Amhara Water Development Fund

Amhara Water Development Fund Contact information, map and directions, contact form, opening hours, services, ratings, photos, videos and announcements from Amhara Water Development Fund, Government Organization, Bahir Dar.

ANRS Office of Water Development Fund is an Institution established to be the main source of fund for the supply of potable water and provision of sanitation services in Amhara Region.

ዳኝነት ፈንታ መኮንን (ዶ/ር/ኢ/ር) ከመስከረም 21/2019 ጀምሮ በድጋሜ የአብክመ የውኃና ኢነርጂ ቢሮ ኃላፊ በመሆን ተሾመዋል። መልካም የስራ ዘመንየአብክመ ውኃ ልማት ፈንድ ጽ/ቤት
02/10/2026

ዳኝነት ፈንታ መኮንን (ዶ/ር/ኢ/ር) ከመስከረም 21/2019 ጀምሮ በድጋሜ የአብክመ የውኃና ኢነርጂ ቢሮ ኃላፊ በመሆን ተሾመዋል።
መልካም የስራ ዘመን

የአብክመ ውኃ ልማት ፈንድ ጽ/ቤት

የአብክመ ውኃ ልማት ፈንድ ጽ/ቤት ለመላው የክርስትና እምነት ተከታዮች እንኳን ለብርሃነ መስቀሉና ለደመራ በዓል በሰላም አደረሳችሁ። የመስቀል በዓል የፍቅር፣ የሰላም፣ የአንድነትና የመቻቻል ...
26/09/2026

የአብክመ ውኃ ልማት ፈንድ ጽ/ቤት
ለመላው የክርስትና እምነት ተከታዮች እንኳን ለብርሃነ መስቀሉና ለደመራ በዓል በሰላም አደረሳችሁ።

የመስቀል በዓል የፍቅር፣ የሰላም፣ የአንድነትና የመቻቻል ምልክት እንደመሆኑ መጠን በዓሉን ስናከብር የተቸገሩትን በመደገፍ፣ አቅመ ደካሞችን በማሰብና የተጣሉትን በማስታረቅ ሊሆን ይገባል።

እንደ ክርስትና እምነት አስተምህሮ ​መስቀል የሰው ልጅ ከጨለማ ወደ ብርሃን የተሸጋገረበት ታላቅ የመዳን ምልክት በመሆኑ፣ በዓሉን ስናከብርም ይበልጥ ለዘርፋችን ልማት፣ ለህዝባችን ሰላምና መረጋጋት፣ ለአንድነት እና አብሮነት በትጋት መስራት ይገባል።

ጽ/ቤቱ ​በድጋሜ እንኳን ለብርሃነ መስቀሉና ለደመራ በዓል በሰላም አደረሳችሁ እያለ በዓሉ የሰላም፣ የፍቅር፣ የጤናና የደስታ በዓል እንዲሆን መልካም ምኞቱን ይገልጻል።

​መልካም የደመራና የመስቀል በዓል!

የአማራ ክልል ውሃ ልማት ፈንድ ፅ/ቤት ለከሚሴ ከተማ መጠጥ ውሃና ፍሳሽ አገልግሎት ድርጅቶች ሰራተኞች እና አመራሮች የአቅም ግንባታ ስልጠና እየተሰጠ ነው።መስከረም 15/2019 ከሚሴ ከተማ...
25/09/2026

የአማራ ክልል ውሃ ልማት ፈንድ ፅ/ቤት ለከሚሴ ከተማ መጠጥ ውሃና ፍሳሽ አገልግሎት ድርጅቶች ሰራተኞች እና አመራሮች የአቅም ግንባታ ስልጠና እየተሰጠ ነው።

መስከረም 15/2019 ከሚሴ ከተማ ኮሙኒኬሽን ፅ/ቤት
የአማራ ክልል ውሃ ልማት ፈንድ ፅ/ቤት በኦሮሞ ብሐረሰብ ዞን ለከሚሴ ከተማ መጠጥ ውሃና ፍሳሽ አገልግሎት ድርጅቶች ሰራቸኞችና ሀላፊዎች የአቅም ማጎልበቻ ከመስከረም 15-16/2019 ድረስ የሚቆይ የአቅም ግንባታ ስልጠናዎችን በመሰጠት ላይ ይገኛል።

