Saylem Woreda Communications

Call

Saylem Woreda Communications saylem woreda communication

የሕዝብ ተወካዮች ምክር ቤት በ1ኛ ልዩ ስብሰባው በቀረበ ረቂቅ አዋጅ ላይ እየተወያየ ነውአዲስ አበባ፣ መስከረም 27፣ 2019 (ኤፍ ኤም ሲ) የሕዝብ ተወካዮች ምክር ቤት በፌደራል መንግሥት ...
07/10/2026

የሕዝብ ተወካዮች ምክር ቤት በ1ኛ ልዩ ስብሰባው በቀረበ ረቂቅ አዋጅ ላይ እየተወያየ ነው

አዲስ አበባ፣ መስከረም 27፣ 2019 (ኤፍ ኤም ሲ) የሕዝብ ተወካዮች ምክር ቤት በፌደራል መንግሥት አስፈጻሚ አካላት ስያሜ፣ አደረጃጀት፣ ስልጣንና ተግባር ለመወሰን በቀረበው ረቂቅ አዋጅ ላይ እየመከረ ይገኛል።

ምክር ቤቱ እያካሄደ በሚገኘው 1ኛ ልዩ ስብሰባው የመንግሥት ተወካይ የተከበሩ አቶ ፍቃዱ ከተማ በረቂቅ አዋጁ አስፈላጊነት ላይ ማብራሪያ አቅርበዋል።

ከዚህ በፊት የነበሩት ሚኒስቴር መስሪያ ቤቶች 22 ሆነው እንደሚቀጥሉ በማብራሪያቸው ላይ አመልክተዋል።

በተጨማሪም ሁለት ሚኒስቴር መስሪያ ቤቶች ላይ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል።

ቀድሞ "የባህልና ስፖርት ሚኒስቴር" የነበረው "የባሕልና ቱሪዝም ሚኒስቴር" በሚል እንዲሁም ቀድሞ "የቱሪዝም ሚኒስቴር" የነበረው በአዲሱ "የባህልና ቱሪዝም ሚኒስቴር" በሚል መቋቋማቸው ተጠቁሟል።

በተጨማሪም ቀድሞ "የፕላንና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል የተቋቋመ ሲሆን፤ ቀድሞ "የትራንስፖርትና ሎጂስቲክስ ሚኒስቴር" የነበረው "የሎጂስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መስሪያ ቤቶቹ ላይ ማሻሻያው ያስፈለገው ይበልጥ ውጤታማ ለማድረግና ከተልዕኳቸው ጋር ለማጣጣም መሆኑም ተብራርቷል።

በረቂቅ አዋጁ ላይ የፕላንና ልማት ሚኒስትር ፍጹም አሰፋ (ዶ/ር) ማብራሪያ እያቀረቡ እንደሚገኙ ከምክር ቤቱ ያገኘነው መረጃ ያመለክታል፡፡

የታንዛኒያ ፕሬዚዳንት ሳሚያ ሱሉህ ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልእክት አስተላለፉ****************የታንዛኒያ ፕሬዚዳንት ሳሚያ ሱሉህ ሀሰን ጠቅላ...
06/10/2026

የታንዛኒያ ፕሬዚዳንት ሳሚያ ሱሉህ ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልእክት አስተላለፉ
****************

የታንዛኒያ ፕሬዚዳንት ሳሚያ ሱሉህ ሀሰን ጠቅላይ ሚኒስትር ዐቢይ አሕመድ (ዶ/ር) በሕዝብ ተወካዮች ምክር ቤት በድጋሚ የኢፌዴሪ ጠቅላይ ሚኒስትር ሆነው በመሰየማቸው በራሳቸው፣ በታንዛኒያ መንግሥትና ሕዝብ ስም የእንኳን ደስ አለዎት መልእክት አስተላልፈዋል።

