጃ ማሽን ባህርዳር ከተማ ገባ ።

ተቀማጭነቱ በአሜሪካን አገር የሆነው ይህ ማህበር በአሜሪካና በእንግሊዝ የሚኖሩ ኢትዮጵያዎያንን በማስተባበር እና በዋሺንግተን ዲሲ ከሚገኘው "ደብረገነት" ከተባለው የኢትዮጵያ ኦርቶዶክስ ተዋህዶ ቤተክርስቲያን ባገኘው የ5 ነጥብ 8 ሚሊዮን ብር ድጋፍ የገዛው ዘመናዊ የእንቦጭ ማጨጃ ማሽን ዛሬ ባህርዳር ከተማ ገብቷል ።

ማሽኑ በአንድ ጊዜ 28 ሜትር ኪዩብ አረም ማረምና መሸከም የሚችል መሆኑን የማህበሩ ሰብሳቢ ዶክተር ሰሎሞን ክብረት አስታውቀዋል።

ማህበሩ ለተመሳሳይ ዓላማ በ2010 ዓ.ም የእንቦጭ ማጨጃ ማሽን መስጠቱን፣ የተለያዩ የስልጠናና የቴክኒክ ድጋፍ ሲያደርግ መቆየቱንም ሰብሳቢው አስታውሰዋል።

ማህበሩ ባለፈው ዓመትም ከክልሉ የዱር እንስሳት ልማትና አካባቢ ጥበቃ ባለስልጣን እና ከባህር ዳር ዩኒቨርሲቲ የተውጣጡ ባለሙያዎችን ወደ ዩጋንዳ ወስዶ በእንቦጭ አረም የአወጋገድ ስልቶች ዙርያ ስልጠናና ልምድ እንዲቀስሙ ማድረጉንም ሰብሳቢው ጠቅሰዋል።

ጣናን ከተደቀነበት አደጋ ለመታደግ የሚያግዙ ድጋፎችን አጠናክሮ እንደሚቀጥልም ዶክተር ሰሎሞን አስታውቀዋል።

ተጨማሪ የእንቦጭ ማጨጃ ማሽንም በካናዳ ተሰርቶ የተጠናቀቀ መሆኑንም ጠቁመዋል ።

የክልሉ መንግስት ማሽኖችን በአግባቡ ተጠቅሞ የእንቦጭ አረም ሽፋንን ለመቀነስ በትኩረት እንዲሰራ እና በቅርቡም ማሽኑን ለሚያንቀሳቅሱ ባለሙያዎች ከናይጀሪያ በሚመጡ አሰልጣኞች ስልጠና ከተሰጠ በኋላ በይፋ ርክክብ በመፈፀም ማሽኑ ወደ ስራ እንደሚገባ ዶክተር አያሌው ወንዴ የጣና ኃይቅና ሌሎች የውኃ አካላት ጥበቃ ስራ አስኪያጅ አስታውቀዋል።

ህግዳ : 15/12/2012 ዓ.ም በቡሬ ከተማ ከ991 ነጥብ 2 ሚሊዬን ብር በሚበልጥ ወጭ የተገነባ ግዙፍ የዘይት ፍብሪካ የሙከራ ምርት በመጀመሩ መደሰታቸውን አቶ ተመስገን ጥሩነህ ገለጡ ። ...
22/08/2020

ህግዳ : 15/12/2012 ዓ.ም በቡሬ ከተማ ከ991 ነጥብ 2 ሚሊዬን ብር በሚበልጥ ወጭ የተገነባ ግዙፍ የዘይት ፍብሪካ የሙከራ ምርት በመጀመሩ መደሰታቸውን አቶ ተመስገን ጥሩነህ ገለጡ ።

የዐማራ ብሔራዊ ክልላዊ መንግስት ርዕሰ መስተዳደር የተከበሩት አቶ ተመስገን ጥሩነህ በግል ማህበራዊ ትስስር ገፃቸው ላይ ትላንት እንደገለጡት በቡሬ ከተማ የተገነባ ግዙፍ የዘይት ፍብሪካ የሙከራ ምርት በመጀመሩ የእንኳን ደስ አላችሁ መልዕክት በማስተላለፍ መደሰታቸውን ገልጠዋል ።

በቡሬ ኢንዱስትሪ ፖርክ በ991 ሚሊዬን 242 ሺህ ብር "ሪችላንድ" በሚል ስያሜ ከተገነቡ ሶስቱ ግዙፍ ዘይት ፋብሪካዎች አንዱ የሙከራ ምርት ጀምሯል ሲሉ አቶ ተመስገን አብስረዋል ።

ፍብሪካው በዓመት አንድ ሚሊዬን አምስት መቶ ሺህ ኩንታል አኩሪ አተር ስለሚያስፈልገው ጥምር ጠቀሜታ እንዳለው ርዕሰ መስተዳደሩ ገልጠዋል ።

ከአገር ውስጥ አልፎ ምርቱን ለውጭ አገር ገበያ በማቅረብም ቀዓመት 61 ሚሊዬን 680 ሺህ ዶላር የውጭ ምንዛሬ እንደሚያስገኝ ጠቁመዋል ።