የከሚሴ ከተማ መጠጥ ውሃና ፍሳሽ አገልግሎት ድርጅቶች ዋና ስራስኪያጅ ወ/ሮ መሬማ አብዱ በመክፈቻ ንግግራቸው እንደገለፁት ስልጠና የሚሰጡት ርዕሰ ጉዳዮች ለተቋማችን ሰራተኞች ወሳኝ እና አስፈላጊ በመሆናቸው እና ለበጀት አመቱም ለምንሰራቸው ተግባራት ሰንቅ የሚሆን በመሆኑ ሰልጠናው ልዩ ያደርገዋል ብለዋል።

ኃላፊዋ እንዳሉት የስልጠናው ተሳታፊዎች ስልጠናው በተያዘለት ጊዜ ገደብ ውስጥ እንዲጠናቀቅ ለሁላችሁም የበኩላችሁን በመወጣት ስልጠናውን በአግባቡ መከታተል ይኖርባችኋል ሲሉም ገልፀዋል።

የክልሉ ውሃ ልማት ፈንድ ጽ/ቤት በአራት ዋና ዋና ጉዳዮች ለይ ሰልጠናው እየሰጠ ያለ ሲሆን እነሱም በተቋም ግንባታ አስፈላጊነት ፣የጊዜ አጠቃቀም ባህላችንን ዙሪያ ላይ ፣በአገልግሎት አሰጣጥ እና የለውጥ አፈላጊነት ላይ ያተኮረ ስልጠና እየተሰጠ ይገኛል ።

የስልጠናውን ሰነድ ያቀረቡት የአማራ ክልል ውሃ ልማት ፈንድ ፅ/ቤት ኃላፊ አቶ አደም ወርቁ አቅርበዋል።

ህብረተሰቡን በቅንነትና በታማኝነት ለማገልገል ብቁና ክህሎቱ የዳበረ የሰው ኃይል ለመገንባት እየሰራ መሆኑን የኮምቦልቻ ከተማ የመጠጥ ውሃና ፍሳሽ አገልግሎት ድርጅት ገለፀ።ኮምቦልቻ ኮሙኒኬሽን...
22/09/2026

ህብረተሰቡን በቅንነትና በታማኝነት ለማገልገል ብቁና ክህሎቱ የዳበረ የሰው ኃይል ለመገንባት እየሰራ መሆኑን የኮምቦልቻ ከተማ የመጠጥ ውሃና ፍሳሽ አገልግሎት ድርጅት ገለፀ።

ኮምቦልቻ ኮሙኒኬሽን መስከረም 12/2019 ዓ.ም የአማራ ክልል ውሃ ልማት ፈንድ ጽሕፈት ቤት ለኮምቦልቻ ከተማ የመጠጥ ውሃና ፍሳሽ አገልግሎት ድርጅት ሠራተኞች እና የሥራ መሪዎች በተቋም ግንባታ፣ የጊዜ አጠቃቀም፣ የአገልግሎት አሰጣጥ እና የለውጥ አስፈላጊነት ላይ ያተኮረ የአቅም ማጎልበቻ ስልጠና እየሰጠ ነው ።

​የአማራ ክልል ውኃ ልማት ፈንድ ጽሕፈት ቤት ዋና ሥራ አስኪያጅ አቶ አደም ወርቁ ሳላህ እንደገለጹት፤ ህብረተሰቡን በቅንነትና በብቃት ለማገልገል ቀና አስተሳሰብ ያለውና ለለውጥ የተዘጋጀ የሰው ሀይል መገንባት ወሳኝ ነው ብለዋል።

ዘመናዊና ቀልጣፋ አገልግሎት የሚሰጥ ተቋም ከተገነባ የህዝብን የመጠጥ ውሃና ፍሳሽ ጥያቄ በዘላቂነት ለመመለስ መሰረት ነው ብለዋል።

ጊዜን በአግባቡና በጥራት መጠቀም የሥራ ውጤታማነትን ለማሳደግና የአገልግሎት አሰጣጥ ባህላችንን ለመለወጥ ያስችላል ብለዋል ።

ደንበኛን ማዕከል ያደረገ፣ ፈጣን እና ፍትሃዊ አገልግሎት መስጠት የተቋሙ ዋነኛ ተልዕኮ መሆኑን መገንዘብ እንደሚገባም አሳስበዋል።

