https://www.facebook.com/1614679661962436/

North Gondar Communication, North, Debark' (2026)

09/10/2026

የመደመር መንግሥት ምስረታ እንደቀጠለ ሲሆን፣ በዛሬው ዕለት፣ ጠቅላይ ሚኒስትር ዐቢይ አሕመድ (ዶ/ር) የሚከተሉትን ሹመቶች ሰጥተዋል፦

1. ክቡር ዳንኤል ክብረት - በጠቅላይ ሚኒስትር ጽሕፈት ቤት በሚኒስትር ማዕረግ - የዴሊቨሪ ክትትል ዘርፍ ኃላፊ

2. ክብርት አምባሳደር ናሲሴ ጫሊ - በጠቅላይ ሚኒስትር ጽሕፈት ቤት በሚኒስትር ማዕረግ - የENFI ክትትል ዘርፍ ኃላፊ

3. ዶ/ር ቢቂላ ሁሪሳ - በሚኒስትር ማዕረግ የዴሞክራሲ ሥርዓት ግንባታ አስተባባሪ

4. አቶ ፍሰሃ ደሳለኝ - በሚኒስትር ማዕረግ የዴሞክራሲ ሥርዓት ግንባታ አስተባባሪ

5. ዶ/ር ደረጀ ድጉማ - በሚኒስትር ማዕረግ የዴሞክራሲ ሥርዓት ግንባታ አስተባባሪ

6. አቶ ተስፋሁን ጎበዛይ - በሚኒስትር ማዕረግ የዴሞክራሲ ሥርዓት ግንባታ አስተባባሪ

7. አቶ ሀብታሙ ሲሳይ - በሚኒስትር ማዕረግ የዴሞክራሲ ሥርዓት ግንባታ አስተባባሪ

#መደመርመንግሥት

prosperity party

09/10/2026

በዞናችን የተጀመሩ የግንባታ ፕሮጀክቶችን አፈጻጸም ለማሻሻል በልዩ ትኩረት እንሰራለን። (አቶ ደጀን ግርማዉ የሰሜን ጎንደር ዞን ዋና አስተዳዳሪ)

መስከረም 29/2019 ዓ.ም (ሰሜን ጎንደር ኮሙኒኬሽን)

በሰሜን ጎንደር ዞን ዋና አስተዳዳሪ ደጀን ግርማዉ የተመራ የከፍተኛ አመራሮች ቡድን በደባርቅ ከተማ በ145 ሚሊዮን ብር በዘመን ኮንስትራክሽን ድርጅት እየተገነባ የሚገኘውን የገበያ ማዕከል የደረሰበትን ደረጃ የመስክ ምልከታ ተደርጓል።

በመስክ ምልከዉ ተገኝተው ንግግር ያደረጉት የዞኑ አስተዳዳሪ የሰሜን ጎንደር ዞን የመሠረተ ልማትና የመልካም አስተዳደር ችግሮች ያሉበት አካባቢ ነዉ። ዞኑ ባለፉት አመታት በሰሜኑ ጦርነት ምክንያት ክፉኛ ተጎድቷል። በርካታ መሠረተ ልማቶችም ወድመዉበታል። ይሄን ተከትሎ ወደ ዞኑ የሚገቡ የመሰረተ ልማት ግንባታዎችን ለማሻሻል በመተጋገዝ እና በመተባበር ማስፈጸም ያስፈልጋል።

የፕሮጀክቶችን የመፈጸም አቅም ለማሳደግ የበጀት እና ሌሎች ተያያዥ ድጋፎችን ማሟላት ይጠበቅብናል። ለዚህም በትኩረት እንሰራለን። የማህበረሰቡን ተጠቃሚነት ለማረጋገጥ የሚገጥሙ ችግሮችን በመፍታት በምክንያት ሳንታጠር መስራት ይኖርብናል ብለዋል።

