03/09/2026
የዳኝነት አገልግሎትን ወደ ተገልጋይ ለማቅረብና የመልካም አስተዳደር ችግሮችን ለመቅረፍ የባህል ፍርድ ቤት አገልግሎት ከፍተኛ ሚና እየተወጣ መሆኑ ተገለፀ።
የክልሉ ጠቅላይ ፍርድ ቤት የ2018 በጀት ዓመት ዕቅድ አፈፃፀምና የ2019 ዕቅድ ዙሪያ በሚዛን አማን ከተማ የምክክር መድረክ እያካሄደ ይገኛል።
የጠቅላይ ፍርድ ቤቱን የ2018 በጀት ዓመት ሪፖርት በጠቅላይ ፍርድ ቤት ምክትል ፕሬዚዳንት በክቡር አቶ ጥላሁን ታደመ በቀረበበት ወቅት እንደተገለፀው የዳኝነት አገልግሎቱን ነፃ ፍትሃዊና ተደራሽ ከማድረግ ባሻገር አገልግሎትን ለተገልጋይ ለማቅረብና የመልካም አስተዳደር ችግሮችን ከመቀነስ አንፃር የባህል ፍርድ ቤቶችና የማህበራዊ ፍርድ ቤቶች ከፍተኛ ድርሻ እየተወጡ መሆኑ ተመላክተዋል።
በክልሉ በ758 ቀበሌዎች ባህላዊ ፍርድ ቤቶች ተደራጅተው የዳኝነት አገልግሎት እየሰጡ ስሆን በዚህም በ2018 በጀት ዓመት 2693 መዝገቦች ቀርበው ለ2424 መዝገቦች ውሳኔ መሰጠቱንም ተገልፀዋል።
በ2018 በጀት ዓመት 506 አድስ ባህላዊ ፍርድ ቤቶችን ማደራጀት የተቻለ ስሆን በቀጣይ በሁሉም ቀበሌዎች ተደራሽ በማድረግ የፍትህ አገልግሎትን ወደማህበረሰቡ የማቅረብ ስራ ተጠናክሮ እንደምቀጥል ተገልጿል ።
ከባህል ፍርድ ቤት ባሻገር የማህበራዊ ፍርድ ቤቶች አደረጃጀት በአዋጅ ከተሻሻለ ወዲህ የአገልግሎት ጥራትና ቅልጥፍናን ማሳደግ እንደተቻለውም ተጠቁመዋል። በ2018 በጀት ዓመት በክልሉ ሁሉም ቀበሌ ማህበራዊ ፍርድ ቤቶች 16,816 መዝገቦች ቀርበው 15,109 መዝገቦች ውሳኔ እንዳገኙ ተገልጿል።
የባህል ፍርድ ቤቶችና ማህበራዊ ፍርድ ቤቶች የማህበረሰቡን እሴት የጠበቁ በመሆናቸው ውጤታማነታቸው የተመሰከረ ስሆን የመደበኛ ፍርድ ቤት አገልግሎት ጫናን በከፍተኛ ደረጃ እየቀነሱ መሆናቸውም ተመላክተዋል።
በክልሉ በ2018 በጀት ዓመት ቀርቦ ውሳኔ ካገኙ 61 ሺህ 20 መዝገቦች ውስጥ 9878 መዝገቦች በኮንትሮባንድና ንግድ ጉዳዮች፣ግብርና ታክስ ማጭበርበር፣ህገወጥ የሰዎች ዝውውር፣ ደንና ሌሎች ተፈጥሮ ሀብት ውድመትና መሰል ትኩረት የሚሹ ጉዳዮች ላይ የተሰጠ ውሳኔ እንደሆነም ተገልጿል።
በቀረበው ሪፖርት መነሻ የጉባኤ ተሳታፊዎች በሰጡት አስተያየትም የታዩ ክፍተቶችን በማረምና መልካም ተሞክሮዎችን በማስፋፋት የዜጎችን የፍትህ የማግኘት መብት በአግባቡ ለመመለስ እንደሚሰሩ ገልጿል።
የክልሉ ጠቅላይ ፍርድ ቤት ፕሬዚዳንት ክቡር አቶ ቆጭቶ ገብረማርያም በሰጡት ማጠቃለያ መልዕክት የፍትህ አገልግሎት ተደራሽነት ጥራትና ቅልጥፍናን ለማረጋገጥ የተጀመሩ የቴክኖሎጂ ስርፀትን ተደራሽ ማድረግና ጥራታቸውን ከማስጠበቅ አንፃር ትኩረት ተደርጎ ይሰራል ብለዋል።
የፍትህ ዘርፉን አመኔታ ለማትረፍ የስነምግባር ጥሰቶች ላይ ጥብቅ ክትትልና እርምጃ እንደምኖር ያብራሩት ፕሬዝዳንቱ ጥሰት ውስጥ የሚሳተፉ የፍትህ አካላት ስገኙ ማህበረሰቡ በተለያየ መንገድ ጥቆማውን ልያደርስ ይገባል ብለዋል።
በ2019 በጀት ዓመት 68,279 መዝገቦች ቀርቦ ውሳኔ ይሰጥበታል ተብሎ የታቀደ ስሆን ለዕቅዱ ተፈፃሚነት የፍትህ አካላትና ሌሎች ባለድርሻ አካላት ጠንካራ ቅንጅት ልኖራቸው እንደሚገባም ተገልጿል።
በመጨረሻም በ2018 በጀት ዓመት የተሻለ ውጤት ላስመዘገቡ መዋቅሮች እውቅና የተበረከተ ስሆን በዚህም ካፋ ዞን ከፍተኛ ፍርድ ቤት 1ኛ ፤ ኮንታ ዞን ከፍተኛ ፍርድ ቤት ሁለተኛ እንድሁም ቤንች ሸኮ ዞን ከፍተኛ ፍርድ ቤት ሶስተኛ በመሆን እውቅናና ሽልማት ተበርክቶላቸዋል።
በንጉሴ ወልደየስ
በተለያዩ የማህበራዊ ሚዲያ አማራጮች መረጃዎችን ይከታተላሉን 👇
📌በፌስቡክ https://www.facebook.com/sowestcommunication/
📌በድረገጽ www.southwestcomunications.gov.et
📌በኢንስታግራም https://instagram.com/southwest_communications
📌በትዊተር twitter.com/sweprs
📌በቲክቶክ https://www.tiktok.com/.communi
📌በቴሌግራም https://t.me/Debubmierab
📌በዩቲዩብ youtube.com/
📌በዋትስአፕ
https://whatsapp.com/channel/0029VbAiSCpGE56ue7VyJJ3x
📌በሊንክደን
https://www.linkedin.com/company/southwest-communications/
📌በትሬድስ
https://www.threads.com/
📌በብሉ ስካይ
https://bsky.app/profile/swc79.. bsky.social
በደብልው ኤን ሶሻል
https://wnsocial.com/page/16775