አሰራርንና አስተሳሰብን በየጊዜው በማሻሻል የሚመጡ አዳዲስ አሰራሮችን መቀበል ለተቋሙ እድገት መረጋገጥ ቁልፍ ተግባር መሆኑን አስገንዝበዋል።

የኮምቦልቻ ከተማ መጠጥ ውሃና ፋሳሽ አገልግሎት ድርጅት ሥራ አስኪያጅ አቶ ሰይድ ሁሴን በበኩላቸው፤ የተቋሙን አጠቃላይ የአገልግሎት አቅም ወደ ላቀ ደረጃ ለማሸጋገር፣ የውሃ ምርትና ስርጭት ግቦችን ለማሳካት እንዲሁም የማህበራዊ ኃላፊነት ዕቅዶችን ስኬታማ ለማድረግ በመሠጠት ላይ እንደሚገኘው አይነት የክህሎትና የአመለካከት ማጎልበቻ ስልጠናዎች ወሳኝና አስፈላጊ መሆናቸውን አብራርተዋል።

​ ድርጅቱ በ2019 በጀት ዓመት የውሃ ምርት፣ ስርጭትና ብክነት ቅነሳ ግቦች ትኩረት ስጥቶ ይስራል ብለዋል። ​የውሃ ምርት፦ ባለፈው ዓመት ከተመረተው 4 ሚሊዮን 747 ሺህ 223 ሜ.ኩዩብ ምርትን በተያዘው በጀት ዓመት ወደ 5 ሚሊዮን 469 ሺህ 921 ሜ.ኩዩብ ለማሳደግ እየተሰራ ነው ብለዋል።

​የውሃ ስርጭት፦ በ2018 ዓ.ም ከነበረው 3 ሚሊዮን 700 ሺህ 265 ሜ.ኩዩብ ስርጭትን በበጀት ዓመቱ ወደ 4 ሚሊዮን 321 ሺህ 237 ሜ.ኩዩብ ለማሳደግ መታቀዱንም ገልፀዋል።

በ2018 የነበረውን 22.5 በመቶ የውሃ ብክነት በ2019 በጀት ዓመት ወደ 21 በመቶ ዝቅ ለማድረግ ግብ ተይዟል ብለዋል ።

ድርጅቱ ከአገልግሎት አሰጣጡ ጎን ለጎን ማህበራዊ ኃላፊነቱን በመወጣት ረገድ አበራች የሆኑ ተግባራትን እያከናወነ ይገኛል ያሉት ስራ አስኪያጁ ለ10 አቅመ ደካሞችና አካል ጉዳተኞች 200,ሺህ ብር ወጪ በማድረግ በመኖሪያ ቤታቸው የውሃ መስመር በማስገባት የንጹህ መጠጥ ውሃ ተጠቃሚ ማድረግ መቻሉን ጠቁመዋል።

​ለ2 አቅመ ደካሞች የመኖሪያ ቤት እድሳትን ጨምሮ ለተማሪዎች የትምህርት ቤት የምገባን በዘላቂነት ለመደገፍ 2 ሚሊዮን ብር በሥራ አመራር ቦርዱ አስወስኖ ወደ ሥራ ገብቷል ብለዋል ።

ወላጆቻቸውን ላጡ 13 ህፃናት በየወሩ በቋሚነት የገንዘብና የቁሳቁስ ድጋፍ እያደረገ መሆኑን አብራርተዋል።

የስልጠናው ተሳታፊዎች በበኩላቸው፤ የተሰጣቸው የአቅም ማጎልበቻ ስልጠና በጊዜ አጠቃቀም፣ በስራ ቅልጥፍና እና በደንበኞች መስተንግዶ ላይ የነበራቸውን አመለካከት እንዳሻሻለው ገልፀዋል ።

ከስልጠናው ቀና አስተሳሰብ እና የለውጥ ዝግጁነት ለተቋም ግንባታ መሠረታዊ ጉዳይ መሆኑን በመጠቆም፤ ያገኟቸውን እውቀቶችና ክህሎቶች ወደ ተግባር በመቀየር ህብረተሰቡን በታማኝነት እና በቅንነት ለማገልገል ዝግጁ መሆናቸውን አረጋግጠዋል።