የግንባታውን ሂደት ያስረዱት የፕሮጀክቱ አማካሪ መሃንዲስ ኢንጂነር ሙሌ ነጋ የገበያ ማዕከሉ ሲጠናቀቅ የኢንዱስትሪ እና የግብርና ዉጤቶች መሸጫ አገልግሎት ይሰጣል። ሰኔ መጨረሻ አካባቢ የተጀመረ ሲሆን አሁን ላይ 20 በመቶ አፈጻጸም ደርሷል። እሰከ ጥር ለማጠናቀቅ እየተሰራ ነዉ ብለዋል።

ግንባዉን በበላይነት የሚከታተሉት የንግድና ገበያ ልማት መምሪያ ኃላፊ አቶ ጌታቸው አማረ የአማራ ክልል በሰባት ዞኖች የኑሮ ዉድነትን ለመቆጣጠር የሚያስችል ዘመናዊ የገበያ ማዕከል መፍጠር አንዱ ኢኒሸቲቭ አድርጎ በመንቀሳቀስ በመቀናጆ በጀት (Matching fund) ለመገንባት በስራ ላይ ነዉ። አፈጻጸሙም ከሌሎች ዞኖች ጋር ሲወዳደር የተሻለ ነዉ። በሶስት ወራት 20% ደርሷል፤ እስከ ጥር ተጠናቅቆ ለገበያ አገልግሎት ክፍት ለማድረግ እየተሰራ ነዉ ሲሉ ገልጸዋል።

የደባርቅ ከተማ ከንቲባ ጌትነት ጸጋዬ በበኩላቸው ፕሮጀክቱ የግንባታ ሂደት የደረሰበትን ደረጃ አድንቀው የፕሮጀክቱ ባለቤት እንደመሆናችን መጠን የማጠናቀቂያ በጀት በተመለከተ የበጀት እጥረት ቢኖርብንም፤ የገባነውን ቃል ለመፈጸም ወደኋላ አንልም። ይሄንን ቃላችን አክብረን ፕሮጀክቱ በተያዘለት የጊዜ ገደብ እንዲጠናቀቅና አገልግሎት እንዲሰጥ እየሰራን ነዉ ሲሉ አክለዋል።

08/10/2026

እራሱን ፋኖ ብሎ በሚጠራው ቅጥረኛ ላይ እርምጃ ተወሰደ፡፡
የሰ/ጎን/ዞን/ፖ/ሚ/ኮ/ ክፍል መስከረም 28/2019 ዓ.ም
የአማራ ህዝብ ተቆርቋሪ አድርጎ እራሱን የሚጠራው የጽንፈኛው የፋኖ ቡድን የሻቢያንና የህወሃትን ተልዕኮ ለማስፈጸም ሲል በህዝብ ላይ ገደብ የለሽ ወንጀሎችንና ዝርፊያዎችን እየፈጸመ ይገኛል፡፡
ይህ ሃይል ከታሪካዊና ከስትራቴጅዊ ጥላቶቻችን የተሰጠውን ተልእኮ በመቀበል በሰን/ጎን/ዞን ዳባት ወረዳ ለመውረር መስከረም 27/2019 ዓ.ም አሰፍስፎ ቢመጣም በአገር መከላከያ ሰራዊትና በወረዳው የጸጥታ ኃይል በተወሰደበት እርምጃ 08 የቡድኑ አባላት እርምጃ ሲወሰድባቸው 09 አባላቱ ደግሞ እንደቆሰሉበት የሰ/ጎ/ዞን/ፖ/መምሪያ አዛዥ ኮ/ር ምህረት መለሰ ገልጸውልናል፡፡
በተወሰደው እርምጃም የቡድኑ አመራርና አባላት ላይ ክፍኛ እንደተጎዱበትና ቁስለኛውንና ሙቱን አጠባጥቦ እንደፈረጠጠ የታወቀ ሲሆን እርምጃ ከተወሰደባቸው አባላት ውስጥ
1ኛ. አለምነው ካሴ በእነሱ አጠራር ሻንበል መሪ
2ኛ. አማን አበራ
3ኛ. መብት ጥላዬ
4ኛ. ምህረት
5ኛ. አስፋው ሙሉዓለም
6ኛ. ባዬ መስፍን
7ኛ. ስንለው እና ለጊዜው አንድ ስሙ ያለተወቀ የሞተ እንዳለም ለማወቅ ተችሏል፡፡
ይህ ጽንፈኛ ሃይል በዳባት ወረዳ ተደጋጋሚ ጊዜ ትንኮሳ በማድረግ የህዝብን ሰላም በማወክ ህዝብን ለችግር እንደደረገ እንደነበረ የገለጹት አዛዡ በአገር መከላከያ ሰራዊትና በጸጥታ ሃይላችን ብርቱ ክንድ እየተመታ በመጣበት ተመልሷል ብለዋል፡፡
ይህንን ተላላኪ ሃይል አይቀጡ ቅጣት በመቅጣት አኩሪ ገድል እየፈጸሙ ላሉት ለአገር መከላከያ ሰራዊትና ለወረዳው የጸጥታ ሃይል ምስጋናቸውን ያቀረቡት አዛዡ የወረዳው ህዝብ እስካሁን ያገኘውን አንጻራዊ ሰላም ለማጽናት ከጸጥታ ሃይሉ ጎን በመሰለፍ የበኩላቸውን ድርሻ እንዲወጡ ጥሪያቸውን አቅርበዋል፡፡