ፍብሪካው 22 ሚሊዬን 500 ሺህ ሊትር ዘይት ለአገር ውስጥ ፍጆታ እንደሚያቀርብ አስታውቀዋል ።

የፍብሪካውን ባለቤት አቶ ሙላቱን ባለ ብዙ ራዕዩ ባለኃብት ሲሉ የገለጡት አቶ ተመስገን ለባለኃብቱ እና መላው የፋብሪካው ሰራተኞች እንኳን ደስ አላችሁ ብለዋል ::

ይህን ፍብሪካ በአቶ ተመስገን የተመራ ከፍተኛ ልዑካን ቡድን በቅርቡ ጎብኝቶት እንደነበር ይታወሳል ።

ህ.ግ.ዳ፡-12/12/2012 ዓ/ም የዐማራ ክልል መንግስትና የገቢዎች ሚኒስቴር በአፋር ክልል ጎርፍ ጉዳት ላደረሰባቸው ወገኖች ድጋፍ አደረጉ።የዐማራ ክልል መንግስትና የገቢዎች ሚኒስቴር በአፋ...
18/08/2020

ህ.ግ.ዳ፡-12/12/2012 ዓ/ም የዐማራ ክልል መንግስትና የገቢዎች ሚኒስቴር በአፋር ክልል ጎርፍ ጉዳት ላደረሰባቸው ወገኖች ድጋፍ አደረጉ።

የዐማራ ክልል መንግስትና የገቢዎች ሚኒስቴር በአፋር ክልል ጎርፍ ጉዳት የደረሰባቸው ወገኖች በጎርፍ የተጎዱ አካባቢዎችን በመጎበኘት ከ50 ሚሊዮን ብር በላይ የሚገመት የምግብና አልባሳት ሰመራ ከተማ በመገኘት ድጋፍ አድርገዋል።

የዐማራ ክልል ርዕሰ መስተዳድር አቶ ተመስገን ጥሩነህ ከአራት ሚሊዮን ብር በላይ የሚገመተውን ድጋፍ ለአፋር ክልል ርዕሰ መስተዳደር አቶ አወል አርባ አበርክተዋል ።

የተበረከተው ድጋፍም 500 ብርድ ልብስ፣ 500 ጥንድ አንሶላዎች፣ 500 ፍራሽና አንድ ሺህ 500 ኩንታል የምግብ እህል ነው ።

"ሁላችንም የሉሲ ልጆች በመሆናችን የአፋር ሕዝብን መደገፍ የራሳችንን ሕዝብ እንደመደገፍ ነው" ያሉት አቶ ተመስገን በቀጣይም በጎርፍ የተፈናቀሉ ወገኖች ወደ መደበኛ ህይወታቸው እስኪመለሱ ድጋፉ እንደሚቀጥል አስታውቀዋል።

የገቢዎች ሚኒስትር አቶ ላቀ አያሌው በበኩላቸው በክልሉ በጎርፉ አደጋ በደረሰው ጉዳት የተሰማቸውን ሀዘን ገልጠው መስሪያ ቤታቸው ከአፋር ክልል ከጎን መሆኑን ለማሳየት መምጣታቸውን ተናግረዋል።

ድጋፉ ከ46 ሚሊዮን ብር በላይ የሚገመቱ ልዩ ልዩ አልባሳት፣ ስኳር፣ የምግብ ዘይት፣ ሩዝ፣ ዱቄትና ፓስታ እንዳካተተ አቶ ላቀ አስታውቀዋል።

የአፋር ክልል ርዕሰ መስተዳድር አቶ አወል አርባ በክልሉ የተከሰተው ጎርፍ ከዚህ በፊት ታይቶ እንደማይታወቅ ገልጠዋል ።

በዚሁ ሳቢያ ለተጎዱ ወገኖች የተለያዩ አካላት መደገፋቸውን አስታውሰው ሁሉም ክልሎችና የፌዴራል መንግስት ተቋማት ላደረጉት ድጋፍ በክልሉ ህዝብና መንግስት ስም ምስጋና አቅርበዋል ሲል የዐማራ ብዙኃን መገናኛ ድርጅት ዘግቧል ።

ህ.ግ.ዳ ፡30/11/2012 ዓ.ም የዐማራ ክልል ምከር ቤት ቋሚ ኮሚቴዎች በቡሬና ደብረማርቆስ ከተማ የሚገኙ ፋብሪካዎችን ጎበኙ ።    በክልሉ ም/ቤት ምክትል አፈ - ጉበዔ ክብርት ትልቅሰው...
06/08/2020

ህ.ግ.ዳ ፡30/11/2012 ዓ.ም የዐማራ ክልል ምከር ቤት ቋሚ ኮሚቴዎች በቡሬና ደብረማርቆስ ከተማ የሚገኙ ፋብሪካዎችን ጎበኙ ።