ፕሬዚዳንቷ በመልእክታቸው፤ ታንዛኒያ ከኢትዮጵያ ጋር ያላትን ታሪካዊና ዘርፈ-ብዙ ወዳጅነት ከፍተኛ ዋጋ እንደምትሰጠው ጠቁመዋል።

አክለውም መንግሥታቸው የሁለቱን ሀገራት የሕዝብ ለሕዝብ ትስስር፣ የጋራ ልማትና የቀጣናዊ ስትራቴጂካዊ ፍላጎቶች ይበልጥ ለማጠናከር ከኢትዮጵያ ጋር በቅርበት መስራቱን አጠናክሮ እንደሚቀጥል አረጋግጠዋል።

የጠቅላይ ሚኒስትር ዐቢይ አሕመድ (ዶ/ር) ዳግም መመረጥ ላሳዩት የላቀ የአመራር ጥበብና ኢትዮጵያን ወደተሻለ የከፍታና የዕድገት ደረጃ ለማሸጋገር ላላቸው ዘላቂ ራእይ የተሰጠ ታላቅ የመተማመኛ ማረጋገጫ መሆኑን ፕሬዚዳንት ሳሚያ ሱሉህ አብራርተዋል።

#የመደመርመንግሥት

“ጠቅላላ የሀገር ውስጥ ገቢ 1 ትሪሊዮን 980 ቢሊዮን ብር ደርሷል”፦ ፕሬዚዳንት ታዬ አጽቀ ሥላሴኢትዮጵያ ውስጣዊና ውጫዊ ጫናዎችን በጽናት በመሻገር በታሪኳ ታይቶ የማይታወቅ ሁለንተናዊ የኢ...
06/10/2026

“ጠቅላላ የሀገር ውስጥ ገቢ 1 ትሪሊዮን 980 ቢሊዮን ብር ደርሷል”፦ ፕሬዚዳንት ታዬ አጽቀ ሥላሴ

ኢትዮጵያ ውስጣዊና ውጫዊ ጫናዎችን በጽናት በመሻገር በታሪኳ ታይቶ የማይታወቅ ሁለንተናዊ የኢኮኖሚ ልዕልና እና ተጨባጭ የማድረግ አቅም እያረጋገጠች መሆኗን የኢፌዴሪ ፕሬዚዳንት ታዬ አጽቀ ሥላሴ አስታወቁ።

ፕሬዚዳንቱ በ7ኛው የኢፌዴሪ የሕዝብ ተወካዮች እና የፌዴሬሽን ምክር ቤቶች የጋራ ስብሰባ መክፈቻ መርሐ ግብር ላይ ባደረጉት ታሪካዊ ንግግር፣ ሀገሪቱ ያስመዘገበችው ጠቅላላ የሀገር ውስጥ ገቢ 1 ትሪሊዮን 980 ቢሊዮን ብር መድረሱን ይፋ አድርገዋል።

ፕሬዚዳንት ታዬ አጽቀ ሥላሴ በመንግሥትና በሕዝብ የጋራ ትብብር የሚከናወኑ ፕሮጀክቶችና መርሐ ግብሮች ፍጹም ውጤታማ መሆናቸውን ጠቅሰው፤ የኢትዮጵያ አረንጓዴ ዐሻራ መርሐ ግብር የደን ሽፋን በከፍተኛ ደረጃ ማሳደጉን እንዲሁም ባጠረ ጊዜ ውስጥ ተጨባጭ ለውጥ ያስመዘገቡት የከተሞች የተቀናጀ የዝመናና የኮሪደር ልማት ፕሮጀክቶች በዓለም አቀፍ ደረጃ እንደ አብነት የሚጠቀሱ ስኬቶች መሆናቸውን ገልጸዋል።

መንግሥት ያወጣቸውን ዕቅዶች በቁርጠኝነት ለመፈጸም መትጋቱ እና ማኅበረሰቡም ያለ ስስት ሐሳቡን፣ ዕውቀቱንና ጉልበቱን ማበርከቱ ለዚህ የላቀ ውጤታማነት ወሳኝ ሚና መጫወቱን አብራርተዋል።