08/10/2026

"አዲሱ የሹመት አወቃቀር ኢትዮጵያ የሁሉም ብሔር ብሔረሰቦች የጋራ ሀገር መኾኗን መሠረት ያደረገ ነው" ጠቅላይ ሚኒስትር ዐቢይ አሕመድ (ዶ.ር)

ሰባተኛው የሕዝብ ተወካዮች ምክር ቤት አንደኛ ዓመት የሥራ ዘመን አንደኛ መደበኛ ሥብሠባውን አካሂዷል።

ምክር ቤቱ ጠቅላይ ሚኒስትር ዐቢይ አሕመድ (ዶ.ር) ያቀረቧቸውን ሚኒስትሮች ሹመት አጽድቋል።

ጠቅላይ ሚኒስትር ዐቢይ አሕመድ (ዶ.ር) አዲሱን የመደመር ካቢኒያቸውን ሲያዋቅሩ የአሥፈጻሚ አካላት አሠራር ከዝምድና እና ከወገንተኝነት የጸዳ፣ በብቃት እና በሕዝብ ፍላጎት ላይ ብቻ የተመሠረተ መኾኑን ተናግረዋል።

አደረጃጀቱ የዴሞክራሲን እና የመልካም አሥተዳደር መርኾዎችን በማስቀደም፣ ሚኒስትሮች ለሚሠሩት ሥራ ሙሉ ኀላፊነት እንዲወስዱ እና ተጠያቂ እንዲኾኑ የሚያስገድድ መኾኑን ገልጸዋል። ጥብቅ ክትትል እና ግምገማ እንደሚደረግ፣ ክፍተቶች ሲገኙም ሕጋዊ እርምት እንደሚወሰድም አስጠንቅቀዋል።

የካቢኒውን ስብጥር የብሔር፣ የጾታ እና የሃይማኖት ሚዛንን ፍጹም በኾነ ሁኔታ ማሟላት ፈታኝ መኾኑን ተናግረዋል። በተለይ የሴቶችን ተሳትፎ በማሳደግ ረገድ የተሠራውን በመልካም ጎኑ አንስተዋል።

አዲሱ የሹመት አወቃቀር ኢትዮጵያ የሁሉም ብሔር ብሔረሰቦች የጋራ ሀገር መኾኗን መሠረት ያደረገ መኾኑንም አስገንዝበዋል። ሀገራዊ አንድነትን በማጎልበት እና በጋራ በመቆም ሀገሪቱን ወደተሻለ የዕድገት ምዕራፍ ማሸጋገር እንደሚገባ ጥሪያቸውን አስተላልፈዋል።