በክልሉ ም/ቤት ምክትል አፈ - ጉበዔ ክብርት ትልቅሰው ይታያል የተመራው የቋሚ ኮሚቴ አባላቱን ያካተተ ልዑክ በምዕራብ እና ምስራቅ ጎጃም ዞን ቡሬ እና ደብረማርቆስ ከተሞች በመንግስትና በግል ባለኃብቶች በመገምባት ለይ የሚገኙ ኢንደስትሪዎችን ሰሞኑን ጎብኝተዋል ።

በቡሬ ከተማ በ1, 000 ሄክታር መሬት ላይ ከመንግስት በተመደበ ከአንድ ቢሊዬን ብር በሚበልጥ ወጭ የሚገነባውና ግምባታው 93 በመቶ የተጠናቀቀው የተቀናጀ የኢንዱስትሪ ፓርክ ተጎብኝቷል ።

አቶ በላይነህ ክንዴ በተባሉ የግል ባለኃብት በ28 ነጥብ 7 ሄክታር መሬት ላይ ከ2 ነጥብ 2 ቢሊየን ብር በላይ በሆነ ወጭ የሚገነባውን የዘይት ፋብሪካም ልዑኩ ጎብኝቷል ።

በቅርቡ የማምረት ስራ እንደሚጀምር የሚጠበቀው ይህ ፋብሪካ በቀን 1 ነጥብ 4 ሚሊየን ሊትር ዘይት የማምረት አቅም እንዳለው ለጎብኝዎቹ ገለጣ ተካሄዷል ።

አቶ ወርቁ አይተነው በተባሉ ባለኃብት በ11 ሄክታር መሬት ላይ ተገምብቶ 92% የተጠናቀቀውንና በስሩ 11 እህት ኩባንያዎች ያካተተወ ፋብሪካም በልዑኩ ተጎብኝቷል ።

በቀን 1ሚሊዬን 400 ሺህ ሊትር ዘይት የማምረት አቅም ያለው እና በ2013 ዓ.ም መጀመሪያ ወር ላይ የማምረት ስራ ይጀምራል ተብሎ እንደሚጠበቅ ተጠቁሟል ።

የተጎበኙት ፋብሪካዎቹ በአስር ሺህ ለሚቆጠሩ ወገኖች የስራ ዕድል እንደሚፈጥሩና ከውጭ አገር ዘይት ለማስገባት የሚጠይቀውን የውጭ ምንዛሬም በከፍተኛ ደረጃ እንደሚያስቀሩ ተገልጧል ።

ሆኖም የፋብሪካዎችን ግንባታ ለማጠናቀቅ እና ወደ ስራ ለመግባት የመሰረተ - ልማት ፣የመሬት ፣ከመብራት እና ከብድር አቅርቦት ጋር በተያያዘ ችግር እንዳለባቸው ተመልክቷል ።

የንግድና ኢንደስትሪ ከተማ ልማት ቋሚ ኮሚቴ ስብሳቢ ወ/ሮ አበራሽ ታደሰ በጎበኟቸው ፋብሪካዎች መደስታቸውን ገልጠዋል ።

ለተነሱት ጥያቄዎች በመንግስት በኩል ሊፈቱ የሚችሉትን የመሬት አቅርቦት ችግር ፣ኢንቨስትመንት የማጠናከርና የመደገፍ እንዲሁም መሰረተ -ልማት ችግሮችን ለማቃለልም እንሰራለን ብለዋል ።

የክልል ምክር ቤት ምክትል አፈ -ጉባኤ ወ/ሮ ትልቅሰው ይታያል በበኩላቸው እንደተናገሩት ፋብሪካዎች ዘርፈ ብዙ ጠቀሜታ የሚሰጡ እና የብልፅግና ጉዟችንን የሚያሳልጡ በምሳሌነት የሚጠቀሱ ናቸው ።

የቀረቡ ችግሮችን በዕውቀት ላይ ተመስርቶ ለመፍታት ፣ ለመደገፍና አስፈፃሚውን አካልም ለመከታተል ጉብኝቱ አቅም እንደሚሆንም አስታውቀዋል ።

ህግዳ : 26/11/2012 ዓ.ም በዐማራ ክልል ምዕራብ ጎንደር ዞን ከ257 ሚሊዬን ብር በሚበልጥ ወጭ የተገነቡ የልማት ተቋማትን የመመምረቅና የጉብኝት ስራ መካሄዱ ተገለጠ ። ከተመረቁት ተቋ...
03/08/2020

ህግዳ : 26/11/2012 ዓ.ም በዐማራ ክልል ምዕራብ ጎንደር ዞን ከ257 ሚሊዬን ብር በሚበልጥ ወጭ የተገነቡ የልማት ተቋማትን የመመምረቅና የጉብኝት ስራ መካሄዱ ተገለጠ ።

ከተመረቁት ተቋማት መካከል የመተማ ከተማ ጠቅላላ ሆስፒታል ማስፋፊያ ግንባታ እና የደም ባንክ ማዕከል ይገኙበታል ።

ተቋማቱን የመረቁት የዐማራ ክልል ርዕሰ መሰተዳድር የተከበሩ አቶ ተመስገን ጥሩነህ ፣ በርሳቸው የተመራው ከፍተኛ የክልሉ አመራሮችን ያካተተው ልዑክ እና በልዩ ሁኔታ ተጋባዥ የሆኑ በገዳማት የማኖሩ የኃይማኖት አባቶች በተገኙበት ነው ።