የኢትዮጵያን የዕድገት እርምጃ እና ግስጋሴ በሚቆጠሩና በሚለኩ ጠንካራ አመላካቾች ማሳየት እንደሚገባ ያነሱት ፕሬዚዳንት ታዬ፣ የ2018 ዓመታዊ የሰብል ምርት ከሰባት ዓመታት በፊት ከነበረበት 335 ሚሊዮን ኩንታል ወደ 1.3 ቢሊዮን ኩንታል ማደጉን አመልክተዋል።

ይህ ስኬት ተራ እመርታ ብቻ ሳይሆን የኢትዮጵያን ታላቅ የማድረግ ልዕልና የሚያረጋግጥና ሊሞገስ የሚገባው ሁነኛ ድል መሆኑን አጽንኦት ሰጥተዋል።

በተጨማሪም የወጪ ንግድ ገቢ በሀገሪቱ ታሪክ ለመጀመሪያ ጊዜ 11.2 ቢሊዮን ዶላር መድረሱን፣ የውጭ ቀጥተኛ ኢንቨስትመንት 4.5 ቢሊዮን ዶላር ማስመዝገቡን፣ የአምራች ኢንዱስትሪ ዕድገት በ15.8 በመቶ ከፍ ማለቱን፣ የብድር አቅርቦት ወደ 1.3 ትሪሊዮን ብር ማደጉን እንዲሁም የዋጋ ግሽበት በግንቦት ወር 2018 ዓ.ም ወደ 13.4 በመቶ ዝቅ እንዲል መደረጉን በዋነኛ ማሳያነት ዘርዝረዋል።

ይህ ታሪካዊ ውጤት የበርካታ ዜጎች ዕውቀት፣ ላብና ጉልበት የፈሰሰበት መሆኑን ያስታወሱት ፕሬዚዳንት ታዬ አጽቀ ሥላሴ፤ ድሉ የተመዘገበው በርካታ ውስጣዊና ውጫዊ ጫናዎችን በጽናት በመቋቋም መሆኑን አስገንዝበዋል።

አክለውም ኢትዮጵያ ያቀደችው ዕድገት ጊዜያዊ ፈተናዎችን በብቃት የሚሻገር ብቻ ሳይሆን፣ የሀገሪቱን ዘላቂ የኢኮኖሚ ሉዓላዊነት በተግባር ለማረጋገጥ የሚያስችል ተጨማሪ አቅምና ብቃት መፍጠሩን አረጋግጠዋል።

ሰንቃ ወደፊት የምትገሰግሰው ኢትዮጵያ፣ በልጆቿ ጥረትና በጽኑ ተቋማዊ አቅሟ ማንኛውንም የኢኮኖሚ ሴራና ጫና በመበጣጠስ የከፍታ ማማዋን ማረጋገጧን እንደምትቀጥል በፕሬዚዳንቱ ንግግር በድምቀት ተመላክቷል።

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ ባስተላለፉት መልዕክት ያነሷቸው ዋና ዋና ነ...
06/10/2026

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ ባስተላለፉት መልዕክት ያነሷቸው ዋና ዋና ነጥቦች፦

👉 የታክስ መሰረትን በማዘመን እዳን ወግ ባለው መልኩ ማስተዳደር እንዲሁም የመንግሥት ወጪና ገቢን በአግባቡ የመቆጣጠር አቅም ያድጋል፤

👉 በፌደራል መንግሥትና በክልሎች መካከል ያለው የስራ ቅንጅትና የአፈጻጸም ሁነት የተባበረ፣ የተደጋገፈ፣ ቀልጣፋ እና እንከን አልባ እንዲሆን ይደረጋል፤

👉 የኢትዮጵያን የውጭ ግንኙነት ከተቀባይነት ወደ ተጽእኖ ፈጣሪነት የሚያሸጋግር በተለይም ወዳጆችን በማበርከት የሚተጋ፣ የደመኝነት እይታ ያላቸውን ደግሞ የሚመክር፣ ለሰላምና ለኢኮኖሚያዊ ትስስር ምንጊዜም ቅድሚያ የሚሰጥ ተነሳሽነቶች ያሉትና ዓለም አቀፍ ተቀባይነታችንን የሚያሳድግ ይሆናል፤