፣ 🇪🇹🇪🇹

✍️ በስማቸው አጥናፍ

#አሚኮ

08/10/2026

አቶ ተመስገን ጥሩነህ የኢፌዴሪ ምክትል ጠቅላይ ሚኒስትር ሆነው በመሾም ቃለ መሐላ ፈፀሙ

Amhara Communication

08/10/2026

ጠቅላይ ሚኒስትር ዐቢይ አሕመድ (ዶ.ር) ለተለያዩ የሥራ ኀላፊዎች ሹመት ሰጡ።

ጠቅላይ ሚኒስትር ዐቢይ አሕመድ (ዶ.ር) ከዛሬ ጀምሮ ለተለያዩ የሥራ ኀላፊዎች ሹመት ሰጥተዋል።

1. አቶ አደም ፋራህ በምክትል ጠቅላይ ሚኒስትር ማዕረግ የዴሞክራሲ ሥርአት ግንባታ አሥተባባሪ

2. አምባሳደር በትረ መንግሥቱ የጠቅላይ ሚኒስትር ጽሕፈት
ቤት ኀላፊ እና የካብኔ ጉዳዮች ሚኒስትር

3. ወይዘሮ እናትዓለም መለስ የመንግሥት ኮሙዩኒኬሽን አገልግሎት ሚኒስትር

4. አቶ ፍቃዱ ተሰማ የመንግሥት ዋና ተጠሪ ሚኒስትር
Amhara communication

08/10/2026

የሕዝብ ተወካዮች ምክርቤት 22 የካቢኔ አባላትን ሹመት አፀደቀ!

የሕዝብ ተወካዮች ምክር ቤት በ7ኛ የስራ ዘመን 1ኛ መደበኛ ስብሰባው በጠቅላይ ሚኒስትር ዐቢይ አሕመድ (ዶ/ር) የቀረቡ 22 የካቢኔ አባላትን ሹመት መርምሮ አጽድቋል።