የዞኑ ዋና አስተዳዳሪ አቶ አደባባይ ሙሉጌታ አንደገለጡት ከ257 ሚሊዬን ብር በሚበልጥ ወጭ የተገነቡ የቋራና አብርሃ ጅራ የመጀመሪያ ደረጃ ሆስፒታሎችም ተጠናቀዋል ።

ሁለት የ2ኛ ደረጃ እና አራት የመጀመሪያ ደረጃ ትምህርት ቤቶች እና ሌሎች የልማት ተቋማትም መጠናቀ ቃቸውን አቶ አደባባይ ተናግረዋል ።

ከተጠቀሱት በተጨማሪ በመንግስት ከአንድ ነጥብ ስድስት ቢሊዬን ብር በሚበልጥ ወጭ በመገምባት ላይ የሚገኘው የቋራ ገለጎ አብርሃ ጅራ ገንዳ ውኃ የአስፓልት መንገድ እንዲፋጠንም አስተዳዳሪው አሳስበዋል ።

የክልሉ ም/ቤት አፈ -ጉበዔ ወ/ሮ ወርቅሰሙ ማሞ ፣ምክትል ርዕሰ መስተዳደሩ ዶክተር ፈንታ ማንደፍሮ ፣ የክልሉ ብልፅግና ፖርቲ ጽ/ቤት ኃላፊ አቶ አገኘሁ ተሻገርን ጨምሮ የክልሉ ከፍተኛ የመንግስት የስራ ኃላፊዎችና በክልሉ ከሚገኙ ዩኒቨርሲቲዎች የተወጣጡ ሙሁራን በምረቃው ላይ ታድመዋል ።

ታዳሚዎቹ በአካባቢው በጎንደር ግብርና ምርምር ማዕከል አማካኝነት የአኩሪ አተር ሰብልን በአዲስ ለማላመድና የሰሊጥን ምርታማነት በሄክታር የሚገኘውን 3 ኩንታል ምርትን ወደ 10 ኩንታል ለማሳደግ ከ100 ሄክታር በሚበልጥ መሬት ላይ የሚካሄደውን የዘር ብዜት እንቅስቃሴም ጎብኝተዋል ።

ይህ ጥረት አበረታች ቢሆንም ከባለድርሻ አካላት ጋር ተቀናጅቶ በመስራት ለበለጠ ስኬት ማዕከሉ መስራት እንዳለበት ምክረ - ሀሳብ ተሰጥቶታል ።

አቶ ተመስገን ባስተላለፉት መልዕክት ለሁሉ ነገር መሰረት ለሆነው ለጋራ ሰላም እና የህግ የበላይነትን የማስከበር ስራ ትኩረት መስጠት ይገባል ።

በአካባቢው ተፈጥሮ የነበረውን የእርስ በእርስ ግጭት ለማርገብ ልዩ አስተዋፆ ለበረከቱት የማህበረ ስላሴ እና የጣራ ገዳም አባቶች እንዲሁም ለእንግዶች የዕውቅና መታሰቢያ ስጦታ ተበረክቷል ።

ህግዳ : 24/11/2012 ዓ.ም ከድምበር እና ወሰን ጥያቄዎች ጋር ተያይዞ  ዘላቂ መፍተሄ ለመሻት ተቋም ገምብቶ የህዝቦችን መልካም እሴቶች ማጎልበት  እንደሚገባ ተገለጠ ። ይህ የተገለጠው ...
01/08/2020

ህግዳ : 24/11/2012 ዓ.ም ከድምበር እና ወሰን ጥያቄዎች ጋር ተያይዞ ዘላቂ መፍተሄ ለመሻት ተቋም ገምብቶ የህዝቦችን መልካም እሴቶች ማጎልበት እንደሚገባ ተገለጠ ።

ይህ የተገለጠው የኢትዮ-ሱዳን የድምበር ታሪካዊ ትስስርን በተመለከተ በምዕራብ ጎንደር ዞን አስተዳደር እና በጎንደር ዩኒቨርሲቲ አዘጋጅነት በትናትናው ዕለት በጎንደር ከተማ በተካሄደው ዓውደ ጥናት ላይ ነው ።

በውይይቱ የዐማራ ክልል ርዕሰ መሰተዳድር የተከበሩ አቶ ተመስገን ጥሩነህ ፣የክልሉ ም/ቤት አፈ -ጉበዔ ወ/ሮ ወርቅሰሙ ማሞ ፣ምክትል ርዕሰ መስተዳደሩ ዶክተር ፈንታ ማን ደፍሮ ፣ የክልሉ ብልፅግና ፖርቲ ጽ/ቤት ኃላፊ አቶ አገኘሁ ተሻገርን ጨምሮ የክልሉ ከፍተኛ የመንግስት የስራ ኃላፊዎች፣ ከውጭ ጉዳይ ሚኒስቴር፣ በክልሉ ከሚገኙ ዩኒቨርሲቲዎች የተወጣጡ ሙሁራን እና ለጉዳዩ ቅርበት ያላቸው ግለሰቦች ተሳትፈዋል።