ስልጠው ከመስከረም 12-13/2019 ዓ.ም ለሁለት ተከታታይ ቀናት እንደሚቆይም ከወጣው የስልጠና መርሀ ግብር ለማወቅ ተችሏል።

የጎንደር ከተማ ውሃና ፍሳሽ አገልግሎት ድርጅት የሰጠው የለውጥ ተኮር አቅም ግንባታ ስልጠና በስኬት ተጠናቀቀ። የጎንደር ከተማ ውሃና ፍሳሽ አገልግሎት ድርጅት ከተቋሙ ጠንካራ የለውጥ መሠረት ...
19/09/2026

የጎንደር ከተማ ውሃና ፍሳሽ አገልግሎት ድርጅት የሰጠው የለውጥ ተኮር አቅም ግንባታ ስልጠና በስኬት ተጠናቀቀ።

የጎንደር ከተማ ውሃና ፍሳሽ አገልግሎት ድርጅት ከተቋሙ ጠንካራ የለውጥ መሠረት ለመጣልና ደንበኛ ተኮር አገልግሎትን ለማስፈን ያለመው የሁለት ቀናት የአቅም ግንባታ ስልጠና በስኬት መጠናቀቁን አስታወቀ።

ከመስከረም 08 ቀን 2019 ዓ.ም ጀምሮ እስከ መስከረም 09 ቀን 2019 ዓ.ም ድረስ በተከታታይ ቀናት ሲሰጥ የቆየው በዚህ ስልጠና ላይ ከሰባ በላይ የተቋሙ አመራሮችና ሰራተኞች ተሳትፈውበታል።

የድርጅቱ ዋና ስራ አስኪያጅ አቶ ላቂያው አንዳርጌ በስልጠናው ማጠቃለያ ላይ እንደገለጹት፤ ተቋሙን በተለያዩ ዘርፎች ለመገንባትና የጋራ ራዕይ ሰንቆ ለመጓዝ መሰል የለውጥ ስራዎች እና ስልጠናዎች እጅግ አስፈላጊ ናቸው።

ስልጠናው በዋናነት ደንበኛ ተኮር አገልግሎትን ማጠናከር፣ የህዝብን እርካታ ማሳደግ እና የጊዜ አጠቃቀምን ማሻሻል ላይ ያተኮረ መሆኑን አስታውሰዋል።

ሰልጣኞች አሁን ባገኙት የላቀ ዝግጁነት ወደ ስራ በመግባት በቀጣይ በጀት ዓመት የተሻለ የስራ አፈፃፀም እንደሚያስመዘግቡም ዋና ስራ አስኪያጁ እምነታቸውን ገልጸዋል።

ስልጠናውን የሰጡት የአማራ ክልል ውሃ ልማት ፈንድ ጽ/ቤት ኃላፊ አቶ አደም ወርቁ በበኩላቸው፤ የውሃ ልማት ፈንድ የአገልግሎት አሰጣጥን የሚያሳልጡና አቅም የሚፈጥሩ መሰል ስልጠናዎችን በቁርጠኝነት መደገፉን እንደሚቀጥል አረጋግጠዋል።

ከተሞች በአሁኑ ወቅት ምን ይጎላቸዋል የሚለውን በመለየት በተቋም ግንባታ ላይ በትኩረት ከተሰራ አገልግሎትን ማሳለጥ እንደሚቻልም ኃላፊው በድጋሚ አስገንዝበዋል።

ይህ ስልጠና ድርጅቱ በአሁኑ ወቅት ያለበትንና ወደፊት ሊደርስበት የሚገባውን ግብ በግልጽ አስልቶ እንዲንቀሳቀስ ከመረዳቱ ባሻገር፤ በመልካም አስተዳደር ዙሪያ የሚታዩ እጥረቶችን ለመቅረፍ እና የጊዜን ውድነት በተግባር ለመተርጎም ትልቅ አቅም እንደሚፈጥር ተመላክቷል።

ለድርጅቱ የስራ መሪዎችና ሰራተኞች የተሰጠው ይህ የአቅም ግንባታ ስልጠና፤ በተቋሙ የቆየ የአሰራር ልምድ ላይ አዲስ መነቃቃትን በመፍጠር የአገልግሎት ጥራትን በማሻሻል ረገድ ከፍተኛ ሚና ይኖረዋል ተብሎ ይጠበቃል።

ይህ ስልጠና የአብክመ ውሃ ልማት ፈንድ ፅ/ቤት ከጎንደር ከተማ ውሃና ፍሳሽ አገልግሎት ድርጅት ጋር በመተባበር ያዘጋጁት መሆኑ ይታወቃል።