በዚህ መሠረት፦

1. ፍጹም አሰፋ (ዶ/ር) የገንዘብ ሚኒስትር፣

2. ፕሮፌሰር ብርሃኑ ነጋ የትምህርት ሚኒስትር ፣

3. አቶ አዲሱ አረጋ የግብርና ሚኒስትር፣

4. አቶ መሐመድ እድሪስ የመከላከያ ሚኒስትር፣

5. ጌዲዮን ጢሞቲዮስ (ዶ/ር) የውጭ ጉዳይ ሚኒስትር፣

6. ሀብታሙ ኢተፋ (ዶ/ር) የውኃ እና ኢነርጂ ሚኒስትር፣

7. ወ/ሮ ሃና አርአያ ሥላሴ የፍትሕ ሚኒስቴር፣

8. ፍስሐ ይታገሱ (ዶ/ር) የኢንዱስትሪ ሚኒስትር፣

9. ወ/ሮ ያስሚን ወሀቢረቢ የንግድ እና ቀጣናዊ ትሥሥር ሚኒስትር፣

10. አቶ አወሉ አብዲ የሥራ እና ክህሎት ሚኒስትር፣

11. ወ/ሮ ሸዊት ሻንካ የሴቶች እና ማኅበራዊ ጉዳይ ሚኒስትር፣

12. አቶ ሙሳ አደም የሰላም ሚኒስትር፣

13. ፍሬሕይወት ታምሩ የኢኖቬሽን እና ቴክኖሎጂ ሚኒስትር፣

14. ዓለምፀሐይ ጳውሎስ የማዕድን ሚኒስትር፣

15. ኢንጂነር ሙሐመድ አብዱራህማን የከተማ እና መሠረተ ልማት ሚኒስትር፣

16. አቶ ሳዳት ነሻ የሎጂስቲክስ ሚኒስትር፣

17. አቶ በረከት ፍስሐፅዮን የብሔራዊ ስትራቴጂ ሚኒስትር፣

18. ወ/ሮ ዓይናለም ንጉሤ የገቢዎች ሚኒስትር፣

19. ዶ/ር መቅደስ ዳባ የጤና ሚኒስቴር፣

20. ወ/ሮ ሰላማዊት ካሳ የባሕልና ቱሪዝም ሚኒስቴር፣

21. ሱልጣን ወሌ (ዶ/ር ኢንጂነር) የመስኖ እና ቆላማ አካባቢዎች ሚኒስትር፣

22. (ዶ/ር) አክሊሉ ታደሰ የወጣቶችና ስፖርት ሚኒስቴር ሆነው ተሹመዋል።
Amhara Communication

07/10/2026

የሕዝብ ተወካዮች ምክር ቤት በረቂቅ አዋጅ ላይ እየተወያየ ነው።

7ኛው የኢፌዴሪ የሕዝብ ተወካዮች ምክር ቤት ዛሬ እያካሄደው በሚገኘው 1ኛ ልዩ ስብሰባው በፌዴራል መንግሥት አሥፈጻሚ አካላት ስያሜ፣ አደረጃጀት፣ ሥልጣን እና ተግባር ለመወሰን በቀረበ ረቂቅ አዋጅ ላይ እየመከረ ይገኛል።

የምክር ቤት አባል እና የመንግሥት ተወካይ የኾኑት ፍቃዱ ተሰማ ከዚህ በፊት በነበሩት 22 አሥፈጻሚ አካላት ላይ የቁጥር ልዩነት እንደሌለ እና ከቁጥር አንጻር ሚኒስቴር መሥሪያ ቤቶች በነበሩበት 22 ኾነው እንደሚቀጥሉ ገልጸዋል።

ይህም ኾኖ በሁለት ሚኒስቴር መሥሪያ ቤቶች ላይ ብቻ የስያሜ ለውጥ መደረጉን እና ሁለት ሚኒስቴሮች አንደ አዲስ መቋቋማቸውን አብራርተዋል።

እንደ አዲስ የተቋቋሙት ሁለት ሚኒስቴር መሥሪያ ቤቶች ቀድሞ "የባሕል እና ስፖርት ሚኒስቴር" የነበረው እና ቀድሞ "የቱሪዝም ሚኒስቴር" የነበረው በአዲሱ "የባሕል እና ቱሪዝም ሚኒስቴር" በሚል መቋቋማቸው ተጠቁሟል።

በተጨማሪም ቀድሞ "የፕላን እና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል እና ቀድሞ "የትራንስፖርት እና ሎጀስቲክስ ሚኒስቴር" የነበረው "የሎጀስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መሥራያ ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እና ከተልዕኳቸው ጋር ለማጣጣም መኾኑም ተብራርቷል።

በረቂቅ አዋጁ ላይ የፕላን እና ልማት ሚኒስትሯ ፍጹም አሰፋ (ዶ.ር) ለምክር ቤቱ ሰፋ ያለ ማብራሪያ እያቀረቡ እንደሚገኙ ከሕዝብ ተወካዮች ምክር ቤት የተገኘው መረጃ ያመለክታል።

ትልቅ ሀገር፣ ትልቅ ሕዝብ፣ ታላቅ ርዕይ 🇪🇹🇪🇹

አሚኮ

07/10/2026

የስሜን ተራሮች ብሔራዊ ፓርክን እና የጨነቅ መድኃኔዓለም ገዳምን በጋራ ለማስቀጠል ውይይት ተደረገ።

መስከረም 27 ቀን 2019 ዓ.ም (በሰሜን ጎንደር ኮሙዩኒኬሽን)

በሰሜን ጎንደር ዞን የሚገኘው፣ የሕዝብና የመንግሥት ንብረት የሆነው የስሜን ተራሮች ብሔራዊ ፓርክን መጠበቅ የሁሉም ዜጋ ግዴታ መሆኑ ተገልጿል። ጉዳዩን አስመልክቶ ከሀገር ሽማግሌዎች፣ ከሚመለከታቸው አካላት፣ ከፓርክ ሠራተኞች፣ ከዞን አመራሮች እና ከገዳሙ አባቶች ጋር ጥልቅ ውይይት ተካሂዷል።