በመድረኩ ላይ አራት ሙሁራን ከአገር ውስጥና ከውጭ አገር ከድምበርና ወሰን ማስከበር ጋር በተያያዘ የመወያያ ጹሑፍ አቅርበዋል ።

ሙሁራኑ እንዳመላከቱት የኢትዮ - ሱዳን የድምበር ጉዳይን በተመለከተ በተለያዬ ጊዜ የተካሄዱ የመግባቢያ ሰነድ ፊርማ እና የመረጃ ልውውጦች ነበሩ ።

መንግስታት በተለዋወጡ ቁጥር የድምበርና የወሰን አጀንዳዎች እያደሩ እዚህ ደረጃ ላይ መድረሳቸው ሁለቱንም አገሮች ዋጋ እያስከፈላቸው መሆኑ ተመላክቷል ።

ተሳታፊዎቹ በሰነዘሩት ሀሳብ በባለሙያዎች ስብጥር የታገዘ
ተቋም ተገምብቶ የህዝቦችን ዘመን አሻጋሪ ገምቢ የመስተጋብር እሴቶች ቀምሮ ማስቀጠል ለዘላቂ መፍተሄ ወሳኝ በመሁኑ መንግስት ትኩረት ሊሰጠው እንደሚገባ ጠቁመዋል ።

አቶ ተመስገን ጥሩነህ መደረኩን ሲዘጉ እንዳሉት የተገኙ ግብዓቶች በገምቢነት ተወስደው በተግባር እንዲተረጎሙ ከክልሉ የድርሻውን እንደሚወጣ አስታውቀዋል ።

መሰል መድረኮች በየዘርፉ ያለውን የህብረተሰብ ክፍሎች ሙያዊ ሁኔታ ታሳቢ ባደረገ መልኩ ተጠናክሮ እንደሚቀጥል ተናግረዋል ።

ህግዳ : 23/11/2012 ዓ.ም በዐማራ ክልል ደቡብ ጎንደር ዞን በአንድ ቢሊዬን 711 ሚሊዮን 358 ሺህ 881 ብር ወጪ ግምባታቸው የተጠናቀቁ ፕሮጀክቶች ሲመረቁ በግንባታ ላይ ያሉት ደግም...
31/07/2020

ህግዳ : 23/11/2012 ዓ.ም በዐማራ ክልል ደቡብ ጎንደር ዞን በአንድ ቢሊዬን 711 ሚሊዮን 358 ሺህ 881 ብር ወጪ ግምባታቸው የተጠናቀቁ ፕሮጀክቶች ሲመረቁ በግንባታ ላይ ያሉት ደግም ተጎበኙ፡፡

በዐማራ ክልል ርዕሰ መስተዳድር የተከበሩ አቶ ተመስገን ጥሩነህ የተመራው የክልሉ ከፍተኛ የስራ ኃላፊዎችን ያከተተው ልዑክ በአንዳ ቤት ወረዳ ከ100 ሚሊዬን ብር በሚበልጥ ወጭ የተገነቡ የልማት ተቋማትን ዛሬ መርቋል ።

ከተመረቁት መካከል የአምዳ ቤት ከተማን ጨምሮ ዲዲግመን ፣ ወፍጫሜ ፣ እና ደረባቤትመን በተባሉ የገጠር ቀበሌዎች የሚገኙ 19 ሺህ 300 አባዎራዎችን ተጠቃሚ ያደረገው የንፁህ መጠጥ ውኃ ግምባታ ይገኝበታል ።

የአንዳ ቤት ከተማ የመጀመሪያ ደረዳ ጃ ሆስፒታልም የተመረቀ ሲሆን ለአጎራባቹ የሁለት እጁ አነሴ ወረዳ ህዝብም ሊያገለግል አንደሚችል ተጠቁሟል ።

በዚሁ ወረዳ በግምባታ ላይ የሚገኘው "የጎኖ " ጤና ጣቢያ ማስፋፊያም ተጎብኝተዋል ።

የልማት ተቋማቱን የመረቁት አቶ ተመስገን ጥሩነህ ባስተላለፉት መልዕክት ህዝቡ ለሰላሙ ዘብ እንዲቆም እና ለዓባይ ግድብ ቀሪ ስራ ቦንድ በመግዛት የድርሻውን እንዲወጣ አሳስበዋል ።

ነዋሪዎቹ የመብራት ፣የባንክና ወረዳውን ከምስራቅ ጎጃም ዞን አገናኝቶ በአቋራጭ ወደ አዲስ አበባ ለመሄድ የሚያስችለው ዓባይ በረሃን የሚያቋርጠው የአስፖልት መንገድ ስራም እንዲፍጠንላቸው ጠይቀዋል ።

ጥያቄዎቹን ከፌድራል ፣ከዞን እና ወረዳው ጋር በመነጋገር ምላሽ እንሰጣለን ሲሉ አቶ ተመስገን አስታውቀዋል ።

ልዑኩ በነዋሪዎቹ የይፍጠንልን ጥያቄ የቀረበበትን ከሞጣ-ጃራ ገዱ በአንድ ነጥብ 6 ቢሊዮን ብር እየተገነባ ያለውን የኮንክሪት አስፓልት መንገድም ጎብኝቷል ።