የጎንደር ከተማ ውሃና ፍሳሽ አገልግሎት ድርጅት ደንበኞች አገልግሎትና ህዝብ ግንኙነት

የጎንደር ከተማ ውሃና ፍሳሽ አገልግሎት ድርጅት ለውጥ ተኮር የአቅም ግንባታ ስልጠና መስጠት ጀመረ።የጎንደር ከተማ ውሃና ፍሳሽ አገልግሎት ድርጅት በተቋሙ ውስጥ ጠንካራ የለውጥ መሠረት ለመጣል...
18/09/2026

የጎንደር ከተማ ውሃና ፍሳሽ አገልግሎት ድርጅት ለውጥ ተኮር የአቅም ግንባታ ስልጠና መስጠት ጀመረ።
የጎንደር ከተማ ውሃና ፍሳሽ አገልግሎት ድርጅት በተቋሙ ውስጥ ጠንካራ የለውጥ መሠረት ለመጣልና ደንበኛ ተኮር አገልግሎትን ለማስፈን ያለመ የአቅም ግንባታ ስልጠና መስጠት መጀመሩን አስታወቀ። ከመስከረም 08 ቀን 2019 ዓ.ም ጀምሮ እስከ መስከረም 10 ቀን 2019 ዓ.ም ድረስ ለተከታታይ ቀናት በሚቆየው በዚህ ስልጠና ላይ ከሰባ በላይ የተቋሙ አመራሮችና ሰራተኞች በመሳተፍ ላይ ይገኛሉ።
የድርጅቱ ዋና ስራ አስኪያጅ አቶ ላቂያው አንዳርጌ በስልጠናው መክፈቻ ላይ እንደገለጹት፤ ተቋሙን በተለያዩ ዘርፎች ለመገንባትና የጋራ ራዕይ ሰንቆ ለመጓዝ የለውጥ ስራዎች እጅግ አስፈላጊ ናቸው። ስልጠናው በዋናነት ደንበኛ ተኮር አገልግሎትን ማጠናከር፣ የህዝብን እርካታ ማሳደግ፣ የጊዜ አጠቃቀምን ማሻሻል እና በላቀ ዝግጁነት ወደ ስራ በመግባት በቀጣይ በጀት ዓመት የተሻለ የስራ አፈፃፀም ማስመዝገብን ታሳቢ ያደረገ መሆኑን አብራርተዋል።
ስልጠናውን የሚሰጡት የአማራ ክልል ውሃ ልማት ፈንድ ጽ/ቤት ኃላፊ አቶ አደም ወርቁ በበኩላቸው፤ የውሃ ልማት ፈንድ የአገልግሎት አሰጣጥን የሚያሳልጡና አቅም የሚፈጥሩ መሰል ስልጠናዎችን በቁርጠኝነት እንደሚደግፍ ገልጸዋል።
ኃላፊው አያይዘውም «ከተሞች በአሁኑ ወቅት ምን ይጎላቸዋል?» የሚለውን መለየት እንደሚገባ ጠቁመው፤ በተቋም ግንባታ ላይ በትኩረት ከተሰራ አገልግሎትን ማሳለጥ እንደሚቻል አስገንዝበዋል። ይህ ስልጠና ድርጅቱ በአሁኑ ወቅት ያለበትንና ወደፊት ሊደርስበት የሚገባውን ግብ በግልጽ አስልቶ እንዲንቀሳቀስ ከመረዳቱ ባሻገር፤ በመልካም አስተዳደር ዙሪያ የሚታዩ እጥረቶችን ለመቅረፍ እና የጊዜን ውድነት በተግባር ለመተርጎም ትልቅ አቅም እንደሚፈጥር አስረድተዋል።
ለድርጅቱ የስራ መሪዎችና ሰራተኞች የሚሰጠው ይህ የአቅም ግንባታ ስልጠና፤ በተቋሙ የቆየ የአሰራር ልምድ ላይ አዲስ መነቃቃትን በመፍጠር የአገልግሎት ጥራትን በማሻሻል ረገድ ከፍተኛ ሚና ይኖረዋል ተብሎ ይጠበቃል።ስልጠናው የአብክመ ውሃ ልማት ፈንድ ፅ/ቤት ከጎንደር ከተማ ውሃና ፍሳሽ አገልግሎት ድርጅት ጋር በመተባበር የሚሰጥ ነው።