👉 በማህበራዊ፣ ኢኮኖሚያዊና አገልግሎት ዘርፍ ከፍ ያለ እመርታ ከምናስመዘግብባቸው ዘርፎች መካከል የሀገራችን የኤሌክትሪክ ተደራሽነት ወደ 65 በመቶ የሚያድግ ይሆናል፤
የውሃ ተጠቃሚነት በስፋት እንዲያድግ ይደረጋል፤
የጤና መድህን ሽፋን ወደ 85 በመቶ ያድጋል፤
የደን ሽፋን አሁን ካለበት 26 በመቶ ከፍ እንዲል ይደረጋል፤
የመሶብ አገልግሎት ማዕከላት ቁጥር እንዲበራከትና ከፍ እንዲል ይደረጋል፤
የተማሪዎች ምገባ ሽፋንም 70 በመቶ እንዲደርስ ይሰራል።

👉 የሀገራችን የፍትህ ዘርፍ የበለጠ እንዲዘምን፤ በሀገራዊ ምክክር የቀረቡ ምክረ ሀሳቦች ወደ ትግበራ እንዲገቡ ይደረጋል።

👉 አስተማማኝ የባሕር በር መሻታችን በጋራ ጥቅም፤ ሰጥቶ በመቀበልና በሰላማዊ መንገድ እውን እንዲሆን ጥረት ይደረጋል፡፡

👉 አጠቃላይ የታክስ ገቢ ከጠቅላላ የሀገር ውስጥ ምርት አንጻር ወደ 9 ነጥብ 26 በመቶ ከፍ እንዲል ይደረጋል፤ የዋጋ ግሽበት ወደ ነጠላ አሀዝ እንዲወርድ አጠቃላይ የታክስ ገቢም ከፍ እንዲል ይደረጋል፡፡

👉 በዓለም መድረክ ኢትዮጵያ ሀላፊነት የተቀበለችው የኮፕ-32 ዝግጅት ሀገራችን ለጉዳዩ ያላትን ከፍ ያለ የሀሳብና የተግባር ተርታ በዓለም ፊት የምታሳይበት በመሆኑ በቁም ነገር ጉዳዮች መሰናዶ ዝግጅት የተዋጣለትና ተጠቃሽ ጉባኤ እንዲሆን ይሰራል፡፡

#ኢትዮጵያ #ትልቅሀገር #ትልቅሕዝብ #ታላቅርዕይ

መሪ ህልም ያለው፤ አሻግሮ የሚመለከት፤ ያለፈውን ታሪክ በጥንካሬና በድክመት ያጤነ፤ የመሻገርያ መንገዱን በተገቢው የቀመረ ፤ ሰርቶ ማሰራት የሚችል መሪ፤ ዘመኑን የዋጀ ሆኖ ሲገለጥ ምዕተ አመ...
06/10/2026

መሪ ህልም ያለው፤ አሻግሮ የሚመለከት፤ ያለፈውን ታሪክ በጥንካሬና በድክመት ያጤነ፤ የመሻገርያ መንገዱን በተገቢው የቀመረ ፤ ሰርቶ ማሰራት የሚችል መሪ፤ ዘመኑን የዋጀ ሆኖ ሲገለጥ ምዕተ አመት ሳያስፈልግ በሰባት እና ስምንት አመት የሃምሳ አመት ታሪክን ይቀይራል። ርዕሰ መስተዳድር ፍቅሬ አማን በfacebook ገፃቸው ካሰፈሩት,,,,

የሶማሊያ ፕሬዚዳንት ለጠቅላይ ሚኒስትር ዐቢይ (ዶ/ር) የእንኳን ደስ አለዎት መልዕክት አስተላለፉ አዲስ አበባ፣ መስከረም 25፣ 2019 (ኤፍ ኤም ሲ) የሶማሊያ ፕሬዚዳንት ሀሰን ሼክ መሐሙድ...
05/10/2026

የሶማሊያ ፕሬዚዳንት ለጠቅላይ ሚኒስትር ዐቢይ (ዶ/ር) የእንኳን ደስ አለዎት መልዕክት አስተላለፉ

አዲስ አበባ፣ መስከረም 25፣ 2019 (ኤፍ ኤም ሲ) የሶማሊያ ፕሬዚዳንት ሀሰን ሼክ መሐሙድ ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልዕክት አስተላልፈዋል፡፡