በውይይቱ ላይ የገዳሙ ሕልውና በአደጋ ላይ ሳይወድቅ እንዴት ሊጠበቅ እንደሚገባ ውይይት የተደረገ ሲሆን ነገር ግን በቤተክርስቲያን ስም ፓርኩን በቆርቆሮና በጎጆ ቤት ማጨናነቅ ከሕግ ውጭ መሆኑ በአጽንኦት ተገልጿል። ፓርኩም ሆነ ገዳሙ የየራሳቸውን ታሪካዊ ቅርሶች ጠብቀው በጋራ ሊዘልቁ እንደሚገባ ተመላክቷል።

በመድረኩ ተሳታፊዎች ቁልፍ ነጥቦች የተነሱ ሲሆን በፓርኩ ዙሪያ ጠበልተኛ መስፈር እንደሌለበት እና በዋሻዎች አጠገብ መጠለያዎች መገንባት እንደማይገባቸው፣ ዋሊያንና ሌሎች ብዝሃ-ሕይወትን ለመታደግ ደኑን መጠበቅ፣ ከንክኪ ማዳን እና ሕገ-ወጥ ቤት ግንባታዎችን ማስቆም፣ ፓርኩን እንደገና ለአደጋ መዝገብ (በዝብሪት) እንዳይዳርግ የሃይማኖት አባቶች፣ ማኅበረሰቡ እና ባለድርሻ አካላት በትብብር ሊጠብቁት እንደሚገባ ገልጸዋል።

የሰሜን ጎንደር ሀገረ ስብከት የገዳማት ክፍል ኃላፊ ርዑሰ ርዑሳን ቆሞስ አባ ተክለሃይማኖት ኃይለማርያም የፓርኩ ጉዳይ የሕልውና ጉዳይ መሆኑን አንስተው ዘላቂ መፍትሔ ለማምጣት ጥናታዊ ጽሑፍ እየተዘጋጀ መሆኑን ገልጸዋል። ከማኅበረሰቡ ጋር ግጭት ሊፈጥሩ ከሚችሉ ድርጊቶች በመታቀብ ጥናቱና ውይይቱ እንዲቀድም ሀሳብ አቅርበዋል።

የስሜን ተራሮች ብሔራዊ ፓርክ ጽሕፈት ቤት ኃላፊ አቶ ማሩ ቢያድግልኝ ፓርኩ የሚተዳደርበትን አዋጅ፣ ሕግ፣ ደንብና ዓለም አቀፍ ስምምነቶች መሠረት በማድረግ መሠራት እንዳለበት አሳስበዋል። ሕግን ለማስከበር ኃላፊነት ቢኖርም ከማኅበረሰቡ ጋር በውይይት መፈታት እንዳለበት ተናግረዋል።

የዞኑ ፍትሕ መምሪያ ኃላፊ አቶ ነጋ ሲሳይ በበኩላቸው ከፓርኩ ሕልውና ጋር የማይጋጭ እና ከገዳሙ ጋር ሊስማማ የሚችል መፍትሔ የሚያመጣ ጥናታዊ ጹሑፍ ለማዘጋጀት ከዩኒቨርሲቲ ምሁራን መገኘት እንዳለበትም ጠቁመዋል። የፓርኩን ሕልውና መጠበቅ ሲገባ ፓርኩን ለማጥፋት ሙከራ ማድረግ የሽብር ወንጀል መሆኑንም አስገንዝበዋል።

መድረኩን የመሩትየሰሜን ጎንደር ዞን ብልጽግና ፓርቲ ጽሕፈት ቤት ኃላፊ አቶ አደራጀው ባዘዘው በፓርኩ ውስጥ የሚገኘውን የጨነቅ መድኃኔዓለም ገዳም በተመለከተ የተፈጠረውን ብዥታ ግልጽ ለማድረግ ውይይቱ መዘጋጀቱን ተናግረዋል።