ግምባታው 58 በመቶ ግንባታው መጠናቀቁና ግንባተውን እያከናወነ ያለው የቻይናው ኢንጅነሪንግ ግሩፕ ተወካይ በሰጡት ማብራሪያ በተያዘለት የጊዜ ሰሌዳ መሰረት በመልካም አፈጻጸም ላይ እንደሚገኝ አስታውቋል፡፡

መንገዱ በዓባይ ወንዝ ላይ 220 ሜትር ርዝመት ያለው ድልድይ እንደሚገነባለትም ተጠቁሟል፡፡

መንገዱ አካባቢው ትርፍ አምራች በመሆኑ ሲጠናቀቅቆ የተሻለ የንግድ ትስስር ይፈጥራልም ተብሏል ።

በዚሁ የምረቃና ጉብኝት ፕሮግራም የክልሉ ም/ቤት አፈ - ጉባዔ ክብርት ወርቅሰሙ ማሞ ፣ የከልሉ ምክትል ርዕሰ መስተዳደር ዶክተር ፈንታ ማንደፍሮ ፣ የዐማራ ብልፅግና ፖርቲ ጽ/ቤት ኃላፊ አቶ አገኘሁ ተሻገርና ሌሎችም ከፍተኛ አመራሮች ተገኝተዋል ።

ተሳታፊዎቹ ችግኝ በመትከል የአረንጓዴ አሻራቸውንም
እንዳሰረፉ ታውቋል ።

ህግዳ : 22/11/2012  ዓ.ም የዐማራ ክልል ም/ቤት በጀትና ሹመቶችን በማፅደቅ መጠናቀቁ ተገለጠ ።ለሁለት ቀናት በባህርዳር ከተማ የተካሄደው የም/ቤቱ 5ኛ ዙር ፣ 5 ዓመት 16ኛ መደበኛ...
30/07/2020

ህግዳ : 22/11/2012 ዓ.ም የዐማራ ክልል ም/ቤት በጀትና ሹመቶችን በማፅደቅ መጠናቀቁ ተገለጠ ።

ለሁለት ቀናት በባህርዳር ከተማ የተካሄደው የም/ቤቱ 5ኛ ዙር ፣ 5 ዓመት 16ኛ መደበኛ ጉባዔ የክልሉ የ2013 በጀት 62 ነጥብ 7 ቢሊዮን ብር እንዲሆን የቀረበለትን አፅድቋል።

ከፀደቀው በጀት 24 ነጥብ 1 ቢሊዮን ብሩ ከክልሉ የሚሰበሰብ፣ 38 ነጥብ 4 ቢሊዮን ብሩ ከማዕከላዊ መንግስት ድጋፍ እና ዜሮ ነጥብ 2 ቢሊዮን ብሩ ደግሞ ከውጭ ዕርዳታ የሚገኝ መሆኑ ታውቋል።

የ2013 በጀት ካምናው ጋር ሲነጻጸር በ15 ነጥብ 3 ቢሊዮን (32.4 ከመቶ) እና የማዕከላዊ መንግስት የሰጠው በጀትም እንዲሁ በ23 በመቶ ጭማሪ አለው ።

ምንም እንኳን በጀቱ ጭማሪ ቢኖረውም የሳንባ ቆልፍ (ኮሮና ቫረስ ወረርሽኝን) ለመቋቋም ከሚያስፈገው አንጻር ሲታይ ግን በቂ አለመሆኑን የክልሉ ገንዘብና ኢኮኖሚ ልማ ቢሮ ኃላፊ ዶክተር ጥላሁን መሃሪ ለም/ቤቱ ተናግዋል።

ጉባዔው በክልሉ ርዕሰ መስተዳድር የተከበሩ አቶ ተመስገን ጥሩነህ አቅራቢነት ለክልሉ ቴክኒክ ሙያና ኢንተርፕራይዝ ልማት ቢሮ ኃላፊነት በእጩነት የቀረቡትን የአቶ አረጋ ከበደ ለጋስን ሹመትም በአንድ ድሞፀ -ታቅቦ በአብላጫ ድምፅ አፅድቋል።

አቶ አረጋ የመጀመሪያ ድግሪያቸውን በልማት አስተዳደር እና ሁለተኛ ድግሪያቸውን ደግሞ በንግድ ስራ አመራር በከፍተኛ ማዕረግ እንዳጠናቀቁ በቀረበው ግለ- ታሪካቸው ላይ ተመልክቷል።

ምክር ቤቱ ከዚህ በተጨማሪም ለጠቅላይ ፍርድ ቤት ዳኝነት የቀረቡትን የ14 ዳኞች ሹመትም በአንድ ተቃውሞ በአብላጫ ድምፅ አፅድቋል ።