ፕሬዚዳንቱ ባስተላለፉት መልዕክት ጠቅላይ ሚኒስትር ዐቢይ (ዶ/ር) በድጋሚ በመመረጣቸው ልባዊ ደስታ እንደተሰማቸው ገልጸው፤ በአዲሱ የሥራ ዘመንዎ ስኬትን እመኛለሁ ብለዋል።

በሶማሊያ እና በኢትዮጵያ መካከል ያለውን ግንኙነት ለማጠናከር እንዲሁም ለሕዝቦቻችንና ለአፍሪካ ቀንድ ቀጣና ሰላም፣ መረጋጋትና የጋራ ብልጽግናን ለማስፈን በቅርበት ለመስራት ዝግጁ መሆናቸውን አረጋግጠዋል፡፡

#የመደመርመንግሥት #ኢትዮጵያ #ትልቅሀገር #ትልቅሕዝብ #ታላቅርዕይ

በእመቤት ሲሳይ

"ከፍ ብለን ካላየን የመንደር እና የሰፈር ጉዳዮች ግዙፍ ይሆኑብናል” - ጠቅላይ ሚኒስትር ዐቢይ አሕመድ (ዶ/ር)ጠቅላይ ሚኒስትር ዐቢይ አሕመድ (ዶ/ር) ለሕዝብ ተወካዮች ምክር ቤት አባላት ...
05/10/2026

"ከፍ ብለን ካላየን የመንደር እና የሰፈር ጉዳዮች ግዙፍ ይሆኑብናል” - ጠቅላይ ሚኒስትር ዐቢይ አሕመድ (ዶ/ር)

ጠቅላይ ሚኒስትር ዐቢይ አሕመድ (ዶ/ር) ለሕዝብ ተወካዮች ምክር ቤት አባላት ባደረጉት ንግግር ሀገራዊ ዕይታችንን ከፍ ማድረግ ካልቻልን አናሳ የሆኑ የአካባቢ፣ የሰፈር እና የመንደር ጉዳዮች ግዙፍ ሆነው እንደሚታዩን ተናግረዋል።

ጠቅላይ ሚኒስትሩ እንደተናገሩት በጠበበ ኩሬ ውስጥ እንደሚዋኝ አሳ አስተሳሰባችን እና ዕይታችን ከዕለት ወደ ዕለት እያነሰ እንዳይሄድ መፍትሔው ጠባቡን አስተሳሰብ በሰፊ ዓለም አቀፋዊ እይታ መተካት ነው።

ሰዎች የሥጋት እና የጠበበ አስተሳሰብ ሰለባ ሳይሆኑ አቅም እና አቋማቸውን አስተካክለው ለታላቅ ዓላማ መዘጋጀት እንዳለባቸውም አስገንዝበዋል።

ኢትዮጵያ ወደ ዓለም አቀፉ ሥርዓት ስትቀላቀል ማንነቷን አጥታ እና አናሳ ሆና ሳይሆን፣ ራሷን አግዝፋ ዓለምን የምትለውጥ ሀገር መሆን እንዳለባት ጠቁመዋል።

ዓባይ ንጹሕ ሆኖ ተነሥቶ ወደ ሜዲትራኒያን ባሕር ሲቀላቀል ጨዋማ እንደሚሆነው፣ ኢትዮጵያም በዓለም አቀፉ ሥርዓት ውስጥ ተዋሂዳ ማንነቷን ልታጣ እንደማይገባ ተናግረዋል።

ሀገራችን በርካታ እምቅ ሀብቶች እና የዘመናት ሥልጣኔ እያላት ለድህነት የተዳረገችው ባልተቋረጡ ሀገራዊ ተቃርኖዎች ምክንያት መሆኑን ጠቅሰዋል።