የጎንደር ከተማ ውሃና ፍሳሽ አገልግሎት ድርጅት ደንበኞች አገልግሎትና ህዝብ ግንኙነት

በበጀት ዓመቱ በጅምር ላይ ያሉ የመጠጥ ውሃ ፕሮጀክቶች በልዩ ትኩረት ተይዘው ይጠናቀቃሉ" አቶ አደም ወርቁ የአማራ ክልል ውሃ ልማት ፈንድ ጽ/ቤት ዋና ስራ አስኪያጅ ዋና ስራ አስኪያጁ ይህን...
18/09/2026

በበጀት ዓመቱ በጅምር ላይ ያሉ የመጠጥ ውሃ ፕሮጀክቶች በልዩ ትኩረት ተይዘው ይጠናቀቃሉ" አቶ አደም ወርቁ የአማራ ክልል ውሃ ልማት ፈንድ ጽ/ቤት ዋና ስራ አስኪያጅ

ዋና ስራ አስኪያጁ ይህንን ያሉት የማዕከላዊ ጎንደር ዞን ውሃና ኢነርጂ መምሪያ ለሁለት ቀናት ሲያካሂድ በቆየው የ2018 በጀት አመት እቅድ አፈፃፀም ግምገማና የ2019 በጀት አመት እቅድ ትውውቅ መድረክ ማጠቃለያ ነው።

​አቶ አደም እንደገለጹት ህብረተሰቡን የንጹህ መጠጥ ውሃ ተጠቃሚ ለማድረግ የተጀመሩ ፕሮጀክቶች በተቀመጠላቸው የጊዜ ሰሌዳና የጥራት ደረጃ ተጠናቀው ለአገልግሎት እንዲበቁ ማድረግ የጽሕፈት ቤቱ ዋና ትኩረትሆናቸውን ገልፀው በተለይም በፋይናንስ፣ በቁሳቁስ አቅርቦትና በኮንትራክተሮች አፈጻጸም በኩል የሚታዩ ማነቆዎችን በመለየት ፈጣን የመፍትሔ እርምጃ ይወሰዳልም ብለዋል።

የዞኑ ውሃ መምሪያ ኃላፊ አቶ ሙሉጌታ ንጋቴ እንዳሉትም በበጀት አመቱ የሚሠሩ የመጠጥ ውሃ ፕሮጀክቶች በህዝብ ንቅናቄ ማሠራትና ማስመረቅ ትኩረት ተሰጥቶት የሚሰራ ሲሆን በዞኑ በበጀት ዓመቱ የሚሠሩ የውሃና ኢነርጂ ስራዎች 40 በመቶ በህብረተሠብ ተሳትፎ ይሸፈናል ብለዋል።

በመድረኩ በዛሬው ዕለት የ2019 በጀት ዓመት ዓመታዊ የመምሪያው ዕቅድ ቀርቧል።

ከዚህ ጋር ተያይዞ የቀረበውን ዕቅድ በህዝብ ንቅናቄ ለማስፈፀም ከወረዳ ማዕከል ጀምሮ በከተሞች በቀበሌና በጎጥ እንዲሁም ውሃ ጣቢያ ድረስ በነባር የውሃ ተቋማት ደረጃ የተጠቃሚ ውይይት እና በአዲስ በሚገነቡ የውሃ ተቋማት የህዝብ ንቅናቄ መድረክ እንዲካሄድ ዝርዝር የንቅናቄ ዕቅድ ቀርቧል።
በቀረበው እቅድ ላይም በስፋት ውይይት ተደርጎበታል።

በመጨረሻም በዞኑ ከሚገኙ ወረዳዎችና ከተማ አስተዳደሮች የተሻለ አፈፃፀም ያስመዘገቡ ጽ/ቤቶች እውቅናና ሽልማት ተሰጥቷቸዋል።

በዚህ መሰረትም 1ኛ የምስራቅ ደምቢያ 2ኛ. ላይ አርማጭሆና 3ኛ. ጎንደር ዙሪያ ወረዳዎች የወጡ ሲሆን ከከተማ መጠጥ ውሃና ፍሳሽ አገልግሎት ድርጅቶች 1ኛ. የአርባያ ከተማ፣ 2ኛ. የጯሂት ከተማ እና 3ኛ. የቆላድባ ከተማ በመሆን እውቅና ተሰጥቷቸዋል።