"ሳይቃጠል በቅጠል" እንዲሉ አበው ፓርኩ በድጋሜ አደጋ መዝገብ እንዲወድቅ አንፈቅድምም ብለዋል። እንዲሁም በፓርኩ ዙሪያ የጠበልተኛ መጠለያ መኖር እንደሌለበት እና በተዛባ መልእክት ሰው ደም እንዲፋሰስ የሚደረጉ እንቅስቃሴዎች ተገቢ እንዳልሆኑ እና እንዲቆሙም አሳስበዋል።

05/10/2026

ዐቢይ አሕመድ (ዶ.ር) የኢፌዴሪ ጠቅላይ ሚኒስትር ኾነው ተሾሙ።

የኢትዮጵያ ፌዴራላዊ ዴሞክራሲያዊ ሪፐብሊክ 7ኛው የሕዝብ ተወካዮች ምክር ቤት 1ኛ ዓመት የሥራ ዘመን የምክር ቤቱ መመሥረቻ 1ኛ መደበኛ ስብሰባውን ማካሄድ ጀምሯል።

ምክር ቤቱ ዐቢይ አሕመድን (ዶ.ር) የኢፌዴሪ ጠቅላይ ሚኒስትር አድርጎ ሾሟል።

ጠቅላይ ሚኒስትር ዐቢይ አሕመድ (ዶ.ር) በ2010 ዓ.ም ወደ ሥልጣን ከመጡ በኋላ በርካታ ስኬታማ ተግባራትን ሠርተዋል።

ሀገር በቀል የመደመር የፖለቲካ እሳቤ አዲስ የፖለቲካ ባሕል እንዲኾን አስችለዋል።

የጥል ግድግዳ እናፍርስ፤ የፍቅር ድልድይ እንገንባ በሚለው መርሐቸው ለዓመታት ተራርቀው የነበሩ ፖለቲከኞችን አገናኝተዋል። በሥልጣን ዘመናቸው ተፎካካሪ የፖለቲካ ፓርቲ መሪዎች በሀገሪቱ ሥልጣን እንዲይዙ እና ሀገር እንዲያገለግሉ አድርገዋል።

በከፍተኛ ችግር ውስጥ የነበረውን የሕዳሴ ግድብ ከችግር በማውጣት እንዲጠናቀቅ አመራር ሰጥተዋል። ከሕዳሴው ግድብ መጠናቀቅ ማግስት ታላላቅ ፕሮጄክቶችን አስጀምረዋል።

በአረንጓዴ አሻራ መርሐ ግብር በዓለም ላይ አዲስ ታሪክ አጽፈዋል። ኢትዮጵያን ከግብርና መር ኢኮኖሚ ወደ ብዝኃ ኢኮኖሚ በማሸጋገር አስደናቂ የኢኮኖሚ እድገት እንዲኖራት አድርገዋል። በከተማ እና በገጠር ኮሪደር ልማቶች የኢትዮጵያን ገጽታ በከፍተኛ ሁኔታ ቀይረዋል። የኢትዮጵያን ከተሞች ከተጎሳቆሉበት አውጥተው ወደ ውብ እና ሳቢ ገጽታ መልሰዋል።

ኢትዮጵያ የስንዴን ምርት ከውጭ መቀበል አቁማ ለውጭ ገበያ የምታቀርብ ሀገር ያደረጓት በእርሳቸው የሥልጣን ዘመን ነው። በሌማት ቱሩፋት መርኃ ግብርም በእንስሳት ሃብት ሀገሪቱ በታሪኳ አይታው የማታውቀውን እድገት እና ለውጥ አምጥተዋል።

ጠቅላይ ሚኒስትሩ የጀመሯቸው ታላላቅ ሀገራዊ ሥራዎችን ያሳኩ ዘንድ በድጋሜ በጠቅላይ ሚኒስትርነት ኢትዮጵያን እንዲመሩ ተሹመዋል።

ትልቅ ሀገር፣ ትልቅ ሕዝብ፣ ታላቅ ርዕይ 🇪🇹

prosperity party

North Gondar Communication

09/10/2026

09/10/2026

08/10/2026

08/10/2026

08/10/2026

08/10/2026

08/10/2026

07/10/2026

07/10/2026

05/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request