አንዱ ትውልድ የገነባውን ሌላው የሚያፈርሰው እና ከዜሮ የሚጀምረው አዙሪት ሊቆም እንደሚገባም አጽንዖት ሰጥተዋል።

የሥራ ዕድል መፍጠር፣ የመብራት እና የውኃ አገልግሎት ማሟላት፣ የቤት ችግርን መቅረፍ እና ኢንቨስትመንትን ማፋጠን ጠቃሚ መንገዶች እንጂ የመጨረሻ መዳረሻዎች እንዳልሆኑ ገልጸዋል።

የኢትዮጵያ እና የዜጎቿ ዘላቂ ችግሮች ሊፈቱ የሚችሉት አዲስ የኢትዮጵያ ሥልጣኔ ሲገነባ ብቻ መሆኑንም ጠቅላይ ሚኒስትር ዐቢይ አስገንዝበዋል።

ለዚህም ሁሉም ዜጋ ትኩረቱን በትልቁ ሀገራዊ ግብ ላይ በማድረግ በቁርጠኝነት እንዲነሣ ጥሪ አቅርበዋል።

"በሕጋዊ ምርጫ እምነት ጥለው በድምፃቸው ቅቡል መንግሥት ለማፅናት በተግባር ለታመኑ 54 ሚሊዮን ዜጎቻችን ከልብ የመነጨ ምስጋናዬን ለማቅረብ እወዳለሁ" ጠቅላይ ሚኒስትር ዐቢይ አሕመድ (ዶ/ር...
05/10/2026

"በሕጋዊ ምርጫ እምነት ጥለው በድምፃቸው ቅቡል መንግሥት ለማፅናት በተግባር ለታመኑ 54 ሚሊዮን ዜጎቻችን ከልብ የመነጨ ምስጋናዬን ለማቅረብ እወዳለሁ"

ጠቅላይ ሚኒስትር ዐቢይ አሕመድ (ዶ/ር)

! ! !

ወ/ሮ አየለች እሸቴ የሕዝብ ተወካዮች ምክር ቤት ምክትል አፈ ጉባኤ ሆነው ተሰየሙ*********************7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥ...
05/10/2026

ወ/ሮ አየለች እሸቴ የሕዝብ ተወካዮች ምክር ቤት ምክትል አፈ ጉባኤ ሆነው ተሰየሙ
*********************

7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባ እየተካሄደ ነው።

በዚህም ወ/ሮ አየለች እሸቴን የምክር ቤቱ ምክትል አፈ ጉባኤ አድርጎ ሰይሟል።

! ! !

ዐቢይ አሕመድ (ዶ/ር) የኢፌዴሪ ጠቅላይ ሚኒስትር ሆነው ተሰየሙ**********************የሕዝብ ተወካዮች ምክር ቤት እያካሄደ ባለው 7ኛው ዙር 1ኛ ዓመት የሥራ ዘመን የመንግሥት መ...
05/10/2026

ዐቢይ አሕመድ (ዶ/ር) የኢፌዴሪ ጠቅላይ ሚኒስትር ሆነው ተሰየሙ
**********************

የሕዝብ ተወካዮች ምክር ቤት እያካሄደ ባለው 7ኛው ዙር 1ኛ ዓመት የሥራ ዘመን የመንግሥት መመሥረቻ 1ኛ መደበኛ ስብሰባ ዐቢይ አሕመድን (ዶ/ር) የኢፌዴሪ ጠቅላይ ሚኒስትር አድርጎ ሰይሟል።

በዚህ የ7ኛ ዙር 1ኛ ዓመት የሥራ ዘመን ጉባኤ የመንግሥት መመሥረቻ ስብሰባ ላይ የተለያዩ ከፍተኛ የመንግሥት የሥራ ኃላፊዎች፣ የዲፕሎማቲክ ማኅበረሰብ አባላት እና ጥሪ የተደረገላቸው እንግዶች ታድመዋል።

! ! !

Address

Kafa Zone Saylem Woreda
Bonga

Telephone

+251910095551

Website

Alerts

Be the first to know and let us send you an email when Saylem Woreda Communications posts news and promotions. Your email address will not be used for any other purpose, and you can unsubscribe at any time.

Shortcuts

Share

Category