"መሠረተ ልማትን የኢኮኖሚ ማሳለጫ ሞተር አድርጎ መምራት ይገባል" ምክትል ርእሰ መሥተዳድር አብዱ ሁሴን (ዶ.ር)በአማራ ክልል የመሠረተ ልማት ዝርጋታ የሚያከናውኑ ባለድርሻ ተቋማት በ2018 ...
17/09/2026

"መሠረተ ልማትን የኢኮኖሚ ማሳለጫ ሞተር አድርጎ መምራት ይገባል" ምክትል ርእሰ መሥተዳድር አብዱ ሁሴን (ዶ.ር)

በአማራ ክልል የመሠረተ ልማት ዝርጋታ የሚያከናውኑ ባለድርሻ ተቋማት በ2018 በጀት ዓመት የጋራ የዕቅድ ግምገማ እና በ2019 በጀት ዓመት የዕቅድ ትውውቅ ዙሪያ ውይይት አካሂደዋል።

የአማራ ክልል ምክትል ርእሰ መሥተዳድር አብዱ ሁሴን (ዶ.ር) በዚህ ወቅት እንደተናገሩት መሠረተ ልማት የማኅበራዊ እና ኢኮኖሚያዊ ልማት መሠረት ነው። የመሠረተ ልማት ዘርፍ አገልግሎትን የሚያሳልጥ የዛሬ የልማት አሳላጭ የነገ ደግሞ አስቻይ የልማት ዕድል መሠረት ነው ብለዋል።

መሠረተ ልማት መንግሥት ለሕዝብ ቃል ኪዳን የገባቸውን ጉዳዮች ወደ ተጨባጭ አገልግሎት የሚቀይርበት መሳሪያ መኾኑንም ተናግረዋል።

በበጀት ዓመቱ የሚበረታታ የመሠረተ ልማት አፈጻጸም መመዝገቡንም ገልጸዋል። በመንገድ ጥገና፣ በድልድይ ግንባታዎች ሰፊ ሥራዎች መሠራታቸውንም አንስተዋል። በመጠጥ ውኃም ሽፋኑን መሻሻል ተችሏል ነው ያሉት።

በኤሌክትሪክ ኃይልም በሰብስቴሽን ግንባታዎች፣ በማስተላለፊያ መሥመሮች፣ በመልሶ ጥገና እና በተደራሽነት አበረታች ተግባራት መሠራታቸውን አንስተዋል።

በቴሌ አገልግሎትም በርካታ አዳዲስ ጣብያዎች እንዲከፈቱ በማድረግ እና የኔትወርክ ተደራሽነትን በማስፋፋት በኩል ሰፊ ሥራዎች ተከናውነዋል ነው ያሉት። ይህም ስማርት ከተሞችን የመፍጠር እና ለመጭው ጊዜ የዲጂታል ፋይናንስ ሥርዓት ዝግጁነትን ታሳቢ ተደርገው የተከናወኑ ውጤታማ ተግባራት መኾናቸውን አብራርተዋል።

በመሥኖ ልማት ፕሮጀክቶች የጥናት እና ዲዛይን ሥራዎችም የተሻለ አፈጻጸም ተመዝግቧል ነው ያሉት። በግንባታ ፕሮጀክቶችም ክትትል እና ቁጥጥር በማድረግ ከ7 በላይ ቆመው የነበሩ የግንባታ ፕሮጀክቶችን ወደ ሥራ ማሥገባት ተችሏል ነው ያሉት።

በበጀት ዓመቱ በተሻለ ደረጃ የተከናወኑ የመሠረተ ልማት አፈጻጸሞችን በማበረታታት፣ ክፍተት የታየበትን አፈጻጸም ደግሞ መፈተሽ እና በቆራጥነት ለማስተካከል መሥራት ያስፈልጋል ነው ያሉት።

በወረቀት ላይ ብቻ ያለ ዕቅድ ሕዝቡን አይጠቅምም ያሉት ምክትል ርእሰ መሥተዳድሩ ሕዝቡ ዕቅድ ብቻ ሳይኾን ውጤትም እንዲያይ እና ተጨባጭ ጥቅም እንዲያገኝ መሥራት አለብን" ነው ያሉት።