የአራት ለከፍተኛ ፍርድ ቤት ፕሬዝዳንት የቀረቡትን እና የ166 አዲስ የወረዳ ፍርድ ቤት ዳኞችን ሹመት በሙሉ ድምጽ አፅድቋል ።

ተሿሚዎችን በም/ ቤቱ ፊት ቃለ- መሃላ እንዲፈፅሙ በማድረግ ምቤቱ የሁለት ቀናት ቆይታውን በሰላም አጠናቋል ።

ፎቶ : ከዐማራ መገናኛ ብዙኃን ድርጅት ማህበራዊ ትስስር (page)

ህግዳ : 17/11/2012  ዓ. ም የዓባይ ግድብ የመጀመሪያ ዙር የውኃ ሙሊት መጠናቀቅ ዓባይ ስም ከተግባሩ ጋር እንዲሰምር የሚያስችል ነው ሲሉ አቶ ተመስገን ጥሩነህ ገለጡ ። የዐማራ ክልል...
26/07/2020

ህግዳ : 17/11/2012 ዓ. ም የዓባይ ግድብ የመጀመሪያ ዙር የውኃ ሙሊት መጠናቀቅ ዓባይ ስም ከተግባሩ ጋር እንዲሰምር የሚያስችል ነው ሲሉ አቶ ተመስገን ጥሩነህ ገለጡ ።

የዐማራ ክልል ርዕሰ መስተዳደር አቶ ተመስገን ጥሩነህ ይህን የገለጡት የመጀመሪያው ዙር የግድቡ የውኃ ሙሊቱ መጠናቀቁን አስመልክተው ባስተላለፉት የእንኳን ደስ ያላችሁ መልዕክት ነው ።

በመልዕክታቸውም ‘‘የዓባይ ግድብ ዛሬ እንደስሙ ሆነ፤ ዓባይ ትልቅ ማለት ነው። ‘‘ዓባይ ስለእርሱ ሲባልበት የኖረውን ትርክት ሁሉ ሰበረ። አገሩን አይጠቅምም፤ ለወገኑ አይሆንም ይባል ነበር። ዛሬ ዓባይ ቃሉን በተግባር ቀየረ’’ ብለዋል።

የሺህ ዓመታትን ታሪክ የቀየረው ግድቡና የውኃ ሙሊቱ ‘‘ከተሠራ የማይቀየር የለም፤ ዓባይን ለአገር ጥቅም ማዋል ከተቻለ ሌሎችንም ሀብቶቻችንን ጥቅም ላይ ለማዋል እንድንችል በር ይከፍታልም’’ ሲሉ ገልጠዋል።

‘‘ዓባይ በምጥ ነብስ ዘራ’’ ሲሉ ኢትዮጵያውያን ግድቡን ከዚህ ደረጃ ለማድረስ የጣሩትን ፈታኝ ጥረት በማመስገን ያመለከቱት አቶ ተመስገን ‘‘ብዙዎች ዶልተውበት፤ ባንዳ ሆነው አገራዊ ክብራቸውን ሽጠው ለትዝብት የተዳረጉበት አጋጣሚንም አስተውለንበታል ብለዋል ።

ኢትዮዽያውያን ከአዲሱ የለውጥ አመራር ጋር በጋራና በትብብር የአገራዊ አደራ እና ክብር ምንነትን፣ከሆድ አደርነት ነፃ ሆኖ ዓባይ የአገር ኩራት እንጂ ባላንጣ ላይሆን በተግባር አገር በቀል አድርገውታልም’’ ብለዋል።

የክልሉ ህዝብና መንግስት የዓባይ የማጠቃለያ ምዕራፍ የሆነውን ዘላቂ ተጠቃሚነትን በቀጣይነት ለማረጋገጥ "የአረንጓዴ አሻራን ተግባራዊ ማድረግን ጨምሮ ማንኛውንም የሚጠበቅባቸውን ተግባር ለማከናወን እንደከዚህ ቀደሙ ሁሉ ዝግጁ መሆናቸውንም አቶ ተመስገን አረጋግጠዋል፡፡

ህግዳ፡ 22/10/2012 ዓ.ም የዐብክመ ርዕሰ መስተዳድር ጽ/ቤት የማኔጅመንት አባላትና አማካሪዎች በጽ/ቤቱ ማቋቋሚያ ደንብ ቁጥር 179/2011 ላይ ውይይት አካሄዱ፡፡የርዕሰ- መስተዳድሩ  ...
29/06/2020

ህግዳ፡ 22/10/2012 ዓ.ም የዐብክመ ርዕሰ መስተዳድር ጽ/ቤት የማኔጅመንት አባላትና አማካሪዎች በጽ/ቤቱ ማቋቋሚያ ደንብ ቁጥር 179/2011 ላይ ውይይት አካሄዱ፡፡

የርዕሰ- መስተዳድሩ ጽ/ቤት የክልል መስተዳድር ምክር ቤቱ አበይት የመወያያ አጀንዳዎች የሚስተናገዱበት፣ የሚጣሩበት ፣ የውሳኔ ሰነዶች ደረጃቸውን በጠበቀ ሁኔታ የሚሰናዱበት እና መረጃዎች ለተጠቃሚዎች የሚሠራጩበት በመሆኑ ደንቡ ሊወጣ መቻሉን የርዕሰ የህግ አማካሪ ባለሙያ የሆኑት አቶ ፈንታሁን አንባየ ገልጠዋል፡፡