በ2019 በጀት ዓመት የመሠረተ ልማት ዘርፍ "ከዕቅድ ወደ ተግባር፣ የቆሙትን ፕሮጀክቶች ወደ ሥራ ማስገባት፣ ከዘገዩ ፕሮጀክቶች ወደ ፍጥነት፣ ከቃል ኪዳን ወደ ተጨባጭ ውጤት" የሚሉ መርሆዎችን በመከተል መሥራት እንደሚገባ አስገንዝበዋል። ሰላም እና ልማትን አጀንዳነት በመያዝ በቁርጠኝነት መምራት እንደሚገባም አሳስበዋል።

"መሠረተ ልማትን የኢኮኖሚ ማሳለጫ ሞተር አድርጎ መምራት ይገባል" ብለዋል። መንገድን፣ መሥኖን፣ ኤሌክትሪክን፣ እና ሌሎችንም መሠረተ ልማቶች ለኢኮኖሚው ማሳለጫ አድርጎ በትኩረት መሥራት እንደሚገባም አሳስበዋል።

በበጀት ዓመቱ ለእያንዳንዱ ፕሮጀክት ባለቤት በመስጠት፣ የሚያጋጥሙ ችግሮችን ተከታትሎ በመፍታት፣ ተጠያቂነትን በማረጋገጥ መምራት እንደሚያስፈልግም አስገንዝበዋል።

በዚህም ግልጽ እና አንድ ዓላማ በመያዝ በበጀት ዓመቱ ፕሮጀክቶች ከወረቀት ወደ መሬት፣ ወደ ማጠናቀቅ እና ወደ ኢኮኖሚያዊ ተጠቃሚነት የሚሸጋገሩበት ዓመት መኾን አለበት ብለዋል። ይህም ከሁሉም የመሠረተ ልማትን ከሚመሩ ተቋማት የሚጠበቅ ስለመሆኑም አሳስበዋል።

የአብክመ ዉኃ ልማት ፈንድ ጽ/ቤት ለመላዉ የአማራ ክልል ህዝብ እና ኢትዮጵያዉያን አንኳን ለ2019 የኢትዮጵያዉያን አዲስ አመት በሰላም አደረሰን አደረሳችሁ እያለ አዲሱ አመት፤ አዲሥ እቅድ...
11/09/2026

የአብክመ ዉኃ ልማት ፈንድ ጽ/ቤት ለመላዉ የአማራ ክልል ህዝብ እና ኢትዮጵያዉያን አንኳን ለ2019 የኢትዮጵያዉያን አዲስ አመት በሰላም አደረሰን አደረሳችሁ እያለ አዲሱ አመት፤ አዲሥ እቅድ በአዲሥ መንፈሥ፣ ከባለፈው አመት እየተማርን ለመጭው አዲሥ እቅድ ሥኬት በትብብር የምንተጋበት፣ ፍቅርና ይቅርታ፣ መተሣሠብ እና አንድነት፥ ሀብት እና በረከት፣ ሰላምና ደስታ የበዛበት እና ልማትና ብልፅግና ዕውን የሚሆንበት አመት እንዲሆን ይመኛል።
መልካም በዓል

እንኳን ለ2019 አዲስ አመት አደረሳችሁ!***************አዲሱ አመት የሰላም"፣የፍቅርና የስኬት እንዲሆንልን እንመኛለን! መልካም አዲስ አመት የአብክመ ውኃ ልማት ፈንድ በራስ አቅም ...
10/09/2026

እንኳን ለ2019 አዲስ አመት አደረሳችሁ!
***************
አዲሱ አመት የሰላም"፣የፍቅርና የስኬት እንዲሆንልን እንመኛለን! መልካም አዲስ አመት

የአብክመ ውኃ ልማት ፈንድ በራስ አቅም ሃብትን በማሰባሰብና በመቆጠብ የከተሞችን የንፁህ መጠጥ ውኃ ፍላጎት በተሟላ ሁኔታ መመለስ ላይ በትኩረት የሚሰራ ተቋም ነው!

የአብክመ ውኃ ልማት ፈንድ ጽ/ቤት

Address

Bahir Dar
088

Website

Alerts

Be the first to know and let us send you an email when Amhara Water Development Fund posts news and promotions. Your email address will not be used for any other purpose, and you can unsubscribe at any time.

Shortcuts

Share

Category