ተቋማት ለሁለገብ ልማት መፋጠን ፣ ለዴሞክራሲያዊ ስርዓት ግንባታና ለመልካም አስተዳደር ዘርፎች አተኩረው እንዲሰሩ ደምቡ አጋዥ እንደሚሆን ታምኖበት እንደወጣ ጨምረው ገልጠዋል ።

በክልሉ ውስጥ የተቋቋሙት የተለያዩ አስፈፃሚ አካላት በህግ የተሰጣቸውን ተልዕኮ ለማሳካት በተናጠል የሚያካሂዱት ጥረት በክልል ደረጃ ይበልጥ ተቀናጅቶ የሚመራበትና አፈፃፀማቸውም በየጊዜው እየተገመገመ ከስትራቴጃዊ ግቦች አኳያ የሚቃኝበት ተቋም ሆኖ መውጣት እንዳለበት በመታመኑ ይህ ደንብ ተዘጋጅቷልም ብለዋል፡፡

በዚህ ማቋቋሚ ደንብ መሰረት በቢሮ ሀላፊና ምክትል ሀላፊ ማዕረግ በርዕሰ-መስተዳድሩ የሚሾሙ ዋናና ምክትል ኃላፊዎች፤ የካቢኔ ጉዳዮች ሴክሬታሪያት፤ የህዝብ ቅሬታና የአስተዳደራዊ ፍትህ አገልግሎት ዳይሬክቶሬት፤ የፕሬስና የህዝብ ግንኙነት ዳይሬክቶሬት፤ በሂደትና በንዑስ ሂደት የሚደራጁ ሌሎች ዋናና ደጋፊ የስራ ክፍሎች እንዲኖሩት በደምቡ መመላከቱ ታውቋል፡፡

በውይይቱ ይህን ደምብ ተከትሎ የተዘጋጀው የዐማራ ብሔራዊ ክልላዊ መንግስት የህዝብ ቅሬታዎች አቀራረብ፣ምርመራና አስተዳደራዊ ውሳኔ አሰጣጥ መመሪያ ቁጥር 2/2012 ላይም በዕለቱ ውይይት ተካሄዷል፡፡

ተወያዩቹ በደምቡ ጥንካሬና ድክመቶች ላይ ማብራሪያ ያስፈልጋቸዋል ያሉትን የተለያዩ ጥያቄዎችንና አስተያየቶች ያነሱ ሲሆን በቀጣይም ጽ/ቤቱ ካለው የስራ ጫና አኳያ ታይቶ ተጨማሪ ማብራሪያና መካተት ያለባቸው ጉዳዩች በጥናት እንዲመለሱ ሀሳብ አቅርበዋል፡፡

የርዕሰ መስተዳድሩ የህግ አማካሪ አቶ መርሃ ጽድቅ መኮንን ተገኝተው በሰጡት ማብራሪያ የደንቡ መዘጋጀት ዋና ዓላማ ለርዕሰ-መስተዳድሩ ፣ በእርሳቸው የሚመራው ከፍተኛ አካል ህገ-መንግስታዊ ኃላፊነቱን በብቃት እና በግልጠኝነት ለመወጣት የሚያስችለውን ሁለገብ ድጋፍ ለመስጠት መሆኑን አማካሪው ገልጠዋል ።

ክልል-አቀፍ አስፈፃሚ መስሪያ ቤቶችና በተዋረድ ከሚቆጣጠራቸው የየርከኑ አስተዳደር አካላት ጋር ያሉት ግንኙነቶች እንዲሳለጡና በሕግ የበላይነት ላይ ተመስርተው እንዲተገበሩ ማድረግም የደምቡ ተጨማሪ ዓላማ መሆኑን አማካሪው ተናግረዋል ።

እንደ የህዝብ ቅሬታና የአስተዳደራዊ ፍትህ አገልግሎት ዳይሬክቶሬት ሌሎች በደንቡ የተቀመጡ የጽ/ቤት አደረጀጀቶች የአሰራር መመሪያ ሊኖራቸው እንደሚገባ ጠቁመዋል፡፡

የጽ/ቤቱ ኃላፊ ወ/ሮ ሰብለወርቅ አስማማው በበኩላቸው ደንቡ ጽ/ቤቱ ካለው የስራ ጫና እና የህዝቡ አገልግሎት ፍላጐት መጨመር ጋር ተያይዞ በቀጣይ በደንቡ ሊካተቱ እና ሊስተካከሉ የሚገባቸው ካሉ በጥናት ላይ ተመስርቶ ከባለድርሻ አካላት ጋር ፖናል ውይይት በማዘጋጀት መምከር እንደሚገባ አስታውቀዋል ።

Address

Bahir Dar, Ethiopia
Bahir Dar

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+251-582200924

Alerts

Be the first to know and let us send you an email when Amhara National Regional State Head of Government Office posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amhara National Regional State Head of Government Office:

Videos